Connect with us

More

മുടന്തി മുടന്തി ഇബ്രയെത്തി, കിരീടം വാങ്ങി, ആഘോഷത്തില്‍ പങ്കാളിയായി

Published

on

സ്‌റ്റോക്ക്‌ഹോം: ഇത്തരത്തില്‍ ഒരനുഭവം ഫുട്‌ബോളില്‍ ഇത് വരെ ആര്‍ക്കുമുണ്ടായിട്ടില്ല. പരുക്കില്‍ തളര്‍ന്ന് വീട്ടിലിരിക്കുമ്പോള്‍ ക്ലബില്‍ നിന്നും ഔദ്യോഗിക ക്ഷണം. പെട്ടെന്ന് സ്റ്റോക്ക്‌ഹോമിലേക്ക് വരുക. ടിക്കറ്റും മറ്റ് സൗകര്യങ്ങളുമെല്ലാം റെഡി. സര്‍ജറി കഴിഞ്ഞ വലത് കാലുമായി സ്‌ട്രെച്ചസില്‍ വിമാനത്താവളത്തിലേക്ക് അവിടെ നിന്നും സ്‌റ്റോക്ക്‌ഹോമിലേക്ക്. അവിടെ നിന്നും വി.വി.ഐ.പി പരിഗണനയോടെ ഫ്രണ്ട്‌സ് സ്റ്റേഡിയത്തിലേക്ക്. ഫൈനലിന് മുമ്പ് കളിക്കാരെ കാണുന്നു. വിജയാശംസകള്‍ നേരുന്നു. ഗ്യാലറയില്‍ ഫൈനല്‍ ആസ്വദിക്കുന്നു. ടീം കപ്പ് ഉറപ്പാക്കിയപ്പോള്‍ അതേ സ്‌ട്രെച്ചസില്‍ മൈതാനത്തേക്ക്. ടീമിന്റെ വിജയാഘോഷത്തില്‍ പങ്കെടുക്കുന്നു. ടീമിനും താരങ്ങള്‍ക്കുമൊപ്പം മെഡല്‍ സ്വീകരിക്കുന്നു. എന്നിട്ട് ജേതാവിനെ പോലെ മടങ്ങുന്നു…. ഈ താരം സുല്‍ത്താന്‍ ഇബ്രാഹീമോവിച്ച് എന്ന ഇബ്ര.

FBL-EUR-C3-AJAX-MAN UTD

ഇന്നലെ സ്‌ക്കോട്ടിഷ് നഗരമായ സ്‌റ്റോക്ക്‌ഹോമില്‍ നടന്ന യൂറോപ്പ ലീഗ് ഫൈനല്‍ വേദിയിലാണ് സംഭവം. ഒന്നര മാസം മുമ്പാണ് ഇതേ യൂറോപ്പ ലീഗ് കളിക്കുന്നതിനിടെ 35 കാരനായ താരത്തിന് പരുക്കേറ്റത്. ഉടന്‍ തന്നെ ഡോക്ടര്‍മാര്‍ വിധിയെഴുതി-പരുക്ക് ഗുരുതരമാണ്. അമേരിക്കയിലെ പെനില്‍സില്‍വാനിയയിലേക്ക് വിമാനം കയറി-വിജയകരമായി ശസ്ത്രക്രിയ നടത്തി. മൂന്ന് മാസത്തേക്ക് കളി പാടില്ലെന്ന് ഡോക്ടര്‍മാര്‍ പറഞ്ഞപ്പോള്‍ ഇബ്ര ഒന്നുറപ്പിച്ചു-സീസണ്‍ നഷ്ടമാവും. അദ്ദേഹത്തിന്റെ ടീം മാഞ്ചസ്റ്റര്‍ യുനൈറ്റഡിനും കോച്ച് ഹൗസേ മോറിഞ്ഞോക്കും വലിയ തിരിച്ചടിയായി പരുക്കും സര്‍ജറിയുമെല്ലാം. പക്ഷേ മറ്റ് താരങ്ങള്‍ ഇബ്രക്കായി കളിച്ചു. ടീം കപ്പടിച്ചു-അവര്‍ ആ കപ്പ് ഇബ്രക്ക് നല്‍കി.
TOPSHOT-FBL-EUR-C3-MAN UTD-ANDERLECHTവലിയ സന്തോഷമാണിപ്പോള്‍ ഇബ്രക്ക്. സീസണിന്റെ തുടക്കത്തില്‍ തന്നെ അദ്ദേഹം പറഞ്ഞിരുന്നു ഇത്തവണ മാഞ്ചസ്റ്ററിന് കപ്പുകള്‍ ധാരാളം നല്‍കുമെന്ന്. ഒരു കപ്പ് രാജകീയമായി തന്നെ നല്‍കിയതിന് ശേഷമായിരുന്നു നിരന്തരമായ മല്‍സരങ്ങള്‍ അദ്ദേഹത്തെ ബാധിച്ചത്. ഇബ്ര മാത്രമല്ല അര്‍ജന്റീനക്കാരനായ പിന്‍നിരക്കാരന്‍ റോജയും ലുക്കാ ഷായും എറിക് ബെയ്‌ലിയും പരുക്കിലായി. എല്ലാവരുമുണ്ടായിരന്നു ഇന്നലെ ഫൈനല്‍ കാണാന്‍.
ഇതേ ഫ്രണ്ട്്‌സ് മൈതാനത്ത് വെച്ചായിരുന്നു ഇബ്രയുടെ സൂപ്പര്‍ ഗോള്‍ മുമ്പ് പിറന്നത്. ലോകകപ്പ് യോഗ്യതാ മല്‍സരത്തില്‍ ഇംഗ്ലണ്ടിനെതിരെ കളിക്കുമ്പോള്‍. അന്ന് മുതല്‍ ഈ മൈതാനം ഇബ്ര അറീന എന്ന പേരിലാണ് അറിയപ്പെട്ടത്. തന്റെ പ്രിയ മൈതാനത്ത് ഫൈനല്‍ കളിക്കാന്‍ കഴിയാത്ത നിരാശ പക്ഷേ ഇബ്ര പ്രകടിപ്പിച്ചില്ല-കൂട്ടുകാര്‍ തനിക്ക് നല്‍കിയ വിലപ്പെട്ട സമ്മാനത്തിന്റെ ആവേശത്തില്‍ അദ്ദേഹം എല്ലാം മറന്നു. 2001 മുതല്‍ 2004 വരെ ഇബ്ര അയാക്‌സിന്റെ താരമായിരുന്നു. അതിനാല്‍ അവിടെയും അദ്ദേഹത്തിന് ആരാധകരുണ്ടായിരുന്നു. എന്നാല്‍ മാഞ്ചസ്റ്ററിന്റെ ചുവപ്പന്‍ ട്രാക് സ്യൂട്ടണിഞ്ഞാണ് അദ്ദേഹം വന്നതും മടങ്ങിയതും.മല്‍സരത്തിന് ശേഷം സംസാരിച്ച കോച്ച് മോറിഞ്ഞോ ഫൈനല്‍ കളിച്ച താരങ്ങളേക്കാള്‍ ഫൈനലിന് സാക്ഷിയാവാന്‍ വന്ന തന്റെ പ്രിയപ്പെട്ട താരത്തിനാണ് അഭിവാദ്യം അര്‍പ്പിച്ചത്. മാധ്യമങ്ങളും ഇബ്രക്കൊപ്പമായിരുന്നു-അദ്ദേഹമായിരുന്നു ക്യാമറകളുടെ നോട്ടപ്പുള്ളി.

Career

career chandrika: ബിരുദം കഴിഞ്ഞവര്‍ക്ക് തുടര്‍പഠനാവസരമൊരുക്കി ‘ജാം’

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്.

Published

on

ബിരുദത്തിന് ശേഷം മികവാര്‍ന്ന സ്ഥാപനങ്ങളില്‍ തുടര്‍പഠനാവസരമൊരുക്കുന്ന ശ്രദ്ധേയമായ എന്‍ട്രന്‍സ് പരീക്ഷയാണ് ‘ജാം’ എന്ന ചുരുക്കപ്പേരിലറിയപ്പെടുന്ന ജോയന്റ് അഡ്മിഷന്‍ ടെസ്റ്റ് ഫോര്‍ മാസ്‌റ്റേഴ്‌സ്. ബയോടെക്‌നോളജി, കെമിസ്ട്രി, എക്കൊണോമിക്‌സ്, ജിയോളജി, മാത്തമാറ്റിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിങ്ങനെ 7 വിഷയങ്ങളിലാണ് പരീക്ഷ നടക്കുന്നത്. കമ്പ്യൂട്ടര്‍ അധിഷ്ഠിത പരീക്ഷയാണ്. 2023 ഫെബ്രുവരി 12 ന് നടക്കുന്ന പരീക്ഷക്ക് ഒക്ടോബര്‍ 11 നകം https://jam.iitg.ac.in/ എന്ന വെബ്‌സൈറ്റ് വഴി അപേക്ഷിക്കണം.

21 ഐഐടികളിലായുള്ള 3,000 ത്തിലധികം ബിരുദാനന്തര ബിരുദ പ്രോഗ്രാമുകള്‍ക്ക് പുറമെ വിവിധ എന്‍.ഐ.ടികള്‍, ശിബ്പൂരിലുള്ള ഐ.ഐ. ഇ.എസ്.ടി, പഞ്ചാബിലുള്ള എസ്.എല്‍.ഐ. ഇ.ടി, പൂനയിലെ ഡിഫന്‍സ് ഇന്‍സ്റ്റിറ്റ്യൂട്ട് ഓഫ് അഡ്വാന്‍സ്ഡ് ടെക്‌നോളജി, ഐ.ഐ.എസ്.സി, ജവാഹര്‍ലാല്‍ നെഹ്‌റു സെന്റര്‍ ഫോര്‍ അഡ്വാന്‍സ്ഡ് സയന്റിഫിക് റിസര്‍ച്ച്, ഐസറുകള്‍, ഇന്ത്യന്‍ ഇന്‍സ്റ്റിറ്റ്യൂട്ട് ഓഫ് പെട്രോളിയം ആന്‍ഡ് എനര്‍ജി തുടങ്ങിയ സ്ഥാപനങ്ങളിലെ കോഴ്‌സുകളിലെ പ്രവേശനത്തിനും ‘ജാം’ സ്‌കോര്‍ മാനദണ്ഡമാണ്.

വിവിധ വിഷയങ്ങളില്‍ എം.എസ്.സി, ജോയന്റ് എം.എസ്.സിപി.എച്ച്.ഡി. എം.എസ്.സിപി.എച്ച്.ഡി ഡ്യുവല്‍ ഡിഗ്രി, എം.എസ്.സി (ടെക്), എം.എസ്.സിഎം.ടെക് ഡ്യുവല്‍ ഡിഗ്രി എന്നിവയാണ് പ്രധാന പ്രോഗ്രാമുകള്‍. പാലക്കാട് ഐ.ഐ.ടിയില്‍ കെമിസ്ട്രി, ഫിസിക്‌സ്, മാത്തമാറ്റിക്‌സ് എന്നീ വിഷയങ്ങളിലാണ് എം.എസ്.സി പ്രോഗ്രാമാണുള്ളത്.

ഓരോ വിഷയത്തിലും 60 ചോദ്യങ്ങളിലായി 100 മാര്‍ക്കാണ് പരമാവധി ലഭിക്കുക. തന്നിട്ടുള്ള ഓപ്ഷനുകളില്‍ നിന്ന് ശരിയുത്തരം തിരഞ്ഞെടുക്കേണ്ട മള്‍ട്ടിപ്പിള്‍ ചോയ്‌സ്, ഒരു ചോദ്യത്തിന് ഒന്നോ അതിലധികമോ ശരിയുത്തരങ്ങള്‍ ഉണ്ടാവുന്ന മള്‍ട്ടിപ്പിള്‍ സെലക്ട്, സംഖ്യകള്‍ ഉത്തരമായി വരുന്ന ന്യൂമെറിക്കല്‍ ആന്‍സര്‍ ടൈപ്പ് എന്നീ വിഭാഗങ്ങളിലുള്ള ചോദ്യങ്ങള്‍ ഉണ്ടാവും. മള്‍ട്ടിപ്പിള്‍ ചോയ്‌സ് വിഭാഗത്തില്‍ തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും.

കെമിസ്ട്രി, ജിയോളജി, മാത്തമാറ്റിക്‌സ് എന്നിവയില്‍ ഒരു വിഷയവും ബയോടെക്‌നോളജി, എക്കണോമിക്‌സ്, മാത്തമാറ്റിക്കല്‍ സ്റ്റാറ്റിസ്റ്റിക്‌സ്, ഫിസിക്‌സ് എന്നിവയില്‍ ഒരു വിഷയവുമടക്കം പരമാവധി രണ്ട് വിഷയങ്ങള്‍ തിരഞ്ഞെടുക്കാം. ഒരു വിഷയം മാത്രം തിരഞ്ഞെടുത്താല്‍ 1800 രൂപയും രണ്ട് വിഷയങ്ങള്‍ തിരഞ്ഞെടുത്താല്‍ 2500 രൂപയുമാണ് അപേക്ഷാ ഫീസ്. പെണ്‍കുട്ടികള്‍, പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് ഇത് യഥാക്രമം 900 രൂപ, 1250 രൂപ എന്നിങ്ങനെയാണ്.

തിരഞ്ഞെടുക്കാനുദ്ദേശിക്കുന്ന പ്രോഗ്രാമിന് ബാധകമായ അര്‍ഹത, വിദ്യാഭ്യാസ യോഗ്യത എന്നിവ ഉറപ്പ് വരുത്തണം. അവസാന വര്‍ഷ ബിരുദ വിദ്യാര്‍ഥികള്‍ക്കും അപേക്ഷിക്കാവുന്നതാണ്. ഓരോ വിഷയത്തിന്റെയും സിലബസ് പ്രോസ്‌പെക്ടസിലുണ്ട്. തിരുവനന്തപുരം, കൊല്ലം, കോട്ടയം, ആലപ്പുഴ, എറണാകുളം, തൃശൂര്‍, പാലക്കാട്, കോഴിക്കോട്, വടകര, കണ്ണൂര്‍, മംഗളുരു, മൈസൂരു, ചെന്നൈ, കോയമ്പത്തൂര്‍, ബംഗളുരു എന്നിവിടങ്ങളിലടക്കം നിരവധി പരീക്ഷാ കേന്ദ്രങ്ങളുണ്ട്.

നിയമം പഠിക്കാന്‍ ആള്‍ ഇന്ത്യാ ലോ എന്‍ട്രന്‍സ് ടെസ്റ്റ്

ഡല്‍ഹിയിലുള്ള ദേശീയ നിയമ സര്‍വകലാശാലയിലെ പഞ്ചവര്‍ഷ നിയമബിരുദ പ്രോഗ്രാമായ ബി.എ.എല്‍.എല്‍.ബി (ഓണേഴ്‌സ്) കോഴ്‌സിന്റെ പ്രവേശനത്തിനുള്ള മാനദണ്ഡമായ ആള്‍ ഇന്ത്യാ ലോ എന്‍ട്രന്‍സ് ടെസ്റ്റിനു (‘ഐലറ്റ്’2023). 45 ശതമാനം മാര്‍ക്കോടെ പ്ലസ്ടു വിജയിച്ചവര്‍ക്ക് (പട്ടിക വിഭാഗങ്ങള്‍, ഭിന്നശേഷിക്കാര്‍ എന്നിവര്‍ക്ക് 40 ശതമാനം) നവംബര്‍ 15 വരെ അപേക്ഷിക്കാം. 2023 ല്‍ പ്ലസ്ടു പരീക്ഷ എഴുതുന്നവര്‍ക്കും അപേക്ഷിക്കാം.

2022 ഡിസംബര്‍ 11 ന് നടക്കുന്ന ഒന്നര മണിക്കൂര്‍ ദൈര്‍ഘ്യമുള്ള പ്രവേശന പരീക്ഷയില്‍ ഇംഗ്ലീഷ് ഭാഷ, പൊതുവിജ്ഞാനം & ആനുകാലികം, ലോജിക്കല്‍ റീസണിങ് എന്നിങ്ങനെ മൂന്ന് കാറ്റഗറികളിലായി 150 മള്‍ട്ടിപ്പിള്‍ ചോയ്‌സ് രീതിയിലുള്ള ചോദ്യങ്ങളാണുണ്ടാവുക. തെറ്റുത്തരങ്ങള്‍ക്ക് നെഗറ്റീവ് മാര്‍ക്കുണ്ടാവും. പൊതുവിഭാഗത്തില്‍ 3,500 രൂപയാണ് പരീക്ഷാ ഫീസ്. തിരുവനന്തപുരം, കൊച്ചി, ബംഗളുരു, ചെന്നൈ, മംഗളൂരു, എന്നിവയടക്കം നിരവധി പരീക്ഷാ കേന്ദ്രങ്ങളുണ്ട്. 110 സീറ്റുകളിലേക്കാണ് പ്രവേശന പരീക്ഷയനുസരിച്ച് അഡ്മിഷന്‍ നടത്തുന്നത്. അപേക്ഷിക്കാനും മറ്റു വിശദ വിവരങ്ങള്‍ക്കും https://nationallaw universtiydelhi.in/ എന്ന വെബ്‌സൈറ്റ് സന്ദര്‍ശിക്കാം.നിയമബിരുദം പൂര്‍ത്തിയാക്കിയവര്‍ക്കും അവസാന വര്‍ഷ പരീക്ഷ എഴുതുന്നവര്‍ക്കും ‘ഐലറ്റ്’ പരീക്ഷ വഴി ഒരു വര്‍ഷം ദൈര്‍ഘ്യമുള്ള എല്‍.എല്‍.എം കോഴ്‌സിനും ഇപ്പോള്‍ അപേക്ഷിക്കാം.

Continue Reading

kerala

രേഖാ രാജിന്റെ നിയമനം റദ്ദാക്കിയത് സുപ്രീംകോടതി ശരിവെച്ചു

Published

on

ന്യൂഡല്‍ഹി: മഹാത്മാഗാന്ധി സര്‍വകലാശാലയില്‍ ദളിത് സ്ത്രീ ചിന്തക രേഖാരാജിനെ അസിസ്റ്റന്റ് പ്രൊഫസറായി നിയമിച്ചത് റദ്ദാക്കിയ ഹൈക്കോടതി വിധി സുപ്രീംകോടതി ശരിവെച്ചു. മഹാത്മാഗാന്ധി സര്‍വകലാശാലക്കെതിരെ രൂക്ഷ വിമര്‍ശനം ഉന്നയിച്ചാണ് പരമോന്നത കോടതി ഹര്‍ജി തള്ളിയത്. നിയമന രീതി ശുദ്ധ അസംബന്ധമാണെന്നും അംഗീകരിക്കാനാവില്ലെന്നും കോടതി വ്യക്തമാക്കി.

Continue Reading

kerala

സംസ്ഥാനത്തെ സ്‌കൂളുകള്‍ക്ക് നാളെ പ്രവൃത്തി ദിനം

വിദ്യാഭ്യാസ കലണ്ടര്‍ പ്രകാരമാണ് നാളെ സ്‌കൂള്‍ പ്രവൃത്തി ദിനമായത്.

Published

on

തിരുവനന്തപുരം: സംസ്ഥാനത്തെ സ്‌കൂളുകള്‍ക്ക് നാളെ പ്രവൃത്തി ദിനമായിരിക്കുമെന്ന് പൊതുവിദ്യാഭ്യാസ ഡയറക്ടര്‍ അറിയിച്ചു. വിദ്യാഭ്യാസ കലണ്ടര്‍ പ്രകാരമാണ് നാളെ സ്‌കൂള്‍ പ്രവൃത്തി ദിനമായത്. ഒക്ടോബര്‍ 29, ഡിസംബര്‍ മൂന്നു എന്നീ ശനിയാഴ്ചകളും സ്‌കൂളുകള്‍ക്ക് പ്രവൃത്തിദിനമായിരിക്കും.

Continue Reading

Trending