Connect with us

Football

എഡിന്‍സന്‍ കവാനി അന്താരാഷ്ട്ര ഫുട്ബാളില്‍നിന്ന് വിരമിച്ചു

അര്‍ജന്റീനിയന്‍ ബൊക്ക ജൂനിയേഴ്‌സ് മുന്നേറ്റ താരമായ കവാനി ഉറുഗ്വായ് ദേശീയ ടീമിനായി 14 വര്‍ഷത്തെ കരിയറില്‍ 136 മത്സരങ്ങളില്‍നിന്ന് 58 ഗോളുകള്‍ നേടിയിട്ടുണ്ട്.

Published

on

ഉറുഗ്വായിയുടെ സൂപ്പര്‍ സ്‌ട്രൈക്കര്‍ എഡിന്‍സന്‍ കവാനി അന്താരാഷ്ട്ര ഫുട്ബാളില്‍നിന്ന് വിരമിച്ചു. കോപ്പ അമേരിക്ക ടൂര്‍ണമെന്റ് പടിവാതില്‍ക്കല്‍ എത്തിനില്‍ക്കെയാണ് 37കാരനായ കവാനി വിരമിക്കല്‍ പ്രഖ്യാപിച്ചത്.അര്‍ജന്റീനിയന്‍ ബൊക്ക ജൂനിയേഴ്‌സ് മുന്നേറ്റ താരമായ കവാനി ഉറുഗ്വായ് ദേശീയ ടീമിനായി 14 വര്‍ഷത്തെ കരിയറില്‍ 136 മത്സരങ്ങളില്‍നിന്ന് 58 ഗോളുകള്‍ നേടിയിട്ടുണ്ട്.

ഉറുഗ്വായിക്കായി ഏറ്റവും കൂടുതല്‍ ഗോളടിച്ചവരുടെ പട്ടികയില്‍ രണ്ടാം സ്ഥാനത്താണ് കവാനി. സൂപ്പര്‍താരം ലൂയിസ് സുവാരസാണ് ഒന്നാമത്. ഇന്‍സ്റ്റഗ്രാമിലൂടെയാണ് താരം വിരമിക്കല്‍ പ്രഖ്യാപിച്ചത്. 2022 ലോകകപ്പിനുശേഷം താരം ദേശീയ ടീമിനായി കളിച്ചിട്ടില്ല. പി.എസ്.ജി, മാഞ്ചസ്റ്റര്‍ യുനൈറ്റഡ് ക്ലബുകള്‍ക്കായി പന്തു തട്ടിയിട്ടുണ്ട്. 2008ല്‍ കൊളംബിയക്കെതിരെ സൗഹൃദ മത്സരത്തിലാണ് ദേശീയ ടീമിനായി അന്താരാഷ്ട്ര അരങ്ങേറ്റം കുറിക്കുന്നത്. നാലു ലോകകപ്പില്‍ ടീമിനായി കളിച്ചു.

ദക്ഷിണാഫ്രിക്കയില്‍ നടന്ന 2010ലെ ലോകകപ്പില്‍ സെമി ഫൈനലിലെത്തിയ ഉറുഗ്വായ് ടീമില്‍ അംഗമായിരുന്നു. 2011 കോപ്പ അമേരിക്ക കിരീടം നേടിയ ടീമിലും കവാനി ഉണ്ടായിരുന്നു. ‘ഇന്ന് എന്റെ വാക്കുകള്‍ വളരെ കുറവാണെങ്കിലും ആഴമേറിയതാണ്. വര്‍ഷങ്ങളായി ഈ യാത്രയുടെ ഭാഗമായ ഓരോ വ്യക്തികള്‍ക്കും നന്ദി. ഈ ലോകത്ത്, ഞാന്‍ ഏറ്റവും കൂടുതല്‍ ഇഷ്ടപ്പെടുന്ന എന്റെ രാജ്യത്തെ പ്രതിനിധീകരിച്ച് ജഴ്‌സി ധരിക്കാനായതില്‍ അന്നും എന്നും അനുഗ്രഹിക്കപ്പെട്ടവനായിരിക്കും’ -ഇന്‍സ്റ്റഗ്രാം കുറിപ്പില്‍ കവാനി പറഞ്ഞു.

എത്ര അത്ഭുതകരമായ വര്‍ഷങ്ങളായിരുന്നു കടന്നുപോയത് എന്നതില്‍ സംശയമില്ല. എനിക്ക് പറയാനും ഓര്‍ക്കാനും ഒരായിരം കാര്യങ്ങള്‍ ഉണ്ട്, കരിയറിലെ ഈ പുതിയ ഘട്ടത്തിനായി സമര്‍പ്പിക്കുകയാണ്. ഒടുവില്‍ മാറിനില്‍ക്കാന്‍ തീരുമാനിച്ചിരിക്കുന്നു, പക്ഷേ ഹൃദയമിടിപ്പ് തുടരുകയാണ്.

ആരാധകരെ ശക്തമായ ആലിംഗനം ചെയ്യുന്നുവെന്നും താരം കുറിപ്പില്‍ പറയുന്നു. 2022 ലോകകപ്പിലെ ഗ്രൂപ്പ് ഘട്ടത്തില്‍ ഘാനക്കെതിരെയാണ് താരം അവസാനമായി ദേശീയ ടീമിനായി കളിച്ചത്. ഉറുഗ്വായ് പിന്നാലെ പുറത്താകുകയും ചെയ്തു. ജൂണ്‍ 23ന് പനാമക്കെതിരെയാണ് കോപ്പ അമേരിക്ക ടൂര്‍ണമെന്റില്‍ ഉറുഗ്വായിയുടെ അരങ്ങേറ്റ മത്സരം.

Football

സാവിഞ്ഞോയെ പൊക്കി സിറ്റി; ബ്രസീല്‍ താരം എത്തുന്നത് വന്‍ തുക പ്രതിഫലത്തില്‍

ജിറോണയെ ലാലിഗയില്‍ മൂന്നാം സ്ഥാനത്തെത്തിക്കുന്നതില്‍ താരം നിര്‍ണായക പങ്കുവഹിച്ചിരുന്നു.

Published

on

ബ്രസീലിയന്‍ താരം സാവിഞ്ഞോയെ സ്വന്തമാക്കി ഇംഗ്ലീഷ് വമ്പന്മാരായ മാഞ്ചസ്റ്റര്‍ സിറ്റി. ഫ്രഞ്ച് ക്ലബ് ട്രോയസിന്റെ താരമായിരുന്ന സാവീഞ്ഞോ കഴിഞ്ഞ സീസണില്‍ ലോണില്‍ ജിറോണക്ക് വേണ്ടി കളിക്കുകയായിരുന്നു. ജിറോണയെ ലാലിഗയില്‍ മൂന്നാം സ്ഥാനത്തെത്തിക്കുന്നതില്‍ താരം നിര്‍ണായക പങ്കുവഹിച്ചിരുന്നു. സീസണില്‍ 11 ഗോള്‍ നേടുകയും 10 അസിസ്റ്റുകള്‍ നല്‍കുകയും ചെയ്ത 20കാരനെ 40 ദശലക്ഷം യൂറോ മുടക്കിയാണ് സിറ്റി സ്വന്തമാക്കിയത്.

ലോകത്തെ മികച്ച ടീമാണ് മാഞ്ചസ്റ്റര്‍ സിറ്റിയെന്നും എക്കാലത്തെയും മികച്ച പരിശീലകരിലൊരാളായ പെപ് ഗാര്‍ഡിയോളക്ക് കീഴില്‍ കളിക്കാന്‍ അവസരം ലഭിക്കുന്നതില്‍ ആവേശഭരിതനാണെന്നും വിംഗറായ സാവിഞ്ഞോ പ്രതികരിച്ചു.

2022ല്‍ ട്രോയസില്‍ ചേരുന്നതിന് മുമ്പ് ബ്രസീല്‍ ക്ലബ് അത്‌ലറ്റികോ മിനെയ്‌റോയിലായിരുന്നു സാവിയോ എന്ന് വിളിപ്പേരുള്ള സാവിഞ്ഞോ. ഇംഗ്ലണ്ടിനെതിരായ മത്സരത്തില്‍ ബ്രസീലിനായി അരങ്ങേറിയ സാവിഞ്ഞോ കഴിഞ്ഞ കോപ അമേരിക്കയില്‍ പരാഗ്വെക്കെതിരായ ഗ്രൂപ്പ് മത്സരത്തില്‍ ആദ്യ ഗോളും സ്വന്തമാക്കിയിരുന്നു.

Continue Reading

Football

നിക്കോ വില്യംസിനെ തട്ടകത്തിലെത്തിക്കാന്‍ ബാഴ്സ; ചര്‍ച്ചകള്‍ ആരംഭിച്ചെന്ന് റിപ്പോര്‍ട്ട്

സ്‌പെയിനിനൊപ്പം യുവേഫ യൂറോപ്യന്‍ ചാമ്പ്യന്‍ഷിപ്പ് നേടിയ മികച്ച കാമ്പെയ്‌നിന് ശേഷം അത്‌ലറ്റിക് ക്ലബില്‍ നിന്ന് ക്യാമ്പ് നൗവിലേക്ക് മാറാന്‍ 22- കാരന്‍ താല്‍പ്പര്യപ്പെടുന്നുവെന്ന് ആണ് റിപ്പോര്‍ട്ടുകള്‍.

Published

on

സ്‌പെയിനായി യൂറോ കപ്പില്‍ സ്റ്റാര്‍ ആയ നിക്കോ വില്യംസിനെ സ്വന്തമാക്കാനായി ബാഴ്‌സലോണ ചര്‍ച്ചകള്‍ ആരംഭിച്ചു. യൂറോപ്യന്‍ ചാമ്പ്യന്‍ഷിപ്പില്‍ സ്പെയിനിന്റെ കിരീടനേട്ടത്തില്‍ നിര്‍ണായകപങ്കുവഹിച്ച താരങ്ങളിലൊരാളാണ് 22കാരനായ നിക്കോ. ഇതിനുപിന്നാലെയാണ് താരത്തെ തട്ടകത്തിലെത്തിക്കാന്‍ ബാഴ്സ ശ്രമങ്ങള്‍ ഊര്‍ജിതമാക്കിയത്. സ്‌പെയിനിനൊപ്പം യുവേഫ യൂറോപ്യന്‍ ചാമ്പ്യന്‍ഷിപ്പ് നേടിയ മികച്ച കാമ്പെയ്‌നിന് ശേഷം അത്‌ലറ്റിക് ക്ലബില്‍ നിന്ന് ക്യാമ്പ് നൗവിലേക്ക് മാറാന്‍ 22- കാരന്‍ താല്‍പ്പര്യപ്പെടുന്നുവെന്ന് ആണ് റിപ്പോര്‍ട്ടുകള്‍.

ബാഴ്സലോണയുടെ സ്പോര്‍ട്ടിങ് ഡയറക്ടര്‍ ഡെക്കോയും നിക്കോയുടെ ഏജന്റ് ഫെലിക്സ് ടെന്റയും ചര്‍ച്ചകള്‍ നടത്തിവരുന്നെന്ന് പ്രശസ്ത സ്പോര്‍ട്സ് ജേണലിസ്റ്റ് ഫബ്രീസിയോ റൊമാനോ റിപ്പോര്‍ട്ട് ചെയ്തു.യൂറോ കപ്പിലെ വിജയത്തിന് ശേഷം അത്ലറ്റിക് ബില്‍ബാവോയുടെ താരമായ വില്യംസിനെ ലക്ഷ്യമിട്ട് നിരവധി ഇംഗ്ലീഷ് ക്ലബ്ബുകള്‍ രംഗത്തെത്തുന്നുണ്ട്. എന്നാല്‍ ക്യാംപ്നൗവിലേക്ക് മാറാന്‍ തന്നെയാണ് നിക്കോയും താല്‍പ്പര്യപ്പെടുന്നതായാണ് റിപ്പോര്‍ട്ടുകള്‍.

നിക്കോയുടെ റിലീസ് ക്ലോസായി 58 മില്ല്യണ്‍ യൂറോയാണ് അത്ലറ്റിക് ക്ലബ്ബ് മുന്നോട്ടുവെക്കുന്നത്. ഇതുമാത്രമാണ് ബാഴ്സയ്ക്ക് മുന്നിലുള്ള പ്രധാന കടമ്പ. പുതിയ പരിശീലകന്‍ ഹാന്‍സി ഫ്ളിക്കും താരത്തെ ടീമിലെത്തിക്കാനായുള്ള പരിശ്രമത്തിലാണ്. നിക്കോയുടെ സുഹൃത്തും സ്പാനിഷ് ടീമിലെ സഹതാരവുമായ ലാമിന്‍ യമാലും ബാഴ്‌സയിലാണുള്ളത്. നിക്കോയും ക്യാംപ്നൗവിലെത്തിയാല്‍ യൂറോ കപ്പില്‍ സ്‌പെയിനിന്റെ മുന്നേറ്റനിരയിലെ കിടിലന്‍ കോമ്പോ ബാഴ്‌സയിലും കാണാനാവും.

Continue Reading

Football

മെസ്സിയുടെ പാത പിന്തുടര്‍ന്ന് ലാമിന്‍ യമാല്‍; ബാഴ്സയില്‍ ഇനി 19-ാം നമ്പര്‍ ജഴ്സി അണിയും

മെസ്സിയെ കൂടാതെ പാട്രിക് ക്ലൂയിവര്‍ട്, സെര്‍ജിയോ അഗ്യൂറോ എന്നീ താരങ്ങളും ഈ ഐക്കോണിക് നമ്പര്‍ ജഴ്‌സിയാണ് അണിഞ്ഞിരുന്നത്.

Published

on

എഫ്സി ബാഴ്സലോണയില്‍ 19-ാം നമ്പര്‍ ജഴ്സി തിരഞ്ഞെടുത്ത് കൗമാരതാരം ലാമിന്‍ യമാല്‍. വരാനിരിക്കുന്ന 2024-25 സീസണിലാണ് ബാഴ്സയുടെ 19-ാം നമ്പര്‍ ജഴ്സി യമാല്‍ അണിയുക. വീഡിയോയിലൂടെയാണ് തങ്ങളുടെ പുതിയ 19-ാം നമ്പറിനെ ബാഴ്സ പ്രഖ്യാപിച്ചത്. ഇതിഹാസതാരം ലയണല്‍ മെസ്സി ബാഴ്സലോണയില്‍ തുടക്ക കാലത്ത് അണിഞ്ഞ ജഴ്സിയാണിത്. മെസ്സിയെ കൂടാതെ പാട്രിക് ക്ലൂയിവര്‍ട്, സെര്‍ജിയോ അഗ്യൂറോ എന്നീ താരങ്ങളും ഈ ഐക്കോണിക് നമ്പര്‍ ജഴ്‌സിയാണ് അണിഞ്ഞിരുന്നത്.

2024 യൂറോ കപ്പില്‍ സ്പെയിനിന് വേണ്ടിയും യമാല്‍ 19-ാം നമ്പര്‍ ജഴ്സിയിലാണ് ഇറങ്ങിയത്. ടൂര്‍ണമെന്റില്‍ മികച്ച പ്രകടനം കാഴ്ചവെച്ച് ലോകശ്രദ്ധ പിടിച്ചുപറ്റിയ കൗമാരതാരമാണ് യമാല്‍. സ്പെയിനിന്റെയും ബാഴ്സയുടെയും ഫുട്ബോള്‍ ഭാവിയായി വാഴ്ത്തപ്പെടുകയാണ് ഈ 17കാരന്‍. യൂറോ കപ്പില്‍ സ്പെയിനിന്റെ കിരീടനേട്ടത്തില്‍ പ്രധാന പങ്ക് വഹിച്ച താരമാണ് യമാല്‍.

2024 യൂറോ കപ്പിലെ മികച്ച യുവതാരമായി തിരഞ്ഞെടുക്കപ്പെട്ടതും യമാലാണ്. ടൂര്‍ണ്ണമെന്റിലുടനീളം മികച്ച പ്രകടനം കാഴ്ച്ച വെച്ച യമാല്‍ നാല് അസിസ്റ്റുകളും ഒരു ഗോളും നേടി. ഫൈനലില്‍ സ്‌പെയിനിന്റെ ആദ്യ ഗോള്‍ പിറന്നത് യമാലിന്റെ അസിസ്റ്റില്‍ നിന്നായിരുന്നു.

Continue Reading

Trending