Connect with us

Video Stories

കൊച്ചി മെട്രോ: യു.ഡി.എഫ് വികസനചിത്രം

Published

on

മലയാളികള്‍ക്ക് ഇത് അഭിമാന മുഹൂര്‍ത്തം. അയ്യായിരം കോടി രൂപയുടെ ആകാശ റെയില്‍ പദ്ധതി കൊച്ചു കേരളത്തില്‍ കുറഞ്ഞ സമയത്തിനുള്ളില്‍ യാഥാര്‍ത്ഥ്യമായി. നാളെ മുതല്‍ കൊച്ചി മെട്രോ കുതിക്കും.
കേരളത്തിലെ വ്യവസായ വാണിജ്യ സിരാ കേന്ദ്രത്തിലൂടെ എത്ര വേഗത്തിലാണ് ഈ പദ്ധതി യാഥാര്‍ത്ഥ്യമായത്. 2012 സെപ്തംബര്‍ 13 ന് പ്രധാനമന്ത്രി ഡോ. മന്‍മോഹന്‍ സിങ് കൊച്ചി മെട്രോക്ക് തറക്കല്ലിട്ടു. 2013 ജൂണ്‍ ഏഴിന് നിര്‍മ്മാണം തുടങ്ങി. ഒന്നാംഘട്ടം മൂന്ന് വര്‍ഷം കണക്കാക്കി. കണ്ണ് ചിമ്മിയ വേഗതയില്‍ കൊച്ചി മെട്രോ നിര്‍മ്മാണം പൂര്‍ത്തിയായി. ആലുവ മുതല്‍ പാലാരിവട്ടം വരെ പതിമൂന്ന് കിലോ മീറ്റര്‍ പാതയിലാണ് മെട്രോ തീവണ്ടി ആദ്യമോടുന്നത്. ആലുവാ മുതല്‍ തൃപ്പൂണിത്തുറ പേട്ട വരെ 25 കിലോ മീറ്ററാണ് ഒന്നാംഘട്ടമായി നിര്‍മ്മിക്കുന്നത്. ഐ.ടി നഗരമായ കാക്കനാട്ടേക്ക് രണ്ടാംഘട്ട നിര്‍മ്മാണത്തിന് സംസ്ഥാന സര്‍ക്കാര്‍ അനുമതി നല്‍കിയ ശേഷമാണ് ഉമ്മന്‍ചാണ്ടി സര്‍ക്കാര്‍ അധികാര കൈമാറ്റം നടത്തിയത്.
അതിവേഗം വളര്‍ന്നുവരുന്ന തുറമുഖ നഗരിയായ കൊച്ചിയില്‍ വന്‍ പദ്ധതി വിഭാവന ചെയ്തതും നടപ്പാക്കിയതും യു.പി.എ സര്‍ക്കാരിന്റെ പിന്തുണയോടെ യു.ഡി.എഫ് സര്‍ക്കാരാണ്. ഇടുക്കി അണക്കെട്ട് കഴിഞ്ഞാല്‍ കേരളത്തില്‍ സാധ്യമാക്കിയ വന്‍ പദ്ധതികളുടെ പട്ടികയില്‍ അവസാനത്തേതാണ് കേരളത്തിന്റെ സാമ്പത്തിക തലസ്ഥാനത്ത് പൂര്‍ത്തിയാക്കിയ ഈ സ്വപ്‌ന പദ്ധതി. കൊച്ചി തുറമുഖത്തെ അന്താരാഷ്ട്ര ട്രാന്‍സ്ഷിപ്പ്‌മെന്റ് കണ്ടെയ്‌നര്‍ ടെര്‍മിനല്‍ ഉദ്ഘാടനം ചെയ്ത ഡോ. മന്‍മോഹന്‍ സിങിന്റെ പിന്തുണയോടെയാണ് കണ്ണൂര്‍ വിമാനത്താവളം, കൊച്ചി സ്മാര്‍ട്ട് സിറ്റി, പ്രകൃതിവാതക ടെര്‍മിനല്‍, വിഴിഞ്ഞം തുറമുഖം തുടങ്ങിയ വന്‍ പദ്ധതികള്‍ക്കെല്ലാം അനുമതി നേടിയെടുത്തതും നിര്‍മ്മാണം നടത്തിയതും ലോകമെമ്പാടും നിര്‍മ്മാണ മേഖലയിലും ശാസ്ത്ര സാങ്കേതിക രംഗത്തുമെല്ലാം സ്തുത്യര്‍ഹ സേവനങ്ങള്‍ അര്‍പ്പിക്കുന്ന മലയാളിക്ക് വികസിത രാജ്യങ്ങളെ പോലെ കൊച്ചു കേരളത്തെ മാറ്റിയെടുക്കണമെന്ന മോഹമുണ്ട്. ഇതേക്കുറിച്ച് ചര്‍ച്ചകളും സംവാദങ്ങളും ഘോരഘോരം നടത്തും. പദ്ധതികള്‍ കടലാസിലൊതുങ്ങും. എന്നാല്‍ കഴിഞ്ഞ 10 വര്‍ഷത്തെ യു.പി.എ ഭരണവും എ.കെ ആന്റണിയുടെയും ഉമ്മന്‍ചാണ്ടിയുടെയും നേതൃത്വത്തിലുള്ള യു.ഡി.എഫ് ഭരണവുമാണ് വന്‍ പദ്ധതികളില്‍ ഏറെയും യാഥാര്‍ത്ഥ്യമാക്കിയത്. ദുബൈ ഭരണാധികാരികളുടെ ശക്തമായ പിന്തുണയോടെയും സഹകരണത്തോടെയുമാണ് കൊച്ചി സ്മാര്‍ട്ട് സിറ്റിയും കൊച്ചി തുറമുഖത്തെ വല്ലാര്‍പാടം കണ്ടെയ്‌നര്‍ ട്രാന്‍സ്ഷിപ്പ്‌മെന്റ് തുറമുഖ പദ്ധതിയും പണിപൂര്‍ത്തിയാക്കിയത്. ദുബൈ ടീകോം കമ്പനിക്കാരെ പാപ്പരാണെന്ന് പറഞ്ഞ് ആക്ഷേപിച്ചവരാണ് അന്നത്തെ പ്രതിപക്ഷ നേതാവും പിന്നീട് മുഖ്യമന്ത്രിയുമായ വി.എസ് അച്യുതാനന്ദന്‍. കെ. കരുണാകരനാണ് നെടുമ്പാശേരി ഗ്രാമത്തിലെ കൊച്ചി അന്താരാഷ്ട്ര വിമാനത്താവളത്തിന്റെ ശില്‍പി. സ്വകാര്യ പങ്കാളിത്തത്തോടെ നെടുമ്പാശേരിയില്‍ വിമാനത്താവളം പണിയാന്‍ അനുവദിക്കില്ലെന്നും ‘എന്റെ നെഞ്ചത്തുകൂടെ മാത്രമെ വിമാനം ഇറങ്ങൂ’ എന്നും പ്രതിഷേധിച്ച സഖാക്കള്‍ പിന്നീട് നെടുമ്പാശേരി വിമാനത്താവളത്തിന്റെ സമ്പൂര്‍ണ്ണ നിയന്ത്രണം ഏറ്റെടുത്തത് കൊച്ചിക്കാര്‍ കണ്ടു. വിഴിഞ്ഞം പദ്ധതിക്ക് പാരപണിയാന്‍ ഇക്കൂട്ടര്‍ എത്രയോ ശ്രമം നടത്തി. പാര്‍ലമെന്ററി ജനാധിപത്യ ഭരണ സമ്പ്രദായത്തില്‍ കേരളം പോലുള്ള കൊച്ചു പ്രദേശത്ത് യാഥാര്‍ത്ഥ്യബോധത്തോടെ ഇഛാശക്തിയോടെ അടിസ്ഥാന സൗകര്യ വികസന പദ്ധതി നടപ്പാക്കിയതിനുള്ള അധികം ക്രെഡിറ്റും മുസ്‌ലിം ലീഗിന്റെ ശക്തമായ പിന്തുണയുള്ള യു.ഡി.എഫ് സംവിധാനത്തിനുള്ളതാണ്.
വികസനത്തിന് ഒരു സെന്റ് ഭൂമി വിട്ടുകൊടുക്കാന്‍ മനസില്ലാത്തവരാണ് മലയാളികള്‍. ആലുവ മുതല്‍ തൃപ്പൂണിത്തുറ പേട്ട വരെ റോഡ് മാര്‍ഗം രണ്ടും മൂന്നും മണിക്കൂര്‍ യാത്ര വേണ്ടി വരുമായിരുന്നു. കൊച്ചി മെട്രോ വണ്ടിയില്‍ ഈ ദൂരം താണ്ടാന്‍ നാല്‍പത് മിനിട്ട് മതി. ആലുവ മുതല്‍ പാലാരിവട്ടം വരെ പ്രധാനപ്പെട്ട എല്ലാ സ്‌റ്റോപ്പിലും നിര്‍ത്തിയാണ് മെട്രോ ട്രെയിന്‍ സഞ്ചരിക്കുക. പുളിഞ്ചോട്, കമ്പനിപ്പടി, അമ്പാട്ട്കാവ്, മുട്ടം, കളമശ്ശേരി, കൊച്ചിന്‍ യൂണിവേഴ്‌സിറ്റി, പത്തടിപ്പാലം, ഇടപ്പള്ളി, ചങ്ങമ്പുഴ പാര്‍ക്ക് എന്നിവിടങ്ങളില്‍ റെയില്‍വേസ്‌റ്റേഷനുകളുണ്ട്. കൊച്ചി സിറ്റി ബസ് സര്‍വീസ് നിര്‍ത്തുന്ന പ്രധാന ബസ് സ്‌റ്റോപ്പുകളിലെല്ലാം ആകാശപാതയില്‍ മെട്രോ ട്രെയിന് സ്‌റ്റോപ്പുണ്ട്. മിനിമം പത്ത് രൂപയാണ് ടിക്കറ്റ്. ആലുവ മുതല്‍ പാലാരിവട്ടം വരെ 25 മിനിട്ട് നീണ്ട യാത്രക്ക് നിരക്ക് നാല്‍പത് രൂപയാണ്. കേവലം ആകാശ യാത്രാ വണ്ടിയല്ല കൊച്ചി മെട്രോ. കേരളത്തിന്റെ മുഖഛായ മാറ്റാന്‍ ഇതിടയാക്കും. സമഗ്ര യാത്രാ സംവിധാനം കൊച്ചി മെട്രോയുടെ ഭാഗമാണ്. പ്രധാനമായും ജലമെട്രോയാണ് ആകര്‍ഷകം. മെട്രോ ബസ്, മെട്രോ ടാക്‌സി, മെട്രോ ബോട്ട്, സൈക്കിള്‍, വാക്‌വേ, ബിസിനസ് സംരംഭങ്ങള്‍, പാര്‍പ്പിട സമുച്ഛയം എല്ലാം കൊച്ചി മെട്രോ പദ്ധതിയുടെ ഭാഗമാണ്. മൂന്നാംഘട്ടമായി നെടുമ്പാശേരി വിമാനത്താവളത്തിലേക്ക് ആലുവ പുഴക്ക് കുറുകെ മെട്രോ ആകാശപാത നീളും. നിലവില്‍ കൊച്ചി മെട്രോ വന്നതോടെ റോഡ് സൗകര്യവും പുതിയ പാലങ്ങളും #ൈഓവറുകളും ഇതിനകം നിര്‍മ്മിച്ചു. കേരളം പിറന്നശേഷം കേള്‍ക്കുന്ന #ൈഓവറുകളാണ് പാലാരിവട്ടം, ഇടപ്പള്ളി, വൈറ്റില, കുണ്ടന്നൂര്‍ മേല്‍പാലങ്ങള്‍. എറണാകുളം നോര്‍ത്ത് പാലവും കെ.എസ്.ആര്‍.ടി.സി ബസ്‌സ്‌റ്റേഷന് മുമ്പിലുള്ള റെയില്‍വേ #ൈഓവറും ഉയര്‍ന്നത് കൊച്ചി മെട്രോയുടെ ഭാഗമാണ്. ആലുവ, എറണാകുളം റോഡുകളില്‍ ഇഴഞ്ഞിഴഞ്ഞല്ലാതെ വാഹനങ്ങള്‍ നീങ്ങില്ല. അത്രയധികം വാഹനങ്ങളാണ് ഓരോ വര്‍ഷവും പൊതുനിരത്തിലിറങ്ങുന്നത്. ഇതേ പാതയില്‍ കോണ്‍ക്രീറ്റ് തൂണിലാണ് കൊച്ചി മെട്രോ നിര്‍മ്മിച്ചത്.
വൈദ്യുതീകരിക്കപ്പെട്ട അതിവേഗ നഗര റെയില്‍ ശൃംഖലയാണ് മെട്രോ. ലോകത്ത് തന്നെ 165 നഗരങ്ങളിലാണ് മെട്രോ റെയില്‍വേയുള്ളത്. ഓരോ പത്ത് മിനിട്ടും ഇടവിട്ട് ആലുവ, പാലാരിവട്ടം റൂട്ടില്‍ മെട്രോ ട്രെയിന്‍ സര്‍വീസ് നടത്തും. മൂന്ന് കമ്പാര്‍ട്ട്‌മെന്റുകളുള്ള ഒന്‍പത് ട്രെയിനുകളാണ് കൊച്ചിയിലുള്ളത്.
മലയാളികളുടെ അഭിമാനമായ മെട്രോ മാന്‍ ഇ. ശ്രീധരനാണ് കൊച്ചി മെട്രോയുടെയും ഗതിവേഗം ഏറ്റെടുത്ത് നടത്തിയത്. ഡല്‍ഹി മെട്രോയുടെ വിജയപഥമാണ് കൊച്ചിക്ക് പ്രേരകമായത്. ഡല്‍ഹി മെട്രോ റെയില്‍ കോര്‍പറേഷന്‍ മാനേജിങ് ഡയറക്ടറായിരുന്ന ഇ. ശ്രീധരനാണ് കൊച്ചിക്ക് ആത്മവിശ്വാസം നല്‍കിയത്. കൊച്ചിയില്‍ റോഡിന് വീതി കൂട്ടുകയും പാലങ്ങളും #ൈഓവറുകളും നിര്‍മ്മിക്കുകയും ചെയ്താല്‍ മതിയെന്നും മെട്രോ പ്രായോഗികമല്ലെന്നും പറഞ്ഞവര്‍ക്ക് മുമ്പില്‍ ഒരു അവകാശവാദവും ഉന്നയിക്കാതെ ശരവേഗത്തില്‍ കൊച്ചി പദ്ധതി യാഥാര്‍ത്ഥ്യമാക്കുകയായിരുന്നു. സെന്റിന് അരക്കോടി രൂപയും അതിലേറെയും നല്‍കിയാണ് എറണാകുളം നഗരത്തില്‍ മെട്രോ സ്‌റ്റേഷനായി സ്ഥലം ഏറ്റെടുത്തത്. പുതിയ സമാന്തര റോഡും #ൈഓവറും നിര്‍മ്മിക്കാനാണെങ്കില്‍ പതിനായിരക്കണക്കിന് കോടി രൂപ സ്ഥമേറ്റെടുക്കാന്‍ മാത്രം വേണ്ടി വരും. നാല് വര്‍ഷം കൊണ്ട് നഗരഹൃദയത്തിലൂടെ ആകാശ യാത്ര നടത്താനായി. പുതിയ റോഡ് പുതിയ സ്ഥലമേറ്റെടുത്ത് നിര്‍മ്മിക്കാന്‍ പതിറ്റാണ്ടുകള്‍ വേണ്ടി വരുമായിരുന്നു. കെ.എം.ആര്‍.എല്‍ വിഭാവനം ചെയ്ത കൊച്ചി മെട്രോ പദ്ധതി കൊച്ചി മേട്രോ റെയില്‍ ലിമിറ്റഡ് (കെ.എം.ആര്‍.എല്‍) കമ്പനിയാണ് ഇപ്പോള്‍ ഏറ്റെടുത്ത് നടപ്പാക്കിയത്. കൊച്ചി കോര്‍പറേഷന്‍ കമ്മീഷണര്‍ കൂടിയായിരുന്ന ഏലിയാസ് ജോര്‍ജ്, കൊച്ചി മെട്രോ ലിമിറ്റഡിന്റെ മാനേജിങ് ഡയറക്ടറായി പദ്ധതിക്ക് ചുക്കാന്‍പിടിക്കുന്നത്. ആസൂത്രിത പൊതു ഗതാഗത സംവിധാനമില്ലാത്ത നഗരമാണ് കൊച്ചി.
ആകാശ ട്രാക്കിലൂടെ കൊച്ചി മെട്രോ കുതിക്കുമ്പോള്‍ കേരളത്തിന്റെ സാമ്പത്തികവും സാമൂഹ്യവും സാംസ്‌കാരികവുമായ വികസനത്തിന് ഇത് നാന്ദികുറിക്കും.

Video Stories

ദേശീയ ഗെയിംസിന് ഇന്ന് ഔദ്യോഗിക തുടക്കം

കേരളത്തിന്റെ അത്‌ലറ്റിക്‌സ് ടീം അടക്കമുള്ള 102 അംഗ സംഘം ഇന്നലെ അഹമ്മദാബാദിലെത്തി. കേരള ടീമിനെ രാജ്യാന്തര ലോങ്ജമ്പ് താരം എം ശ്രീശങ്കര്‍ ആണ് നയിക്കുന്നത്. 26 ഇനങ്ങളിലാണ് കേരളം പങ്കെടുക്കുന്നത്.

Published

on

അഹമ്മദാബാദ്: 36ാമത് ദേശീയ ഗെയിംസിന് ഇന്ന് ഔദ്യോഗിക തുടക്കം. ചില മത്സരങ്ങള്‍ നേരത്തെ തുടങ്ങിയെങ്കിലും ഇന്നാണ് ഔദ്യോഗിക ഉദ്ഘാടനം. അഹമ്മദാബാദ് മൊട്ടേരയിലെ സര്‍ദാര്‍ വല്ലാഭായ് പട്ടേല്‍ സ്‌പോര്‍ട്‌സ് കോംപ്ലക്‌സില്‍ സ്വന്തം പേരിലുള്ള സ്‌റ്റേഡിയത്തില്‍ പ്രധാനമന്ത്രി നരേന്ദ്രമോദി ഉദ്ഘാടനം നിര്‍വഹിക്കും. തുടര്‍ന്ന് ഗുജറാത്തിന്റെ വൈവിധ്യങ്ങള്‍ വിളിച്ചോതുന്ന കലാപരിപാടികള്‍ അരങ്ങേറും. ഒക്‌ടോബര്‍ 12 വരെയാണ് ഗെയിംസ്. അഹമ്മദാബാദിന് പുറമെ ഗാന്ധിനഗര്‍, സൂറത്ത്, വഡോദര, രാജ്‌കോട്ട്, ഭാവ്‌നഗര്‍ എന്നിവയാണ് മറ്റു ഗെയിംസ് വേദികള്‍. ആകെ 36 ഇനങ്ങളിലാണ് മത്സരം.

എണ്ണായിരത്തോളം കായികതാരങ്ങളും ആയിരത്തോളം ഒഫീഷ്യല്‍സും പങ്കെടുക്കും. കേരളത്തിന്റെ അത്‌ലറ്റിക്‌സ് ടീം അടക്കമുള്ള 102 അംഗ സംഘം ഇന്നലെ അഹമ്മദാബാദിലെത്തി. കേരള ടീമിനെ രാജ്യാന്തര ലോങ്ജമ്പ് താരം എം ശ്രീശങ്കര്‍ ആണ് നയിക്കുന്നത്. 26 ഇനങ്ങളിലാണ് കേരളം പങ്കെടുക്കുന്നത്. 436 കായികതാരങ്ങളും 123 ഒഫീഷ്യല്‍സും അടങ്ങിയ 559 അംഗ സംഘമാണ് കേരളത്തിന്റേത്. ഒമ്പത് സംഘമായിട്ടാണ് ടീം അഹമ്മദാബാദിലെത്തിയത്. ബാഡ്മിന്റണ്‍ താരം ഒളിമ്പ്യന്‍ വി ദിജുവാണ് സംഘത്തലവന്‍. 2015ല്‍ കേരളത്തിലാണ് ഏറ്റവുമൊടുവില്‍ ഗെയിംസ് നടന്നത്. കഴിഞ്ഞതവണ രണ്ടാംസ്ഥാനക്കാരായ കേരളം ഇത്തവണ ചാമ്പ്യന്‍ പട്ടമാണ് ലക്ഷ്യമിടുന്നത്. അത്‌ലറ്റിക്‌സ്, നീന്തല്‍, ബാഡ്മിന്റണ്‍, വോളിബോള്‍, ഫുട്‌ബോള്‍, ബാസ്‌ക്കറ്റ്‌ബോള്‍ അടക്കമുള്ള ഇനങ്ങളിലെല്ലാം ആധിപത്യം പുലര്‍ത്താന്‍ കഴിയുമെന്നാണ് ടീമിന്റെ പ്രതീക്ഷ.

Continue Reading

Video Stories

നെഹ്‌റുട്രോഫിക്ക് കളങ്കം ചാര്‍ത്താന്‍ പിണറായി

ചരിത്രപ്രസിദ്ധമായ നെഹ്‌റു ട്രോഫി ജലമേളയുടെ ഉദ്ഘാടകനായി കേന്ദ്ര ആഭ്യന്തരമന്ത്രി അമിത്ഷായെ ക്ഷണിച്ച മുഖ്യമന്ത്രി പിണറായി വിജയന്റെ നടപടി വിവാദത്തില്‍.

Published

on

ആലപ്പുഴ: ചരിത്രപ്രസിദ്ധമായ നെഹ്‌റു ട്രോഫി ജലമേളയുടെ ഉദ്ഘാടകനായി കേന്ദ്ര ആഭ്യന്തരമന്ത്രി അമിത്ഷായെ ക്ഷണിച്ച മുഖ്യമന്ത്രി പിണറായി വിജയന്റെ നടപടി വിവാദത്തില്‍. നിരന്തരം സംഘ്പരിവാര്‍ വിരുദ്ധത പ്രസംഗിക്കുന്ന സി.പി.എമ്മും ഇടതുപക്ഷവും സ്വതന്ത്ര്യ ഇന്ത്യയുടെ ആദ്യ പ്രധാനമന്ത്രി ജവഹര്‍ലാല്‍ നെഹ്‌റുവിന്റെ കരസ്പര്‍ശമേറ്റ നെഹ്‌റുട്രോഫി സമ്മാനിക്കുന്ന ചടങ്ങിലേക്ക് അമിത്ഷായെ പോലൊരു കളങ്കിതനെ ക്ഷണിച്ചതിനെതിരെ വലിയ വിമര്‍ശനമാണ് ഉയരുന്നത്. അമിത്ഷായെ പരിപാടിയിലേക്ക് ക്ഷണിക്കുന്നതിനായി നെഹ്‌റു ട്രോഫിയുടെ സകല കീഴ്‌വഴക്കങ്ങളും ലംഘിച്ചുള്ള നീക്കമാണ് മുഖ്യമന്ത്രി നടത്തിയത്.

ഇതിന്റെ ഞെട്ടലിലാണ് സംഘടാക സമിതിയായ എന്‍.ടി.ബി.ആര്‍ സൊസൈറ്റി. മുന്‍കാലങ്ങളില്‍ സംഘാടക സമിതി നിര്‍ദേശിക്കുന്ന ദേശീയ നേതാക്കളെയായിരുന്നു പരിപാടിയിലേക്ക് സര്‍ക്കാര്‍ ക്ഷണിച്ചിരുന്നത്. എന്‍.ടിി.ബി.ആര്‍ സൊസൈറ്റിക്ക് രാഷ്ട്രപതി ദ്രൗപതി മുര്‍മുവിനെ ഉദ്ഘാടകയായി എത്തിക്കാനായിരുന്നു താല്‍പര്യം. രാഷ്ട്രപതി എത്തുന്നില്ലെങ്കില്‍ മുഖ്യമന്ത്രിയെ തന്നെ ഉദ്ഘാടകനാക്കാനായിരുന്നു ധാരണ. ഇതിനുള്ള നടപടികള്‍ പുരോഗമിക്കുന്നതിനിടെയാണ് ഒരുപടി കൂടി കടന്ന് അസാധാരണമായ രീതിയില്‍ മുഖ്യമന്ത്രി നേരിട്ട് അമിത് ഷായെ ജലമേളയക്ക് ക്ഷണിച്ചത്.

ജലമേളയുടെ തലേദിവസമായ സെപ്തംബര്‍ മൂന്നിന് കോവളത്ത് നടക്കുന്ന ഇന്റര്‍ സ്റ്റേറ്റ് കൗണ്‍സില്‍ സെക്രട്ടറിയേറ്റിന്റെ ദക്ഷിണ മേഖല യോഗത്തിന് ക്ഷണിക്കുന്നതിനൊപ്പമാണ് നെഹ്‌റുട്രോഫിക്കും കൂടിയുള്ള ക്ഷണം കഴിഞ്ഞ 23ന് അമിത്ഷാക്ക് മുഖ്യമന്ത്രി അയച്ചത്. നെഹ്‌റുട്രോഫിയുടെ ചരിത്രം വിശദീകരിച്ചുള്ള കത്തില്‍ പരിപാടി സ്ഥലത്തേക്കുള്ള ക്രമീകരണങ്ങള്‍ ഉറപ്പാക്കാമെന്നും മുഖ്യമന്ത്രി അറിയിച്ചു.

അമിത്ഷായെ ക്ഷണിച്ച നടപടിക്കെതിരെ വിവിധ നേതാക്കള്‍ പ്രതിഷേധവുമായി രംഗത്ത് എത്തിയിട്ടുണ്ട്. സമൂഹ മാധ്യമങ്ങളില്‍ ഉള്‍പ്പെടെ രൂക്ഷമായ വിമര്‍ശനമാണ് ഉയരുന്നത്. ലാവ്‌ലിന്‍ കേസ് സുപ്രിംകോടതി പരിഗണിക്കാനിരിക്കുന്നത് ഉള്‍പ്പെടെയുള്ള വിഷയങ്ങള്‍ ചേര്‍ത്താണ് വിമര്‍ശനം.അതേസമയം അമിത്ഷായുടെ വരവ് ഉറപ്പായ നിലയിലുള്ള ക്രമീകരണങ്ങളാണ് ആലപ്പുഴയിലും വള്ളംകളി നടക്കുന്ന പുന്നമടയിലും പുരോഗമിക്കുന്നത്. സുരക്ഷാ ക്രമീകരണ മുന്നൊരുക്കങ്ങള്‍ പുന്നമടകായലില്‍ ഡി.ഐ.ജി നീരജ് കുമാര്‍ ഗുപ്ത ഇന്നലെ നേരിട്ടെത്തി പരിശോധിച്ചു. കലക്റ്റര്‍ വി.ആര്‍ കൃഷ്ണാ തേജ, ജില്ലാ പൊലീസ് മേധാവി ജി ജയദേവ് എന്നിവര്‍ക്കൊപ്പമായിരന്നു പരിശോധന.

Continue Reading

Indepth

നീതി ദേവത-പ്രതിഛായ

സ്വതന്ത്ര ഇന്ത്യയുടെ പ്രഥമ അറ്റോണി ജനറലായിരുന്നയാളുടെ പേരാണ് മോട്ടിലാല്‍ ചിമന്‍ലാല്‍ സെതല്‍വാദ്. പേരിലെ ഈ കുടുംബവാല്‍ ഇന്ന് ലോകം മുഴുവന്‍ അറിയുകയും ആദരിക്കപ്പെടുകയും ചെയ്യുന്ന ഗുജറാത്തിക്കാരിയുടേത് കൂടിയാണ്-ടീസ്റ്റ സെതല്‍വാദ്.

Published

on

സ്വതന്ത്ര ഇന്ത്യയുടെ പ്രഥമ അറ്റോണി ജനറലായിരുന്നയാളുടെ പേരാണ് മോട്ടിലാല്‍ ചിമന്‍ലാല്‍ സെതല്‍വാദ്. പേരിലെ ഈ കുടുംബവാല്‍ ഇന്ന് ലോകം മുഴുവന്‍ അറിയുകയും ആദരിക്കപ്പെടുകയും ചെയ്യുന്ന ഗുജറാത്തിക്കാരിയുടേത് കൂടിയാണ്-ടീസ്റ്റ സെതല്‍വാദ്. രാജ്യത്തെ നിയമ പരിഷ്‌കാരത്തിനായി നെഹ്‌റു ഭരണകൂടം രൂപവല്‍കരിച്ച ആദ്യ ലോ കമ്മീഷന്റെ ചെയര്‍മാനായിരുന്നു ടീസ്റ്റയുടെ മുത്തച്ഛനും സ്വാതന്ത്ര്യസമരനേതാവുമായിരുന്ന എം.സി സെതല്‍വാദ്. അദ്ദേഹത്തിന്റെ പേരമകള്‍ ലോകമറിയുന്ന മനുഷ്യാവകാശ പോരാളിയായതില്‍ അത്ഭുതത്തിന് വകയില്ല. മുംബൈയിലെ പ്രമുഖ അഭിഭാഷകനായിരുന്നു പിതാവ് അതുല്‍ സെതല്‍വാദും. നോംചോംസ്‌കിയെ പോലുള്ള ലോകത്തെ അത്യുന്നത ചിന്തകരും ബുദ്ധിജീവികളും ടീസ്റ്റയെ ജയിലില്‍നിന്ന് മോചിപ്പിക്കണമെന്നാവശ്യപ്പെട്ട് കഴിഞ്ഞദിവസമാണ് ഇന്ത്യന്‍ സുപ്രീംകോടതിക്ക് കത്തെഴുതിയിരിക്കുന്നത്. മറ്റൊരു ഇന്ത്യക്കാരനും ലഭിക്കാത്ത അത്യപൂര്‍വ ബഹുമതി. ഇന്ത്യയില്‍ ഫാസിസം വന്നോ, ഇല്ലെയോ എന്ന ചര്‍ച്ചകള്‍ നടക്കുമ്പോഴാണ് ഈ മഹതിയെ കേന്ദ്രത്തിലെ മോദി സര്‍ക്കാര്‍ ഇക്കഴിഞ്ഞ ജൂലൈ ഒന്നിന് അഴിക്കുള്ളിലിട്ടത്. കുറ്റം ഗുജറാത്ത് കലാപത്തിലെ ഇരകളായ നിരാലംബര്‍ക്കുവേണ്ടി പ്രവര്‍ത്തിച്ചത്! ടീസ്റ്റ മോദിയുടെയും അമിത്ഷായുടെയും കണ്ണിലെ കരടാകുന്നത് 2002 മുതല്‍ക്കാണ്. ഗുജറാത്ത് മുഖ്യമന്ത്രിയായിരുന്ന മോദിക്കും മറ്റുമെതിരെ കോടതികളില്‍നിന്ന് കോടതികളിലേക്ക് കേസുകെട്ടുകളുമായി പായുകയായിരുന്നു ഇരകള്‍ക്കൊപ്പം ടീസ്റ്റ എന്ന 60കാരി. എന്നാല്‍ ഗുജറാത്ത് കലാപത്തിന് ഗൂഢാലോചന നടത്തിയവരില്‍പെടുത്തിയാണ് മോദിയും കൂട്ടരും മുന്‍ഗുജറാത്ത് ഡി.ജി.പി ആര്‍.ബി ശ്രീകുമാറിനൊപ്പം ടീസ്റ്റയെയും തുറുങ്കിലിലടച്ചത്. ‘മനുഷ്യാവകാശ പ്രവര്‍ത്തകര്‍ക്കെതിരെ നേരിട്ടുള്ള ആക്രമണം’ എന്നാണ് അന്താരാഷ്ട്ര മനുഷ്യാവകാശ സംഘടന ആംനസ്റ്റി ഇന്റര്‍നാഷണല്‍ അറസ്റ്റിനെ വിശേഷിപ്പിച്ചത്. നീതിക്കുവേണ്ടി പോരാടിയവരുടെ ഇതിഹാസമാണ് പുരാണത്തിലെ ദുര്‍ഗയുടെയും സീതയുടെയും പാഞ്ചാലിയുടേതുമെന്നതിനാല്‍ ആധുനിക സീതയുടെ പരിവേഷമാണ് ടീസ്റ്റക്ക്. അമ്മയുടെ പേരിലുമുണ്ട് സീത.

2002ല്‍ ഗുല്‍ബര്‍ഗ് സൊസൈറ്റി കൂട്ടക്കൊല എന്ന കുപ്രസിദ്ധ ഭരണകൂട ഭീകരതക്കിരയായി കോണ്‍ഗ്രസ് എം.പി ഇഹ്്‌സാന്‍ ജാഫ്രിയടക്കം കൊലചെയ്യപ്പെട്ടതിന് നീതിതേടിയാണ് അദ്ദേഹത്തിന്റെ ഭാര്യ സാക്കിയ ജാഫ്രിയുള്‍പ്പെടെ കോടതിയെ സമീപിച്ചത്. കേസില്‍ നിലവിലെ പ്രധാനമന്ത്രി നരേന്ദ്രമോദിയെയും മറ്റും സുപ്രീംകോടതി കുറ്റവിമുക്തമാക്കിയതിന് തൊട്ടുപിറ്റേന്നായിരുന്നു ടീസ്റ്റയുടെയും ശ്രീകുമാറിന്റെയും അറസ്റ്റ്. മോദി വിളിച്ചുചേര്‍ത്ത 2002ലെ പൊലീസുദ്യോഗസ്ഥരുടെ യോഗത്തില്‍ ഗോദ്ര സംഭവത്തിന് ‘ഹിന്ദുക്കളെ പ്രതികാരം ചെയ്യാന്‍വിടണ’മെന്ന് മുഖ്യമന്ത്രി ആജ്ഞാപിച്ചുവെന്നാണ് ടീസ്റ്റയും കൂട്ടരും വാദിച്ചത്. പരാതിയില്‍ മന്ത്രിമാരടക്കം 62 പേരെയാണ് ഉള്‍പ്പെടുത്തിയിരുന്നത്. ബി.ജെ.പി സര്‍ക്കാരിന്റെ പ്രത്യേകാന്വേഷണസംഘം പക്ഷേ പ്രതികളെയെല്ലാം കുറ്റവിമുക്തരാക്കുകയായിരുന്നു. ഇതാണ് ടീസ്റ്റയും മറ്റും സുപ്രീംകോടതിയില്‍ ചോദ്യംചെയ്തത്. ഇതാണ് ഫാസിസ്റ്റ് ഭരണകൂടത്തെ ചൊടിപ്പിച്ചതും. പ്രതികളെ കുറ്റവിമുക്തമാക്കുമ്പോള്‍ പരാതിക്കാരെ കേട്ടില്ലെന്നാണ് കോടതിക്കെതിരായി ഉയര്‍ന്നിരിക്കുന്ന മുഖ്യപരാതി. ലോകത്തെ വിവിധ ഉന്നത സര്‍വകലാശാലകളിലെ അത്യുന്നത പ്രൊഫസര്‍മാരും ബ്രിട്ടീഷ് ജനപ്രതിനിധിയും അടക്കമാണ് കഴിഞ്ഞദിവസം ‘സഹമത്’ എന്ന സംഘടന പുറത്തിറക്കിയ ടീസ്റ്റയുടെ മോചനം ആവശ്യപ്പെട്ടുകൊണ്ടുള്ള പ്രസ്താവനയില്‍ ഒപ്പുവെച്ചിരിക്കുന്നത്. ഇത് കാണാതിരിക്കാന്‍ ഇന്ത്യന്‍ നീതിപീഠത്തിന് കഴിയില്ല. വരുന്ന 22നാണ് സുപ്രീംകോടതി ഇവരുടെ ജാമ്യഹര്‍ജി വീണ്ടും പരിഗണിക്കുന്നത്. ഭാവി ചീഫ് ജസ്റ്റിസ് യു.യു ലളിതിന് മുമ്പാകെയാണ് കേസ് വരുന്നത്.

കുടുംബ പാരമ്പര്യം കാക്കാനായി നിയമം പഠിക്കാന്‍പോയെങ്കിലും ഫിലോസഫിയിലാണ് ബിരുദമെടുത്തത്. 1983ല്‍ പത്രപ്രവര്‍ത്തകയായി. മാധ്യമപ്രവര്‍ത്തകയും മനുഷ്യാവകാശ പ്രവര്‍ത്തകയുമെന്ന നിലയില്‍ ഒട്ടനവധി കേസുകളാണ് ടീസ്റ്റ ഇതിനകം കോടതികളുടെ മുമ്പിലെത്തിച്ചിട്ടുള്ളത്. മുസ്്‌ലിംകളുടേതാണ് ഇവയില്‍ പലതും. കോര്‍പറേറ്റുകളുടെ ഭക്ഷ്യവസ്തുക്കളിലെ മായത്തിനെതിരെയും പോരാടുന്നു. ‘സിറ്റിസണ്‍സ് ഫോര്‍ ജസ്റ്റിസ് ആന്റ് പീസി’ന്റെ സെക്രട്ടറിയും ‘കമ്യൂണലിസം കോംപാക്ട്’ മാസികയുടെ സ്ഥാപകപത്രാധിപരും. ഇന്ത്യന്‍ എക്‌സ്പ്രസ് പത്രത്തിലും ബിസിനസ് ഇന്ത്യയിലും ജോലി ചെയ്യുന്നതിനിടെയാണ് ഗുജറാത്ത് കലാപത്തിലെ ഇരകള്‍ക്ക് നീതിവാങ്ങിക്കൊടുക്കാനായി ജോലി രാജിവെച്ച് പൊതുപ്രവര്‍ത്തനത്തിറങ്ങിയത്. 2007ല്‍ രാഷ്ട്രം പത്മശ്രീ നല്‍കി ആദരിച്ചു. ഗുജറാത്ത്-മേക്കിംഗ് ഓഫ് എ ട്രാജഡി, രക്ഷകര്‍ ചതിക്കുമ്പോള്‍ തുടങ്ങിയ ഗ്രന്ഥങ്ങളെഴുതി. സമാനമേഖലയിലെ പോരാളി ജാവേദ് ആനന്ദാണ് ഭര്‍ത്താവ്. മകനും മകളുമുണ്ട്.

Continue Reading

Trending