Connect with us

EDUCATION

പിന്‍വാതിലിന് വേണ്ടിയോ? ഒഴിവുകള്‍ ഉണ്ടായിട്ടും പിഎസ്സിക്ക് റിപ്പോര്‍ട്ട് ചെയ്യാതെ സര്‍വകലാശാലകള്‍

പതിനൊന്ന് സര്‍വകലാശാലകളിലായി 172 ഒഴിവുകളുണ്ടെന്ന് രേഖകള്‍.

Published

on

ഒഴിവുകള്‍ പിഎസ്സിക്ക് റിപ്പോര്‍ട്ട് ചെയ്യാതെ സര്‍വകലാശാലകള്‍. പിന്‍വാതില്‍ നിയമനവും അനധികൃത സ്ഥിരപ്പെടുത്തലിനും നീക്കം. ഡ്രൈവര്‍ കം ഓഫീസ് അറ്റന്‍ഡന്റ് തസ്തികയിലാണ് പിന്‍വാതില്‍ നിയമനം നടക്കുന്നത്. പതിനൊന്ന് സര്‍വകലാശാലകളിലായി 172 ഒഴിവുകളുണ്ടെന്ന് രേഖകള്‍. എന്നാല്‍ റിപ്പോര്‍ട്ട് ചെയ്തത് 30 എണ്ണം മാത്രം.

ഒഴിവുകള്‍ ഭാഗികമായെങ്കിലും റിപ്പോര്‍ട്ട് ചെയ്തത് ആറു സര്‍വകലാശാലകള്‍ മാത്രം. നിലവിലുള്ള താല്‍ക്കാലിക്കാരെ സ്ഥിരപ്പെടുത്താന്‍ സിന്‍ഡിക്കേറ്റുകളുടെ നീക്കം. കേരള 25, കാലിക്കറ്റ്10, കുഫോസ്8, അഗ്രികള്‍ച്ചര്‍84. എം.ജി 16, ശ്രീശങ്കര8, കണ്ണൂര്‍5, വെറ്ററിനറി8, ഹെല്‍ത്ത് 5, ഫിഷറീസ് 3 എന്നിങ്ങനെയാണ് ഒഴിവുകള്‍

Education

അലിഗഡ് മുസ്‌ലിം യൂണിവേഴ്സിറ്റി 2024-25 വിവിധ ഡിഗ്രി, പി.ജി പ്രോഗ്രാമുകളിലേക്ക് അപേക്ഷ ക്ഷണിച്ചു

Published

on

കേന്ദ്ര സര്‍വകലാശാല അലിഗഢ് മുസ്‌ലിം യൂനിവേഴ്‌സിറ്റി വിവിധ ബിരുദ, ബിരുദാനന്തരബിരുദ, പി.ജി. ഡിപ്ലോമ, ഡിപ്ലോമ കോഴ്‌സുകളിലേക്ക് അപേക്ഷ ക്ഷണിച്ചു.

. പ്രവേശന പരീക്ഷാ അടിസ്ഥാനത്തിലായിരിക്കും.

. അപേക്ഷ ഓൺലൈൻ ആയി അപേക്ഷിക്കാം.

. യൂനിവേഴ്‌സിറ്റിയുടെ മലപ്പുറം, മുര്‍ശിദാബാദ് സെന്ററുകളിലേക്കും അപേക്ഷകള്‍ ക്ഷണിച്ചിട്ടുണ്ട്.

കൂടുതൽ വിവരങ്ങൾക്ക് 

http://www.amucontrollerexams.com/

Continue Reading

EDUCATION

പ്രതിഷേധം ഫലം കണ്ടു; കാലിക്കറ്റില്‍ പെരുന്നാള്‍ ദിനങ്ങളിലെ പരീക്ഷ മാറ്റി

കഴിഞ്ഞ നാല് വർഷമായി പെരുന്നാൾ ദിനങ്ങളിൽ പരീക്ഷ നടത്തുന്നത് പതിവായതോടെ എം.എസ്.എഫും അധ്യാപക സംഘടനയായ സി.കെ.സി.ടി ഉൾപ്പെടെയുള്ളവരും കടുത്ത പ്രതിഷേധവുമായി രംഗത്ത് വരികയായിരുന്നു

Published

on

ഈദുൽ ഫിത്വർ ദിനങ്ങളിൽ പരീക്ഷ നടത്താനുള്ള നീക്കത്തിൽനിന്ന് കാലിക്കറ്റ് സർവ്വകലാശാല പരീക്ഷാ ഭവൻ പിന്മാറി. ശക്തമായ പ്രതിഷേധത്തെ തുടർന്നാണ് തീരുമാനം. കഴിഞ്ഞ നാല് വർഷമായി പെരുന്നാൾ ദിനങ്ങളിൽ പരീക്ഷ നടത്തുന്നത് പതിവായതോടെ എം.എസ്.എഫും അധ്യാപക സംഘടനയായ സി.കെ.സി.ടി ഉൾപ്പെടെയുള്ളവരും കടുത്ത പ്രതിഷേധവുമായി രംഗത്ത് വരികയായിരുന്നു. ഇതേതുടർന്നാണ് തീരുമാനം മാറ്റിയത്.

അതേസമയം അന്നേ ദിവസം പരീക്ഷ ഷെഡ്യൂൾ ചെയ്തിട്ടില്ലെന്നായിരുന്നു കൺട്രോളറുടെ ന്യായീകരണം. ഈ ദിവസങ്ങളിലെ പരീക്ഷകൾ മാറ്റിവെച്ചതായി അറിയിപ്പ് വന്നതോടെ ഈ വാദം പൊളിഞ്ഞു. തുടർന്നും സർക്കാർ ഔദ്യോഗിക കലണ്ടറിൽ അവധിയുള്ള ആഘോഷ ദിവസങ്ങളുടെ തലേന്നും തൊട്ടടുത്ത ദിവസവും പരീക്ഷ നടത്തുകയില്ലെന്നും സർവ്വകലാശാല അറിയിച്ചു. മുസ്‌ലിം ലീഗ് എം.എൽ.എമാരും മുസ്‌ലിംലീഗ് പ്രതിനിധികളായ സെനറ്റ് മെമ്പർമാരും വിഷയത്തിൽ അടിയന്തരമായി ഇടപെട്ട് ചർച്ചകൾക്ക് നേതൃത്വം നൽകി.

Continue Reading

EDUCATION

എസ്എസ്എൽസി, ഹയർ സെക്കൻഡറി അടക്കം പരീക്ഷകളുടെ മൂല്യനിർണയം ഇന്ന് മുതൽ

14,0000 ത്തോളം അധ്യാപകർ ക്യാമ്പിൽ പങ്കെടുക്കും

Published

on

തിരുവനന്തപുരം: എസ്എസ്എൽസി, ടി ച്ച് എസ് എൽ സി, ഹയർ സെക്കൻഡറി, വെക്കേഷണൽ ഹയർ സെക്കൻഡറി പരീക്ഷകളുടെ മൂല്യനിർണയം ഇന്ന് ആരംഭിക്കും. എസ്എസ്എൽസി മൂല്യ നിർണയത്തിനായി മൊത്തം 70 ക്യാമ്പുകളാണ് ഉണ്ടായിരിക്കുക. 14,0000 ത്തോളം അധ്യാപകർ ക്യാമ്പിൽ പങ്കെടുക്കും. മൊത്തം മുപ്പത്തിയെട്ടര ലക്ഷത്തോളം ഉത്തര കടലാസുകളാണ് മൂല്യനിർണയം നടത്തുക.

ഹയർ സെക്കൻഡറിയിൽ മൊത്തം 77 ക്യാമ്പുകൾ ആണ് സജ്ജീകരിച്ചിരിക്കുന്നത്. അതിൽ 25 എണ്ണം ഡബിൾ വാലുവേഷൻ ക്യാമ്പുകൾ ആണ്. മൊത്തം 25000 ത്തോളം അധ്യാപകർ മൂല്യനിർണയ ക്യാമ്പിൽ പങ്കെടുക്കുന്നുണ്ട്. ഒന്നും രണ്ടും വർഷ ഹയർസെക്കൻഡറിയിൽ പഠിക്കുന്ന എട്ടര ലക്ഷത്തോളം കുട്ടികളുടെ 52 ലക്ഷത്തിൽ പരം ഉത്തരക്കടലാസുകൾ ആണ് മൂല്യനിർണയം നടത്തുക.

ടി ച്ച് എസ് എൽ സിയ്ക്കായി രണ്ട് ക്യാമ്പുകളാണ് സജ്ജീകരിച്ചിരിക്കുന്നത്. 110 ഓളം അധ്യാപകർ ക്യാമ്പിൽ പങ്കെടുക്കും. ഇരുപതിനായിരത്തോളം ഉത്തരക്കടലാസുകളാണ് മൂല്യനിർണയം നടത്തേണ്ടത്. എ എച്ച് എസ് എൽ സിയുടെ മൂല്യനിർണയം ഒരു ക്യാമ്പിൽ ആണ് നടത്തുക.

വെക്കേഷണൽ ഹയർസെക്കൻഡറിയിൽ 8 ക്യാമ്പുകളിൽ ആയാണ് മൂല്യനിർണയം നടക്കുക. 2200 ഓളം അധ്യാപകർ മൂല്യനിർണയ ക്യാമ്പിൽ പങ്കെടുക്കും. മൂന്ന് ലക്ഷത്തി നാൽപ്പതിനായിരത്തോളം ഉത്തരക്കടലാസുകളാണ് മൂല്യനിർണയം നടത്തേണ്ടത്.

Continue Reading

Trending