സൂപ്പര്‍സ്റ്റാര്‍ സന്തോഷ് പണ്ഡിറ്റിന്റെ അടുത്ത ചിത്രത്തില്‍ നായികയായി എത്തുന്നത് സോണിയ അഗര്‍വാളെന്ന് റിപ്പോര്‍ട്ട്. മലയാളത്തില്‍ മുന്‍ നിര താരങ്ങള്‍ക്കൊപ്പം അഭിനയിച്ച സന്തോഷ് പണ്ഡിറ്റ് ഇനി അഭിനയിക്കുന്നത് അഹല്യ എന്ന ഹൊറര്‍ ചിത്രത്തിലാണ്. ചിത്രത്തില്‍ സന്തോഷ് പണ്ഡിറ്റ് സോണിയ അഗര്‍വാളിന്റെ നായകനാവുകയാണ്. ബഹുഭാഷാ ചിത്രമാണിത്.

www.mirchigossips.com

മലയാളം, തമിഴ്, തെലുങ്ക്, കന്നഡ, ഹിന്ദി എന്നീ ഭാഷകളില്‍ ചിത്രം ഒരുങ്ങും. ചിത്രത്തില്‍ സോണിയയെ കൂടാതെ ലീന കപൂറും നായികയായെത്തുന്നുണ്ട്. സന്തോഷ് പണ്ഡിറ്റിനെ കൂടാതെ ചിത്രത്തില്‍ ഒരു താരംകൂടി അതിഥി താരമായെത്തുന്നുണ്ട്.

സാഗര ഫിലിം കമ്പനിയുടെ ബാനറില്‍ ഷിജിന്‍ ലാലാണ് ചിത്രം സംവിധാനം ചെയ്യുന്നത്. തിരുവനന്തപുരം, വര്‍ക്കല, കോവളം എന്നിവിടങ്ങളിലാണ് ചിത്രീകരണം നടക്കുക. മലയാളത്തില്‍ മമ്മുട്ടിക്കൊപ്പം സന്തോഷ് പണ്ഡിറ്റ് അഭിനയിച്ചിരുന്നു. രാജാധിരാജയ്ക്ക് ശേഷം അജയ് വാസുദേവ് സംവിധാനം ചെയ്യുന്നതാണ് മമ്മുട്ടി ചിത്രം. ചിത്രത്തില്‍ മമ്മുട്ടിക്കൊപ്പം ഒരു മുഴുനീള കഥാപാത്രമായാണ് സന്തോഷ് പണ്ഡിറ്റ് എത്തുന്നത്.