Connect with us

Video Stories

അവന്‍ പ്രിയതാരത്തിന്റെ തോളില്‍ കൈയ്യിടും

Published

on

 
പാരീസ്: ഇതൊരു സിനിമാക്കഥയാണെന്ന് വായിക്കുന്നവര്‍ക്ക് തോന്നിയെങ്കില്‍ അത് തികച്ചും യാദൃശ്ചികമാണ്… കൊച്ചുനാളില്‍ തന്നെ അവന്റെ രക്തത്തില്‍ ഫുട്‌ബോളായിരുന്നു. ആറാം വയസ്സില്‍ അഛന്‍ വാങ്ങി കൊടുത്ത പന്തുമായി വീട്ടിലെ മുറ്റത്ത് പന്ത് തട്ടി കളിക്കാന്‍ തുടങ്ങിയ അവന്‍ സ്‌ക്കൂള്‍ കാലത്ത് നല്ലൊരു കളിക്കാരനായി. കളിയെ കാര്യമായി അറിയാന്‍ തുടങ്ങിയപ്പോള്‍ അവന്‍ പിതാവിനോട് മറ്റൊരു കാര്യം ആവശ്യപ്പെട്ടു-ഒരു ചെറിയ ടെലിവിഷന്‍ വേണം. പിതാവ് അതിനും തടസ്സം നിന്നില്ല. പിന്നെ ആ കൊച്ചു ടെലിവിഷനില്‍ അവന്‍ കാണുന്നതെല്ലാം ഒരാളെ-കൃസ്റ്റിയാനോ റൊണാള്‍ഡോയെ… പോര്‍ച്ചുഗലില്‍ നിന്നുളള ഫുട്‌ബോള്‍ ജീനിയസ് മാഞ്ചസ്റ്റര്‍ യുനൈറ്റഡിനായി കളിക്കുമ്പോഴും പോര്‍ച്ചുഗലിനായി കളിക്കുമ്പോഴും ആ കളി മികവില്‍ അവന്‍ ആകൃഷ്ടനായി. പാരീസിന്റെ പ്രാന്തമായ ബോണ്ടിയിലെ അവന്റെ വീട് നിറയെ പിന്നെ റൊണാള്‍ഡോ ചിത്രങ്ങളായി.
മാഞ്ചസ്റ്റര്‍ വീട്ട് പ്രിയതാരം റയല്‍ മാഡ്രിഡിലേക്ക് വന്നപ്പോള്‍ മുതല്‍ അവനും റയലുകാരനായി. പിന്നെ റയലിന്റെ ചിത്രങ്ങളും അവന്റെ മുറിയെ അലങ്കരിച്ചു. റയലും റൊണാള്‍ഡോയും എവിടെ കളിച്ചാലും ആ ദൃശ്യങ്ങള്‍ കാണാന്‍ അവന്‍ മുന്നിലുണ്ടാവും. കാല്‍പ്പന്തിനെ ജീവനുതുല്യം സ്‌നേഹിക്കുന്ന ആ ബാലന്‍ സ്‌ക്കൂള്‍ ടീമിലും യുനിവേഴ്‌സിറ്റി ടീമിലുമെത്തി. വൈകാതെ ഫ്രഞ്ച് ക്ലബായ മൊണോക്കോ പയ്യനെ കരാര്‍ ചെയ്തു. കഴിഞ്ഞ സീസണില്‍ പയ്യന്‍സിന് പ്രായം 18- ഫ്രഞ്ച് ലീഗില്‍ മൊണോക്കോയുടെ ജൈത്രയാത്രക്ക് പിന്നില്‍ അവനായിരുന്നു. യൂറോപ്പിലെ ചാമ്പ്യന്‍ ക്ലബിനെ കണ്ടെത്തുന്ന യുവേഫ ചാമ്പ്യന്‍സ് ലീഗിലും മൊണോക്കോ മുന്നേറി. വളരെ വേഗം ആ റൊണാള്‍ഡോ ഫാന്‍ ലോക ഫുട്‌ബോളിന് പ്രിയങ്കരനായി. ഫ്രഞ്ച് ഫുട്‌ബോള്‍ ഇതിഹാസമായ സൈനുദ്ദീന്‍ സിദാനെ പയ്യന്‍സിനെ നേരത്തെ നോട്ടമിട്ടിരുന്നു. സിദാനെ ആരാധിക്കുന്ന ആ ഫ്രഞ്ച് ബാലന്‍ പലരോടും പറഞ്ഞു അവന്‍ സിദാന്റെ കീഴില്‍ കളിക്കണമെന്ന്….
ഒരു മാസം മുമ്പ് പയ്യന്‍സിനെ തേടി റയല്‍ മാഡ്രിഡിന്റെ ദൂതന്മാരെത്തി. മാഡ്രിഡിലേക്ക് വരാന്‍ റെഡിയാണോ എന്ന ചോദ്യം. സന്തോഷത്തോടെ റെഡിയെന്ന ഉത്തരം… തനിക്കായി ക്ലബ് പറഞ്ഞ വില കേട്ട് പയ്യന്‍സ് ഞെട്ടി-160 ദശലക്ഷം ഡോളര്‍…..
കാര്യങ്ങള്‍ ഇപ്രകാരം മുന്നേറുമ്പോള്‍ ഒരു മാസം കഴിഞ്ഞ സംഭവിക്കാന്‍ പോവുന്നത് ഇതാണ്…… അവന്‍ തന്റെ പ്രിയതാരത്തിനൊപ്പം ഒരേ ഡ്രസ്സിംഗ് റൂമിലുണ്ടാവും.. തന്റെ ഐക്കണ്‍ താരത്തിനൊപ്പം പന്ത് തട്ടും…. കുട്ടിക്കാലം മുതല്‍ കാത്തുകാത്തിരുന്ന ആ മുഹൂര്‍ത്തത്തില്‍ അവന്‍ റൊണാള്‍ഡോയുടെ തോളില്‍ പിടിക്കും. ശരാശരി ഫ്രഞ്ചുകാരന്റെ ഫുട്‌ബോള്‍ ജീവിതത്തെ മാറ്റിമറിച്ച് ആ പ്രിയങ്കരനായ അമരക്കാരന്‍-സൈനുദ്ദിന്‍ സിദാന്‍ പറയുന്ന വഴികളില്‍ അവന്‍ പന്ത് തട്ടും…
ഈ കഥ ഒരു സിനിമാക്കഥ പോലെ സുന്ദരമാണ്…. ഈ അനുഭവകഥയിലെ നായകന്‍ കൈലിയന്‍ മാപ്പെ…. പ്രായം 19. ഇപ്പോള്‍ ഫ്രഞ്ച് ക്ലബായ മൊണോക്കോയിലെ താരം. പുതിയ സീസണില്‍ റയല്‍ മാഡ്രിഡിന്റെ കുപ്പായത്തില്‍.

Health

പൾസ് പോളിയോ ഇമ്മ്യൂണൈസേഷൻ നാളെ; മലപ്പുറത്ത്‌ 4,45,201 കുട്ടികൾ തുള്ളിമരുന്ന് സ്വീകരിക്കും

ഇതിനായി ജില്ലയില്‍ 3780 പോളിയോ തുള്ളിമരുന്ന് വിതരണ ബൂത്തുകൾ സജ്ജമാക്കിയിട്ടുണ്ട്.

Published

on

പോളിയോ രോഗം നിര്‍മാര്‍ജനം ചെയ്യുന്നതിനായുള്ള പള്‍സ് പോളിയോ ഇമ്മ്യൂണൈസേഷൻ പരിപാടി നാളെ (മാര്‍ച്ച് മൂന്നിന്) നടക്കും. മലപ്പുറം ജില്ലയില്‍ 4,45,201 കുട്ടികൾക്കാണ് തുള്ളിമരുന്ന് നൽകുക. ഇതിനായി ജില്ലയില്‍ 3780 പോളിയോ തുള്ളിമരുന്ന് വിതരണ ബൂത്തുകൾ സജ്ജമാക്കിയിട്ടുണ്ട്.

ബസ് സ്റ്റാന്റുകൾ, റെയിൽവേ സ്റ്റേഷനുകൾ തുടങ്ങി 108 പൊതു സ്ഥലങ്ങളിലും പോളിയോ തുള്ളിമരുന്ന് നൽകുന്നതിനുള്ള സജ്ജീകരണങ്ങള്‍ ഒരുക്കിയിട്ടുണ്ട്. പരിപാടിയുടെ ജില്ലാതല ഉദ്ഘാടനം നാളെ രാവിലെ എട്ടിന് മലപ്പുറം താലൂക്ക് ആശുപത്രിയിൽ നടക്കും. ആദ്യദിനം ബൂത്തിൽ എത്തി തുള്ളിമരുന്ന് നൽകാൻ സാധിക്കാത്തവർക്ക് തുടർദിനങ്ങളിൽ ആരോഗ്യപ്രവർത്തകരും വളണ്ടിയർമാരും വീടുകളിലെത്തി പോളിയോ തുള്ളിമരുന്ന് നൽകും. ഇതിനായി പ്രത്യേക പരിശീലനം നല്‍കി 458 സൂപ്പർവൈസർമാരെയും 7794 വളണ്ടിയർമാരെയും സജ്ജരാക്കിയിട്ടുണ്ട്.

സംസ്ഥാനത്ത് രണ്ടായിരത്തിന് ശേഷവും ഇന്ത്യയിൽ 2011ന് ശേഷവും പോളിയോ രോഗം റിപ്പോർട്ട് ചെയ്തിട്ടില്ല. 2014 മാർച്ചിൽ ലോകാരോഗ്യ സംഘടന ഇന്ത്യയെ പോളിയോ മുക്തരാജ്യമായി പ്രഖ്യാപിച്ചെങ്കിലും അയൽ രാജ്യങ്ങളിൽ പോളിയോ രോഗം റിപ്പോർട്ട് ചെയ്യപ്പെടുന്നതിനാൽ രോഗസാധ്യത ഒഴിവാക്കുന്നതിനായി അഞ്ചു വയസ്സിൽ താഴെയുള്ള എല്ലാ കുട്ടികൾക്കും പോളിയോ തുള്ളിമരുന്ന് നൽകണമെന്ന് ജില്ലാ മെഡിക്കല്‍ ഓഫീസര്‍ ഡോ. ആര്‍ രേണുക അറിയിച്ചു.

Continue Reading

kerala

മരിച്ച വിദ്യാർഥിക്കെതിരെ വ്യാജ ആരോപണം, ഒരു വധശിക്ഷ കഴിഞ്ഞ് വേറൊരു വധശിക്ഷ നടപ്പാക്കി: വി ഡി സതീശൻ

എസ്എഫ്ഐ, ഡിവൈഎഫ്ഐ ക്രിമിനലുകൾക്ക് എല്ലാ പ്രോത്സാഹനവും കൊടുക്കുന്നത് മുഖ്യമന്ത്രിയാണെന്നും വി ഡി സതീശന്‍ ആരോപിച്ചു.

Published

on

പൂക്കോട് വെറ്ററിനറി കോളേജില്‍ മരിച്ച വിദ്യാർഥിക്കെതിരെ വ്യാജ ആരോപണം ഉയർത്തുകയാണെന്ന് പ്രതിപക്ഷനേതാവ് വി ഡി സതീശന്‍. ആന്തൂർ സാജൻ്റെ കാര്യത്തിൽ സംഭവിച്ച പോലെ സിദ്ധാർഥനെയും കുടുംബത്തെയും അപമാനിക്കുകയാണ്.

മുഴുവൻ പ്രതികളെയും സിപിഎം സംരക്ഷിക്കുകയാണ്. കേരളത്തിലെ രക്ഷിതാക്കളെ മുഴുവൻ ഭയത്തിലാക്കി. എസ്എഫ്ഐ, ഡിവൈഎഫ്ഐ ക്രിമിനലുകൾക്ക് എല്ലാ പ്രോത്സാഹനവും കൊടുക്കുന്നത് മുഖ്യമന്ത്രിയാണെന്നും വി ഡി സതീശന്‍ ആരോപിച്ചു.

ഒരു വധശിക്ഷ കഴിഞ്ഞ് വേറൊരു വധശിക്ഷ നടപ്പാക്കിയിരിക്കുകയാണ്. വ്യാജ ആരോപണങ്ങൾ ഉണ്ടാക്കി ആ കുടുംബത്തെ അപമാനിക്കുന്നു. പ്രതികളെ മജിസ്‌ട്രേറ്റിനു മുന്നിൽ ഹാജരാക്കിയപ്പോൾ വയനാട്ടിലെ മുതിർന്ന സിപിഐഎം നേതാവ് തന്നെ കൂടെ വന്നു. ഇത് ഭീഷണിയാണ്, അന്വേഷണ ഉദ്യോഗസ്ഥനെ വിരട്ടലാണ്.
മുഖ്യമന്ത്രി മഹാമൗനത്തിന്റെ മാളങ്ങളിൽ ഒളിച്ചിരിക്കുകയാണ്. ക്രിമിനലുകൾക്ക് അഴിഞ്ഞാടാൻ മുഖ്യമന്ത്രി അവസരം കൊടുക്കുകയാണ്. എസ്എഫ്ഐ സംസ്ഥാന സെക്രട്ടറി തന്നെ ക്രിമിനൽ കേസിൽ പ്രതിയാണ്. ഈ ക്രിമിനലുകളിൽ നിന്ന് കേരളത്തെ രക്ഷിക്കണമെന്നും വി ഡി സതീശന്‍ പറഞ്ഞു.

സിദ്ധാർത്ഥ് ഒരു പെൺകുട്ടിയോട് മോശമായി പെരുമാറിയെന്ന് സിദ്ധാർത്ഥിന്‍റെ മരണശേഷം കോളേജിന് പരാതി ലഭിച്ചിരുന്നു. ഫെബ്രുവരി 14ന് കോളേജിൽ ഉണ്ടായ സംഭവങ്ങളുടെ പശ്ചാത്തലത്തിലായിരുന്നു ആരോപണം. കോളേജിലെ ആഭ്യന്തര പരാതി സെല്ലിലാണ് പരാതി കൊടുത്തിരുന്നത്. ഈ പരാതി കെട്ടിച്ചമതാണെന്നാണ് സംശയം. കുറ്റാരോപിതന് നോട്ടീസ് നൽകാൻ കഴിഞ്ഞില്ലെന്നാണ് ആഭ്യന്തര പരാതി സെല്ലിന്റെ റിപ്പോർട്ട്.

വയനാട് പൂക്കോട് വെറ്ററിനറി കോളേജിലെ രണ്ടാം വര്‍ഷ വെറ്ററിനറി സയന്‍സ് ബിരുദ വിദ്യാര്‍ത്ഥിയും തിരുവനന്തപുരം നെടുമങ്ങാട് സ്വദേശിയുമായ സിദ്ധാര്‍ത്ഥനെ ഫെബ്രുവരി 18-ന് ഉച്ചയ്ക്ക് ഒന്നരയോടെയാണ് ഹോസ്റ്റലിലെ ശുചിമുറിയില്‍ തൂങ്ങിമരിച്ച നിലയില്‍ കണ്ടെത്തിയത്.

ആത്മഹത്യ എന്നായിരുന്നു പ്രാഥമിക നിഗമനം. എന്നാല്‍ സിദ്ധാര്‍ഥ് ക്രൂരമായ മര്‍ദ്ദനത്തിന് ഇരയായിരുന്നുവെന്ന് പോസ്റ്റ്മോര്‍ട്ടം റിപ്പോര്‍ട്ടില്‍ കണ്ടെത്തി. കഴിഞ്ഞ വാലന്റൈന്‍സ് ദിനത്തില്‍ കോളേജില്‍ വിദ്യാര്‍ത്ഥികള്‍ തമ്മില്‍ ചില പ്രശ്നങ്ങള്‍ ഉണ്ടായിരുന്നുവെന്നും സുഹൃത്തുക്കളും സീനിയേഴ്സും ചേര്‍ന്ന് സിദ്ധാര്‍ത്ഥനെ മര്‍ദ്ദിച്ച് കെട്ടിതൂക്കിയെന്നും ആരോപണം ഉണ്ട്.

സിദ്ധാര്‍ത്ഥനെ കോളേജ് പരിസരത്ത് നാലിടത്ത് വെച്ച് സംഘം മര്‍ദ്ദിച്ചതായി ആന്റി റാഗിങ്ങ് കമ്മിറ്റിയുടെ റിപ്പോർട്ടും പുറത്തു വന്നു. കോളേജ് ഹോസ്റ്റലിന്റെ നടുമുറ്റം, കോളേജ് ഹോസ്റ്റൽ, ഹോസ്റ്റലിന് സമീപത്തെ കുന്ന്, ഡോര്‍മെറ്ററിക്ക് അകത്ത് എന്നിവിടങ്ങളിൽ വെച്ചാണ് മര്‍ദ്ദനമുണ്ടായത്. ഹോസ്റ്റലിൽ കിടന്നുറങ്ങിയ വിദ്യാർത്ഥിയെ വിളിച്ച് മർദനം ‘ഡെമോ’ പോലെ കാണിച്ചു കൊടുത്തെന്നും റിപ്പോർട്ടിൽ പറയുന്നു.

31-ൽ 19പേരാണ് സിദ്ധാർഥിനോട് മൃഗീയമായി പെരുമാറിയത്. ബെൽറ്റ് കൊണ്ട് ഒട്ടേറെ തവണ അതിക്രൂരമായി മർദ്ദിച്ചു. ചവിട്ടി നിലത്തിട്ടു. ഡോർമെറ്ററിയിലെ കട്ടിലിൽ ഇരുന്നപ്പോൾ അവിടെ വെച്ചും മർദ്ദിച്ചു.സിദ്ധാർത്ഥന്റെ രണ്ട് സുഹൃത്തുക്കളെ വിളിച്ചുവരുത്തി അവരെ ഭീഷണിപ്പെടുത്തി അടിപ്പിച്ചു. മുറിയിലെ വെള്ളം തുടപ്പിച്ചു. പുറത്ത് പറയരുതെന്ന് കുട്ടികളെ അക്രമി സംഘം ഭീഷണിപ്പെടുത്തിയെന്നും റിപ്പോർട്ടിലുണ്ട്. പ്രധാന പ്രതികളിലൊരാളായ കാശിനാഥനെ പൊലീസ് അറസ്റ്റ് ചെയ്തിട്ടുണ്ട്.

Continue Reading

Health

വൈറൽ ഹെപറ്റൈറ്റിസ് ബാധിച്ച് മലപ്പുറത്ത് ഒരാൾകൂടി മരിച്ചു

ഇതോടെ വൈറൽ ഹെപറ്റൈറ്റിസ് ബാധിച്ച് മരിച്ചവരുടെ എണ്ണം മൂന്നായി.

Published

on

വൈറൽ ഹെപറ്റൈറ്റിസ് ബാധിച്ച് ജില്ലയിൽ ഒരാൾകൂടി മരിച്ചു. എടക്കര പഞ്ചായത്തിലെ ചെമ്പൻകൊല്ലി സ്വദേശിയായ 32കാരനാണ് മരിച്ചത്. മഞ്ഞപ്പിത്തം കരളിനെ ബാധിച്ചാണ് മരണം. ഇതോടെ വൈറൽ ഹെപറ്റൈറ്റിസ് ബാധിച്ച് മരിച്ചവരുടെ എണ്ണം മൂന്നായി.

പോത്തുകല്ല്, എടക്കര പഞ്ചായത്തുകളിലാണ് വൈറൽ ഹെപറ്റൈറ്റിസ് സ്ഥിരീകരിച്ചത്. 152 പേർക്ക് രോഗം ബാധിച്ചതായാണ് ആരോഗ്യവകുപ്പ് അറിയിക്കുന്നത്. 38 പേരെ ആശുപത്രിയിൽ പ്രവേശിപ്പിച്ചു.

പ്രദേശത്ത് ആറ് കിണറുകളില്‍ പരിശോധിച്ചതിൽ മൂന്നെണ്ണത്തില്‍ വെള്ളം ഉപയോഗശൂന്യമാണെന്ന് കണ്ടെത്തിയിരുന്നു. കിണറുകളിലെ വെള്ളം മൂന്ന് ദിവസത്തിലൊരിക്കൽ ക്ലോറിനേറ്റ് ചെയ്ത് ശുചീകരിക്കാനുള്ള നടപടികളും ആരോഗ്യപ്രവർത്തകരുടെ നേതൃത്വത്തിൽ ആരംഭിച്ചു.

സ്ഥലത്ത് പ്രതിരോധ പ്രവർത്തനങ്ങൾ ഊർജിതമാക്കിയിട്ടുണ്ട്. തദ്ദേശ സ്ഥാപനങ്ങളുടെ അടക്കം സഹകരണത്തോടെയാണ് പ്രതിരോധ പ്രവർത്തനം. വീടുകൾ കയറിയിറങ്ങി ബോധവത്കരണവും നൽകുന്നുണ്ട്. പനി, ക്ഷീണം, ഛർദ്ദി, വയറുവേദന തുടങ്ങിയ ലക്ഷണങ്ങൾ കണ്ടാൽ ചികിത്സ തേടണമെന്നും ആരോഗ്യപ്രവർത്തകരെ അറിയിക്കണമെന്നും നിർദേശമുണ്ട്.

Continue Reading

Trending