പാലക്കാട്: വിനോദ സഞ്ചാര കേന്ദ്രമായ നെല്ലിയാമ്പതി കാണാനെത്തിയ രണ്ടു യുവാക്കള്‍ വ്യൂപോയിന്റില്‍ നിന്ന് കൊക്കയിലേക്ക് വീണു. നെല്ലിയാമ്പതി സീതാര്‍ക്കുണ്ട് വ്യൂപോയിന്റില്‍ നിന്നാണ് അതീവ താഴ്ചയിലേക്ക് വീണത്.
ഒറ്റപ്പാലം മേലൂര്‍ സ്വദേശി സന്ദീപ്, കോട്ടായി സ്വദേശി രഘുനന്ദന്‍ എന്നിവരെയാണ് കാണാതായത്. മൂവായിരം അടി താഴ്ചയില്‍ കൊല്ലങ്കോട് ഭാഗത്തുള്ള വനമേഖലയിലേക്കാണ് വീണത്. കാല്‍വഴുതിയ സന്ദീപിനെ രക്ഷിക്കാന്‍ ശ്രമിക്കുന്നതിനിടെ രഘുനന്ദനും വീഴുകയായിരുന്നു.
ബംഗളുരുവില്‍ ഐടി കമ്പനിയില്‍ ജോലി ചെയ്യുന്ന സുഹൃത്തുക്കളുമായാണ് ഇരുവരും നെല്ലിയാമ്പതിയിലെത്തിയത്. കാണാതായവര്‍ക്കായി പൊലീസ്, വനം, അഗ്‌നിശമന വിഭാഗങ്ങള്‍ തിരച്ചില്‍ ആരംഭിച്ചു.
Be the first to write a comment.