Badminton
സഊദി ദേശീയ ഗെയിംസ്: കൊടുവള്ളി സ്വദേശിനിക്ക് സ്വര്‍ണ്ണ മെഡലും ഒരു മില്യണ്‍ റിയാലും സമ്മാനം
കോഴിക്കോട് കൊടുവള്ളിയിലെ ഖദീജ നിസയാണ് ബാഡ്മിന്റണ്‍ വ്യക്തിഗത ചാമ്പ്യന്‍ ഷിപ്പില്‍ സുവര്‍ണ്ണ നേട്ടം സ്വന്തമാക്കിയത്
അഷ്‌റഫ് വേങ്ങാട്ട്
റിയാദ്: പ്രഥമ സഊദി ദേശീയ ഗെയിംസില്‍ ഇന്ത്യക്ക് സുവര്‍ണ്ണ തിളക്കം. കോഴിക്കോട് സ്വദേശിനിയായ വിദ്യാര്‍ത്ഥിനി സ്വര്‍ണ്ണ മെഡലും രണ്ടേകാല്‍ കോടിയോളം രൂപയും സമ്മാനം നേടിയാണ് ഇന്ത്യയുടെ യശസ്സ് ഉയര്‍ത്തിപ്പിടിച്ചത് . റിയാദിലെ അല്‍ നജ്ദ് ക്ലബ്ബിനെ പ്രതിനിധീകരിച്ച കോഴിക്കോട് കൊടുവള്ളിയിലെ ഖദീജ നിസയാണ് ബാഡ്മിന്റണ്‍ വ്യക്തിഗത ചാമ്പ്യന്‍ ഷിപ്പില്‍ സുവര്‍ണ്ണ നേട്ടം സ്വന്തമാക്കിയത്. റിയാദിലെ ന്യൂ മിഡില്‍ ഈസ്റ്റ് സ്‌കൂളിലെ പ്ലസ് വണ്‍ വിദ്യാര്‍ത്ഥിനിയായ ഖദീജ നിസ റിയാദിലെ ഐ ടി എന്‍ജിനീയറായ കൊടുവള്ളി സ്വദേശി കൂടത്തിങ്ങല്‍ ലത്തീഫ് കോട്ടൂരിന്റെയും ഷാനിദയുടെയും മൂന്നാമത്തെ മകളാണ്. സഊദി ഇതാദ്യമായി സംഘടിപ്പിച്ച ദേശീയ ഗെയിംസില്‍ മത്സരിച്ച ഏക മലയാളി താരമാണ് ഖദീജ നിസ. സഊദിയില്‍ ജനിച്ച വിദേശികള്‍ക്കും ഗെയിംസില്‍ പങ്കാളികളാകാം എന്ന ആനുകൂല്യമാണ് മത്സരത്തില്‍ പങ്കെടുക്കാനും സ്വപ്‌നതുല്യമായ നേട്ടം കൈവരിക്കാനും ഖദീജയെ തുണച്ചത്. ഖദീജ നിസയെ കൂടാതെ ആണ്‍കുട്ടികളുടെ വിഭാഗത്തില്‍ ഹൈദരാബാദ് സ്വദേശിയായ ശൈഖ് മെഹദ് ഷായും മത്സരത്തില്‍ സ്വര്‍ണ്ണ മെഡലും ഒരു മില്യണ്‍ റിയാലും സമ്മാനം നേടിയിട്ടുണ്ട്.
സഊദിയില്‍ ഒക്‌ടോബര്‍ 28 നാണ് ദേശീയ ഗെയിംസ് ആരംഭിച്ചത്. ബാഡ്മിന്റണ്‍ മത്സരങ്ങള്‍ക്ക് തുടക്കമായത് നവംബര്‍ ഒന്നിനായിരുന്നു. വിവിധ ക്ലബുകളുടെ പൂളുകള്‍ തമ്മിലുള്ള ആദ്യ മത്സരത്തില്‍ അനായാസം ജയിച്ചുകയറിയ ഖദീജ നിസ ബുധനാഴ്ച്ച നടന്ന ക്വാര്‍ട്ടര്‍ ഫൈനലിലും വ്യാഴാഴ്ച്ച നടന്ന സെമിഫൈനലിലും വിജയിച്ചതോടെ ഫൈനലില്‍ നേരിട്ട സെറ്റുകള്‍ക്ക് തന്റെ എതിരാളിയെ പരാജയപ്പെടുത്തി വിജയകിരീടം ചൂടുകയായിരുന്നു. ഫൈനലില്‍ അല്‍ ഹിലാല്‍ ക്ലബിന്റെ ഹലാല്‍ അല്‍ മുദരിയ്യയെ 2111, 2110 എന്ന സ്‌കോറിനാണ് അടിയറവ് പറയിച്ചത്.ദേശീയ ഗെയിംസിന്റെ മുന്നോടിയായി രണ്ടര മാസം മുമ്പേ ആരംഭിച്ച പ്രീ ക്വാളിഫിക്കേഷന്‍ മത്സരങ്ങളില്‍ സഊദിയിലെയും വിദേശങ്ങളിലെയും പ്രഗത്ഭരായ മത്സരാര്‍ത്ഥികളുമായി പോരാടിയാണ് ദേശീയ ഗെയിംസിലേക്ക് നിസ യോഗ്യത നേടിയത്.
സഊദിയിലെ ഇന്ത്യന്‍ സമൂഹത്തിനും പ്രത്യേകിച്ച് മലയാളികള്‍ക്കും അഭിമാനകരമായ രീതിയില്‍ വിജയം കൊയ്ത ഖദീജ നിസ പിതാവ് ലത്തീഫില്‍ നിന്ന് ലഭിച്ച പ്രോത്സാഹനമാണ് സുവര്‍ണ്ണ നേട്ടത്തിലേക്ക് എത്തിച്ചത് . ലത്തീഫിന്റെ പിതാവ് കൊടുവള്ളിയില്‍ കൂടത്തിങ്ങല്‍ ഇബ്രാഹിം ഹാജിയും പഴയ കാല ബാഡ്മിന്റണ്‍ , വോളിബാള്‍ താരമായിരുന്നു. സഊദിയില്‍ സിന്‍മാര്‍ ബാഡ്മിന്റണ്‍ അക്കാദമിയില്‍ അംഗമായ ലത്തീഫ് നാട്ടിലും വിവിധ ക്ലബ്ബുകളില്‍ താരമായിരുന്നു. നേരത്തെ വയനാട് ജില്ലാ ചാമ്പ്യനും സഊദിയില്‍ ദേശീയ സബ്ജൂനിയര്‍ സിംഗിള്‍സ് ചാമ്പ്യനും ജിസിസി ചാമ്പ്യനുമായിരുന്നു ഖദീജ നിസ.
ഇന്ത്യയില്‍ നിന്ന് ഖദീജ നിസയെ കൂടാതെ ആണ്‍കുട്ടികളുടെ വിഭാഗത്തില്‍ ഹൈദരാബാദ് സ്വദേശിയായ ശൈഖ് മെഹദ് ഷായും മത്സരത്തില്‍ സ്വര്‍ണ്ണ മെഡലും ഒരു മില്യണ്‍ റിയാലും സമ്മാനം നേടിയിട്ടുണ്ട്. റെയ ഫാത്തിമ, നേഹ , ഹയ്‌സ് മറിയം , മുഹമ്മദ് നസ്മി എന്നിവര്‍ സഹോദരങ്ങളാണ്. മില്യണ്‍ തിളക്കമുള്ള വിജയത്തിന് ഖദീജ നിസയെ തേടി അനുമോദന പ്രവാഹമാണ് . അദ്ഭുതകരമായ വിധത്തില്‍ വിജയിച്ച ഖദീജ നിസയെ കെഎംസിസി സഊദി നാഷനല്‍ കമ്മിറ്റി, കെഎംസിസി റിയാദ് സെന്‍ട്രല്‍ കമ്മിറ്റി, റിയാദ് കെഎംസിസി കോഴിക്കോട് ജില്ലാ കമ്മിറ്റി, കെഎംസിസി കൊടുവള്ളി മണ്ഡലം കമ്മിറ്റി, കോഴിക്കോടന്‍സ് തുടങ്ങിയ സംഘടനകള്‍ അഭിനന്ദിച്ചു.
Badminton
ടിക്കറ്റ് കിട്ടിയില്ല; ദേശീയ ബാഡ്മിന്റണ്‍ ചാമ്പ്യന്‍ഷിപ്പിനുള്ള കേരള ടീം സ്റ്റേഷനിൽ കുടുങ്ങി
ടീം കോച്ച്, മാനേജര്‍ അടക്കം 23 പേരുടെ യാത്രയാണ് ടിക്കറ്റ് കണ്‍ഫേം ആകാത്തതിനെ തുടര്‍ന്ന് പ്രതിസന്ധിയിലായിരിക്കുകയാണ്.
ദേശീയ ബാഡ്മിന്റണ്‍ ചാമ്പ്യന്‍ഷിപ്പിനുള്ള കേരള ടീം ട്രെയിന്‍ കിട്ടാതെ കാത്തിരിക്കുന്നു. ജൂനിയര്‍-സീനിയര്‍ വിഭാഗത്തിലുള്ള താരങ്ങളാണ് ട്രെയിന്‍ കിട്ടാതെ എറണാകുളം റെയില്‍വേ സ്റ്റേഷനില്‍ കാത്തിരിക്കുന്നത്. ടീം കോച്ച്, മാനേജര്‍ അടക്കം 23 പേരുടെ യാത്രയാണ് ടിക്കറ്റ് കണ്‍ഫേം ആകാത്തതിനെ തുടര്‍ന്ന് പ്രതിസന്ധിയിലായിരിക്കുകയാണ്.
പതിനേഴാം തീയതി മധ്യപ്രദേശിലെ നര്‍മദപുരത്ത് വെച്ച് നടക്കുന്ന ദേശീയ ബാഡ്മിന്റണ്‍ ചാമ്പ്യന്‍ഷിപ്പില്‍ പങ്കെടുക്കേണ്ടുന്ന ജൂനിയര്‍, സീനിയര്‍ വിഭാഗത്തിലുള്ള കായിക താരങ്ങളുടെ യാത്ര പ്രതിസന്ധിയിലായിരിക്കുന്നത്. വ്യാഴാഴ്ച ഉച്ചക്ക് 1.30-ന് എറണാകുളത്ത് നിന്നും പുറപ്പെടേണ്ടിയിരുന്ന മംഗള ലക്ഷദ്വീപ്എക്‌സ്പ്രസിലാണ് യാത്ര ചെയ്യേണ്ടിയിരുന്നത്.
എന്നാല്‍ ഒന്നരയോടെയാണ് ഇവരുടെ ടിക്കറ്റ് കണ്‍ഫേം ആയിട്ടില്ലെന്ന വിവരം അധികൃതര്‍ അറിയിക്കുന്നത്. രണ്ട് പേരുടെ ടിക്കറ്റ് മാത്രമാണ് കണ്‍ഫേം ആയത്. എന്നാല്‍ ഇക്കാര്യം അധികൃതര്‍ താരങ്ങളെയോ രക്ഷിതാക്കളെയോ നേരത്തേ അറിയിച്ചിട്ടില്ലെന്നാണ് ആക്ഷേപം.
Badminton
അഖിലേന്ത്യാ റാങ്കിങ് ബാഡ്മിന്റനില്‍ മലയാളി പെണ്‍കുട്ടിയ്ക്ക് ഇരട്ട മെഡല്‍
അലക്‌സിയ എല്‍സ അലക്‌സാണ്ടറാണ് അണ്ടര്‍ 13 വിഭാഗത്തില്‍ ഡബിള്‍സില്‍ സ്വര്‍ണവും സിംഗിള്‍സില്‍ വെള്ളിയും നേടിയത്.
റാഞ്ചിയില്‍ നടന്ന യോനെക്‌സ് – സണ്‍റൈസ് അഖിലേന്ത്യാ റാങ്കിങ് ബാഡ്മിന്റനില്‍ മലയാളി പെണ്‍കുട്ടിക്ക് ഇരട്ട മെഡല്‍. അലക്‌സിയ എല്‍സ അലക്‌സാണ്ടറാണ് അണ്ടര്‍ 13 വിഭാഗത്തില്‍ ഡബിള്‍സില്‍ സ്വര്‍ണവും സിംഗിള്‍സില്‍ വെള്ളിയും നേടിയത്. ഡബിള്‍സില്‍ തെലങ്കാനയുടെ ഹംസിനി ചാദരം ആയിരുന്നു അലക്‌സിയയോടൊപ്പം ടീമിലിറങ്ങിയത്.
നേരത്തെ കൊല്‍ക്കത്തയില്‍ ഇതേ പരമ്പരയില്‍ സിംഗിള്‍സിലും ഡബിള്‍സിലും അലക്‌സിയ വെങ്കലം നേടിയിരുന്നു. ദുബായിലാണ് താമസമെങ്കിലും ബാഡ്മിന്റന്‍ അസോസിയേഷന്‍ ഓഫ് ഇന്ത്യയുടെ കീഴിലാണ് അലക്‌സിയ മത്സരിക്കുന്നത്.
ഏഴാം ക്ലാസ് വിദ്യാര്‍ഥിനിയാണ് അലക്‌സിയ. അടൂര്‍ കണ്ണംകോട് അറപുറയില്‍ ലൂയി വില്ലയില്‍ റോമി അലക്‌സാണ്ടര്‍ ലൂയിസിന്റെയും റീജ റോമിയുടെയും മകളാണ് അലക്‌സിയ.
Badminton
എച്ച്എസ് പ്രണോയ് പൊരുതി തോറ്റു ;ഓസ്ട്രേലിയൻ ഓപ്പൺ ബാഡ്മിന്റൺ കിരീടം ചൈനയുടെ വെങ് ഹോങ് യാങ്ങിന് ;
ആദ്യ ഗെയിം നഷ്ടമായതിനുശേഷം ശക്തമായി തിരിച്ചുവന്ന പ്രണോയ് അവസാനം വരെ പോരാടിയാണ് പരാജയം സമ്മതിച്ചത്
ഓസ്ട്രേലിയൻ ഓപ്പൺ ബാഡ്മിന്റൺ കിരീടം ചൈനയുടെ വെങ് ഹോങ് യാങ്ങിന്. ആവേശകരമായ പുരുഷ സിംഗിൾസ് ഫൈനലിൽ എച്ച്എസ് പ്രണോയ് പൊരുതി തോറ്റു. ഒരു മണിക്കൂറും 30 മിനിറ്റും നീണ്ട പോരാട്ടത്തിനൊടുവിൽ 21-9, 21-23, 22-20 എന്ന സ്‌കോറിനായിരുന്നു യാങ്ങിന്റെ വിജയം.ആദ്യ ഗെയിം നഷ്ടമായതിനുശേഷം ശക്തമായി തിരിച്ചുവന്ന പ്രണോയ് അവസാനം വരെ പോരാടിയാണ് പരാജയം സമ്മതിച്ചത്. ശനിയാഴ്ച നടന്ന സെമിഫൈനലിൽ 21-18, 21-12 എന്ന സ്‌കോറിന് പ്രിയാൻഷു രജാവത്തിനെ നേരിട്ടുള്ള ഗെയിമുകൾക്ക് തോൽപ്പിച്ചാണ് പ്രണോയ് ഫൈനലിലെത്തിയത്. 21-19, 13-21, 21-13 എന്ന സ്‌കോറിന് മലേഷ്യയുടെ ലീ സി ജിയയെ പരാജയപ്പെടുത്തിയാണ് വെങ് ഹോങ് ഫൈനൽ ഉറപ്പിച്ചത്
-
News2 days agoഇസ്രാഈലില് നിന്നും 18 മലയാളികള് കൂടി ഇന്ത്യയിലെത്തി
-
film2 days agoചിരിയും ആക്ഷനുമായി ത്രസിപ്പിക്കാൻ “ധീരൻ” ജൂലൈ നാലിനു; ട്രെയ്ലർ പുറത്ത്
-
kerala2 days agoനന്ദി അറിയിക്കാന് പാണക്കാടെത്തി ഷൗക്കത്ത്; മധുരം നല്കി സ്വീകരിച്ച് സയ്യിദ് സാദിഖലി ശിഹാബ് തങ്ങള്
-
kerala2 days agoമൂന്നാറില് ഓടിക്കൊണ്ടിരുന്ന ബസ്സിന്റെ ടയര് ഊരി തെറിച്ച് അപകടം
-
india2 days agoഭാര്യയെ കൊലപ്പെടുത്തിയ കേസ്; ഓപ്പറേഷന് സിന്ദൂറില് പങ്കെടുത്തത് നിയമ നടപടികളില് നിന്ന് ഒഴിവാക്കാനുള്ള കാരണമല്ല; സുപ്രീം കോടതി
-
kerala2 days agoയുവാവിനെ സംഘം ചേര്ന്ന് മര്ദിച്ചതായി പരാതി; പ്രൊബേഷന് എസ്ഐക്ക് സ്ഥലമാറ്റം
-
News2 days agoട്രംപിന്റ പ്രഖ്യാപനത്തിന് പിന്നാലെ ഇറാനില് വീണ്ടും ഇസ്രാഈല് ആക്രമണം
-
kerala2 days agoതൃശൂരില് വയോധികനെ കല്ല് കൊണ്ട് തലക്കടിച്ച് കൊലപ്പെടുത്തി