Connect with us

Cricket

മിന്നല്‍ ജഡ്ഡു ത്രോ: അമ്പരന്ന് ക്രിക്കറ്റ് ആരാധകര്‍

സ്മിത്തിനെ ദുര്‍ഘടമായ ആംഗിളില്‍ നിന്ന് ഡയറക്ട് ഹിറ്റിലൂടെയാണ് ജഡേജ പുറത്താക്കിയത്.

Published

on

സിഡ്‌നി: ഫീല്‍ഡിംഗില്‍ തിളങ്ങി വീണ്ടും ജഡേജ. ഓസ്‌ട്രേലിക്കെതിരായ മൂന്നാം ടെസ്റ്റില്‍ സ്റ്റീവ് സ്മിത്തിനെ ജഡേജയുടെ മിന്നല്‍ ത്രോയാണ് സോഷ്യല്‍മീഡിയയില്‍ വൈറലായത്. മികച്ച ഫോമിലുള്ള സ്മിത്തിനെ ദുര്‍ഘടമായ ആംഗിളില്‍ നിന്ന് ഡയറക്ട് ഹിറ്റിലൂടെയാണ് ജഡേജ പുറത്താക്കിയത്. 131 റണ്‍സെടുത്ത സ്മിത്ത് പുറത്തായതോടെ ഓസ്‌ട്രേലിയ 338 റണ്‍സിന് ഓള്‍ഔട്ടാകുകയായിരുന്നു.

നേരത്തെയും മിന്നല്‍ ത്രോയിലൂടെ ജഡേജ ക്രിക്കറ്റ് ആരാധകരെ ഞെട്ടിച്ചിട്ടുണ്ട്. സിഡ്‌നിയിലെ ജഡ്ഡുത്രോയെ പുകഴ്ത്തി കമന്‍ഡേറ്റര്‍ സഞ്ജയ് മഞ്ജരേക്കറും രംഗത്തെത്തി. പ്രത്യക്ഷത്തില്‍ അസാധ്യമെന്നുതോന്നിച്ച ആ റണ്ണൗട്ട് യാഥാര്‍ത്ഥ്യമാക്കാന്‍ ജഡേജയ്ക്ക് മാത്രമേ സാധ്യമാകൂ എന്ന് അദ്ദേഹം ട്വിറ്ററില്‍കുറിച്ചു. മുന്‍പ് ജഡേജയെ വിമര്‍ശിച്ചതിലൂടെ ശ്രദ്ധേയനായ മഞ്ജറേക്കറിന്റെ ഈ പരാമര്‍ശവും സോഷ്യല്‍മീഡിയ ഏറ്റെടുത്തിട്ടുണ്ട്.

ഫീല്‍ഡിംഗിന് പുറമെ ബൗളിംഗിലും തിളങ്ങിയ ജഡേജ 18ഓവറില്‍ 62റണ്‍സ് വഴങ്ങി നാല് വിക്കറ്റും നേടി.

Cricket

ആവേശപ്പോരില്‍ അഫ്ഗാന്‍! ബംഗ്ലാദേശിനെ തകര്‍ത്ത് സെമിയില്‍; ഓസീസ് പുറത്ത്

ഡക്വര്‍ത്ത് ലൂയിസ് നിയമപ്രകാരം എട്ട് റണ്‍സിനാണ് അഫ്ഗാന്റെ വിജയം.

Published

on

ട്വന്റി 20 ലോകകപ്പില്‍ ചരിത്രം തിരുത്തി അഫ്ഗാനിസ്ഥാന്‍. ഇതാദ്യമായി അഫ്ഗാനിസ്ഥാന്‍ ട്വന്റി 20 ലോകകപ്പിന്റെ സെമിയില്‍ കടന്നു. മത്സരത്തില്‍ ആദ്യം ബാറ്റ് ചെയ്ത അഞ്ച് വിക്കറ്റ് നഷ്ടത്തില്‍ 115 റണ്‍സെടുത്തു. മറുപടി ബാറ്റിംഗില്‍ ബംഗ്ലാദേശ് 17.5 ഓവറില്‍ 105 റണ്‍സില്‍ ഓള്‍ ഔട്ടായി. ഡക്വര്‍ത്ത് ലൂയിസ് നിയമപ്രകാരം എട്ട് റണ്‍സിനാണ് അഫ്ഗാന്റെ വിജയം.

മത്സരത്തില്‍ ടോസ് നേടിയ അഫ്ഗാനിസ്ഥാന്‍ ബാറ്റിംഗ് തിരഞ്ഞെടുത്തു. ഭേദപ്പെട്ട തുടക്കം ലഭിച്ചിട്ടും മെല്ലപ്പോക്കാണ് അഫ്ഗാനെ ചെറിയ സ്‌കോറില്‍ ഒതുക്കിയത്. ആദ്യ വിക്കറ്റില്‍ 59 റണ്‍സ് പിറന്നു. എങ്കിലും ഇബ്രാഹിം സദ്രാന് 18 റണ്‍സെടുക്കാന്‍ 29 പന്തുകള്‍ വേണ്ടിവന്നു. റഹ്മനുള്ള ഗുര്‍ബാസ് 55 പന്തില്‍ 43 റണ്‍സെടുത്തു പുറത്തായി. അവസാന നിമിഷം ആഞ്ഞടിച്ച ക്യാപ്റ്റന്‍ റാഷിദ് ഖാനാണ് അഫ്ഗാനെ ഭേദപ്പെട്ട സ്‌കോറിലെത്തിച്ചത്. 10 പന്തില്‍ 19 റണ്‍സുമായി റാഷിദ് പുറത്താകാതെ നിന്നു. മൂന്ന് സിക്‌സുകള്‍ അടങ്ങിയതായിരുന്നു താരത്തിന്റെ ഇന്നിംഗ്‌സ്.

12.1 ഓവറില്‍ വിജയലക്ഷ്യത്തിലെത്തിയാല്‍ ബംഗ്ലാദേശിന് സെമി സാധ്യതകളുണ്ടായിരുന്നു. മറുപടി ബാറ്റിം?ഗില്‍ ഇടവിട്ട് പെയ്ത മഴയിലും കടുവകള്‍ വെടിക്കെട്ട് നടത്തി. എന്നാല്‍ കൃത്യമായ ഇടവേളകളില്‍ വിക്കറ്റുകളും വീണുകൊണ്ടിരുന്നു. വിക്കറ്റ് വേട്ടയ്ക്ക് നേതൃത്വം നല്‍കിയത് റാഷിദ് ഖാന്‍ തന്നെയാണ്. നാല് വിക്കറ്റുകള്‍ വീഴ്ത്തി അഫ്ഗാന്‍ ക്യാപ്റ്റന്‍ ബം?ഗ്ലാദേശിനെ പ്രതിസന്ധിയിലാക്കി. അഫ്?ഗാന്‍ ജയിച്ചതോടെ ഓസ്‌ട്രേലിയ ട്വന്റി 20 ലോകകപ്പില്‍ നിന്ന് പുറത്തായി.

മത്സരം വിജയിച്ചാല്‍ മാത്രമെ അഫ്ഗാനിസ്ഥാന് സെമിയില്‍ എത്താന്‍ കഴിയുമായിരുന്നുള്ളു. ഇടയില്‍ പെയ്ത മഴയില്‍ ബംഗ്ലാദേശ് വിജയലക്ഷ്യം 19 ഓവറില്‍ 114 ആയി ചുരുങ്ങി. അഫ്ഗാന്റെ ചരിത്ര നേട്ടത്തിന് തടസമായി നിന്നത് ലിട്ടണ്‍ ദാസിന്റെ ബാറ്റിംഗാണ്. ഓപ്പണറായി ഇറങ്ങി അവസാന നിമിഷം വരെ ലിട്ടണ്‍ പോരാടി. എന്നാല്‍ 54 റണ്‍സോടെ പുറത്താകാതെ നിന്ന താരത്തെ നിസഹായനാക്കി അഫ്ഗാന്‍ എട്ട് റണ്‍സ് അകലെ വിജയം കുറിച്ചു.

Continue Reading

Cricket

ഓസ്‌ട്രേലിയക്കെതിരെ അഫ്ഗാന്റെ മധുര പ്രതികാരം; ട്വന്റി 20 ലോകകപ്പില്‍ 21 റണ്‍സ് ജയം

ആദ്യം ബാറ്റ് ചെയ്ത അഫ്ഗാനിസ്ഥാന്‍ ഉയര്‍ത്തിയ 149 റണ്‍സ് വിജയലക്ഷ്യത്തിലേക്ക് ബാറ്റുവീശിയ ഓസ്‌ട്രേലിയ 19.2 ഓവറില്‍ 127 റണ്‍സിന് ഓള്‍ ഔട്ടായി.

Published

on

ട്വന്റി-20 ലോകകപ്പിലെ നിര്‍ണായക സൂപ്പര്‍ 8 പോരാട്ടത്തില്‍ കരുത്തരായ കങ്കാരുക്കളെ 21 റണ്‍സിന് അട്ടിമറിച്ച് ഏകദിന ലോകകപ്പിലെ തോല്‍വിക്ക് പ്രതികാരം വീട്ടി അഫ്ഗാനിസ്ഥാന്‍. ആദ്യം ബാറ്റ് ചെയ്ത അഫ്ഗാനിസ്ഥാന്‍ ഉയര്‍ത്തിയ 149 റണ്‍സ് വിജയലക്ഷ്യത്തിലേക്ക് ബാറ്റുവീശിയ ഓസ്‌ട്രേലിയ 19.2 ഓവറില്‍ 127 റണ്‍സിന് ഓള്‍ ഔട്ടായി.

ഏകദിന ലോകകപ്പില്‍ ഓസീസിനെതിരെ ജയത്തിന് അടുത്തെത്തിയ അഫ്ഗാനിസ്ഥാനെ ഗ്ലെന്‍ മാക്‌സ്വെല്ലിന്റെ വെടിക്കെട്ട് ഡബിള്‍ സെഞ്ചുറിയുടെ കരുത്തില്‍ മറികടന്ന ഓസീസിനായി ഇത്തവണയും അര്‍ധസെഞ്ചുറിയുമായി മാക്‌സ്വെല്‍ പൊരുതിയെങ്കിലും ജയം അടിച്ചെടുക്കാനായില്ല. മൂന്ന് നിര്‍ണായക ക്യാച്ചുകളും 4 വിക്കറ്റും വീഴ്ത്തിയ ഗുല്‍ബാദിന്‍ നൈബാണ് കളിയിലെ താരം.

ജീവന്‍മരണപ്പോരാട്ടത്തില്‍ അഫ്ഗാനിസ്ഥാന്‍ ജയിച്ചതോടെ ഗ്രൂപ്പ് രണ്ടില്‍ നിന്ന് ഇന്ത്യ സെമി ഉറപ്പിച്ചു. അവസാന മത്സരത്തില്‍ ഇന്ത്യയെ തോല്‍പ്പിച്ചാല്‍ മാത്രമെ ഇനി ഓസീസിന് സെമിയിലെത്താനാവു. അവസാന മത്സരത്തില്‍ ബംഗ്ലാദേശിനെ തോല്‍പ്പിച്ചാല്‍ അഫ്ഗാനിസ്ഥാനും സെമിയിലെത്താം.ടി20 ക്രിക്കറ്റില്‍ ഓസ്‌ട്രേലിയക്കെതിരെ അഫ്ഗാനിസ്ഥാന്റെ ആദ്യ ജയമാണിത്. സ്‌കോര്‍ അഫ്ഗാനിസ്ഥാന്‍ 20 ഓവറില്‍ 148-6, ഓസ്‌ട്രേലിയ 19.2 ഓവറില്‍ 127ന് ഓള്‍ ഔട്ട്.

അഫ്ഗാന്‍ ഉയര്‍ത്തിയ 149 റണ്‍സ് വിജയലക്ഷ്യത്തിലേക്ക് ബാറ്റു വീശിയ ഓസീസിന് തുടക്കത്തിലെ അടിതെറ്റി. ഓപ്പണര്‍ ട്രാവിസ് ഹെഡ്(0) ആദ്യ ഓവറിലും ഡേവിഡ് വാര്‍ണര്‍(3) മൂന്നാം ഓവറിലും മടങ്ങി. ക്യാപ്റ്റന്‍ മിച്ചല്‍ മാര്‍ഷിനെ(12) നവീന്‍ ഹള്‍ ഹഖ് മടക്കി. ഗെല്ന്‍ മാക്‌സ്വെല്‍(41 പന്തില്‍ 59)ഒരിക്കല്‍ കൂടി ഓസീസിന്റെ രക്ഷകനാകുമെന്ന് കരുതിയെങ്കിലും 11 റണ്‍സെടുത്ത മാര്‍ക്കസ് സ്റ്റോയ്‌നിസ് മാത്രമെ പിന്നീട് ഓസീസ് നിരയില്‍ രണ്ടക്കം കടന്നുള്ളു. ടിം ഡേവിഡ്(2), മാത്യു വെയ്ഡ്(5), പാറ്റ് കമിന്‍സ്(3) എന്നിവരെല്ലാം വന്നപോലെ മടങ്ങിയപ്പോള്‍ അഫ്ഗാനിസ്ഥാന്‍ ആവേശജയം സ്വന്തമാക്കി.

അഫ്ഗാനായി ഗുല്‍ബാദിന്‍ നൈബ് നാലോവറില്‍ 20 റണ്‍സിന് നാലു വിക്കറ്റെടുത്തപ്പോള്‍ നവീന്‍ ഉള്‍ ഹഖ് 20 റണ്‍സിന് മൂന്ന് വിക്കറ്റെടുത്തു. നായകന്‍ റാഷി്ദ് ഖാന്‍ നാലോവറില്‍ 23 റണ്‍സിന് ഒരു വിക്കറ്റെടുത്തു. നേരത്തെ ആദ്യം ബാറ്റ് ചെയ്ത അഫ്ഗാനിസ്ഥാന്‍ ഓപ്പണര്‍മാരായ റഹ്മാനുള്ള ഗുര്‍ബാസിന്റെയും(49 പന്തില്‍ 60), ഇബ്രാഹിം സര്‍ദ്രാന്റെയും(48 പന്തില്‍ 51) തകര്‍പ്പന്‍ അര്‍ധസെഞ്ചുറികളുടെ കരുത്തിലാണ് ഭേദപ്പെട്ട സ്‌കോറിലെത്തിയത്.

ഓപ്പണിംഗ് വിക്കറ്റില്‍ ഇരുവരും ചേര്‍ന്ന് 15.5 ഓവറില്‍ 118 റണ്‍സടിച്ചു. എന്നാല്‍ ഇരുവരും പുറത്തായശേഷം പിന്നീട് വന്ന അസ്മത്തുള്ള ഒമര്‍സായി(2), കരീം ജന്നത്ത്(13), റാഷിദ് ഖാന്‍(2), ഗുല്‍ബാദിന്‍ നൈബാ(0) എന്നിവരെല്ലാം നിരാശപ്പെടുത്തിയപ്പോള്‍ മുഹമ്മദ് നബി(4 പന്തില്‍ 10*) ആണ് അഫ്ഗാനെ 148ല്‍ എത്തിച്ചത്. ഓസീസിനായി പാറ്റ് കമിന്‍സ് തുടര്‍ച്ചയായ രണ്ടാം മത്സരത്തിലും ഹാട്രിക്ക് അടക്കം 28 റണ്‍സിന് മൂന്ന് വിക്കറ്റെടുത്തപ്പോള്‍ ആദം സാംപ 28 റണ്‍സിന് രണ്ട് വിക്കറ്റെടുത്തു.

Continue Reading

Cricket

സൂപ്പര്‍ 8ല്‍ ഇന്ത്യക്ക് ഇന്ന് ആദ്യ മത്സരം, ജയം അനിവാര്യം

ഇന്ത്യന്‍ ടീമില്‍ വലിയ മാറ്റങ്ങള്‍ ഉണ്ടാവാന്‍ സാധ്യതയില്ല.

Published

on

ട്വന്റി 20 ലോകകപ്പ് സൂപ്പര്‍ 8ല്‍ ഇന്ത്യക്ക് ഇന്ന് ആദ്യ മത്സരം. ഇന്ന് നടക്കുന്ന മത്സരത്തില്‍ ഇന്ത്യ അഫ്ഗാനിസ്ഥാനെയാണ് നേരിടുക. രാത്രി 8 മണിക്കാണ് മത്സരം നടക്കുക. ഇന്ത്യന്‍ ടീമില്‍ വലിയ മാറ്റങ്ങള്‍ ഉണ്ടാവാന്‍ സാധ്യതയില്ല. എന്നാല്‍ ഇന്ത്യയുടെ വിക്കറ്റ് കീപ്പറായ റിഷഭ് പന്ത് ഇന്നലെ പരിശീലനം നടത്തിയില്ല. പന്ത് ഇല്ല എങ്കില്‍ സഞ്ജു സാംസണ്‍ പകരക്കാരനാകും.

ഇന്ന് ഒരു പേസ് ബോളറെ ഒഴിവാക്കി പകരം ഒരു സ്പിന്നിനെ അധികം ഇന്ത്യ കളിപ്പിക്കാന്‍ സാധ്യതയുണ്ട്. സൂപ്പര്‍ 8ല്‍ ഇന്ത്യക്ക് ഒപ്പമുള്ളത് അഫ്ഗാനിസ്ഥാനും ബംഗ്ലാദേശും ഓസ്‌ട്രേലിയമാണ്. ആദ്യ രണ്ട് സ്ഥാനങ്ങളില്‍ ഫിനിഷ് ചെയ്യുന്ന ടീമുകള്‍ക്ക് സെമിഫൈനലിലേക്ക് മുന്നേറാം. അഫ്ഗാനിസ്ഥാനെയും ബംഗ്ലാദേശിനെയും എളുപ്പത്തില്‍ തോല്‍പ്പിക്കാന്‍ ആകുമെന്ന് തന്നെ ആകും ഇന്ത്യയുടെ പ്രതീക്ഷ.

ഇന്ത്യ ഗ്രൂപ്പ് മത്സരങ്ങള്‍ കളിച്ച ന്യൂയോര്‍ക്ക് പിച്ചില്‍ നിന്ന് ഏറെ വ്യത്യാസമുള്ള ബാര്‍ബഡോസയിലെ പിച്ചിലാണ് ഇന്ന് മത്സരം നടക്കുന്നത്. ഗ്രൂപ്പ് ഘട്ടത്തില്‍ ഇന്ത്യ ബോളര്‍മാരുടെ മികവില്‍ ആയിരുന്നു മത്സരങ്ങള്‍ ജയിച്ചത്. അഫ്ഗാനിസ്ഥാനും അവരുടെ ബൗളിംഗ് മികവുകൊണ്ടാണ് സൂപ്പര്‍ 8ലേക്ക് എത്തിയത്.

Continue Reading

Trending