Connect with us

Football

ലോകകപ്പിലെ മദ്യനിരോധനം; സ്ത്രീകള്‍ കൂടുതല്‍ സുരക്ഷിതരെന്ന് ദ ടൈംസ് റിപ്പോര്‍ട്ട്

ഹെര്‍ ഗെയിം ടൂ (കളി അവളുടേത് കൂടിയാണ്) എന്ന ക്യാംപയിന്‍ നടത്തുന്ന ബ്രിട്ടീഷ് ഫുട്‌ബോള്‍ ആരാധിക എല്ലി മോളോസണ്‍ പറഞ്ഞ വാക്കുകള്‍ ടൈംസ് റിപ്പോര്‍ട്ട് ചെയ്യുന്നത് ഇങ്ങനെയാണ്.

Published

on

ഖത്തര്‍ ലോകകപ്പലെ മധ്യനിരോധനം കളി ആരാധകരായ വനിതകള്‍ക്ക് കുടുതല്‍ സുരക്ഷ നല്‍കുന്നെന്ന് ദ ടൈംസ് റിപ്പോര്‍ട്ട്. മദ്യപാനികളുടെ ശല്യമില്ലാതെ കളി ആസ്വദിക്കാന്‍ കഴിയുന്നതായും വനിതാ കളി പ്രേമികള്‍ക്കിടയില്‍ നടത്തിയ സര്‍വേയില്‍ വ്യക്തമായി. സ്വരാഷ്ട്രങ്ങളിലേതിനേക്കാള്‍ സുരക്ഷയാണ് ഖത്തര്‍ നല്‍കുന്നതെന്ന് വനിതാ ആരാധകര്‍ ടൈംസിനോടു പറഞ്ഞു. സ്‌റ്റേഡിയത്തില്‍ മദ്യം നിരോധിച്ച തീരുമാനത്തിനെതിരെ യൂറോപ്യന്‍ ആരാധകര്‍ രൂക്ഷമായ വിമര്‍ശനം ഉന്നയിക്കുന്ന വേളയിലാണ് ലണ്ടന്‍ ആസ്ഥാനമായ അന്താരാഷ്ട്ര മാധ്യമത്തിന്റെ റിപ്പോര്‍ട്ട് പുറത്ത് വിടുന്നത്.

ഹെര്‍ ഗെയിം ടൂ (കളി അവളുടേത് കൂടിയാണ്) എന്ന ക്യാംപയിന്‍ നടത്തുന്ന ബ്രിട്ടീഷ് ഫുട്‌ബോള്‍ ആരാധിക എല്ലി മോളോസണ്‍ പറഞ്ഞ വാക്കുകള്‍ ടൈംസ് റിപ്പോര്‍ട്ട് ചെയ്യുന്നത് ഇങ്ങനെയാണ്. ‘ഇവിടേക്ക് (ഖത്തറില്‍) വരികയെന്നത് എന്റെ സംവിധാനത്തില്‍ വലിയ ഞെട്ടലുണ്ടാക്കുന്നതായിരുന്നു. എന്നാലിവിടെ ചൂളമടിയോ, യാതൊരു തരത്തിലുള്ള ലൈംഗികച്ചുവയുള്ള പരാമര്‍ശങ്ങളോ ഇതുവരെ നേരിടേണ്ടി വന്നിട്ടില്ല. ഇവടുത്തെ അനുഭവം മറ്റൊന്നായിരിക്കും എന്നായിരുന്നു മുന്‍ധാരണ. എന്നാല്‍ യാഥാര്‍ത്ഥ്യം ഇംഗ്ലണ്ടില്‍ അനുഭവിച്ചതു പോലുള്ള ഒരു ഉപദ്രവവും ഇവിടെ ഏല്‍ക്കേണ്ടി വന്നില്ല എന്നതാണ്. ഇവിടത്തേത് വിസ്മയകരമായ അനുഭവമാണ്. അതെങ്ങനെ സാധിച്ചു എന്നറിയില്ല.’ 19കാരിയായ എല്ലി മോളോസണ്‍ പറയുന്നു.

എല്ലി മോളോസനും അച്ഛന്‍ ആഡമുമാണ് കളി കാണാനെത്തിയിട്ടുള്ളത്. ഖത്തറിന്റെ വരവേല്‍പ്പില്‍ അദ്ദേഹവും സന്തുഷ്ടനാണെന്ന് വ്യക്തമാക്കി. ‘എല്ലിയുടെ കാര്യങ്ങള്‍ നോക്കാനാണ് ഞാന്‍ സത്യത്തില്‍ വന്നത്. തുറന്നു പറയട്ടെ, എനിക്കതിന്റെ ആവശ്യമുണ്ടായിട്ടില്ല’ അധ്യാപകനായ 49കാരന്‍ പറയുന്നു.

ദ ടൈംസ് റിപ്പോര്‍ട്ട് ചെയ്ത മറ്റൊരു ആരാധിക ജോ ഗ്ലോവറാണ്. ചെല്‍സി ആരാധികയാണ് ജോ ഗ്ലോവര്‍. അവര്‍ ദക്ഷിണാഫ്രിക്കന്‍ ലോകകപ്പുമായി ഖത്തറിനെ താരതമ്യം ചെയ്തു പറഞ്ഞത് ഇങ്ങനെയാണ്. ‘ഇവിടത്തെ അന്തരീക്ഷം വംശീയമല്ല. ഓരോരുത്തലും അവരുടെ ടീമിന്റെ നിറമണിയുന്നു. വഴക്കൊന്നുമില്ല.’

മദ്യവില്‍പ്പന വേണ്ടെന്നു വയ്ക്കാനുള്ള രാജകുടുംബത്തിന്റെ തീരുമാനം സ്‌റ്റേഡിയത്തിലെ വൈരാന്തരീക്ഷം കുറയ്ക്കാന്‍ സഹായകരമായെന്നാണ് നിരവധി വനിതാ ആരാധകര്‍ പറഞ്ഞതായി ടൈംസ് റിപ്പോര്‍ട്ടു ചെയ്യുന്നത്. ലോകകപ്പ് ആരംഭിക്കുന്നതിന് 48 മണിക്കൂര്‍ മുമ്പാണ് സ്‌റ്റേഡിയത്തില്‍ ബീര്‍ ഉള്‍പ്പെടെയുള്ള ലഹരിപാനീയങ്ങള്‍ അനുവദിക്കില്ലെന്ന് അധികൃതര്‍ വ്യക്തമാക്കിയത്. ബീര്‍ നിരോധനം മൂലം 40 ദശലക്ഷം പൗണ്ടിന്റെ ഭീമമായ നഷ്ടമാണ് ഫിഫയ്ക്കുണ്ടാകുക.

മദ്യവില്‍പ്പനയുമായി ബന്ധപ്പെട്ട നിയന്ത്രണങ്ങള്‍ നീക്കേണ്ട സാഹചര്യമില്ലെന്ന് യുകെ ഫുട്‌ബോള്‍ പൊലീസിങ് ചീഫ് കോണ്‍സ്റ്റബ്ള്‍ മാര്‍ക് റോബര്‍ട്‌സ് ദ ടൈംസിനോടു പ്രതികരിച്ചു. ‘ഇവിടത്തെ അന്തരീക്ഷം ഒരേസമയം വികാര ഭരിതവും സൗഹൃദ പൂര്‍ണവുമാണ്. ഇവിടെ മദ്യമില്ല. എന്നാലും മികച്ച അന്തരീക്ഷമാണ്.’ അദ്ദേഹം കൂട്ടിച്ചേര്‍ത്തു. ഖത്തറിലെ അന്തരീക്ഷം മികച്ചതാണെന്ന് മുന്‍ ഇംഗ്ലീഷ് ഫുട്‌ബോളര്‍ ലിയാനെ സാന്‍ഡേഴ്‌സണും അഭിപ്രായപ്പെട്ടിട്ടുണ്ട്.

crime

ലൈംഗികാതിക്രമം; ബ്രസീല്‍ താരം ഡാനി ആല്‍വസ് സ്‌പെയിനില്‍ അറസ്റ്റില്‍

നിശാ ക്ലബില്‍വെച്ച് നടന്ന പാര്‍ട്ടിക്കിടയില്‍വെച്ച് തന്നോട് മോശമായി പെരുമാറിയെന്ന പരാതിയിലാണ് ബാഴ്‌സലോണ പൊലീസ് താരത്തെ അറസ്റ്റ് ചെയ്ത് കസ്റ്റഡിയിലെടുത്തു

Published

on

ബ്രസീല്‍ ഫുഡ്‌ബോള്‍ താരം ഡാനി ആല്‍വസ് ലൈംഗികാതിക്രമ കേസില്‍ അറസ്റ്റില്‍. സ്‌പെയ്‌നില്‍വെച്ചാണ് ഫുട്‌ബോള്‍ താരത്തെ അറസ്റ്റ് ചെയ്തത്. നിശാ ക്ലബില്‍വെച്ച് നടന്ന പാര്‍ട്ടിക്കിടയില്‍വെച്ച് തന്നോട് മോശമായി പെരുമാറിയെന്ന പരാതിയിലാണ് ബാഴ്‌സലോണ പൊലീസ് താരത്തെ അറസ്റ്റ് ചെയ്ത് കസ്റ്റഡിയിലെടുത്തു. ഇക്കഴിഞ്ഞ രണ്ടാം തീയതിയാണ് യുവതി പരാതി നല്‍കിയത്. ലോകകപ്പിന് ശേഷം അവധി ആഘോഷിക്കാനാണ് ആല്‍വസ് ബാഴ്‌സലോണയില്‍ എത്തിയത്. ഡിസംബര്‍ 30-ാം തിയ്യതി രാത്രി ബാഴ്‌സലോണയിലെ നിശാ ക്ലബില്‍വെച്ച് ആല്‍വസ് മോശമായ രീതിയില്‍ സ്പര്‍ശിച്ചെന്നാണ് യുവതിയുടെ പരാതി. തന്റെ പാന്റ്‌സിനുള്ളില്‍ കൈ കടത്തി അതിക്രമം കാട്ടിയെന്നും പരാതിയില്‍ ആരോപിക്കുന്നു.

Continue Reading

Football

മെസ്സിയും എംബാപ്പേയും നെയ്മറും ദോഹയിലെത്തും; 18ന് ഖലീഫ സ്‌റ്റേഡിയത്തില്‍ പരിശീലനം

പി.എസ്.ജി ടീം പരിശീലനവും പ്രായോജക പരിപാടിയും ഖത്തറില്‍

Published

on

അശ്‌റഫ് തൂണേരി

ദോഹ: ലോക ഫുട്‌ബോളിലെ വന്‍കിട താരങ്ങളായ ലയണല്‍ മെസ്സി, കിലിയന്‍ എംബാപ്പേ, നെയ്മര്‍, അഷ്‌റഫ് ഹക്കീമി ഉള്‍പ്പെടുന്ന പി.എസ്.ജി ടീം ദോഹയിലെത്തുന്നു. സഊദിഅറേബ്യയില്‍ നടക്കുന്ന സൗഹൃദ മത്സരത്തിന്റെ മുന്നോടിയായുള്ള പരിശീലനത്തിനാണ് ദോഹയിലെത്തുന്നതെന്ന് പാരിസ് സെന്റ് ജെര്‍മെയ്ന്‍ (പി.എസ്.ജി) അറിയിച്ചു. ഈ മാസം 18ന് ദോഹയില്‍ ഖലീഫ രാജ്യാന്തര സ്‌റ്റേഡിയത്തില്‍ പരിശീലനത്തിനിറങ്ങുന്ന ടീം ഖത്തറിലെ പ്രായോജകരുടെ പരിപാടികളിലും സാന്നിധ്യമറിയിക്കും.

ഖത്തര്‍ എയര്‍വേസ്, എക്കോര്‍ ലൈവ് ലിമിറ്റ്‌ലസ് (എ.എല്‍.എല്‍), ഖത്തര്‍ ടൂറിസം, ഖത്തര്‍ നാഷനല്‍ ബാങ്ക്, ഉരീദു, ആസ്‌പെറ്റാര്‍ തുടങ്ങിയവയാണ് ഖത്തറിലെ സ്‌പോണ്‍സര്‍മാര്‍. പിന്നീട് സഊദിഅറേബ്യയിലേക്ക് പറക്കുന്ന സംഘം 19ന് ടീം സൗദിയില്‍ അല്‍ ഹിലാല്‍ ക്ലബിലെയും അല്‍ നസ്ര് ക്ലബിലെയും താരങ്ങള്‍ അണിനിരക്കുന്ന ഓള്‍ സ്റ്റാര്‍ ഇലവനുമായി സൗഹൃദ മത്സരം കളിക്കും.

മെസ്സിയും നെയ്മറും എംബാപ്പെയുമുള്ള ടീമിനെതിരെ പോര്‍ച്ചുഗല്‍ സൂപ്പര്‍ സ്‌്രൈടക്കര്‍ ക്രിസ്റ്റ്യാനോ റൊണാള്‍ഡോ കളത്തിലിറങ്ങുന്ന മത്സരം കൂടിയാണിത്. ഇപ്പോള്‍ അല്‍നസ്ര്! ക്ലബ് താരമായ ക്രിസ്റ്റ്യാനോ റൊണാള്‍ഡോ മാഞ്ചസ്റ്റര്‍ യുനൈറ്റഡില്‍നിന്ന് പടിയിറങ്ങിയ ശേഷം ലോക റെക്കോര്‍ഡ് തുകക്കാണ് സൗദി ക്ലബിലെത്തിയത്. ഖത്തര്‍ ലോകകപ്പിന് ശേഷം ലോക താരങ്ങള്‍ അണിനിരക്കുന്ന ഈ മത്സരം ഇതിനകം ലോകശ്രദ്ധയാകര്‍ഷിച്ചിട്ടുണ്ട്.

ജനുവരി 19 വ്യാഴാഴ്ച വൈകീട്ട് റിയാദിലെ കിംഗ് ഫഹദ് സ്‌റ്റേഡിയത്തില്‍ നടക്കുന്ന സൗഹൃദ മത്സരത്തിന്റെ ടിക്കറ്റുകള്‍ ദിനങ്ങള്‍ മുമ്പു തന്നെ വിറ്റുതീര്‍ന്നു. 68,752 പേരെ ഉള്‍ക്കൊള്ളാനാവുന്ന സ്‌റ്റേഡിയമാണ് കിംഗ് ഫഹദ്. അതേസമയം ലോക ആരാധകര്‍ക്ക് കളി ലൈവായി ഓണ്‍ലൈനിലും ചാനലിലും കാണാനുള്ള സൗകര്യം സംഘാടകര്‍ ഒരുക്കിയിട്ടുണ്ട്. പി.എസ്.ജി ടിവി, പി.എസ്.ജി സോഷ്യല്‍ മീഡിയ, ബീന്‍ സ്‌പോര്‍ട്‌സ് നെറ്റ്‌വര്‍ക്ക് മുഖേനയും മത്സരം രാത്രി എട്ടിന് തത്സമയം സംപ്രേക്ഷണം ചെയ്യും. മത്സരത്തിനുപിന്നാലെ റിയാദില്‍നിന്ന് മെസ്സിയും സംഘവും പാരിസിലേക്ക് തിരിച്ചുപറക്കുമെന്ന് വാര്‍ത്താഏജന്‍സികള്‍ റിപ്പോര്‍ട്ട് ചെയ്തു.

Continue Reading

Football

ഇറ്റാലിയന്‍ ഫുട്‌ബോള്‍ ഇതിഹാസം ജിയാന്‍ ലൂക്ക വിയാലി അന്തരിച്ചു

മുന്‍ ഇറ്റാലിയന്‍ സൂപ്പര്‍താരം ജിയാന്‍ ലൂക്ക വിയാലി (58) അന്തരിച്ചു

Published

on

മുന്‍ ഇറ്റാലിയന്‍ സൂപ്പര്‍താരം ജിയാന്‍ ലൂക്ക വിയാലി (58) അന്തരിച്ചു. ആറുവര്‍ഷമായി അര്‍ബുദരോഗത്തിന് ചികിത്സയിലായിരുന്നു. രാജ്യത്തിനുവേണ്ടി 59ഓളം മത്സരങ്ങളാണ് താരം കളിച്ചത്. ഇതില്‍ നിന്നും 16 ഗോളുകള്‍ നേടിയിട്ടുണ്ട്. യുവന്റസിന് വേണ്ടി ചാമ്പ്യന്‍സ് ലീഗ് കിരീടവും അദ്ധേഹം നേടികൊടുത്തു. ചെല്‍സിക്ക് വേണ്ടി കളിച്ച പ്രകടനവും ഏറെ ശ്രദ്ധേയമായിരുന്നു

Continue Reading

Trending