Connect with us

Football

മുംതാസ്.. യാ ഉവൈസ്; സഊദി വിജയത്തിന്റെ നേരവകാശി

ഗോള്‍ വലകാത്ത് വിജയത്തിന്റെ ചുക്കാന്‍ പിടിക്കുകയായിരുന്നു മുഹമ്മദ് ഉവൈസ്

Published

on

അശ്‌റഫ് തൂണേരി

ദോഹ: മുംതാസ്.. യാ ഉവൈസ്… അര്‍ജന്റീനയോട് മിന്നും വിജയം നേടിയ ശേഷം ലുസൈല്‍ ഐക്കണിക്ക് സ്‌റ്റേഡിയത്തിലെ സഊദിഅറേബ്യന്‍ ആരാധകര്‍ ആവേശഭരിതരായി. ഗോളി മുഹമ്മദ് ഉവൈസിന് നേരെ കൈവീശിയും പതാക വീശിയും അവര്‍ അഭിവാദ്യമര്‍പ്പിച്ചു. അര്‍ജന്റീനയെയും ലോക ഫുട്‌ബോളിനെയും ഞെട്ടിച്ച് സൗദി അറേബ്യ നേടിയ വിജയത്തിന്റെ നേരവകാശിയാണ് ഗോളി മുഹമ്മദ് അല്‍ ഒവൈസ്. രണ്ടാം പകുതിയുടെ അവസാന നിമിഷങ്ങളില്‍ ഗോളെന്നുറപ്പിച്ച അര്‍ജന്റീനയുടെ മുന്നേറ്റത്തെ ഗോള്‍ പോസ്റ്റിന് താഴെനിന്നുള്ള ഉവൈസിന്റെ മനോഹര പ്രതിരോധം എത്രവശ്യമായിരുന്നു. പെനാല്‍ട്ടിയാണെങ്കിലും ഫുട്‌ബോള്‍ ഇതിഹാസം മെസ്സിയുടെ ഒരുഗോള്‍ പ്രഹരമേല്‍പ്പിച്ചെങ്കിലും സമനിലയിലേക്കും പിന്നീട് വിജയത്തിലേക്കും സൗദി മുന്നേറിയപ്പോള്‍ ഗോള്‍ വലകാത്ത് വിജയത്തിന്റെ ചുക്കാന്‍ പിടിക്കുകയായിരുന്നു മുഹമ്മദ് ഉവൈസ്. മിഡ്ഫീല്‍ഡില്‍ നിന്നുള്ള ലോംഗ് ബോളുകള്‍ ക്ലിയര്‍ ചെയ്യാന്‍ ഗോള്‍ വലക്കപ്പുറത്തക്കും ഉവൈസ് ഇറങ്ങിക്കളിക്കുന്നത് കാണാമായിരുന്നു.

സൗദിഅറേബ്യയുടെ കസ്‌റ്റോഡിയന്‍ ഓഫ് ബോള്‍ എന്നാണ് കമന്റേറ്റര്‍മാര്‍ ഉവൈസിനെ വിശേഷിപ്പിച്ചത്. സൗദിയിലെ അല്‍ശബാബ് ക്ലബ്ബിലാണ് ഉവൈസ് ഫുട്‌ബോള്‍ കളി തുടങ്ങിയത്. പത്തുവര്‍ഷം മുമ്പായിരുന്നു അത്. പിന്നീട് ഹിലാല്‍ ക്ലബ്ബിലേക്ക് മാറി. അല്‍ശബാബ് കിംഗ് കപ്പും, സൗദി കപ്പും നേടിയപ്പോള്‍ ഉവൈസായിരുന്നു ഗോള്‍ വല കാത്തത്. കഴിഞ്ഞ സീസണില്‍ അല്‍ഹിലാല്‍ സൗദി പ്രൊഫഷണല്‍ ലീഗ് ജേതാക്കളായപ്പോഴും ഗോള്‍ പോസ്റ്റിന് താഴെ അടങ്ങാത്ത വീര്യവുമായി ഉവൈസിന്റെ കൈകളുണ്ടായിരുന്നു. റഷ്യയിലെ ലോകകപ്പ് മൈതാനത്തും ഉവൈസ് കളിച്ചു. ലോകകപ്പിന്റെ ആദ്യ ഗ്രൂപ്പ് പോരാട്ടത്തില്‍ ഉറുഗ്വായ്‌ക്കെതിരെ സൗദി ഒരു ഗോളിന് തോറ്റ മത്സരമായിരുന്നു അത്.

സൗദിഅറേബ്യയുടെ വിജയത്തില്‍ സ്‌റ്റേഡിയം ആരവങ്ങളുയര്‍ത്തുമ്പോള്‍ മൈതാന നടുവില്‍ നിന്ന് ആകാശത്തേക്ക് കൈയ്യുയര്‍ത്തി ഉവൈസ് അല്ലാഹുവിന് നന്ദി പറഞ്ഞു. മികച്ച വിജയത്തിലും ഉവൈസിനെ വേദനിപ്പിച്ച ഒരു അപകടം കൂടി മൈതാനത്തുണ്ടായി. അര്‍ജന്റീനക്കെതിരെ നേടിയ ലീഡ് പ്രതിരോധിക്കാനിറങ്ങിയ സൗദിക്ക് വേണ്ടിയുള്ള പോരാട്ടത്തിനിടെ സഹതാരവും അടുത്തസുഹൃത്തുമായ യാസര്‍ അല്‍ഷഹ്‌റാനിക്ക് ഉവൈസിന്റെ കാല്‍മുട്ടേറ്റ് പരുക്കേറ്റു. പരുക്കേറ്റ് കിടക്കുന്ന ഷഹ്‌റാനിയെ ചൂണ്ടി മുഖംപൊത്തി കരയുന്ന ഉവൈസിനെ കളിക്കളം കണ്ടു. കളിയിലെ കേമന്‍ എന്ന ബഹുമതി കൂടി നേടിയ 31കാരന്‍ കളം വിട്ടപ്പോള്‍ ഇടക്ക് മഞ്ഞക്കാര്‍ഡ് കിട്ടിയത് പോലും സഊദി ആവേശത്തില്‍ അലിഞ്ഞുപോയി. ലുസൈല്‍ മൈതാനത്തെ മികച്ച പ്രകടനത്തിന് മുഹമ്മദ് ഉവൈസിന് കൊടുക്കേണ്ടത് സല്യൂട്ട് തന്നെ. അല്‍ഫ് മബ്‌റൂക് യാ ഉവൈസ്.

Football

ആതിഥേയരായ ഖത്തറും അതിഥിയായ സെനഗലും ഇന്ന് നേര്‍ക്കുനേര്‍

ഖത്തറിന്റെ ഗെയിം പ്ലാനില്‍ ജയം മാത്രമാണെന്ന് കോച്ച് ഫെലിക്‌സ് വിശദീകരിക്കുന്നു.

Published

on

ലോകപ്പില്‍ ഇന്ന് മുതല്‍ പ്രാഥമിക റൗണ്ടിലെ രണ്ടാം മല്‍സരങ്ങള്‍ക്ക് തുടക്കം. ആദ്യ കളികളില്‍ പരാജയപ്പെട്ട ആതിഥേയരായ ഖത്തറിനും അയല്‍ക്കാരായ ഇറാനും ഇന്ന് നിര്‍ണായക മല്‍സരങ്ങള്‍. ജയിച്ചാല്‍ മാത്രമാണ് അവര്‍ക്ക് നോക്കൗട്ട് പ്രതീക്ഷ നിലനിര്‍ത്താനാവുക.

ദേഹ നഗരമധ്യത്തിലെ അല്‍ തുമാമയില്‍ ഇന്ന് ഖത്തറികള്‍ മുഴുവനെത്തും. സ്വന്തം ടീമിന്റെ രണ്ടാമത് മല്‍സരം, ആദ്യ കളിയില്‍ അല്‍ബൈത്തില്‍ ഇക്വഡോറിന് മുന്നില്‍ രണ്ട് ഗോളിന് തകര്‍ന്നു പോയവര്‍. ആ തോല്‍വി ആതിഥേയര്‍ എന്ന നിലയില്‍ ഖത്തറിന് വലിയ ക്ഷീണമായിരുന്നു. ഇന്ന് രണ്ടാം മല്‍സരത്തില്‍ ഇക്വഡോറിനെക്കാള്‍ കരുത്തരായ സെനഗലാണ് പ്രതിയോഗികള്‍. പക്ഷേ ഖത്തറികള്‍ കരുതുന്നത് കഴിഞ്ഞ ദിവസങ്ങളില്‍ സഊദി അറേബ്യയും ജപ്പാനും കരസ്ഥമാക്കിയ വിജയങ്ങള്‍ സ്വന്തം ടീമിന് ഊര്‍ജ്ജമായിട്ടുണ്ടെന്നാണ്.

ഇന്ന് തോറ്റാല്‍ പുറത്താവുമെന്നിരിക്കെ ഖത്തറിന്റെ ഗെയിം പ്ലാനില്‍ ജയം മാത്രമാണെന്ന് കോച്ച് ഫെലിക്‌സ് വിശദീകരിക്കുന്നു. രാജ്യത്തെ വന്‍കരാ ചാമ്പ്യന്മാരാക്കിയ പരിശീലകനാണ് അദ്ദേഹം. പക്ഷേ തോറ്റാല്‍ പുറത്താണ്. മൂന്നാം മല്‍സരത്തില്‍ കാര്യമില്ല. സെനഗലും ആദ്യ മല്‍സരം ഓര്‍ക്കാന്‍ ആഗ്രഹിക്കുന്നില്ല. നെതര്‍ലന്‍ഡ്‌സിന് മുന്നില്‍ അവസാന സമയ ഗോളില്‍ അവര്‍ പരാജയപ്പെട്ടിരുന്നു. സാദിയോ മാനേ എന്ന കരുത്തനായ നായകനെ കൂടാതെയാണ് ടീം ഇറങ്ങുന്നത്. പക്ഷേ കോച്ച് അലി സിസേ പതിവ് പോലെ ആത്മവിശ്വാസത്തിലാണ് സംസാരിക്കുന്നത്.

Continue Reading

Football

കളിക്കും കയ്യടി: കളികഴിഞ്ഞും കയ്യടി; വേറിട്ട ആഘോഷവുമായി ജപ്പാന്‍

ബാക്കിയായ കുപ്പികളും കടലാസുകളുമെല്ലാം വ്യത്തിയാക്കുന്ന ആരാധകരെ വീഡിയോയില്‍ കാണാം

Published

on

ദോഹ: ഫിഫ ഫുട്‌ബോള്‍ ലോകകപ്പില്‍ ജര്‍മനിക്കെതിരെ നേടിയ അട്ടിമറി വിജയം ജപ്പാനെ ആഹ്ലാദത്തിന്റെ നെറുകയിലെത്തിച്ചു. വിജയം ആരവങ്ങളില്‍ തീര്‍ക്കാതെ വേറിട്ട രീതിയില്‍ ആഘോഷിച്ചിരിക്കുകയാണ് ജപ്പാന്‍ ആരാധകരും ടീം അംഗങ്ങളും. കളികഴിഞ്ഞ ശേഷം സ്‌റ്റേഡിയത്തിലെയും റൂമിലെയും മാലിന്യങ്ങള്‍ നീക്കിയാണ് ജപ്പാന്‍ വീണ്ടും ലോക കയ്യടി നേടിയിരിക്കുന്നത്.

ഫിഫ ലോകകപ്പിന്റെ സമൂഹ മാധ്യമത്തില്‍ ജപ്പാന്‍ ആരാധകര്‍ മാലിന്യങ്ങള്‍ നീക്കം ചെയ്യുന്നതിന്റെ വീഡിയോ പങ്കുവച്ചു. ബാക്കിയായ കുപ്പികളും കടലാസുകളുമെല്ലാം വ്യത്തിയാക്കുന്ന ആരാധകരെയാണ് വീഡിയോയില്‍ കാണാന്‍ സാധിക്കുന്നത്. പങ്കുവെച്ച വീഡിയോ ദൃശ്യം ഇതിനോടകം ലോക ശ്രദ്ധ പിടിച്ചു പറ്റി. ഒപ്പം കമന്റ് ബോക്‌സില്‍ അഭിനന്ദനപ്രവാഹവും.

കഴിഞ്ഞ കളിയില്‍ ആദ്യമായി ജര്‍മനിയെ നേരിട്ട ജപ്പാന്‍ പോരാട്ടവീര്യത്തിന്റെ പര്യയായമായി മാറുകയായിരുന്നു. ജര്‍മനിക്കായി ആദ്യ പകുതിയില്‍ എല്‍കെ ഗുണ്ടോഗന്‍ നേടിയ ഗോളില്‍ പിന്നിലായതിന് ശേഷമാണ് ജപ്പാന്‍ ജയം പിടിച്ചെടുത്തത്.

പകരക്കാരായെത്തിയത് റിറ്റ്‌സു ഡോന്‍, തക്കുമ അസാനൊ എന്നിവരാണ് ഗോള്‍ ജപ്പാന് വേണ്ടി സ്‌കോര്‍ ചെയ്തത്. 76ാം മിനുറ്റിലായിരുന്നു റിറ്റ്‌സുവിന്റെ ഗോള്‍. കളിയവസാനിക്കാന്‍ ഏഴ് മിനുറ്റുകള്‍ ബാക്കി നില്‍ക്കെ തക്കുമയും ലക്ഷ്യം കണ്ടു.

പന്തടക്കത്തിലും മുന്നേറ്റത്തിലുമെല്ലാം ജപ്പാന് മുകളില്‍ ആധിപത്യം സ്ഥാപിക്കാന്‍ ജര്‍മനിക്ക് കഴിഞ്ഞിരുന്നു. ജര്‍മന്‍ മുന്നേറ്റനിര 24 ഷോട്ടുകളാണ് ജപ്പാന്‍ ഗോള്‍മുഖത്തേക്ക് തൊടുത്തത്. ജപ്പാന് മടക്കാനായത് 11 എണ്ണവും.

Continue Reading

Football

വീണ്ടും അട്ടിമറി വിജയം; ജര്‍മനിക്കെതിരെ രണ്ട് ഗോള്‍ തൊടുത്ത് ജപ്പാന്‍ വിജയം

വിജയം കൈപ്പടയിലൊതുക്കി ജപ്പാന്‍ ഉച്ചത്തില്‍ ആരവം മുഴക്കി

Published

on

ദോഹ: നാലുതവണ ലോകകപ്പ് ജേതാക്കളായ ജര്‍മനിക്കെതിരെ രണ്ട് ഗോളിന് അട്ടിമറിച്ച് ജപ്പാന്‍. ഗ്രൂപ്പ് ഇയിലെ ആദ്യ പോരില്‍ പ്രതിരോധിച്ച് കളിച്ച ജപ്പാനെതിരെ ആദ്യ പകുതിയില്‍ പെനാല്‍റ്റിയിലൂടെ ജര്‍മനി ലീഡ് നേടിയെങ്കിലും രണ്ടാം പകുതിയില്‍ രണ്ട് ഗോള്‍ തിരിച്ചടിച്ച് ജപ്പാന്‍ ജയം പിടിച്ചെടുക്കുകയായിരുന്നു. ഫിനിഷിങ്ങിലെ പിഴവാണ് മുന്‍ ചാമ്പ്യന്മാര്‍ക്ക് തിരിച്ചടിയായത്. 26 ഷോട്ടുകള്‍ ഉതിര്‍ത്തിട്ടും പെനാല്‍റ്റിയല്ലാതെ ഒന്നും വലയിലെത്തിക്കാന്‍ അവര്‍ക്കായില്ല. 74 ശതമാനവും ജര്‍മനിയുടെ കൈവശമായിരുന്നു ബാള്‍. എന്നിട്ടും ജപ്പാന് മുന്നില്‍ ജര്‍മനിക്ക് മുട്ടുമടക്കേണ്ടി വന്നു. 31ാം മിനിറ്റില്‍ പെനാല്‍റ്റിയിലൂടെ ഗുണ്ടോഗന്‍ ജര്‍മനിക്കായി ഗോള്‍ നേടിയപ്പോള്‍ 75ാം മിനിറ്റില്‍ റിറ്റ്‌സു ദോനും 83ാം മിനിറ്റില്‍ തകുമ അസാനൊയും ജര്‍മന്‍ വലയില്‍ പന്തെക്കുകയായിരുന്നു.

ആദ്യ പകുതിയില്‍ ജര്‍മനിയുടെ സമ്പൂര്‍ണ ആധിപത്യം കണ്ട മത്സരത്തില്‍ തുടക്കത്തില്‍ ജപ്പാന്‍ പൂര്‍ണമായും പ്രതിരോധത്തിലൊതുങ്ങി. ഒടുവില്‍ 31ാം മിനിറ്റില്‍ പെനാല്‍റ്റിക്ക് വേണ്ടി റഫറി വിസിലൂതി. ഗുണ്ടോഗന്‍ അനായാസം പന്ത് വലയിലെത്തിച്ചു. രണ്ടാം പകുതിയിലും ജര്‍മന്‍ ആക്രമണം തുടര്‍ന്നു. എങ്കിലും 75ാം മിനിറ്റില്‍ ന്യൂയര്‍ തട്ടിത്തെറിപ്പിച്ച ബാള്‍ വലയിലെത്തിച്ച് റിറ്റ്‌സു ദോന്‍ ജപ്പാനെ സമനിലയിലെത്തിക്കുകയായിരുന്നു. 83ാം മിനിറ്റില്‍ തകുമ അസാനൊയും മാവുവല്‍ ന്യൂയറെ കീഴടക്കിയതോടെ ജര്‍മനി പരാജയത്തിന്റെ മുഖത്തെത്തി. തിരിച്ചടിക്കാനുള്ള ജര്‍മന്‍ ശ്രമങ്ങളെല്ലാം ജപ്പാന്‍ കിണഞ്ഞ് പ്രതിരോധിച്ചു. ഒടുവില്‍ വിജയം കൈപ്പടയിലൊതുക്കി ജപ്പാന്‍ ഉച്ചത്തില്‍ ആരവം മുഴക്കി.

Continue Reading

Trending