ന്യൂഡല്‍ഹി : കാര്‍ഷിക നിയമത്തിനെതിരായ ഡല്‍ഹി അതിര്‍ത്തികളിലെ കര്‍ഷക പ്രതിഷേധം 42ാം ദിവസവും തുടരുന്നു. കര്‍ഷക സംഘടനകള്‍ ആഹ്വനം ചെയ്ത രണ്ടാഴ്ച നീണ്ടുനില്‍ക്കുന്ന ദേശ് ജാഗരണ്‍ അഭിയാന് തുടക്കമായി.

റിപ്പബ്ലിക് ദിനത്തിലെ ട്രാക്ടര്‍ പരേഡിന് മുന്നോടിയായി ഡല്‍ഹി അതിര്‍ത്തികളില്‍ നാളെ ട്രാക്ടര്‍ മാര്‍ച്ച് നടത്തും. കാര്‍ഷിക നിയമങ്ങളുമായി ബന്ധപ്പെട്ട ഹര്‍ജികള്‍ സുപ്രീംകോടതി തിങ്കളാഴ്ച പരിഗണിക്കും. വെള്ളിയാഴ്ചയാണ് സര്‍ക്കാരുമായുള്ള എട്ടാം വട്ട ചര്‍ച്ച.