Football
ചാപ്മാന്‍; ഫുട്‌ബോളിന് ആ പേര് മറക്കാനാവില്ല; കമാല്‍ വരദൂര്‍ എഴുതുന്നു
ചാപ്പ്മാനെ പോലുളളവരുടെ ജോലി ഗോളൊരുക്കലാണ്. ആ ജോലി സത്യസന്ധമായി അദ്ദേഹം നിര്‍വഹിച്ചു. ഇപ്പോള്‍ വലിയ ബഹളങ്ങള്‍ക്ക് നില്‍കാതെ അദ്ദേഹം യാത്രയായി
കമാല്‍ വരദൂര്‍
ആരായിരുന്നു കാള്‍ട്ടണ്‍ ചാപ്പ്മാന്‍….? ചോദ്യത്തിനുത്തരം എളുപ്പമാണ്. ഐ.എം. വിജയനും ബൈജൂങ് ബൂട്ടിയക്കും എളുപ്പത്തില്‍ ഗോളടിക്കാന്‍ പന്ത് എത്തിക്കുന്ന മധ്യനിരക്കാരന്‍. ഈ ഉത്തരത്തിന് എന്തെങ്കിലും ക്ലാരിറ്റി വേണമെങ്കില്‍ വിജയനോടോ ബൂട്ടിയയോടോ ചോദിച്ചാല്‍ മതി. ഗോളുകള്‍ എപ്പോഴും സ്‌ട്രൈക്കറുടെ നാമധേയത്തിലാവുമല്ലോ…
എതിര്‍ഹാഫിലേക്ക് ഊളിയിട്ട് കയറുന്ന മുന്‍നിരക്കാരനോളം പ്രസക്തനാണ് പന്തിനെ ഗോളടിക്കാന്‍ പാകത്തില്‍ നല്‍കുന്ന മധ്യനിരക്കാരന്റേത്. ചാപ്പ്മാന്‍ ഗോളുകള്‍ക്കായി സഹതാരങ്ങളെ മറക്കാറില്ല. അങ്ങനെ സ്വാര്‍ത്ഥനാവാന്‍ അദ്ദേഹത്തിന് കഴിയുമായിരുന്നില്ല. കോഴിക്കോട്ട് ഗോകുലത്തിന്റെ അമരക്കാരനായപ്പോള്‍ എത്രയോ സംസാരങ്ങള്‍.
അത്യാവശ്യ ഇംഗ്ലീഷില്‍ മധ്യനിരക്കാരന്റെ റോളും അതിന്റെ പ്രസക്തിയും അദ്ദേഹം വിവരിക്കും. സിദാനായിരുന്നു ഇഷ്ടതാരം. മലയാളത്തിനോട് വലിയ സ്‌നേഹം തോന്നാന്‍ കാരണം വിജയനായിരുന്നു. ചാപ്പ്മാനും ജോപോളും മധ്യനിരയില്‍ കത്തിയ കാലത്തായിരുന്നു വിജയന്റെ ഗോളടി കാലം.
കളിക്കാരന്‍, പരിശീലകന്‍, നിരീക്ഷകന്‍… ഫുട്‌ബോളില്‍ ചാപ്പ്മാന്‍ നല്ല അധ്യായമായിരുന്നു. നാഗേന്ദ്രന്‍ സര്‍വാധികാരിയെന്ന ഇന്ത്യന്‍ ഫുട്‌ബോളിന്റെ പിതാവിനെ അധികമാര്‍ക്കും അറിയില്ല. കാരണം അദ്ദേഹം കൂടുതല്‍ ഗോളുകള്‍ സ്‌ക്കോര്‍ ചെയ്തിട്ടില്ല. നല്ല മധ്യനിരക്കാരനായിരുന്നു. നെവില്‍ സീസൂസയെ എല്ലാവര്‍ക്കുമറിയാം. കാരണം 1956 ലെ മെല്‍ബണ്‍ ഒളിംപിക്‌സില്‍ അദ്ദേഹം ഹാട്രിക്ക് സ്‌ക്കോര്‍ ചെയ്തിരുന്നു.
വിജയനെയും ബൂട്ടിയയെയും സുനില്‍ ഛേത്രിയെയും എല്ലാവര്‍ക്കുമറിയാം. ഇവരെല്ലാം ഗോള്‍ വേട്ടക്കാരാണ്. ചാപ്പ്മാനെ പോലുളളവരുടെ ജോലി ഗോളൊരുക്കലാണ്. ആ ജോലി സത്യസന്ധമായി അദ്ദേഹം നിര്‍വഹിച്ചു. ഇപ്പോള്‍ വലിയ ബഹളങ്ങള്‍ക്ക് നില്‍കാതെ അദ്ദേഹം യാത്രയായി. നമ്മുടെ ഫുട്‌ബോളിന് ആ പേര് മറക്കാനാവില്ല
Football
ഫ്രഞ്ച് ലീഗ്; തുടര്‍ച്ചയായി മൂന്നാം തവണ കിരീടം ചൂടി പിഎസ്ജി
പിഎസ്ജിയുടെ പന്ത്രണ്ടാമത്തെയും തുടര്‍ച്ചയായ മൂന്നാമത്തെയും കിരീട നേട്ടമാണിത്.
Football
വീണ്ടും മെസ്സി മാജിക്; നാഷ്‌വില്ലയെ തകര്‍ത്ത് മയാമി ഒന്നാമത്‌
രട്ട ഗോളും അസിസ്റ്റുമായി സൂപ്പര്‍ താരം ലയണല്‍ മെസ്സി തിളങ്ങിയ മത്സരത്തില്‍ സെര്‍ജിയോ ബുസ്‌ക്വെറ്റ്സും മയാമിക്ക് വേണ്ടി ലക്ഷ്യം കണ്ടു.
Football
ഐഎസ്എല്‍: ബ്ലാസ്‌റ്റേഴ്‌സ് ഒഡീഷയോട് തോറ്റ് സെമി കാണാതെ പുറത്ത്
ഇന്നു നടന്ന പ്ലേ ഓഫ് മത്സരത്തില്‍ ഒഡീഷ എഫ്‌സിയോട് 1-2 എന്ന സ്‌കോറില്‍ തോറ്റാണ് ബ്ലാസ്‌റ്റേഴ്‌സ് പുറത്തുപോയത്
-
india3 days agoഫലമറിയാന് ഇനി 39 ദിവസത്തെ കാത്തിരിപ്പ്
-
business3 days agoസ്വര്ണവിലയില് വീണ്ടും വര്ധനവ്; പവന് 160 രൂപ കൂടി
-
Video Stories3 days agoസംസ്ഥാനത്ത് വൈദ്യുതി ഉപയോഗം വീണ്ടും സര്വകാല റെക്കോര്ഡില്
-
crime3 days agoഅജ്മീറില് മസ്ജിദിനുള്ളില് കയറി ഇമാമിനെ അടിച്ചു കൊന്നു
-
kerala3 days agoകാണാതായ പത്താം ക്ലാസുകാരിയും യുവാവും തൂങ്ങി മരിച്ച നിലയില്; ദുര്ഗന്ധം വമിച്ചതോടെ മൃതദേഹം കണ്ടെത്തിയത് നാട്ടുകാര്
-
india2 days ago‘കേരളത്തിലെ ക്ഷേത്രങ്ങളിലെ വരുമാനം ഉപയോഗിക്കുന്നത് മുസ്ലിംകള്ക്കായി’; ചാനല് ചര്ച്ചയില് നുണ പ്രചരിപ്പിച്ച ബിജെപി വക്താവ്
-
GULF3 days agoമതസൗഹാര്ദ്ദത്തിനു മറ്റൊരു മാതൃക; അബുദാബി ഭരണകൂടം നല്കിയ സൗജന്യഭൂമിയില് ക്രൈസ്തവ ദേവാലയം നാളെ തുറക്കും
-
india2 days agoദക്ഷിണേന്ത്യക്ക് ദാഹിക്കുന്നു; അണക്കെട്ടിലുള്ളത് 17 ശതമാനം വെള്ളം മാത്രമെന്ന് കേന്ദ്ര ജല കമ്മീഷൻ