Football
ആരാധക പിന്തുണയില് പ്രീമിയര് ലീഗ് ക്ലബുകള്ക്ക് ഒപ്പം കേരള ബ്ലാസ്റ്റേഴ്സ്!
മറ്റു ഇന്ത്യന് ക്ലബുകള്ക്ക് സ്വപ്നം കാണാവുന്നതിലും മീതെയാണ് ഈ പിന്തുണ.

പനജി: ഇന്ത്യന് സൂപ്പര് ലീഗിന്റെ ഏഴാം സീസണില് മോശം പ്രകടനം തുടരുകയാണ് എങ്കിലും കേരളത്തിലെ ആരാധകരുടെ നിറഞ്ഞ പിന്തുണ ഇപ്പോഴും കേരള ബ്ലാസ്റ്റേഴ്സിനുണ്ട്. മൈക്രോ ബ്ലോഗിങ് വെബ്സൈറ്റായ ട്വിറ്ററില് പ്രീമിയര് ലീഗ് ക്ലബുകള്ക്ക് ഒപ്പമാണ് കൊമ്പന്മാരുടെ സ്ഥാനം.
ഏറ്റവും പുതിയ കണക്കുകള് പ്രകാരം ബ്ലാസ്റ്റേഴ്സിനെ ട്വിറ്റളില് പിന്തുടരുന്നത് 1.8 ദശലക്ഷം പേരാണ്. മറ്റു ഇന്ത്യന് ക്ലബുകള്ക്ക് സ്വപ്നം കാണാവുന്നതിലും മീതെയാണ് ഈ പിന്തുണ.
The numbers for Kerala Blasters (1.8 million) are very encouraging. From among the Premier League clubs, only Man United (24m), Arsenal (16.7), Liverpool (16), Chelsea (15.7), Manchester City (8.8), Tottenham Hotspur (5.3) and Everton (2.3) have more followers on Twitter https://t.co/KCP95vCEa4
— Marcus Mergulhao (@MarcusMergulhao) December 22, 2020
പ്രീമിയര് ലീഗ് ക്ലബുകള് മാത്രമാണ് ഇത്തരത്തില് വലിയ ആരാധക പിന്തുണ ആസ്വദിക്കുന്നത്. എവര്ട്ടണെ 2.3 ദശലക്ഷം പേരാണ് പിന്തുടരുന്നത്. ടോട്ടന്ഹാം ഹോട്സ്പറിനെ 5.3 ദശലക്ഷം പേര് ഫോളോ ചെയ്യുന്നു.
മാഞ്ചസ്റ്റര് സിറ്റി 8.8 ദശലക്ഷം, ചെല്സി 15.7 ദശലക്ഷം, ലിവര്പൂര് 16 ദശലക്ഷം, മാഞ്ചസ്റ്റര് യുണൈറ്റഡ് 24 ദശലക്ഷം എന്നിങ്ങനെയാണ് ഇപിഎല് ടീമുകളുടെ ഫോളോവേഴ്സിന്റെ എണ്ണം.
അതിനിടെ, ലീഗില് ആറു കളികളില് നിന്ന് മൂന്നു പോയിന്റുമായി ഒമ്പതാമതാണ് ബ്ലാസ്റ്റേഴ്സ്. ഇതുവരെ ഒരു കളി പോലും ജയിക്കാന് കിബു വികുനയുടെ സംഘത്തനായിട്ടില്ല. മൂന്നു തോല്വിയും മൂന്നു സമനിലയുമാണ് സമ്പാദ്യം. 27ന് ഹൈദരാബാദ് എഫ്സിക്കെതിരെയാണ് ബ്ലാസ്റ്റേഴ്സിന്റെ അടുത്ത മത്സരം.
Football
ഫിഫ ക്ലബ്ബ് ലോകകപ്പ്: പ്രീക്വാർട്ടറിൽ പിഎസ്ജിക്കെതിരെ മെസിയും സംഘവും ഇന്ന് കളത്തിലിറങ്ങും

ഫിഫ ക്ലബ് ലോകകപ്പ് പ്രീക്വാർട്ടറിൽ ഇന്ന് കരുത്തർ കളത്തിലിറങ്ങും. ഫ്രഞ്ച് വമ്പന്മാരായ പിഎസ്ജി ലയണല് മെസിയുടെ ഇന്റർ മിയാമിയെ നേരിടും. രാത്രി ഒൻപതരയ്ക്ക് അറ്റ്ലാന്റയിലെ മെഴ്സിഡസ് ബെന്സ് സ്റ്റേഡിയത്തിലാണ് മത്സരം. മറ്റൊരു മത്സരത്തില് ബയേണ് മ്യൂണിക്ക് ബ്രസീലിയന് ക്ലബ് ഫ്ലെമംഗോയെക്കെതിരെ കളിക്കും. രാത്രി 1.30നാണ് മത്സരം.
2023ല് പാരിസ് വിട്ടതിന് ശേഷം ആദ്യമായാണ് മെസി പിഎസ്ജിക്കെതിരെ നേര്ക്കുനേര് പോരിനിറങ്ങുന്നത്. ഗ്രൂപ്പ് ഘട്ടത്തില് ബോട്ടഫോഗോയോട് അപ്രതീക്ഷിത തോല്വി നേരിട്ട പിഎസ്ജിക്ക് പ്രീക്വാര്ട്ടറില് വെല്ലുവിളിയാകുന്നതും ക്ലബിന്റെ മുന്താരം കൂടിയായ മെസിയാകും. മെസിക്കൊപ്പം ലൂയിസ് സുവാരസ്, സെര്ജിയോ ബുസ്കറ്റ്സ്, ജോര്ഡി ആല്ബ എന്നിവരും കളത്തിൽ ഇറങ്ങും.
അതേസമയം, മാര്ച്ച് അഞ്ചിന് ശേഷം നാല് കളിയില് മാത്രമാണ് എന്റികെയുടെ പിഎസ്ജി തോറ്റത്. ഒസ്മാന് ഡെംബലേ, ക്വിച്ച ക്വാരസ്കേലിയ, ഡിസയര് ദുവേ, ഫാബിയന് റൂയിസ്, യാവോ നെവസ്, വിറ്റീഞ്ഞ തുടങ്ങിയവരാണ് പിഎസ്ജിക്കായി കളത്തിൽ ഇറങ്ങുന്നത്.
Football
കാനറികൾക്ക് മുന്നിൽ അടിതെറ്റി ചെല്സി; പിന്നില് നിന്ന ശേഷം 3-1 തോല്പ്പിച്ചു വിട്ടു

ക്ലബ്ബ് ലോക കപ്പില് ബ്രസീല് ടീമായ ഫ്ളമെംഗോയോട് കടുത്ത തോല്വി വഴങ്ങി ഇംഗ്ലീഷ് പ്രീമിയര് ക്ലബ് ആയ ചെല്സി. ഗ്രൂപ്പ് ഡി യില് ഇന്നലെ രാത്രി നടന്ന മത്സരത്തില് ബ്രസീലില് ഒന്നാംകിട ക്ലബ്ബുകളിലൊന്നായ ഫ്ളമെംഗോ തകര്ത്തുവിട്ടത്. മത്സരത്തില് ചെല്സി താരം നിക്കോളാസ് ജാക്സണ് കളത്തിലെത്തി നാല് മിനിറ്റിനകം ചുവപ്പ് കാര്ഡ് കണ്ട് പുറത്തായത് അവരുടെ തോല്വിക്ക് ആക്കം കൂട്ടി. ഒരു ഗോളിന് പിന്നിട്ടുനിന്ന ശേഷമായിരുന്നു ഫ്ളമെംഗോയുടെ തിരിച്ചുവരവ്. ആദ്യ വിസില് മുഴങ്ങി 13-ാം മിനിട്ടില് തന്നെ ചെല്സി സ്കോര് ചെയ്തു. ഏഴാം നമ്പര് താരം പെഡ്രോ നേറ്റോയുടെ വകയായിരുന്നു ഗോള്.
രണ്ടാം പകുതിയിലാണ് ഫ്ലമിങോ മൂന്ന് ഗോളുകള് അടിച്ചത്. 62ാം മിനിട്ടില് ബ്രൂണോ ഹെൻറിക്കും മൂന്ന് മിനിട്ട് പിന്നിട്ടപ്പോഴേക്കും ഡാനിലോയും 83ാം മിനിട്ടില് വാലസി യാനും ഫ്ലമിങോക്ക് വേണ്ടി ചെല്സിയുടെ വല ചലിപ്പിച്ചു. ഗ്രൂപ്പ് ഡിയില് ആറ് പോയിന്റോടെ ഫ്ലമിങോയാണ് മുന്നില്. രണ്ടാം സ്ഥാനത്തുള്ള ചെല്സിക്ക് മൂന്ന് പോയിന്റാണുള്ളത്.
Football
പാരഗ്വായെ വീഴ്ത്തി ബ്രസീൽ ലോകകപ്പിന്; അർജന്റീനയ്ക്ക് സമനിലക്കുരുക്ക്

സാവോപോളോ: കരുത്തരായ പാരഗ്വായെ കീഴടക്കി ബ്രസീൽ അടുത്തവർഷം നടക്കുന്ന ലോകകപ്പിന് യോഗ്യത ഉറപ്പാക്കിയപ്പോൾ സ്വന്തം ഗ്രൌണ്ടിൽ കൊളംബിയക്കെതിരെ സമനില വഴങ്ങി അർജന്റീന.
പുതിയ കോച്ച് കാർലോ ആൻചലോട്ടിക്കു കീഴിൽ സ്വന്തമാക്കുന്ന ആദ്യ ജയത്തോടെയാണ് മഞ്ഞപ്പട അമേരിക്കയിലേക്കുള്ള ടിക്കറ്റെടുത്തത്. 44-ാം മിനുട്ടിൽ വിനിഷ്യസ് ജൂനിയർ നേടിയ ഗോളിലായിരുന്നു ബ്രസീലിന്റെ ജയം. ഇതോടെ, എല്ലാ ഫുട്ബോൾ ലോകകപ്പിനും യോഗ്യത നേടിയ ടീം എന്ന സ്വന്തം റെക്കോർഡ് ബ്രസീൽ നിലനിർത്തി.
അതേസമയം, സ്വന്തം കാണികൾക്കു മുന്നിൽ ലോകചാമ്പ്യന്മാരായ അർജന്റീനയ്ക്ക് സമനില കൊണ്ട് തൃപ്തിപ്പെടേണ്ടി വന്നു. 2024 നവംബറിനു ശേഷം ആദ്യമായി സൂപ്പർ താരം ലയണൽ മെസ്സി പ്ലെയിങ് ഇലവനിൽ വന്നെങ്കിലും കൊളംബിയക്കെതിരെ ജയം കാണാൻ കഴിഞ്ഞില്ല. ആദ്യപകുതിയിൽ ലൂയിസ് ഡിയാസ് കൊളംബിയക്കു വേണ്ടിയും രണ്ടാം പകുതിയിൽ തിയാഗോ അൽമാഡ ആതിഥേയർക്കു വേണ്ടിയും ഗോൾ നേടി. രണ്ടാം പകുതിയിൽ മിഡ്ഫീൽഡർ എൻസോ ഫെർണാണ്ടസ് ചുവപ്പുകാർഡ് കണ്ടത് അർജന്റീനയ്ക്ക് തിരിച്ചടിയായി.
കരുത്തുകാട്ടി ബ്രസീൽ
ഇക്വഡോറിനെതിരെ ഗോൾരഹിത സമനില വഴങ്ങിയ സംഘത്തിൽ കാര്യമായ അഴിച്ചുപണി നടത്തിയാണ് ആൻചലോട്ടി പാരഗ്വായ്ക്കെതിരെ ബ്രസീൽ ടീമിനെ ഇറക്കിയത്. പ്രതിരോധനിരക്കാരെയും ഗോൾകീപ്പറെയും അതേപടി നിലനിർത്തിയെങ്കിലും റഫിഞ്ഞ, ഗബ്രിയേൽ മാർട്ടിനെല്ലി, മാത്യൂസ് കുഞ്ഞ എന്നിവരെ ഉൾപ്പെടുത്തി ആക്രമണം ശക്തമാക്കി. തുടക്കം മുതൽ തന്നെ ബ്രസീലിന്റെ നീക്കങ്ങളിൽ കൂടുതൽ ലക്ഷ്യബോധം ദൃശ്യമായിരുന്നു.
മൂന്നാം മിനുട്ടിൽ വാൻഡേഴ്സന്റെ പാസിൽ നിന്ന് മാത്യൂസ് കുഞ്ഞക്ക് അവസരം ലഭിച്ചെങ്കിലും മുതലെടുക്കാൻ കഴിഞ്ഞില്ല. എട്ടാം മിനുട്ടിൽ റഫിഞ്ഞയുടെ ഷോട്ട് പാരഗ്വായ് കീപ്പർ പിടിച്ചെടുക്കുകയും ചെയ്തു. 12-ാം മിനുട്ടിൽ വലതുഭാഗത്തു നിന്ന് ഗോളിന് കുറുകെ കുഞ്ഞ നൽകിയ പാസിൽ വിനിഷ്യസ് ടച്ച് നൽകിയെങ്കിലും ഗോളിലേക്കു നയിക്കാൻ കഴിഞ്ഞില്ല.
മികച്ച നീക്കങ്ങളുണ്ടായിട്ടും ഗോൾ മാത്രം അകന്നു നിൽക്കുന്നതിനിടെയാണ് 44-ാം മിനുട്ടിൽ വിനിഷ്യസിന്റെ ഗോൾ വന്നത്. ഗോൾകീപ്പർ അലിസൺ ബക്കർ തുടങ്ങിവച്ച നീക്കത്തിനൊടുവിൽ മാത്യുസ് കുഞ്ഞ നൽകിയ പാസ് രണ്ട് പ്രതിരോധക്കാർക്കിടയിലൂടെ വിനിഷ്യസ് വലയിലാക്കുകയായിരുന്നു.
രണ്ടാം പകുതിയിൽ ലീഡ് വർധിപ്പിക്കാൻ ബ്രസീൽ കിണഞ്ഞു ശ്രമിച്ചെങ്കിലും പാരഗ്വായ് പ്രതിരോധത്തിന്റെ കണിശതയും ഗോൾകീപ്പർ ഗറ്റിറ്റോ ഫെർണാണ്ടസിന്റെ സേവുകളും തടസ്സമായി. കിട്ടിയ അവസരങ്ങളിൽ പാരഗ്വായ് ആക്രമണം നടത്താൻ ശ്രമിച്ചെങ്കിലും ബ്രസീലിന്റെ ഒത്തൊരുമയ്ക്കും താരപ്പൊലിമയ്ക്കും മുന്നിൽ ഒന്നും ചെയ്യാൻ കഴിഞ്ഞില്ല.
തിരിച്ചുവന്ന് അർജന്റീന
ലിവർപൂൾ താരം ലൂയിസ് ഡിയാസിന്റെ മനോഹരമായ ഒരു സോളോ ഗോളിലാണ് അർജന്റീനയക്കെതിരെ കൊളംബിയ മുന്നിലെത്തിയത്. കൗണ്ടർ അറ്റാക്കിൽ മിഡ്ഫീൽഡർ കസ്താനോയിൽ നിന്ന് പന്ത് സ്വീകരിച്ച് ഇടതുവിംഗിലൂടെ സ്വതന്ത്രനായി കുതിച്ചുകയറിയ ഡിയാസ് നാല് പ്രതിരോധക്കാർക്കിടയിലൂടെ ബോക്സിൽ പ്രവേശിച്ച് എമിലിയാനോ മാർട്ടിനസിനെ കീഴടക്കുകയായിരുന്നു.
രണ്ടാം പകുതിയിൽ അർജന്റീന സമനില ഗോളിനായി ശ്രമിക്കുന്നതിനിടെ പന്തിനായുള്ള പോരാട്ടത്തിൽ എൻസോ കൊളംബിയൻ താരം കെവിൻ കസ്താനോയുടെ മുഖത്ത് ചവിട്ടിയതോടെ റഫറി ചുവപ്പുകാർഡ് പുറത്തെടുത്തു.
77-ാം മിനുട്ടിൽ പ്രതിരോധക്കാർക്കിടയിലൂടെ വെട്ടിച്ചുകയറിയ മെസ്സിയുടെ ഗോൾശ്രമം കൊളംബിയ വിഫലമാക്കിയതിനു പിന്നാലെ സൂപ്പർ താരത്തെ പിൻവലിച്ച് അർജന്റീന എസിക്വീൽ പലാഷ്യസിനെ കൊണ്ടുവന്നു.
പൂർണമായും പ്രതിരോധത്തിലേക്കു വലിഞ്ഞ കൊളംബിയ ലീഡ് സംരക്ഷിക്കാൻ ശ്രമിക്കുന്നതിനിടെ 81-ാം മിനുട്ടിലാണ് ഗോൾ വന്നത്. മികച്ച പാസുകളിലൂടെ സമ്മർദം ചെലുത്തിയ ലോകചാമ്പ്യന്മാർക്ക് ഇത്തവണ തുണയായത് യുവതാരം തിയാഗോ അൽമാഡയുടെ വ്യക്തിഗത മികവാണ്. പലാഷ്യസിൽ നിന്ന് പന്ത് സ്വീകരിച്ച് പ്രതിരോധക്കാരെ നിഷ്പ്രഭരാക്കി ബോക്സിൽ കയറി അൽമാഡ വലങ്കാൽ കൊണ്ടു തൊടുത്ത ഷോട്ട് ഗോൾകീപ്പർക്ക് അവസരം നൽകാതെ ഇടതുബോക്സിന്റെ മൂലയിൽ ചെന്നുകയറി. രണ്ട് കൊളംബിയൻ താരങ്ങളുടെ കാലുകൾക്കിടയിലൂടെ ചെന്നാണ് പന്ത് ലക്ഷ്യം കണ്ടത്.
-
kerala3 days ago
കോട്ടയം മെഡിക്കല് കോളജ് അപകടം: ആരോഗ്യമന്ത്രിക്കെതിരെ സംസ്ഥാന വ്യാപകമായി ഇന്നും പ്രതിഷേധം
-
kerala3 days ago
ചികിത്സയ്ക്കായി മുഖ്യമന്ത്രി അമേരിക്കയിലേക്ക് പുറപ്പെട്ടു; പകരം ചുമതല ആര്ക്കുമില്ല
-
More3 days ago
അമേരിക്കയില് മിന്നല് പ്രളയത്തില് 24 മരണം
-
kerala3 days ago
അപകട ഭീതിയിൽ പത്തനംതിട്ട ജനറല് ആശുപത്രിയിലെ ബി ആന്ഡ് സി കെട്ടിടം
-
crime3 days ago
‘ഒന്നല്ല, രണ്ടുപേരെ കൊന്നു’; പുതിയ വെളിപ്പെടുത്തലുമായി മുഹമ്മദലി, രണ്ടാം കൊലപാതകം നടന്നത് കോഴിക്കോട് ബീച്ചില്
-
kerala3 days ago
പൊട്ടിപ്പൊളിഞ്ഞ റൂമുകള്; അടര്ന്ന് വീണ് കോണ്ക്രീറ്റ് പാളികള്; കോട്ടയം മെഡിക്കല് കോളജിലെ മെന്സ് ഹോസ്റ്റലും അപകടാവസ്ഥയില്
-
kerala3 days ago
ആരോഗ്യമന്ത്രിക്കെതിരെ യൂത്ത് കോൺഗ്രസ് പ്രതിഷേധം; പ്രവർത്തകർക്ക് നേരെ പൊലീസ് ലാത്തി വീശി
-
kerala3 days ago
സംസ്ഥാനത്ത് നാളെയും മഴയ്ക്ക് സാധ്യത; രണ്ടു ജില്ലകളിൽ മാത്രം യെല്ലോ അലർട്ട്