Connect with us

kerala

പ്രതിഭ പാട്ടീലിനെ ഡോ.അബ്ദുസ്സമദ് സമദാനി എം.പി സന്ദര്‍ശിച്ചു

അവരുടെ ഭര്‍ത്താവ് ഷെഖാവത്തും ഡോക്ടര്‍മാരും ചേര്‍ന്ന് സ്വീകരിച്ചു.

Published

on

കോട്ടക്കല്‍ ആയുര്‍വേദ ആശുപത്രിയില്‍ ചികില്‍സയില്‍ കഴിയുന്ന മുന്‍രാഷ്ട്രപതിയും കോണ്‍ഗ്രസ് നേതാവുമായിരുന്ന പ്രതിഭ പാട്ടീലിനെ ഗവര്‍ണര്‍ ആരിഫ് മുഹമ്മദ് ഖാന്‍ സന്ദര്‍ശിച്ചു. ഇന്നലെ രാവിലെയായിരുന്നു സന്ദര്‍ശനം. ഡോ.അബ്ദുസ്സമദ് സമദാനി എം.പിയും കഴിഞ്ഞദിവസം പ്രതിഭപട്ടീലിനെ സന്ദര്‍ശിച്ചിരുന്നു. അവരുടെ ഭര്‍ത്താവ് ഷെഖാവത്തും ഡോക്ടര്‍മാരും ചേര്‍ന്ന് സ്വീകരിച്ചു.

” ആര്യവൈദ്യശാലയിൽ തനിക്കായി ഒരുക്കിയ കല്യാണ സൗഗന്ധികം കഥകളി കണ്ടതിന്റെ അനുഭവം വലിയ താല്പര്യത്തോടെ ശ്രീമതി പ്രതിഭാപാട്ടീൽ പങ്കുവച്ചു. അതിന് സംസ്കൃതവുമായുള്ള ബന്ധമാണ് അവരെ കൂടുതൽ ആകർഷിച്ചത്. കഥകളിനാടകവേദിയുടെ അടിസ്ഥാനം തന്നെ സംസ്കൃതത്തോട് ബന്ധപ്പെട്ടതാണെന്ന് അവരോട് പറയുകയും ചെയ്തു.
യശശ്ശരീരനായ ഡോ. പി.കെ. വാര്യരെക്കുറിച്ചും അദ്ദേഹത്തിന്റെ ജീവിതധന്യതയെക്കുറിച്ചും അവരോട് സംസാരിച്ചു. അപ്പോൾ അവരുടെ മലയാളിയായ പി.എ ചുമരിൽ തൂങ്ങുന്ന കലണ്ടറിലെ പേജുകൾ പിറകോട്ട് മറിച്ച് അതിൽ അന്നത്തെ രാഷ്ട്രപതി ശ്രീമതി പ്രതിഭാ പാട്ടീൽ ഡോ. പി.കെ. വാര്യർക്ക് പത്മഭൂഷൺ നൽകുന്ന ചിത്രം കാണിച്ചു. വല്ലാത്തൊരു യാദൃശ്ചികത ! “സമദാനി കുറിച്ചു.

kerala

ഹര്‍ത്താല്‍ അക്രമത്തിന്‍രെ പേരില്‍ നടക്കുന്ന ജപ്തി നേരിടുമെന്ന് എസ്.ഡി.പി.ഐ .

സെപ്തംബറില്‍ നടന്ന ഹര്‍ത്താലില്‍ വന്‍തോതില്‍ കെ.എസ്.ആര്‍.ടി.സിബസ്സുകള്‍ ആക്രമിക്കപ്പെട്ടിരുന്നു.

Published

on

നിരോധിത സംഘടനയുടെ ഹര്‍ത്താല്‍ അക്രമത്തിന്‍രെ പേരില്‍ നടക്കുന്ന ജപ്തി നടപടിയെ നേരിടുമെന്ന് എസ്.ഡി.പി.ഐ .ആരും ഇക്കാര്യത്തില്‍ വഴിയാധാരമാകില്ലെന്ന് സംഘടനയുടെ ദേശീയ പ്രസിഡന്റ് എം.കെഫൈസി കൊച്ചിയില്‍ സമ്മേളനത്തില്‍ പറഞ്ഞു.
ജപ്തി നടപടി കൊണ്ട് സന്തോഷിക്കുന്നവരോട് പറയാനുള്ളത്, എസ്.ഡി.പി.ഐ പ്രവര്‍ത്തകര്‍ ജീവിച്ചിരിക്കുന്ന കാലത്തോളം ജപ്തിയുടെ പേരില്‍ ആരും വഴിയാധാരമാകില്ലെന്ന് ഫൈസി പറഞ്ഞു.

ഹൈക്കോടതിയുടെ ഇടപെടല്‍ കാരണം ഹര്‍ത്താല്‍ അക്രമത്തില്‍ നഷ്ടം നേരിട്ട 5.20 കോടിയുടെ സ്വത്താണ് ജപ്തിയിലൂടെ ഈടാക്കുന്നത്. കഴിഞ്ഞയാഴ്ച നടന്ന റവന്യൂ നടപടികള്‍ വലിയതോതില്‍ വിമര്‍ശനത്തിന് ഇടയാക്കിയിരുന്നു.സെപ്തംബറില്‍ നടന്ന ഹര്‍ത്താലില്‍ വന്‍തോതില്‍ കെ.എസ്.ആര്‍.ടി.സിബസ്സുകള്‍ ആക്രമിക്കപ്പെട്ടിരുന്നു. ഇതിന്റെപേരില്‍ നിരപരാധികളുടെയുള്‍പ്പെടെ വീടുകളും ഇടതുപക്ഷസര്‍ക്കാര്‍ ജപ്തിചെയ്യുകയുണ്ടായി.
സി.പി.എം -എസ്.ഡി.പി.ഐ സഖ്യത്തിന്റെ പേരിലാണ് ജപ്തി നീട്ടിക്കൊണ്ടുപോയതെന്ന് പരാതിയുയര്‍ന്നിരുന്നു.

Continue Reading

crime

പോസ്റ്റല്‍ ബാലറ്റ് കാണാതായ സംഭവം; പൊലീസ് കേസെടുത്തു

ജില്ലാ കളക്ടര്‍ എസ്പിക്ക് നല്‍കിയ റിപ്പോര്‍ട്ടിന്റെ ഭാഗമായാണ് പുതിയ നടപടി

Published

on

മലപ്പുറം പെരിന്തല്‍മണ്ണ നിയമസഭ തെരെഞ്ഞെടുപ്പിന്റെ പോസ്റ്റല്‍ ബാലറ്റ് നഷ്ടപ്പെട്ട സംഭവത്തില്‍ പൊലീസ് കേസെടുത്തു. ജില്ലാ കളക്ടര്‍ എസ്പിക്ക് നല്‍കിയ റിപ്പോര്‍ട്ടിന്റെ ഭാഗമായാണ് പുതിയ നടപടി. സംഭവത്തെ തുടര്‍ന്ന് ഇതിന് മുന്‍പ് നാല് ഉദ്യോഗസ്ഥര്‍ക്ക് ജില്ലാ കളക്ടര്‍ കാരണം കാണിക്കല്‍ നോട്ടീസ് നല്‍കിയിരുന്നു.

പെരിന്തല്‍മണ്ണ ട്രഷറി ഓഫീസര്‍ എന്‍. സതീഷ് കുമാര്‍, സീനിയര്‍ അക്കൗണ്ടന്റ എസ്. രാജീവ്, സഹകരണ ജോ.രജിസ്ട്രാര്‍ ഓഫീസിലെ സീനിയര്‍ ഇന്‍സ്‌പെക്ടര്‍ സി.എന്‍ പ്രതീഷ്, നിലവില്‍ തിരുവനന്തപുരത്ത് ജോ. രജിസ്ട്രാറായ എസ്.പ്രബിത്ത് എന്നിവര്‍ക്കായിരുന്നു ഒരാഴ്ച്ചക്കുള്ളില്‍ മറുപടി നല്‍കണമെന്നാവശ്യപ്പെട്ടുള്ള നോട്ടീസ്. ഉദ്യോഗസ്ഥര്‍ കഴിഞ്ഞ ദിവസം നോട്ടീസിന് മറുപടി നല്‍കിയിരുന്നു.

ജില്ലാ കലക്ടറുടെ നേതൃത്വത്തില്‍ നടത്തിയ അന്വേഷണ റിപ്പോര്‍ട്ടും ഉദ്യോഗസ്ഥരുടെ വിശദീകരണവും ഉള്‍പ്പെടുത്തിയാണ് അന്തിമ റിപ്പോര്‍ട്ട് മുഖ്യതെരെഞ്ഞെടുപ്പ് ഓഫീസര്‍ക്ക് കൈമാറുക. ഇതിന് ശേഷമാകും സംഭവത്തില്‍ തുടര്‍നടപടികളിലേക്ക് കടക്കുക.

Continue Reading

india

ജപ്പാനെ ഗോളില്‍ മുക്കി ഇന്ത്യ, എട്ട് ഗോളിന്റെ ഏകപക്ഷീയ വിജയം

ഇന്നത്തെ മറ്റു ക്ലാസ്സിഫിക്കേഷന്‍ മത്സരങ്ങളില്‍ ദക്ഷിണാഫ്രിക്ക മലേഷ്യയെ 6-3ന് പരാജയപ്പെടുത്തിയപ്പോള്‍ വെയില്‍സ് ഫ്രാന്‍സിനെ പരാജയപ്പെടുത്തി.

Published

on

ആദ്യ പകുതിയില്‍ ഒരു ഗോള്‍ പോലും നേടാനായില്ലെങ്കിലും രണ്ടാം പകുതിയില്‍ എട്ട് ഗോളുകള്‍ നേടി ജപ്പാനെ നിഷ്പ്രഭമാക്കി ഇന്ത്യ.ലോകകപ്പ് ഹോക്കിയുടെ 9-16 സ്ഥാനങ്ങള്‍ക്കായുള്ള ക്ലാസ്സിഫിക്കേഷന്‍ മത്സരത്തിലാണ് ഇന്ന് ഇന്ത്യ ജപ്പാനെ തകര്‍ത്തെറിഞ്ഞത്.

അഭിഷേക്, ഹര്‍മ്മന്‍പ്രീത് സിംഗ് എന്നിവര്‍ രണ്ട് വീതം ഗോളുകള്‍ നേടിയപ്പോള്‍ മന്‍ദീപ് സിംഗ്, വിവേക് സാഗര്‍ പ്രസാദ്, മന്‍പ്രീത് സിംഗ്, സുഖ്ജീത് സിംഗ് എന്നിവരാണ് ഇന്ത്യയുടെ മറ്റു സ്കോറര്‍മാര്‍.

ഇന്നത്തെ മറ്റു ക്ലാസ്സിഫിക്കേഷന്‍ മത്സരങ്ങളില്‍ ദക്ഷിണാഫ്രിക്ക മലേഷ്യയെ 6-3ന് പരാജയപ്പെടുത്തിയപ്പോള്‍ വെയില്‍സ് ഫ്രാന്‍സിനെ പരാജയപ്പെടുത്തി. നിശ്ചിത സമയത്ത് ഇരു ടീമുകളും രണ്ട് ഗോള്‍ വീതം നേടി സമനില പാലിച്ചപ്പോള്‍ ഷൂട്ടൗട്ടില്‍ 2-1ന് വെയില്‍സ് വിജയം നേടി.

 

Continue Reading

Trending