Connect with us

Video Stories

ഇന്ത്യന്‍ നഭസ്സിലെ തിങ്കള്‍ തിളക്കം

Published

on

ഇന്ത്യന്‍ ബഹിരാകാശ ദൗത്യത്തിലെ ഇതിഹാസ മുഹൂര്‍ത്തങ്ങളിലൊന്നായിരിക്കുകയാണ് 2019 ജൂലൈ 22. മനുഷ്യന്‍ ചന്ദ്രനില്‍ കാലുകുത്തിയ കാലത്ത് ശാസ്ത്രലോകത്ത് അത്രയൊന്നും ഗണിക്കപ്പെടാതിരുന്ന ദരിദ്ര കോടികളുടെ ഇന്ത്യ അതിന്റെ സുവര്‍ണ ജൂബിലി വര്‍ഷത്തില്‍ അവിടേക്ക് രണ്ടാം ഗവേഷണപേടകത്തെ സ്വന്തമായി വിക്ഷേപിച്ചിരിക്കുന്നു. മൂന്നു ലോകവന്‍ ശക്തികള്‍മാത്രം കൈവരിച്ച നേട്ടത്തിലേക്ക് ലോകത്തിന്റെ നാലാം ശൂന്യാകാശക്കുതിപ്പ്. കഴിഞ്ഞ ഒന്നര വര്‍ഷത്തെ കഠിനാധ്വാനത്തിനൊടുവില്‍ രാജ്യം ചന്ദ്രനിലേക്ക് രണ്ടാം യാനത്തെ വിട്ടയച്ചിരിക്കുന്നു- ചന്ദ്രയാന്‍-2. അതിസമ്പന്നര്‍ മുതല്‍ ദരിദ്രനാരായണന്മാര്‍വരെ അടങ്ങിയ 130 കോടിയിലധികം ജനതയുടെ കീശയിലെ ആയിരം കോടിയോളം രൂപയുപയോഗിച്ച് രാജ്യം നേടിയത് തങ്കലിപികളില്‍ രേഖപ്പെടുത്തപ്പെട്ട ചരിത്രസാക്ഷ്യം. അഭിമാനിക്കാം ഓരോഭാരതീയനും. തിങ്കളാഴ്ച ഉച്ചതിരിഞ്ഞ് 2.43ന് ആന്ധ്രപ്രദേശിലെ ശ്രീഹരിക്കോട്ടയിലുള്ള സതീഷ്ധവാന്‍ ബഹിരാകാശ ഗവേഷണ കേന്ദ്രത്തില്‍നിന്ന് കുതിച്ച ഇന്ത്യയുടെ രണ്ടാം ചാന്ദ്രപര്യവേക്ഷണ പേടകം 15 മിനിറ്റിനകം ഭൂമിയുടെ ഭ്രമണപഥത്തിലേക്ക് വിജയകരമായി പ്രവേശിച്ചതായി ഇന്ത്യന്‍ ബഹിരാകാശ ഗവേഷണ സംഘടനാ ( ഐ.എസ്.ആര്‍.ഒ) തലവന്‍ കെ.ശിവന്‍ ഔദ്യോഗികമായി വെളിപ്പെടുത്തിയിരിക്കുന്നു. ഇന്ത്യയുടെ ചരിത്രക്കുതിപ്പാണിതെന്ന് പറഞ്ഞ അദ്ദേഹം, ഇതിനുപിന്നില്‍ സ്വന്തം താല്‍പര്യങ്ങളെല്ലാം ത്യജിച്ച് അഹോരാത്രം പ്രവര്‍ത്തിച്ച ചന്ദ്രയാന്‍-2 സംഘത്തിനും ശാസ്ത്രസാങ്കേതിക വ്യാവസായിക ലോകത്തിനും നന്ദി അറിയിച്ചിരിക്കുന്നു. തീര്‍ച്ചയായും ഈ ദൗത്യ വിജയത്തിന് ഓരോ ഇന്ത്യക്കാരനും കെ. ശിവനും അദ്ദേഹത്തിന്റെ സഹപ്രവര്‍ത്തകര്‍ക്കും അപരിമേയമായ നന്ദിയും അഭിനന്ദനവും തിരിച്ചുംപകരാം. പ്രഥമ പ്രധാനമന്ത്രി പണ്ഡിറ്റ് ജവഹര്‍ലാല്‍ നെഹ്‌റുവിന്റെ ശാസ്ത്രചിന്തയും ഗവേഷണത്തിനായി വന്‍തുക നീക്കിവെച്ചതും ഈ അവസരത്തില്‍ സ്മരിക്കാം.
ഇന്ത്യയുടെ ചന്ദ്രയാന്‍ -2 ദൗത്യത്തിന്റെ സവിശേഷത അതിന്റെ ഒന്നാംഘട്ടത്തിലെ വിജയംകൂടി പരിഗണിച്ചുള്ളതാണ്. 2008 ഒക്ടോബറില്‍ നാമയച്ച ചന്ദ്രയാന്‍-1 ചന്ദ്രോപരിതലത്തിലെ പല പ്രത്യേകതകളും ശാസ്ത്രലോകത്തിന് എത്തിച്ചുതരികയുണ്ടായി. അവിടെ ജലാംശത്തിന്റെ ലക്ഷണമുണ്ടായിരുന്നുവെന്നതായിരുന്നു അതിലൊന്ന്. ആ ഗവേഷണ പേടകം ഒരുവര്‍ഷത്തിനകം ചന്ദ്രോപരിതലത്തില്‍നിന്ന് കാണാതാവുകയായിരുന്നു. പിന്നീടാണ് രണ്ടാം ദൗത്യത്തെക്കുറിച്ച് നാം ഗൗരവമായി ചിന്തിക്കുന്നതും അതിനുള്ള പ്രായോഗിക നടപടികള്‍ സ്വീകരിക്കുന്നതും. 2108ല്‍ രണ്ടാം ദൗത്യം വിക്ഷേപിക്കാമെന്നായിരുന്നു കണക്കുകൂട്ടിയിരുന്നതെങ്കിലും പല കാരണങ്ങളാല്‍ അതസാധ്യമായി. പിന്നീട് ഇക്കഴിഞ്ഞ ജൂലൈ 15ന് പുലര്‍ച്ചെ 2.15ന് ചന്ദ്രയാന്‍ -2 വിക്ഷേപിക്കാനായിരുന്നു പദ്ധതി. ഇതിനായി അര്‍ധരാത്രിവരെ മുന്നൊരുക്കങ്ങള്‍ നടത്തിയെങ്കിലും അവസാനനിമിഷം വിക്ഷേപണം മാറ്റിവെക്കേണ്ടിവരികയായിരുന്നു. ക്രയോജനിക് എഞ്ചിനിലേക്കുള്ള ഹീലിയം വാതകം ചോര്‍ന്നതായിരുന്നു കാരണം. രാഷ്ട്രപതി രാംനാഥ്‌കോവിന്ദ് പോലും സ്ഥലത്തെത്തിയശേഷമായിരുന്നു പിന്‍വാങ്ങല്‍. എന്നാല്‍ ഇന്നലത്തെ വിക്ഷേപണത്തിന്റെ തീയതി 18നുതന്നെ നിശ്ചയിക്കാന്‍ അവര്‍ക്കായി. അതനുസരിച്ച് വിദഗ്ധരും സാങ്കേതിക പ്രവര്‍ത്തകരും ശാസ്ത്രകുതുകികളും സാധാരണക്കാരും ഉള്‍പ്പെടെ നിരവധി പേര്‍ ഇന്നലെ ശ്രീഹരിക്കോട്ടയിലെത്തിയതും അവരെ ശാസ്ത്രലോകം സര്‍വാത്മനാ സ്വാഗതം ചെയ്തതും ഇന്ത്യയുടെ ശാസ്ത്ര സാങ്കേതികരംഗം എത്രകണ്ട് ജനകീയമാണെന്നതിനുള്ള ദൃഷ്ടാന്തമാണ്.
മിനിറ്റുകള്‍ക്കകംതന്നെ ജി.എസ്.എല്‍.വി മാര്‍ക്ക് മൂന്നിന്റെ ‘ബാഹുബലി’ എന്നു പേരുള്ള ഗവേഷണ പേടകം ഭൂമിയെ വലംവെച്ചുതുടങ്ങുകയും വൈകാതെ ഐ.എസ്.ആര്‍.ഒയുടെ നിരീക്ഷണ കേന്ദ്രത്തിലേക്ക് സിഗ്നലുകള്‍ എത്തിച്ചുതുടങ്ങുകയും ചെയ്തിരിക്കയാണ്. ഇതിലുള്ള ആഹ്ലാദം സംഘാടകര്‍ എണീറ്റുനിന്ന് കയ്യടിച്ചും പരസ്പരം കെട്ടിപ്പുണര്‍ന്നും പ്രകടിപ്പിക്കുകയുണ്ടായി. രാഷ്ട്രപതിയും പ്രധാനമന്ത്രിയും വിജയശില്‍പികളെ അനുമോദിച്ചു. ബഹിരാകാശ ഗവേഷണ രംഗത്ത്, വിശേഷിച്ചും ചാന്ദ്രപര്യവേക്ഷണത്തിന് ലോക ജനതക്ക് വന്‍മുതല്‍കൂട്ട് തന്നെയാണ് ഈ വിജയം. ഇന്ത്യ സ്വന്തമായി വികസിപ്പിച്ച സാമഗ്രികളാണ് ഇതില്‍ ഉപയോഗിച്ചവയെല്ലാം എന്നതുകൊണ്ട് വിശേഷിച്ചും. ഇനി 48-ാം ദിവസം വിക്രം എന്ന ലാന്‍ഡറും പ്രജ്ഞാന്‍ എന്ന റോവറുമാണ് ചന്ദ്രന്റെ ഉപരിതലത്തില്‍ പ്രത്യേകം പ്രത്യേകമായി വലംവെച്ചിറങ്ങുക. ഇതിലെ ക്യാമറകള്‍ അതിനകംതന്നെ ചന്ദ്രോപരിതലത്തിലെ ചിത്രങ്ങള്‍ അയച്ചുതുടങ്ങും. ഈ ദിവസംവരെ തീര്‍ച്ചയായും നിര്‍ണായകവുമാണ്. ഓര്‍ബിറ്റ് ഹൈ റെസലൂഷന്‍ ക്യാമറകളാണ് ചിത്രങ്ങള്‍ പകര്‍ത്താനായി ഉപയോഗിച്ചിരിക്കുന്നത്. ചാന്ദ്രയാന്‍ രണ്ടിന്റെ പ്രാധാന്യം, സോഫ്റ്റ്‌ലാന്‍ഡിങ് സംവിധാനം ഉപയോഗിച്ചും ചന്ദ്രന്റെ ദക്ഷിണ ധ്രുവത്തിലുമാണ് ഉപഗ്രഹം ഇറങ്ങുക എന്നതാണ്. 36 കിലോമീറ്ററുകളോളം ആഴമുള്ള ഗര്‍ത്തങ്ങള്‍ ഉള്ള ഇടമാണിത്. ഇവിടേക്ക് അമേരിക്കയും റഷ്യയും ഉപഗ്രങ്ങള്‍ അയച്ചിട്ടില്ല എന്നതില്‍ നമുക്ക് പ്രത്യേകമായും അഭിമാനിക്കാം.
1969 ജൂലൈ 20നാണ് ആദ്യമായി മനുഷ്യന്‍ (നീല്‍ ആംസ്‌ട്രോങ്്) ചന്ദ്രനില്‍ കാലുകുത്തുന്നത്. അതിന് കൃത്യം അമ്പതുവര്‍ഷവും രണ്ടു ദിവസങ്ങള്‍ക്കുമിപ്പുറമാണ് ഇന്ത്യയുടെ രണ്ടാംചാന്ദ്രദൗത്യം. ഇതിനകം 12 പേരാണ് ചന്ദ്രനിലേക്ക് ചെന്നിട്ടുള്ളത്. അവരെല്ലാവരും അമേരിക്കക്കാരും. ഇന്ത്യയുടെ ചാന്ദ്രദൗത്യത്തിന്റെ അടുത്തപടി അവിടെനിന്ന് ശേഖരിക്കുന്ന വിവരങ്ങള്‍ മനുഷ്യകുലത്തിന് പുതിയ അറിവുകള്‍ പകരുന്നതിനും അവിടെ സ്വന്തമായൊരു സ്‌പേസ്‌സ്റ്റേഷന്‍ സ്ഥാപിക്കുന്നതിനും മനുഷ്യനെ അയക്കുന്നതിനുമാണ്. ചന്ദ്രനില്‍ ജലമുണ്ടെന്ന് തെളിയിക്കപ്പെട്ടാല്‍ അവിടെ ജീവനുണ്ടെന്നോ ഉണ്ടായിരുന്നുവെന്നോ കണ്ടെത്താനാകും. അനതിവിദൂര ഭാവിയില്‍ ഭൂമി നേരിടാനിരിക്കുന്ന വരള്‍ച്ചയും പ്രളയവുമൊക്കെ മനുഷ്യരെ മറ്റൊരു ജീവതാവളത്തിലേക്ക് ആകര്‍ഷിക്കുന്നുണ്ട്. ഇതിനായി രാജ്യങ്ങള്‍ തമ്മില്‍ മല്‍സരിക്കുകയാണിപ്പോള്‍. ബഹിരാകാശ ഗവേഷണത്തിന് സഹസ്ര കോടികള്‍ ചെലവഴിക്കുന്ന ഇന്ത്യയുടെ സാമൂഹികരംഗം ഇപ്പോള്‍ നേരിടുന്ന അശാസ്ത്രീയമായതും അസംസ്‌കാരികവുമായ പ്രവണതകളെ എങ്ങനെ തുടച്ചുമാറ്റാനാകും എന്നതാകണം ഇപ്പോള്‍ ഓരോ ഇന്ത്യക്കാരന്റെയും മനോമുകുരത്തില്‍ ഉയരേണ്ടത്. ചന്ദ്രയാന്‍ചിത്രങ്ങള്‍ക്കൊപ്പം കാണേണ്ടിവരുന്നത്് ആള്‍ക്കൂട്ടക്കൊലക്കിരയായ പട്ടിണിപ്പാവങ്ങളുടെ കബന്ധങ്ങള്‍. കഴിഞ്ഞ ഒരാഴ്ചക്കകം ഇരുപതോളംപേരാണ് രാജ്യത്ത് വെടിയേറ്റും മര്‍ദിച്ചും കൊല്ലപ്പെട്ടത്. ജലവും അമ്പിളിയുമൊക്കെ മനുഷ്യമനസ്സുകളെ സര്‍ഗമുഖരിതമാക്കേണ്ടകാലത്ത് പുരാണത്തിലെ ഇന്റര്‍നെറ്റിനെക്കുറിച്ചും റോക്കറ്റിനെക്കുറിച്ചുമൊക്കെ വായിട്ടലക്കുന്ന നാണംകെട്ട ഗതികേട്. രാജ്യത്തെ ഏതൊരു പൗരനും ശ്വസിക്കാനും ചരിക്കാനുമുള്ള സ്വാതന്ത്ര്യം അനുവദിക്കപ്പെടുമ്പോഴേ ചിരിക്കും ചിന്തക്കുമൊക്കെ പ്രസക്തിയുള്ളൂ. പാവങ്ങളില്‍ പാവപ്പെട്ടവനെ മനസ്സില്‍കണ്ടുവേണം ഏതൊരുപദ്ധതിയും ആവിഷ്‌കരിക്കാനെന്ന് ഉപദേശിച്ചൊരു മഹാത്മാവിന്റെ നാടാണിത്.

india

മണിപ്പൂര്‍ കലാപം; ബി.ബി.സി റെയ്ഡ് -കേന്ദ്ര സര്‍ക്കാറിനെതിരെ രൂക്ഷവിമര്‍ശനവുമായി അമേരിക്ക

ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു.

Published

on

മണിപ്പൂരിലെ വംശീയ സംഘർഷത്തിലടക്കം കേന്ദ്ര സർക്കാറിനെതിരെ രൂക്ഷ വിമർശനവുമായി അമേരിക്കൻ വിദേശകാര്യ വകുപ്പ്. ന്യൂനപക്ഷങ്ങൾ വലിയ പീഡനം മണിപ്പൂരിൽ നേരിട്ടുവെന്ന് യു.എസ് സ്റ്റേറ്റ് ഡിപാർട്മെന്‍റിന്‍റെ വാർഷിക മനുഷ്യാവകാശ വിശകലന റിപ്പോർട്ടിൽ പറയുന്നു. കേന്ദ്ര സർക്കാരിനെ വിമർശിക്കുന്ന മാധ്യമങ്ങൾ ഭീഷണി രാജ്യത്ത് നേരിടുകയാണെന്നും റിപ്പോർട്ടിൽ വിമർശനമുണ്ട്.

യു.എസ് സ്റ്റേറ്റ് ഡിപ്പാർട്ട്‌മെന്‍റ് തിങ്കളാഴ്ചയാണ് വാർഷിക മനുഷ്യാവകാശ വിശകലന റിപ്പോർട്ട് പ്രസിദ്ധീകരിച്ചത്. 200 രാജ്യങ്ങളിലെ മനുഷ്യാവകാശ പ്രശ്നങ്ങൾ ഉൾകൊള്ളുന്നതാണ് റിപ്പോർട്ട്. മണിപ്പൂരിലെ വംശീയ സംഘർഷം അടിച്ചമർത്തുന്നതിലെ പരാജയം, ഇന്ത്യയിലെ പ്രതിപക്ഷ പാർട്ടികൾ നേരിടുന്ന പ്രതിബന്ധങ്ങൾ, ഹർദീപ് സിങ് നിജ്ജറിന്‍റെ കൊലപാതകത്തിലെ ആരോപണം എന്നിവ ഇന്ത്യയിലെ ഗുരുതരമായ മനുഷ്യാവകാശ പ്രശ്‌നങ്ങളിൽ പെടുന്നുവെന്ന് റിപ്പോർട്ട് പറയുന്നു.

വംശീയ സംഘർഷം പൊട്ടിപ്പുറപ്പെട്ടതിന് ശേഷം മണിപ്പൂരിൽ ഗുരുതരമായ മനുഷ്യാവകാശ ലംഘനങ്ങളാണ് അരങ്ങേറിയത്. സായുധ സംഘട്ടനം, ലൈംഗിക അതിക്രമങ്ങൾ എന്നിവ മണിപ്പൂരിൽ നിന്നും റിപ്പോർട്ട് ചെയ്യപ്പെട്ടു -സ്റ്റേറ്റ് ഡിപ്പാർട്ട്‌മെന്‍റ് ചൂണ്ടിക്കാട്ടുന്നു.

രാഹുൽ ഗാന്ധിയെ അയോഗ്യാനാക്കിയ സംഭവം റിപ്പോർട്ടിൽ പറയുന്നുണ്ട്. സർക്കാരിനെ വിമർശിക്കുന്ന വീക്ഷണങ്ങൾ പ്രകടിപ്പിക്കുന്ന മാധ്യമപ്രവർത്തകരും മാധ്യമസ്ഥാപനങ്ങലും അറസ്റ്റിനും ഭീഷണികൾക്കും വിധേയരായിട്ടുണ്ടെന്ന് റിപ്പോർട്ട് പറയുന്നു. ആദായനികുതി വകുപ്പ് ബി.ബി.സിയുടെ ഡൽഹി, മുംബൈ ഓഫീസുകളിൽ 60 മണിക്കൂർ റെയ്ഡ് നടത്തിയതും റിപ്പോർട്ടിൽ പരാമർശിക്കുന്നു.

Continue Reading

crime

യു.പിയിൽ ബി.ജെ.പി സ്ഥാനാർഥിയുടെ പ്രചാരണ റാലിക്കിടെ വ്യാപക പോക്കറ്റടി

റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്.

Published

on

ഉത്തര്‍പ്രദേശിലെ മീററ്റില്‍ ബി.ജെ.പി സ്ഥാനാര്‍ഥി അരുണ്‍ ഗോവിലിന്റെ പ്രചാരണ റാലിക്കിടെ വ്യാപക പോക്കറ്റടി. റാലിയില്‍ പങ്കെടുത്ത പ്രവര്‍ത്തകരും റാലി കടന്നുപോയ സ്ഥലത്തെ കച്ചവടക്കാരും പണം നഷ്ടമായത് ചൂണ്ടിക്കാട്ടി പൊലീസില്‍ പരാതി നല്‍കിയിട്ടുണ്ട്. മാധ്യമപ്രവര്‍ത്തകരും പോക്കറ്റടിക്ക് ഇരയായിട്ടുണ്ട്.

‘രാമായണം’ സീരിയലില്‍ ശ്രീരാമനായി അഭിനയിച്ച നടനാണ് മീററ്റിലെ ബി.ജെ.പി സ്ഥാനാര്‍ഥി അരുണ്‍ ഗോവില്‍. സീരിയലിലെ മറ്റ് കഥാപാത്രങ്ങളെ അവതരിപ്പിച്ച താരങ്ങളെ അണിനിരത്തിയായിരുന്നു മീററ്റില്‍ പ്രചാരണ റാലി നടത്തിയത്. സീതയായി അഭിനയിച്ച ദീപിക ചിഖ്‌ലിയ, ലക്ഷ്മണനായി അഭിനയിച്ച സുനില്‍ ലാഹ്രി എന്നിവര്‍ പങ്കെടുത്തിരുന്നു.

വ്യാപാരിയായ കുല്‍ഭൂഷണ്‍ എന്നയാള്‍ 36,000 രൂപ പോക്കറ്റടിച്ചതായി കാണിച്ച് പൊലീസില്‍ പരാതി നല്‍കി. റാലി കണ്ടപ്പോള്‍ കടയില്‍ നിന്നിറങ്ങി അടുത്തേക്ക് പോയതാണെന്ന് കുല്‍ഭൂഷണ്‍ പറഞ്ഞു. കടയിലെ പണം പോക്കറ്റില്‍ വെച്ചിരുന്നു. റാലി കണ്ട് തിരികെയെത്തിയപ്പോഴാണ് പോക്കറ്റിലെ പണം നഷ്ടമായത് അറിയുന്നത് -കുല്‍ഭൂഷണ്‍ പറഞ്ഞു.

https://twitter.com/i/status/1782609046484500905

ബി.ജെ.പി പ്രാദേശിക നേതാവായ അലോക് സിസോദിയയുടെ മൊബൈല്‍ ഫോണ്‍ റാലിക്കിടെ മോഷ്ടിക്കപ്പെട്ടു. റാലിയിലെ തിരക്ക് മുതലെടുത്ത് ചില മോഷ്ടാക്കള്‍ കടന്നുകയറിയെന്നാണ് ബി.ജെ.പി നേതാക്കള്‍ പറയുന്നത്.

അതേസമയം, മോഷണസംഭവങ്ങളില്‍ മൂന്ന് പേരെ പൊലീസ് അറസ്റ്റ് ചെയ്തിട്ടുണ്ട്. ഏപ്രില്‍ 26ന് നടക്കുന്ന രണ്ടാംഘട്ടത്തിലാണ് മീററ്റില്‍ തെരഞ്ഞെടുപ്പ്.

 

 

Continue Reading

Article

വിശ്രമമില്ലാതെ പാണക്കാട് കുടുംബം

വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍.

Published

on

ഇഖ്ബാല്‍ കല്ലുങ്ങല്‍

മലപ്പുറം: കേരളീയ സമൂഹത്തിന്റെ സുകൃതമാണ് പാണക്കാട് സയ്യിദ് ശിഹാബ് തങ്ങള്‍ കുടുംബം. മുസ്‌ലിം ലീഗിന്റെ നേത്യരംഗത്ത് ശോഭ വിതറുന്ന ശിഹാബ് തങ്ങള്‍ കുടുംബത്തിനു തിരഞ്ഞെടുപ്പ് കാലത്ത് തിരക്കുകള്‍ കൂടുന്ന ദിനങ്ങളാണ്. വീട്ടില്‍ വരുന്ന നൂറുകണക്കിനു സാധാരണക്കാരുടെ വിഷയങ്ങളില്‍ സാന്ത്വനം പകര്‍ന്ന് അയച്ച ശേഷ യു.ഡി.എഫിനു വന്‍ വിജയമോ താന്‍ കിലോമിറ്ററുകള്‍ താണ്ടുകയാണിവര്‍. മുസ്ലിംലീഗ് സംസ്ഥാന പ്രസിഡന്റ് പാണക്കാട് സയ്യിദ് സാദിഖലി ശിഹാബ് തങ്ങള്‍, മുസ്ലിം ലീഗ് മലപ്പുറം ജില്ലാ പ്രസിഡന്റ് പാണക്കാട് സയ്യിദ് അബ്ബാസലി ശിഹാബ് തങ്ങള്‍, മുസ്ലിം യൂത്ത് ലീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍, സയ്യിദ് റഷീദലി ശിഹാബ് തങ്ങള്‍, സയ്യിദ ്ഹമീദലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍. തുടങ്ങിയവര്‍ വോട്ട് അഭ്യാര്‍ത്ഥിച്ച് പൊതുസമ്മേളനങ്ങള്‍ മുതല്‍ കു ടുംബ സംഗമങ്ങള്‍ വരെ വിശ്രമമില്ലാതെ ഓടുകയാണ്.

പാണക്കാട് കുടുംബത്തില്‍ നിന്നും വോട്ട് അഭ്യാര്‍ത്ഥിച്ച് എത്തുന്നത് വോട്ടര്‍മാരില്‍ വലിയ സ്വാധീനമാണുളവാക്കുന്നത്. മതസാഹോദര്യത്തിനു ഊന്നല്‍ നല്‍കികൊണ്ട് രാജ്യത്തെ രക്ഷിക്കേണ്ട പോരാട്ടമാ ണിതെന്ന് പറഞ്ഞ് വോട്ട് അഭ്യര്‍ത്ഥിക്കുന്നത് വോട്ടര്‍മാര്‍ സ്‌നേഹപൂര്‍വമാണ് സ്വീകരിക്കുന്നത്. മുസ്ലിം ലീഗ് ദേശീയ രാഷ്ട്രീയകാര്യസമിതി ചെയര്‍മാന്‍ കൂടിയായ സാദിഖലി ശിഹാബ് തങ്ങള്‍ കേരളത്തിനകത്തും പുറത്തും പ്രചാരണത്തില്‍ ശ്രദ്ധകേന്ദ്രീകരിക്കുന്നു. രാഹുല്‍ ഗാന്ധിക്കൊപ്പം ഇന്ത്യമുന്നണിക്ക് സാദിഖലി ശിഹാബ് തങ്ങള്‍ പകരുന്ന ആവേശവും കരുത്തും ചെറുതല്ല. മുസ്ലിം ലീഗ് സ്ഥാനാര്‍ത്ഥികളെ പ്രഖ്യാപിച്ച സാദിഖലി ശിഹാബ് തങ്ങള്‍ തന്നെയാണ് ഇ.ടി മുഹമ്മദ് ബഷീറിന്റെയും അബ്ദുസമദ് സമദാനിയുടെയും പ്രചാരണങ്ങള്‍ക്ക് തുടക്കം കുറിച്ചതും. യുഡിഎഫിന്റെ വിവിധ സ്ഥാനാര്‍ത്ഥികളുടെ പ്രചാരണങ്ങള്‍ക്ക് സാദിഖലി ശിഹാബ്ദ് തങ്ങളുടെ സാന്നിധ്യം എന്തൊന്നില്ലാ ആത്മവിശ്വാസമാണ് പകരുന്നത്. സംസ്ഥാനത്തിന്റെ ഒരറ്റം മുതല്‍ മറ്റേയറ്റം വരെ സാദിഖലി ശിഹാബ് തങ്ങള്‍ വിശ്രമമില്ലാതെ സഞ്ചരിക്കു കയാണ്. കേരളത്തില്‍ എല്ലാ സീറ്റിലും യു.ഡി.എഫ് വിജയം വരിക്കുന്നതിനു ആവശ്യമായ കര്‍മപഥമാണ് സാദിഖലി ശിഹാബ് തങ്ങള്‍ തുറക്കുന്നത്. എല്ലായിടത്തും കുടുംബ സംഗമങ്ങളിലും തീരദേശ മലയോര മേഖലകളിലും സാദിഖലി ശിഹാബ് തങ്ങളുടെ പര്യടനങ്ങള്‍ക്ക് ഗംഭീര സ്വീകാര്യതയാണ്.

മുസ്ലിംലീഗ് സ്ഥാനാര്‍ത്ഥികള്‍ക്ക് നാമനിര്‍ദേശ പത്രികയും കെട്ടിവെക്കാനുള്ള തുകയും കൈമാറിയ ശേഷം വയനാട്ടില്‍ രാഹുല്‍ഗാന്ധിയുടെ റോഡ്‌ഷോയിലും പത്രിക സമര്‍പ്പണത്തിലും പാണക്കാട് സയ്യിദ് അബ്ബാസലി ശിഹാബ്തങ്ങള്‍ നിറസാന്നിധ്യമായിരുന്നു. തിരഞ്ഞെടുപ്പ് കണ്‍വന്‍ഷനുകളിലും പ്രചാരണ ഉദ്ഘാടനങ്ങളും കുടുംബ സംഗമങ്ങളിലും പങ്കെടുത്ത് സയ്യിദ് അബ്ബാസലി ശിഹാബ്തങ്ങള്‍ യു.ഡി.എഫിന്റെ വിജയമോതുന്നു. വിവിധ സ്ഥലങ്ങളിലെ പര്യടനത്തിലുടനീളം ജനകീയ വരവേല്‍പ്പാണ് അബ്ബാസലി തങ്ങള്‍ക്ക് ലഭിക്കുന്നത്.

സയ്യിദ് അബ്ബാസലി ശിഹാബ് തങ്ങള്‍, സയ്യിദ് ബഷീറലി ശിഹാബ് തങ്ങള്‍, സയ്യിദ് മുനവ്വറലി ശിഹാബ് തങ്ങള്‍,സയ്യിദ് റഷീദലി ശിഹാബ് തങ്ങള്‍, സയ്യിദ് ഹമീദലി ശിഹാബ് തങ്ങള്‍, സയ്യിദ് മുഈനലി ശിഹാബ് തങ്ങള്‍ മുസ്ലിംയൂത്തീഗ് സംസ്ഥാന പ്രസിഡന്റ് പാണക്കാട് സയ്യിദ് മുനവ്വറലി ശിഹാബ് തങ്ങള്‍ പൊന്നാനിയിലും മലപ്പുറത്തും മറ്റു ലോക്‌സഭാ മണ്ഡലങ്ങളിലും ആവേശം വിതറുന്നു. രാജ്യത്തെ ഭിന്നിപ്പിച്ച് ഭരിക്കുന്ന ഭരണകൂടത്തിനെതിരെയും ജനദ്രോഹനയങ്ങള്‍ തുടരുന്ന കേരളസര്‍ക്കാറിനെതിരെയും പ്രതികരിക്കാനുള്ള അവസരമാണിതെന്ന് ഓരോ കേന്ദ്രത്തിലും സയ്യിദ് മുനവ്വറലി ശിഹാബ് തങ്ങള്‍ പറഞ്ഞു. യംഗ് ഇന്ത്യ പരിപാടികളിലും തങ്ങള്‍ ശ്രദ്ധേയമായി. തിരൂരിലും മറ്റുമായി വിവിധ കുടുംബസംഗമങ്ങളില്‍ പങ്കെടുത്ത് മലപ്പുറം മണ്ഡലും മുസ്ലിംലീഗ് പ്രസിഡന്റു കൂടിയായ സയ്യിദ് റഷീദലി ശിഹാബ് തങ്ങള്‍ അനുഗ്രഹ സാന്നിധ്യമായി കേന്ദ്ര-സംസ്ഥാന സര്‍ക്കാറുകളുടെ ജനദ്രോഹ ഭരണം സയ്യിദ് റഷീദലി ശിഹാബ് തങ്ങള്‍ വിശദീകരിക്കുമ്പോള്‍ വോട്ടര്‍മാര്‍ അതേറ്റുവാങ്ങുന്നു.

പ്രചാരണപ്രവര്‍ത്തനങ്ങളില്‍ സജീവമാണ് മലപ്പുറം മുനിസിപ്പല്‍ മുസ്ലിംലീഗ് പ്രസിഡന്റ് കൂടിയായ സയ്യിദ് ഹമീദലി ശിഹാബ് തങ്ങള്‍, മലപ്പുറത്തും പൊന്നാനിയിലും മറ്റിടങ്ങളിലും കുടുംബസംഗമങ്ങളിലും കണ്‍വന്‍ഷനുകളിലും പ്രചാരണ ഉദ്ഘാടനങ്ങളിലും ഹമിദലി ശിഹാബ് തങ്ങള്‍ യു.ഡി.എഫ് വിജയ ത്തിന്റെ അനിവാര്യത ബോധ്യപ്പെടുത്തി.

പാണക്കാട് സയ്യിദ് ബഷീറലി ശിഹാബ് തങ്ങളും കുടുംബസംഗമങ്ങളില്‍ പങ്കെടുത്തു. പാണക്കാട് സയ്യിദ് മുഈനലി ശിഹാബ് തങ്ങള്‍ എടപ്പാളിലുള്‍പ്പെടെ തിരഞ്ഞെടുപ്പ് കാമ്പയിന്‍ നയിച്ചതും ശ്രദ്ധേയമായി. പാണക്കാട് സയ്യിദ് കുടുംബം പങ്കെടുക്കുന്ന തീരദേശ റോഡ്‌ഷോകളും കുടുംബസംഗമങ്ങളും വിജയകരമായി മുന്നേറുകയാണ്. മണ്‍മറഞ്ഞ പിഎംഎസ്എ പൂക്കോയ തങ്ങള്‍, സയ്യിദ് മുഹമ്മദലി ശിഹാബ് തങ്ങള്‍, സയ്യിദ് ഹൈദരലി ശിഹാബ് തങ്ങള്‍, സയ്യിദ് ഉമറലി ശിഹാബ് തങ്ങള്‍ എന്നിവരും തിരഞ്ഞെടുപ്പ് കാലത്ത് നയിച്ച പര്യടനങ്ങള്‍ ജനങ്ങളുടെ ഓര്‍മകളില്‍ മങ്ങാതെ നില്‍ക്കുന്ന ഹൃദ്യമായ കാഴ്ച്ചകളാണ്.

 

Continue Reading

Trending