Connect with us

Culture

ലാലിഗ: എയ്ബറും കടന്ന് റയല്‍, വിയ്യാറയലിന് നാലു ഗോള്‍ ജയം

Published

on

മാഡ്രിഡ്: ഒരു ഗോളടിച്ചും രണ്ടെണ്ണത്തിന് വഴിയൊരുക്കിയും മാര്‍കോ അസന്‍സിയോ മിന്നിയ സ്പാനിഷ് ലാലിഗ മത്സരത്തില്‍ നിലവിലെ ചാമ്പ്യന്മാരായ റയല്‍ മാഡ്രിഡിന് ജയം. സാന്റിയാഗോ ബര്‍ണേബുവില്‍ എതിരില്ലാത്ത മൂന്നു ഗോളിന് റയല്‍ എയ്ബറിനെ കീഴടക്കി. സെല്‍റ്റ വിഗോയെ ഒരു ഗോളിന് വീഴ്ത്തി അത്‌ലറ്റികോ മാഡ്രിഡും ലാസ് പല്‍മാസിനെ നാലു ഗോളിന് തകര്‍ത്ത് വിയ്യാറയലും കരുത്തു കാട്ടിയപ്പോള്‍ അത്‌ലറ്റിക് ബില്‍ബാവോ ലിഗാനീസിനോട് തോറ്റു.

ശനിയാഴ്ച ബാര്‍സ മാലഗയെ വീഴ്ത്തിയതോടെ അവരുമായുള്ള അകലം എട്ട് പോയിന്റായിരുന്ന റയല്‍ ഇന്നലെ പൗളോ ഒലിവേര (ഓള്‍ ഗോള്‍), മാര്‍കോ അസന്‍സിയോ, മാര്‍സലോ എന്നിവരുടെ ഗോളുകളിലാണ് ജയം കണ്ടത്. 18-ാം മിനുട്ടില്‍ ഇസ്‌കോയുടെ ക്രോസില്‍ ബോക്‌സില്‍ നിന്ന് അപകടമൊഴിവാക്കാന്‍ ഉയര്‍ന്നു ചാടി പൗളോ ഒലിവേര തൊടുത്ത ഹെഡ്ഡര്‍ സ്വന്തം വലയിലേക്ക് താണിറങ്ങുകയായിരുന്നു. 28-ാം മിനുട്ടില്‍ ഇസ്‌കോയുടെ ക്രോസില്‍ നിന്ന് തകര്‍പ്പന്‍ ഷോട്ടിലൂടെ അസന്‍സിയോ ലീഡുയര്‍ത്തിയപ്പോള്‍ 82-ാം മിനുട്ടില്‍ അസന്‍സിയോയുടെ പാസില്‍ നിന്ന് മാര്‍സലോ പട്ടിക പൂര്‍ത്തിയാക്കി.

എവേ ഗ്രൗണ്ടില്‍ 28-ാം മിനുട്ടില്‍ കെവിന്‍ ഗമീറോ നേടിയ ഗോളിലാണ് അത്‌ലറ്റികോ മാഡ്രിഡ് സെല്‍റ്റ വിഗോയെ പരാജയപ്പെടുത്തിയത്. ഗോള്‍ രഹിതമായ ആദ്യ പകുതിക്കു ശേഷം സെഡ്രിക് ബകാംബു (48), മരിയോ ഗാസ്പര്‍ (65), ഷിമോ നവാറോ (ഓണ്‍ഗോള്‍ 67), നിക്കോള സാന്‍സോണ്‍ (93) എന്നിവര്‍ ലാസ് പല്‍മാസിനെതിരെ വിയ്യാറയലിന്റെ ഗോളുകള്‍ നേടി. സ്വന്തം ഗ്രൗണ്ടില്‍ ക്ലോഡിയോ ബ്യൂവൂ 54-ാം മിനുട്ടില്‍ നേടിയ ഗോളിലാണ് ലിഗാനീസ് അത്‌ലറ്റികോ ബില്‍ബാവോയെ വീവ്ത്തിയത്.

ഒന്‍പത് റൗണ്ട് മത്സരങ്ങള്‍ പിന്നിട്ടപ്പോള്‍ 25 പോയിന്റുമായി ബാര്‍സലോണയാണ് ലീഗില്‍ ഒന്നാം സ്ഥാനത്തുള്ളത്. 21 പോയിന്റോടെ വലന്‍സിയയാണ് രണ്ടാമത്. റയല്‍ മാഡ്രിഡ് (20), അത്‌ലറ്റികോ മാഡ്രിഡ് (19) എന്നിവര്‍ മൂന്നും നാലും സ്ഥാനങ്ങളില്‍.

Film

തിയറ്ററിലിരുന്ന് കരയുകയായിരുന്നു, എന്‍റെ ജീവിതമാണത്’: നജീബ്

നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു

Published

on

കൊച്ചി: ‘ആടുജീവിതം’ സിനിമ കണ്ടപ്പോൾ ചില രംഗങ്ങൾ കണ്ട് തിയേറ്ററിനുള്ളിൽ ഇരുന്ന് കരയുകയായിരുന്നു താനെന്ന് നജീബ്. തന്റെ ജീവിതമാണ് സ്ക്രീനിലൂടെ കണ്ടതെന്നും നടൻ പൃഥ്വിരാജിനെ കണ്ടിരുന്നെങ്കിൽ കെട്ടിപ്പിടിച്ച് ഉമ്മ കൊടുക്കുമായിരുന്നു എന്നും അദ്ദേഹം പറഞ്ഞു. ‘ആടുജീവിതം’ ആദ്യ ഷോ കണ്ടിറങ്ങിയപ്പോഴായിരുന്നു നജീബിന്‍റെ പ്രതികരണം.

പൃഥ്വിരാജ് വളരെ നന്നായി അഭിനയിച്ചിട്ടുണ്ട്. സിനിമ തിയേറ്ററിൽ എത്തുന്നത് കുടുംബം കാത്തിരിക്കുകയായിരുന്നു. എന്നാൽ മകന്റെ കുഞ്ഞ് മരിച്ചതോടെ എല്ലാവരും ദുഃഖത്തിലാണ്. എല്ലാവരും നിർബന്ധിച്ചത് കൊണ്ടാണ് ഇന്ന് സിനിമ കാണാൻ എത്തിയത്. ഇന്ന് തന്നെ സിനിമ കാണുമെന്ന് പറഞ്ഞ് നിരവധി പേരാണ് തന്നെ വിളിക്കുന്നത് -നജീബ് പറഞ്ഞു.

അതേസമയം, ഇന്ന് തിയറ്ററുകളിലെത്തിയ ചിത്രത്തിന് മികച്ച അഭിപ്രായമാണ് ലഭിക്കുന്നത്. ലോകോത്തര നിലവാരത്തിലുള്ള സിനിമയെന്നും, ബ്ലെസ്സി എന്ന സംവിധായകന്‍റെ 16 വർഷത്തെ കഠിനാധ്വാനം ഫലം കണ്ടിരിക്കുന്നുവെന്നുമെല്ലാം പ്രേക്ഷകർ അഭിപ്രായപ്പെടുന്നു.

Continue Reading

Art

സ്റ്റാൻഡപ്പ് കോമഡി വേദികളിൽ നിന്നും ചലച്ചിത്ര അരങ്ങിലേക്ക്

ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്.

Published

on

മലയാളത്തിലെ ആദ്യത്തെ സ്റ്റാൻഡപ്പ് കോമഡി റിയാലിറ്റി ഷോ ആയ ഫൺസ് അപ്പോൺ എ ടൈം സീസൺ 3 യുടെ മത്സരാർത്ഥികൾ ചലച്ചിത്ര അരങ്ങിലേക്ക്. ഷോയിലൂടെ ശ്രദ്ധേയരായ അൻസിൽ, ധരൻ, സംഗീത് റാം, സോബിൻ കുര്യൻ എന്നീ 4 കോമേഡിയന്മാരാണ് ആദ്യ സിനിമയിലേക്ക് ചുവട് വെച്ചത്. ജോബി വയലുങ്കൽ സംവിധാനം ചെയ്ത് അരിസ്റ്റോ സുരേഷ് നായകനാകുന്ന ചിത്രത്തിലാണ് നാൽവർ സംഘം ഭാഗമാകുന്നത്. വയലുങ്കൽ ഫിലംസ്ന്റെ ബാന്നറിൽ ഒരുങ്ങുന്ന ചിത്രത്തിന്റെ പേര് വൈകാതെ പ്രഖ്യാപിക്കും.

സംവിധായകനൊപ്പം ധരൻ ചിത്രത്തിന്റെ കഥ തിരക്കഥ കൈകാര്യം ചെയ്തിരിക്കുന്നു. മറ്റുള്ളവർ പ്രധാനപ്പെട്ട വേഷങ്ങളും കൈകാര്യം ചെയ്തിരിക്കുന്നു. വിഷ്ണു പ്രസാദ്, ബോബൻ ആലുമ്മൂടൻ, സജി വെഞ്ഞാറമൂട്, കൊല്ലം തുളസി, യവനിക ഗോപാലകൃഷ്ണൻ, ഹരിശ്രീ മാർട്ടിൻ, ഷാജി മാവേലിക്കര, വിനോദ്, ഭാസി, അരുൺ വെഞ്ഞാറമൂട് തുടങ്ങിയവർ അഭിനയിച്ചിരിക്കുന്നു.

ക്യാമറ: എ കെ ശ്രീകുമാർ, എഡിറ്റ്‌: ബിനോയ്‌ ടി വർഗീസ്, കൺട്രോളർ: രാജേഷ് നെയ്യാറ്റിൻകര. സംഗീതം: ജസീർ, ആലാപനം: അരവിന്ദ് വേണുഗോപാൽ, വൈക്കം വിജയലക്ഷ്മി, തൊടുപുഴയിൽ ചിത്രീകരണം പൂർത്തിയായ ചിത്രം വൈകാതെ തീയേറ്ററുകളിൽ എത്തും.

Continue Reading

Film

നടി നേഹ ശർമ്മ കോൺഗ്രസ് സ്ഥാനാർത്ഥിയായേക്കും; സൂചന നൽകി പിതാവ്

ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ.

Published

on

ബോളിവുഡ് താരം നേഹ ശര്‍മ്മ വരാനിരിക്കുന്ന ലോക്സഭാ തിരഞ്ഞെടുപ്പില്‍ കോണ്‍ഗ്രസിനായി മത്സരിച്ചേക്കുമെന്ന സൂചന നല്‍കി പിതാവ്. ബിഹാറിലെ ഭഗല്‍പൂരില്‍ നിന്നുള്ള കോണ്‍ഗ്രസ് എംഎല്‍എയാണ് നേഹയുടെ അച്ഛന്‍ അജയ് ശര്‍മ. സഖ്യകക്ഷികളുമായുള്ള ധാരണയ്‌ക്കൊടുവില്‍ ഭഗല്‍പൂര്‍ സീറ്റ് കോണ്‍ഗ്രസിന് ലഭിക്കുകയാണെങ്കില്‍ മകളെ നാമനിര്‍ദേശം ചെയ്യുമെന്ന് അജയ് അറിയിച്ചു.

‘കോണ്‍ഗ്രസിന് ഭഗല്‍പൂര്‍ ലഭിക്കണം, ഞങ്ങള്‍ മത്സരിച്ച് സീറ്റ് നേടും. കോണ്‍ഗ്രസിന് ഭഗല്‍പൂര്‍ ലഭിച്ചാല്‍, എന്റെ മകള്‍ നേഹ ശര്‍മ്മ മത്സരിക്കണമെന്ന് ഞാന്‍ ആഗ്രഹിക്കുന്നു. പക്ഷേ പാര്‍ട്ടിക്ക് ഞാന്‍ മത്സരിക്കണമെന്നാണ് ആഗ്രഹിമെങ്കില്‍ അത് ചെയ്യും’ അജയ് ശര്‍മ്മ പറഞ്ഞു.

Continue Reading

Trending