Connect with us

Culture

പട്ടേലിന്റെ ജയം പോരാട്ടത്തിന്റെ തുടക്കം; വെല്ലുവിളി ഒഴിയാതെ കോണ്‍ഗ്രസ്

Published

on

ന്യൂഡല്‍ഹി: ഈയിടെ നിയമസഭാ തെരഞ്ഞെടുപ്പുകളിലുണ്ടായ തിരിച്ചടികളില്‍ നിന്ന്, അഹമ്മദ് പട്ടേലിന്റെ ജയം ചെറിയ ആശ്വാസം നല്‍കിയെങ്കിലും ഗുജറാത്തില്‍ കോണ്‍ഗ്രസിനെ കാത്തിരിക്കുന്നത്് വന്‍ വെല്ലുവിളി. ഡിസംബറില്‍ വരുന്ന സംസ്ഥാന നിയമസഭാ തെരഞ്ഞെടുപ്പാണ് പാര്‍ട്ടി നേരിടേണ്ട യഥാര്‍ത്ഥ അഗ്നിപരീക്ഷ.
‘ഞാന്‍ സന്തോഷവാനാണ്. കോണ്‍ഗ്രസ് എം. എല്‍.എമാര്‍ക്ക് നന്ദി. ഇതേ ഉത്സാഹത്തോടെ നിയമസഭാ തെരഞ്ഞെടുപ്പിനെയും നേരിടും’ എന്നായിരുന്നു വിജയ ശേഷമുള്ള പട്ടേലിന്റെ പ്രതികരണമെങ്കിലും കാര്യങ്ങള്‍ അത്രയെളുപ്പമാകില്ല. തെരഞ്ഞെടുപ്പിനുള്ള മുന്നൊരുക്കങ്ങള്‍ ബി.ജെ. പി ആരംഭിച്ച സാഹചര്യത്തില്‍ വിശേഷിച്ചും. 182 അംഗ സഭയില്‍ മിഷന്‍ 150 പ്ലസ് എന്ന പദ്ധതി ദേശീയ അധ്യക്ഷന്‍ അമിത് ഷാ ബി.ജെ.പിയില്‍ അവതരിപ്പിച്ചിട്ടുള്ളത്. എപ്പോഴും കൂടുമാറാവുന്ന എം. എല്‍.എമാരെ ഒപ്പം നിര്‍ത്തുക എന്ന ഭാരിച്ച ജോലിയാണ് കോണ്‍ഗ്രസിന മുമ്പിലുള്ളത്. തെരഞ്ഞെടുപ്പില്‍ 57 അംഗങ്ങളാണ് കോണ്‍ഗ്രസ് ടിക്കറ്റില്‍ സഭയിലെത്തിയിരുന്നത്. എന്നാല്‍ രാജ്യസഭാ തെരഞ്ഞെടുപ്പില്‍ പാര്‍ട്ടിക്ക് ഉറപ്പാക്കാനായത് 43. വോട്ടുകള്‍ മാത്രം. പാര്‍ട്ടിയില്‍ നിന്നുള്ള രാജി, ക്രോസ് വോട്ടുകള്‍ എന്നിവയിലാണ് ബാക്കി 14 വോട്ടുകള്‍ നഷ്ടമായത്. രാജ്യസഭാ തെരഞ്ഞെടുപ്പിന് മുമ്പ് 44 എം.എല്‍.എമാരെയാണ് കൂറുമാറ്റം ഭയന്ന് കോണ്‍ഗ്രസ് കര്‍ണാടകയിലെ റിസോര്‍ട്ടില്‍ ഒളിപ്പിച്ചു താമസിപ്പിച്ചത്. ഇവരെ വോട്ടെടുപ്പിന്റെ തലേന്ന് അഹമ്മദാബാദിലെത്തിച്ച ശേഷവും നേരെ ആനന്ദിലെ റിസോര്‍ട്ടിലേക്കാണ് മാറ്റിയത്. 2014ലെ ലോക്‌സഭാ തെരഞ്ഞെടുപ്പിന് ശേഷം നരേന്ദ്രമോദി ഡല്‍ഹിയിലേക്ക് പോയതിനു ശേഷം സംസ്ഥാനം നേരിടുന്ന ആദ്യ തെരഞ്ഞെടുപ്പു കൂടിയാണ് ഡിസംബറിലേത്. ബി.ജെ.പിയെ നേരിടാന്‍ മുന്‍ ആര്‍.എസ്.എസ് നേതാവു കൂടിയായ ശങ്കര്‍സിങ് വഗേലയുടെ നേതൃത്വം ഇത്തവണ കോണ്‍ഗ്രസിന് ലഭിക്കില്ല.
വഗേലയും അദ്ദേഹത്തിന്റെ കൂടെ രാജിവെച്ച ആറു എം. എല്‍.എമാരും ബി.ജെ.പിക്കു വേണ്ടി രംഗത്തിറങ്ങുകയും ചെയ്യും. ഇതില്‍ മൂന്നു പേര്‍ ഇപ്പോള്‍ തന്നെ ബി.ജെ.പിയില്‍ ചേര്‍ന്നിട്ടുണ്ട്. ഈ വെല്ലുവിളിയെയും അതിജീവിക്കേണ്ടിയിരിക്കുന്നു. തേജശ്രീ പട്ടേല്‍, പ്രഹ്ലാദ് പട്ടേല്‍, ബല്‍വന്ത് സിന്‍ഹ് രജ്പുത് എന്നിവരാണ് ബി.ജെ. പിയില്‍ ചേര്‍ന്നിട്ടുള്ളത്. ഉത്തരഗുജറാത്തില്‍ നിന്നുള്ള നേതാക്കളാണിവര്‍. പരമ്പരാഗതമായ കോണ്‍ഗ്രസ് ശക്തികേന്ദ്രവും ഒ.ബി.സി സംവരണത്തിനു വേണ്ടിയുള്ള പട്ടിദാര്‍ സമരത്തിന്റെ ഉത്ഭവകേന്ദ്രവുമാണ് ഉത്തര ഗുജറാത്ത്. പട്ടേല്‍മാര്‍ ഇവിടെ ബി.ജെ.പിക്കു പിന്തുണ നല്‍കുന്നത് കോണ്‍ഗ്രസിന് ക്ഷീണം ചെയ്യും. പട്ടേല്‍ സംവരണ സമരത്തോട് അനുഭാവം പ്രകടിപ്പിച്ച കോണ്‍ഗ്രസ് നേതാക്കള്‍ കൂടിയാണ് തേജശ്രീയും പ്രഹല്‍ദും. സമരത്തില്‍ പരിക്കേറ്റ പട്ടേല്‍മാരെ ആശുപത്രിയില്‍ പോയി സന്ദര്‍ശിക്കുകയും അവര്‍ക്ക് വേണ്ട കാര്യങ്ങള്‍ ചെയ്യുകയും ചെയ്യുന്ന കോണ്‍ഗ്രസ് നേതാവായിരുന്നു പ്രഹല്‍ദ്.
കോണ്‍ഗ്രസ് വിട്ട മറ്റൊരു നേതാവായ രാമന്‍സിന്‍ഹ് പര്‍മര്‍ കര്‍ഷകര്‍ക്കിടയില്‍ വന്‍സ്വാധീനമുള്ള നേതാവാണ്. പര്‍മറിനു പുറമേ, വഗേല അനുയായികളായ രാഘവ്ജി പട്ടേല്‍, ധര്‍മേന്ദ്രസിന്‍ഹ് ജഡേജ, ഭോല ഗോഹില്‍ എന്നിവര്‍ക്ക് സൗരാഷ്ട്ര മേഖലയില്‍ ചെറുതല്ലാത്ത സ്വാധീനമുണ്ട്. കോണ്‍ഗ്രസ് വിട്ട മാന്‍സിന്‍ഹ് ചൗഹാന്‍, ഛന്ന ചൗധരി എന്നിവര്‍ ഗോത്രവര്‍ഗ നേതാക്കളാണ്. വരുംതെരഞ്ഞെടുപ്പിലെ ഫലങ്ങളില്‍ നിര്‍ണായക സ്വാധീനം ചെലുത്താനാകുന്നവരാണ് ഗോത്രവിഭാഗക്കാര്‍.

Culture

ഒരേ യുവാവിനെ വിവാഹം ചെയ്ത് ഐടി എഞ്ചിനീയര്‍മാരായ ഇരട്ട സഹോദരിമാര്‍

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Published

on

ഒരേ യുവാവിനെ വിവാഹം കഴിച്ച്‌ ഇരട്ട സഹോദരിമാര്‍. മഹാരാഷ്ട്രയിലെ സോലാപൂരിലാണ് സംഭവം. ഐടി എഞ്ചിനീയര്‍മാരായ പിങ്കി, റിങ്കി എന്നിവരാണ് അതുല്‍ എന്ന സുഹൃത്തിനെ വിവാഹം കഴിച്ചത്.ഇവരുടെ വീഡിയോ സോഷ്യല്‍ മീഡിയയില്‍ വൈറലായിക്കൊണ്ടിരിക്കുകയാണ്.ഒപ്പം വിമർശനങ്ങളും.

മുംബൈയില്‍ ഐടി എഞ്ചിനീയര്‍മാരായ ഇവര്‍ വെള്ളിയാഴ്ച മഹാരാഷ്ട്രയിലെ സോലാപൂര്‍ ജില്ലയിലെ മല്‍ഷിറാസ് താലൂക്കിലെ അക്ലൂജില്‍ വച്ചാണ് ഒരേ പുരുഷനെ വിവാഹം കഴിച്ചത്. കുട്ടിക്കാലം മുതല്‍ ഒരുമിച്ച്‌ വളര്‍ന്ന ഇവര്‍ക്ക്, പരസ്പരം പിരിയാനുള്ള ബുദ്ധിമുട്ടാണ് ഇത്തരം ഒരു തീരുമാനമെടുക്കുവാന്‍ കാരണമായത് എന്ന് പറയുന്നു. വിവാദമായ വിവാഹത്തിന് യുവതികളുടെയും പുരുഷന്റെയും വീട്ടുകാര്‍ സമ്മതിച്ചു. അമ്മയ്ക്കൊപ്പമാണ് അച്ഛന്‍ മരിച്ച പെണ്‍കുട്ടികള്‍ താമസിച്ചിരുന്നത്. അതുലിന്റെ കാറിലാണ് അമ്മയുടെ ചികിത്സയ്ക്കായി ഇവര്‍ ആശുപത്രിയില്‍ പോയിരുന്നത്. ഇങ്ങനെ പരസ്പരം അടുക്കുകയായിരുന്നു.

എന്നാല്‍ ഈ വിവാഹത്തിനെതിരെ സമൂഹമാധ്യമങ്ങളില്‍ വിമര്‍ശനങ്ങളും ഉയരുന്നുണ്ട്. ഇന്ത്യയില്‍ ഇത്തരത്തിലുള്ള വിവാഹം നിയമപരമാണോയെന്നാണ് പലരും സംശയിക്കുന്നത്.

Continue Reading

Art

വയനാട് റവന്യൂ ജില്ലാ സ്‌കൂള്‍ കലോത്സവം 6ന്; അരങ്ങൊരുക്കി കണിയാരം

ജില്ലയിലെ മുഴുവന്‍ യുപി, ഹൈസ്‌കൂള്‍, ഹയര്‍ സെക്കന്‍ഡറി, വിഎച്ച്എസ്ഇ വിദ്യാലയങ്ങളില്‍ നിന്നായി ഏകദേശം 4,000 ത്തോളം വിദ്യാര്‍ഥികള്‍ മത്സരത്തില്‍ മാറ്റുരയ്ക്കും

Published

on

മാനന്തവാടി: 41ാമത് വയനാട് റവന്യൂ ജില്ല സ്‌കൂള്‍ കലോത്സവം ഡിസംബര്‍ 6 മുതല്‍ 9 വരെ മാനന്തവാടിയില്‍ നടക്കും. കണിയാരം ഫാദര്‍ ജി കെ എം ഹയര്‍സെക്കന്ററി സ്‌കൂള്‍, സെന്റ് ജോസഫ്‌സ് ടി.ടി.ഐ, സാന്‍ജോ പബ്ലിക് സ്‌കൂള്‍ എന്നിവിടങ്ങളില്‍ വച്ചാണ് കലോത്സവം നടക്കുക. ഒരുക്കങ്ങള്‍ പൂര്‍ത്തിയായതായി ജില്ലാ വിദ്യാഭ്യാസ ഉപഡയറക്ടര്‍ ശശിപ്രഭ വാര്‍ത്താ സമ്മേളനത്തില്‍ അറിയിച്ചു.

ജില്ലയിലെ മുഴുവന്‍ യുപി, ഹൈസ്‌കൂള്‍, ഹയര്‍ സെക്കന്‍ഡറി, വിഎച്ച്എസ്ഇ വിദ്യാലയങ്ങളില്‍ നിന്നായി ഏകദേശം 4,000 ത്തോളം വിദ്യാര്‍ഥികള്‍ മത്സരത്തില്‍ മാറ്റുരയ്ക്കും. ഏകദേശം 8000ത്തിലധികം ആളുകള്‍ മേളയില്‍ പങ്കെടുക്കുമെന്നാണ് പ്രതീക്ഷിക്കുന്നതെന്ന് സംഘാടകര്‍ അറിയിച്ചു. ഡിസംബര്‍ 7ന് വൈകുന്നേരം 4 മണിക്ക് മാനന്തവാടി മുന്‍സിപ്പല്‍ ചെയര്‍പേഴ്‌സണ്‍ സി.കെ രത്‌നവല്ലിയുടെ അധ്യക്ഷതയില്‍ ജില്ലാ പഞ്ചായത്ത് പ്രസിഡന്റ് സംഷാദ് മരക്കാര്‍ കലാമേളയുടെ ഉദ്ഘാടനം നിര്‍വഹിക്കും. വിശിഷ്ടാതിഥികളായി ഡോക്ടര്‍ ശ്യാം സൂരജ്, അഖില്‍ദേവ് എന്നിവര്‍ സംബന്ധിക്കും.

ചടങ്ങില്‍ ത്രിതല പഞ്ചായത്ത് ജനപ്രതിനിധികള്‍, വിദ്യാഭ്യാസ അധികൃതര്‍, രക്ഷകര്‍തൃ – വിദ്യാര്‍ഥി പ്രതിനിധികള്‍ തുടങ്ങിയവര്‍ സംബന്ധിക്കും. ഡിസംബര്‍ 9 വെള്ളിയാഴ്ച ഉച്ചകഴിഞ്ഞ് 3:00 മണിക്ക് വയനാട് ജില്ല കളക്ടര്‍ എ ഗീത സമാപന സമ്മേളത്തിന്റെ ഉദ്ഘാടനം നിര്‍വഹിക്കും. മാനന്തവാടി ബ്ലോക്ക് പഞ്ചായത്ത് പ്രസിഡന്റ് ജസ്റ്റിന്‍ ബേബിയുടെ അധ്യക്ഷത വഹിക്കും. പൂര്‍ണമായും ഗ്രീന്‍ പ്രോട്ടോകോള്‍ പാലിച്ച് പ്രകൃതി സൗഹാര്‍ദപരമായാണ് മേള നടത്തുന്നത്.

14 വേദികളിലായാണ് മത്സരങ്ങള്‍ നടത്തുക. വയനാട് ജില്ലയുമായി ബന്ധപ്പെട്ട പുസ്തകങ്ങളുടെ പേരുകളോ, വയനാട്ടുകാരായ എഴുത്തുകാരുടെ പേരുകളോ ആണ് വേദികളുടെ പേരുകള്‍ ആയി ക്രമീകരിച്ചിരിക്കുന്നതെന്നും സംസ്ഥാനമാകെ നടത്തുന്ന ലഹരി വിരുദ്ധ പ്രവര്‍ത്തനങ്ങളുടെ ഭാഗമായി ലഹരിക്കെതിരെ ഒരു മെഗാ ബാനര്‍ ക്യാമ്പയിന്‍ ആറാം തീയതി വൈകുന്നേരം 3.30ന് നടത്തുമെന്നും സംഘാടക സമിതി അറിയിച്ചു.

മേളയോട് അനുബന്ധിച്ചുള്ള വിളംബര ജാഥ ഡിസംബര്‍ 5 തിങ്കളാഴ്ച വൈകുന്നേരം 4 മണിക്ക് താലൂക്ക് ഓഫീസ് പരിസരത്ത് ആരംഭിച്ച ഗാന്ധി പാര്‍ക്കില്‍ അവസാനിക്കുന്ന രീതിയില്‍ ക്രമീകരിച്ചിട്ടുണ്ട്.
മുന്നൂറിലധികം വിദ്യാര്‍ത്ഥികളും സംഘാടകസമിതി അംഗങ്ങളും വിളംബര ജാഥയില്‍ പങ്കെടുക്കും. ജനറല്‍ കലോത്സവം, അറബിക്കലോത്സവം, സംസ്‌കൃത കലോത്സവം എന്നിങ്ങനെ മൂന്ന് വിഭാഗങ്ങളില്‍ 300-ല്‍ അധികം ഇനങ്ങളിലാണ് മത്സരങ്ങള്‍ ഉണ്ടാവുക .ഓരോ ദിവസവും മത്സരാര്‍ത്ഥികള്‍ അടക്കം ഏതാണ്ട് 2500 ല്‍ അധികം ആളുകള്‍ മത്സരത്തിന് എത്തും എന്ന് കരുതുന്നു കൂടാതെ ആയിരക്കണക്കിന് കാണികളെയും പ്രതീക്ഷിക്കുന്നതായും സംഘാടക സമിതി. വാര്‍ത്താ സമ്മേളനത്തില്‍ മാനന്തവാടി മുന്‍സിപ്പല്‍ ചെയര്‍പേഴ്‌സണ്‍ രത്‌നവല്ലി, പ്രിന്‍സിപ്പല്‍ മാര്‍ട്ടിന്‍ എന്‍.പി, നഗരസഭ സ്ഥിരം സമിതി അദ്ധ്യക്ഷരായ വിപിന്‍ വേണുഗോപാല്‍, പി.വി.എസ് മൂസ, കൗണ്‍സിലര്‍മാരായ പി വി ജോര്‍ജ്, മാര്‍ഗരറ്റ് തോമസ്, പി.ടി.എ പ്രസിഡന്റ് മനോജ് പങ്കെടുത്തു.

Continue Reading

Film

ഇറാനില്‍ നിരോധിച്ച ലൈലാസ് ബ്രദേഴ്‌സിന്റെ ഇന്ത്യയിലെ ആദ്യ പ്രദര്‍ശനം രാജ്യാന്തര മേളയില്‍

ഇറാനിയന്‍ സര്‍ക്കാര്‍ നിരോധിച്ച ചിത്രത്തിന്റെ ഇന്ത്യയിലെ ആദ്യ പ്രദര്‍ശനമാണ് മേളയിലേത്.

Published

on

ഇറാനിലെ സാമ്പത്തിക പ്രതിസന്ധി പ്രമേയമാക്കി സയീദ് റുസ്തായി രചനയും സംവിധാനവും നിര്‍വഹിച്ച ലൈലാസ് ബ്രദേഴ്‌സ് രാജ്യാന്തര മേളയുടെ ലോക സിനിമാ വിഭാഗത്തില്‍ പ്രദര്‍ശിപ്പിക്കും. ഇറാന്‍ ഭരണകൂടത്തിന്റെ അനുമതിയില്ലാതെ കാന്‍ ചലച്ചിത്ര മേളയില്‍ പ്രദര്‍ശിപിച്ച ചിത്രത്തിന് ഫിപ്രസി , സിറ്റിസണ്‍ഷിപ്പ് പുരസ്‌കാരങ്ങള്‍ ലഭിച്ചിരുന്നു . തുടര്‍ന്ന് ഇറാനിയന്‍ സര്‍ക്കാര്‍ നിരോധിച്ച ചിത്രത്തിന്റെ ഇന്ത്യയിലെ ആദ്യ പ്രദര്‍ശനമാണ് മേളയിലേത്.

മാതാപിതാക്കള്‍ക്കും നാല് സഹോദരന്മാര്‍ക്കുമായി ജീവിതം മാറ്റിവച്ച ലൈല എന്ന 40 കാരിയുടെ അതിജീവനമാണ് ചിത്രത്തിന്റെ പ്രമേയം .ഇറാനിലെ സാമ്പത്തിക പ്രതിസന്ധിയില്‍ വലയുന്ന സാധാരണക്കാരന്റെ നേര്‍ചിത്രം കൂടിയാണ് ചിത്രം വരച്ചു കാട്ടുന്നത്. അസ്ഗര്‍ ഫര്‍ഹാദി സിനിമകളിലൂടെ ശ്രദ്ധേയയായ തരാനെ അലിദൂസ്തിയാണ് ചിത്രത്തിലെ പ്രധാന കഥാപാത്രമായ ലൈലയെ അവതരിപ്പിച്ചിരിക്കുന്നത്.

Continue Reading

Trending