താമരശ്ശേരി:പുതുപ്പാടി ഗ്രാമപഞ്ചായത്തിലെ 15 ആം വാര്‍ഡില്‍ തോറ്റ എല്‍ഡിഎഫ് സ്ഥാനാര്‍ത്ഥി കടിച്ച് മുറിവേല്‍പ്പിച്ചതായി പരാതി. ഇന്നു രാവിലെ പെരുമ്പള്ളിയില്‍ സംഘര്‍ഷത്തെ തുടര്‍ന്നാണ് സംഭവം.

പെരുമ്പള്ളി മേഖല ഡിവൈഎഫ്‌ഐ നേതാവായ എല്‍ഡിഎഫ് സ്ഥാനാര്‍ത്ഥി ഷെനിജാണ് കടിച്ചത്. പെരുമ്പള്ളി ഓട്ടോ ബഷീറിന്റെ മകന്‍ ബിലാലിനാണ് കടിയേറ്റത്. എംഎസ്എഫ് പെരുമ്പള്ളി യൂണിറ്റ് ട്രഷറാണ് ബിലാല്‍

പുതുപ്പാടിയിലെ എല്‍ഡിഎഫിലെ മുതിര്‍ന്ന നേതാക്കള്‍ തോറ്റതിന് പാര്‍ട്ടി പ്രവര്‍ത്തകരെ ഉപയോഗിച്ച് പരകെ അക്രമം അഴിച്ചു വിടുകയാണ്. ഇന്നലെ സര്‍വ്വകക്ഷി യോഗം ചേര്‍ന്നെങ്കിലും സംഘര്‍ഷങ്ങള്‍ക്ക് അറുതിയായിട്ടില്ല. സംഘര്‍ഷങ്ങളില്‍ പ്രതിഷേധിച്ച് പെരുമ്പളളിയില്‍ യുഡിഎഫ് പ്രതിഷേധപ്രകടം നടത്തി.