Connect with us

More

ശബരിമല പൂര്‍ണമായും ദേവസ്വം ബോര്‍ഡിന്റെ കീഴില്‍, പന്തളം രാജകുടുംബത്തിന് അവകാശമില്ല: മുഖ്യമന്ത്രി

Published

on

തിരുവനന്തപുരം: ശബരിമല പ്രതിസന്ധിയില്‍ സര്‍ക്കാറിന്റെ നിസ്സഹായാവസ്ഥ വെളിവാക്കി മുഖ്യമന്ത്രി പിണറായി വിജയന്റെ പത്രസമ്മേളനം. ശബരിമലയില്‍ ആരാധന നടത്താന്‍ പ്രായപൂര്‍ത്തിയായ യുവതികള്‍ക്കും അവകാശമുണ്ടെന്ന് സുപ്രീം കോടതി വിധിച്ചതിനു ശേഷം ആദ്യമായി നടതുറന്നപ്പോഴുണ്ടായ സംഭവ വികാസങ്ങളെ വിലയിരുത്തി നടത്തിയ പത്രസമ്മേളനത്തിലാണ് അക്രമ സംഭവങ്ങളെയും കലാപശ്രമങ്ങളെയും നിസ്സാരവല്‍ക്കരിച്ചു കൊണ്ട് മുഖ്യമന്ത്രി പത്രക്കാരെ കണ്ടത്. സുപ്രീം കോടതി വിധി നടപ്പിലാക്കാന്‍ സര്‍ക്കാറിന് ഭരണഘടനാ ബാധ്യതയുണ്ടെന്ന് ആവര്‍ത്തിച്ച മുഖ്യമന്ത്രി, അതിന് തടസ്സം നില്‍ക്കുന്നവരെ എങ്ങനെ കൈകാര്യം ചെയ്തുവെന്നോ ചെയ്യുമെന്നോ വ്യക്തമായി പറയാന്‍ തയ്യാറായില്ല.

സുപ്രീംകോടതി വിധി അട്ടിമറിക്കാന്‍ തന്ത്രിയും പരിമകര്‍മ്മികളും നടത്തിയ ശ്രമം അംഗീകരിക്കാനാകില്ല. ശബരിമല പൂര്‍ണമായും ദേവസ്വം ബോര്‍ഡിന്റെ സ്വത്താണെന്നും പന്തളം രാജകുടുംബത്തിനോ മറ്റാര്‍ക്കെങ്കിലുമോ അതില്‍ അവകാശമില്ലെന്നും മുഖ്യമന്ത്രി പറഞ്ഞു. നിയമപരമായ ഏക അവകാശി ബോര്‍ഡ് മാത്രമാണ്. മറ്റാര്‍ക്കും അതില്‍ അവകാശമില്ല. കവനന്റ് പ്രകാരം അവകാശമുണ്ടെന്നാണ് ചിലര്‍ പറയുന്നത്. കവനന്റില്‍ പന്തളം രാജകുടുംബം കക്ഷിയായിരുന്നില്ല. തെറ്റായ അവകാശവാദങ്ങള്‍ ആരും ഉന്നയിക്കേണ്ടെന്നും പിണറായി വ്യക്തമാക്കി.

ശബരിമല ഒരു ആരാധനാ സ്ഥലമാണ്. ആരാധനയ്ക്കാവശ്യമായ ശാന്തിയും സമാധാനവുമാണ് അവിടെ ആവശ്യമാണ്. അവിടെ സംഘര്‍ഷ ഭൂമിയാക്കാന്‍ സര്‍ക്കാറിന് ഉദ്ദേശ്യമില്ല. കോടതി വിധി നടപ്പാക്കുമ്പോള്‍ തന്നെ വിശ്വാസികളുടെ വിശ്വാസത്തെ മാനിക്കുമെന്നും മുഖ്യമന്ത്രി പറഞ്ഞു. സുപ്രിംകോടതി വിധി അനുസരിച്ച് ശബരിമലയില്‍ എല്ലാവര്‍ക്കും ആരാധന നടത്താന്‍ അവകാശമുണ്ട്. അതിന് അവസരമൊരുക്കുകയും സഹായം നല്‍കുകയുമാണ് സര്‍ക്കാറിന്റെ നയമെന്നും അദ്ദേഹം പറഞ്ഞു.

ശബരിമലയില്‍ കലാപസമാനമായ അക്രമങ്ങള്‍ നടത്തിയ സംഘ് പരിവാറിനെതിരെ ഒഴുക്കന്‍ മട്ടിലുള്ള പ്രസ്താവന നടത്തുകയാണ് മുഖ്യമന്ത്രി ചെയ്തത്. ശബരിമലയെ കലാപ ഭൂമിയാക്കി മാറ്റാനുള്ള ശ്രമമാണ് സംഘപരിവാര്‍ നടത്തിയത്. സമാധനത്തിന്റെ സ്ഥലത്ത് സംഘ് പ്രവര്‍ത്തകര്‍ അക്രമമുണ്ടാക്കി. ശബരിമലയില്‍ സംഘപരിവാര്‍ പ്രവര്‍ത്തകര്‍ ആക്രമണ പദ്ധതി ആസൂത്രണം ചെയ്യുകയുണ്ടായി. യുവതികള്‍ക്കും ഭക്തര്‍ക്കും നേരെ മാത്രമല്ല, മാധ്യമ പ്രവര്‍ത്തകര്‍ക്കും നേരെ ആക്രമണമുണ്ടായെന്നും മുഖ്യമന്ത്രി പറഞ്ഞു.

സര്‍ക്കാരോ പൊലീസോ ഒരു വിശ്വാസിയേയും തടയുന്നതിനോ എതിര്‍ക്കുന്നതിനോ തയ്യാറായിട്ടില്ല. പ്രതിഷേധത്തിന്റെ പേരില്‍ പന്തല് കെട്ടി സമരം ചെയ്യാന്‍ തയ്യാറായപ്പോഴും സര്‍ക്കാര്‍ എതിര് നിന്നില്ല. എന്നാല്‍ ആ സമരം മറ്റൊരു രീതിയിലേക്ക് വഴിമാറുകയും ഭക്തജനങ്ങള്‍ക്ക് തടസം സൃഷ്ടിക്കുന്ന നിലയുണ്ടായപ്പോഴാണ് സര്‍ക്കാര്‍ ഇടപെട്ടത്. തങ്ങള്‍ പറയുന്നതുപോലെ റിപ്പോര്‍ട്ട് ചെയ്തില്ലെങ്കില്‍ ആക്രമിക്കുമെന്ന് സംഘ് പരിവാര്‍ പരസ്യമായി നിലപാടെടുത്തു. അക്രമത്തിന്റെ ദൃശ്യങ്ങള്‍ പുറത്തുവന്നിട്ടുണ്ട്. ശബരിമല സന്ദര്‍ശിക്കാനെത്തിയ യുവതികള്‍ക്ക് അവിടെ വച്ചും, അതേസമയം തന്നെ അവരുടെ വീടുകള്‍ക്ക് നേരെ ആക്രമണം നടക്കുകയുണ്ടായി. ഇതൊക്കെ സംഘപരിവാര്‍ ഗൂഢാലോചനയുടെ ഭാഗമാണ്. ആക്രമണം നടത്താനുള്ള പദ്ധതി നേരത്തെ തയ്യാറാക്കിയിരുന്നതായണ് വ്യക്തമാകുന്നതെന്നും മുഖ്യമന്ത്രി ആരോപിച്ചു.

Continue Reading
Advertisement
Click to comment

Leave a Reply

Your email address will not be published. Required fields are marked *

Environment

ന്യൂയോര്‍ക്കിലും ഭൂചലനം: നാല്‍പ്പത് വര്‍ഷത്തിനിടെ സംഭവിക്കുന്ന ഏറ്റവും തീവ്രത കൂടിയ ഭൂചലനം

നയാഗ്ര വെള്ളച്ചാട്ടമുള്‍പ്പെടുന്ന പ്രദേശമടക്കം 30 മൈല്‍ ചുറ്റളവിലാണ് ഭൂകമ്പമുണ്ടായത്.

Published

on

അമേരിക്കയിലെ ന്യൂയോര്‍ക്കിലും ഭൂചലനം അനുഭവപ്പെട്ടു. തിങ്കളാഴ്ച പുലര്‍ച്ചെയാണ് ഭൂചലനം അനുഭവപ്പെട്ടത്. റിക്ടര്‍ സ്‌കെയിലില്‍ 3.8 തീവ്രത രേഖപ്പെടുത്തി. ആളപായമില്ല. നയാഗ്ര വെള്ളച്ചാട്ടമുള്‍പ്പെടുന്ന പ്രദേശമടക്കം 30 മൈല്‍ ചുറ്റളവിലാണ് ഭൂകമ്പമുണ്ടായത്.

ഈ മേഖലയില്‍ നാല്‍പ്പത് വര്‍ഷത്തിനിടെ റിപ്പോര്‍ട്ട് ചെയ്യുന്ന ഏറ്റവും തീവ്രത കൂടിയ ഭൂചലനമാണ് ഇത്. ന്യൂയോര്‍ക്കില്‍ നേരിയ ഭൂചലനങ്ങള്‍ ഉണ്ടാകുറണ്ടെങ്കിലും തീവ്രത കൂടിയ ഭൂകമ്പങ്ങള്‍ സംഭവിക്കുന്നത് വിരളമാണ്. തുര്‍ക്കിയിലും സിറിയിയിലും നടന്ന വമ്പന്‍ ഭൂചലനങ്ങള്‍ക്ക് പിന്നാലെയാണ് ന്യൂയോര്‍ക്കിലും ഭൂമിചലനമുണ്ടായത്.

Continue Reading

Article

അദാനി കടപുഴകുമ്പോള്‍ – എഡിറ്റോറിയല്‍

ബി.ജെ.പിയുടെ തിരഞ്ഞെടുപ്പ് പ്രചാരങ്ങള്‍ക്കും എം.എല്‍.എമാരെ വിലക്കെടുത്ത് സംസ്ഥാന സര്‍ക്കാറുകളെ വീഴ്ത്താനും കോടികള്‍ ഒഴുക്കിക്കൊടുക്കുന്ന സമ്പന്ന പ്രമാണിയെ പരമാവധി ചിറകിലൊതുക്കാന്‍ മോദി ശ്രമിക്കുന്നുണ്ട്. ഇ.ഡിയെയും സി.ബി.ഐയേയും അഴിച്ചുവിട്ട് എതിരാളികളെ വേട്ടയാടാറുള്ള കേന്ദ്ര സര്‍ക്കാറിനിപ്പോള്‍ മിണ്ടാട്ടമില്ല

Published

on

ഹിന്‍ഡന്‍ബര്‍ഗ് റിപ്പോര്‍ട്ടിന് പിന്നാലെ ഗൗതം അദാനിയുടെ കമ്പനികള്‍ ചീട്ടുകൊട്ടാരം കണക്കെ തകരുകയാണ്. സ്റ്റോക്ക് കൃത്രിമത്വം നടത്തിയും അക്കൗണ്ട് തട്ടിപ്പിലൂടെയുമാണ് അദാനി ഇത്രയും കാലം വിലസിയതെന്ന റിപ്പോര്‍ട്ട് പുറത്തുവന്നപ്പോള്‍ തന്നെ കമ്പനിയുടെ ഓഹരി വിലകള്‍ വന്‍തോതില്‍ ഇടിഞ്ഞു തുടങ്ങിയിരുന്നു. ഫോബ്‌സിന്റെ ലോക ധനികരുടെ പട്ടികയില്‍ മൂന്നാമതെത്തിയിരുന്ന അദാനി ആദ്യ ഇരുപതില്‍നിന്നും പുറത്തായെന്നാണ് ഏറ്റവും പുതിയ വാര്‍ത്ത. ഇനിയെന്തൊക്കെയാണ് കേള്‍ക്കാനിരിക്കുന്നതെന്ന് വരും ദിവസങ്ങളില്‍ അറിയാം.

പ്രതിസന്ധി വാ പിളര്‍ത്തി വിഴുങ്ങാന്‍ നില്‍ക്കുമ്പോള്‍ പ്രധാനമന്ത്രി നരേന്ദ്ര മോദിയുടെയും ബി.ജെ.പിയുടെയും സ്വന്തക്കാരനായ അദാനി ഹിന്‍ഡന്‍ബര്‍ഗിനെതിരെ വാളെടുത്ത് നടത്തിയ പരാമര്‍ശങ്ങളാണ് ഏറെ ഭീകരം. ഇന്ത്യയുടെ സ്വാതന്ത്ര്യത്തിനും അഖണ്ഡതക്കും നേരെയുള്ള ആസൂത്രിത കടന്നാക്രമണമാണ് ഇതെന്നും ഏതെങ്കിലുമൊരു പ്രത്യേക കമ്പനിയെ മാത്രം ലക്ഷ്യമിട്ടുള്ളത് അല്ലെന്നുമായിരുന്നു അദാനി ഗ്രൂപ്പിന്റെ പ്രതികരണം. രാഷ്ട്രീയ തിരിച്ചടി നേരിടുമ്പോഴും കുരുക്കില്‍ വീഴുമ്പോഴും മോദി വിളമ്പാറുള്ള അതേ ന്യായീകരണം തന്നെയാണ് ഇത്.

വിമാനത്താവളങ്ങളും തുറമുഖങ്ങളും ഉള്‍പ്പെടെ രാജ്യത്തെ തന്ത്രപ്രധാന സ്ഥാപനങ്ങളെയും വ്യവസായ മേഖലയെയും വിലക്കെടുത്ത് വയറു വീര്‍പ്പിക്കുന്ന അദാനിക്ക് ഹിന്‍ഡന്‍ബര്‍ഗ് റിപ്പോര്‍ട്ട് രാജ്യത്തിനുനേരെയുള്ള ആക്രമണമായി തോന്നിയെങ്കില്‍ അത്ഭുതമില്ല. തുച്ഛമായ രാഷ്ട്രീയ നേട്ടങ്ങള്‍ക്കുവേണ്ടി മോദി രാജ്യത്തെ കോര്‍പ്പറേറ്റുകള്‍ക്ക് വിറ്റുകൊണ്ടിരിക്കുമ്പോള്‍ ഇന്ത്യ മുഴുവന്‍ തന്റെ തറവാട് സ്വത്താണെന്ന് അദാനിയെ പോലുള്ളവര്‍ തെറ്റിദ്ധരിക്കുക സ്വാഭാവികം. ഇന്ത്യയുടെ പുരോഗതിയെന്നാല്‍ തന്റെ വളര്‍ച്ചയാണെന്നാണ് അയാള്‍ വിചാരിച്ചിരിക്കുന്നത്.

ബി.ജെ.പിയുടെ തിരഞ്ഞെടുപ്പ് പ്രചാരങ്ങള്‍ക്കും എം.എല്‍.എമാരെ വിലക്കെടുത്ത് സംസ്ഥാന സര്‍ക്കാറുകളെ വീഴ്ത്താനും കോടികള്‍ ഒഴുക്കിക്കൊടുക്കുന്ന സമ്പന്ന പ്രമാണിയെ പരമാവധി ചിറകിലൊതുക്കാന്‍ മോദി ശ്രമിക്കുന്നുണ്ട്. ഇ.ഡിയെയും സി.ബി.ഐയേയും അഴിച്ചുവിട്ട് എതിരാളികളെ വേട്ടയാടാറുള്ള കേന്ദ്ര സര്‍ക്കാറിനിപ്പോള്‍ മിണ്ടാട്ടമില്ല. സാമ്പത്തിക തട്ടിപ്പ് നടത്തി രാജ്യത്തെ ഞെട്ടിച്ച നീരവ് മോദിയുടെയും വിജയ് മല്യയുടെയും ഹര്‍ഷത്ത് മേത്തയുടെയും പട്ടികയില്‍ ആളുകള്‍ കൂടിക്കൊണ്ടിരിക്കുകയാണ്. അദാനിയും അതില്‍ ഇടം പിടിക്കുമെന്ന് സംശയിക്കേണ്ടിയിരിക്കുന്നു.

ഒരു ധനികന്റെ കിതപ്പും ക്ഷീണവും സമ്പദ്ഘടനയെ ഒന്നടങ്കം തളര്‍ത്തുന്ന അവസ്ഥയിലാണിപ്പോള്‍ കാര്യങ്ങളുള്ളത്. എസ്.ബി.ഐ അടക്കമുള്ള ബാങ്കുകള്‍ ഓഹരി ഈടായി സ്വീകരിച്ച് അദാനിക്ക് രണ്ട് ലക്ഷം കോടിയിലേറെ വായ്പ കൊടുത്തിട്ടുണ്ടെന്നാണ് കണക്ക്. അദാനി ഗ്രൂപ്പിന്റെ ഓഹരി ഇടിയുമ്പോള്‍ ഇന്ത്യയുടെ ബാങ്കിങ് മേഖലയും പ്രതിസന്ധിയിലാകുമെന്ന് ആശങ്കപ്പെടേണ്ടിവരുന്നത് അതുകൊണ്ടാണ്.

കേന്ദ്ര ധനകാര്യ മന്ത്രി നിര്‍മ്മല സീതാരാമനും റിസര്‍വ് ബാങ്ക് ഓഫ് ഇന്ത്യയുമെല്ലാം അദാനിയുടെ ഇടിവ് അദ്ദേഹത്തില്‍ മാത്രമായി ഒതുങ്ങുമെന്ന് പറയുന്നുണ്ട്. പക്ഷെ, പൊതുമേഖലയിലെ കണ്ണായ സ്ഥാപനങ്ങളെല്ലാം അദാനിയുടെ പേരില്‍ മോദി എഴുതിക്കൊടുത്ത സ്ഥിതിക്ക് സര്‍ക്കാറിന്റെയും ആര്‍ബിഐയുടെയും ആശ്വാസ വാക്കുകള്‍ എത്രത്തോളം വാസ്തവമാണെന്ന് കണ്ടറിയേണ്ടിയിരിക്കുന്നു. അദാനിയുമായി നീണ്ട കാലത്തെ ആത്മബന്ധം സൂക്ഷിക്കുന്ന മോദിയുടെ ചങ്കിടിപ്പേറുന്ന വാര്‍ത്തകളാണ് ഇപ്പോള്‍ കേള്‍ക്കുന്നതെല്ലാം.

അയല്‍വാസിക്കാദ്യം എന്ന പദ്ധതി മോദി തുടങ്ങിയത് അദാനിയെ കണ്ടിട്ടായിരുന്നു. ബംഗ്ലാദേശിന് വൈദ്യുതി നല്‍കാനുള്ള ഈ പദ്ധതി മുടങ്ങിക്കിടക്കുകയാണ്. എസ്.ബി.ഐയും എല്‍.ഐ.സിയും പരിധി വിട്ട് ഒന്നും കൊടുത്തിട്ടില്ലെന്ന് വിളിച്ച് പറഞ്ഞ് ധനമന്ത്രി വെപ്രാളപ്പെടുന്നതും പുലി വാല് പിടിച്ചെന്ന് കേന്ദ്രത്തിന് ബോധ്യമുള്ളതുകൊണ്ടാണ്.

അന്താരാഷ്ട്രതലത്തില്‍ ഇന്ത്യന്‍ സമ്പദ്ഘടനയെ സംശയത്തിന്റെ നിഴലിലാക്കിയെന്നതാണ് അദാനി തകര്‍ച്ചയുടെ മറ്റൊരു ദുരന്ത ഫലം. നിക്ഷേപകരെല്ലാം അദാനിയെ കയ്യൊഴിഞ്ഞുകൊണ്ടിരിക്കുന്നു. ആഗോള ധനകാര്യ സ്ഥാപനങ്ങള്‍ റേറ്റിങ് താഴ്ത്തുകയും കമ്പനിയുടെ ഓഹരികളില്‍ വായ്പ നല്‍കുന്നത് നിര്‍ത്തിവെക്കുകയും ചെയ്തിട്ടുണ്ട്.

പാര്‍ലമെന്റില്‍ പ്രതിപക്ഷത്തിന്റെ ബഹളം ഇനിയും കേട്ടില്ലെന്ന് നടിക്കാന്‍ മോദി ഭരണകൂടത്തിന് കഴിയില്ല. ഓഹരി വിലയില്‍ കൃത്രിമത്വം നടത്തിയതിനെക്കുറിച്ച് കേന്ദ്രം മറുപടി പറയേണ്ടിവരും. അത്രയും വലിയ കുഴിയിലാണ് സര്‍ക്കാരിന്റെ സ്വന്തക്കാരന്‍ അകപ്പെട്ടിരിക്കുന്നത്. ഇത്രയും കാലം പണം കായ്ക്കുന്ന മരമായി ബി.ജെ.പി കണ്ടിരുന്ന അദാനി കടപുഴകുമ്പോള്‍ രാഷ്ട്രീയ രംഗത്തും വമ്പന്‍ പ്രകമ്പനങ്ങളുണ്ടാകും. പണക്കൊഴുപ്പില്‍ വീര്‍പ്പിച്ചു നിര്‍ത്തിയിരുന്ന സംഘപരിവാര്‍ ബലൂണ്‍ കൂടിയാണ് അദാനിയോടൊപ്പം പൊട്ടാന്‍ പോകുന്നത്.

 

Continue Reading

kerala

അനധികൃത ഫ്‌ളെക്‌സ് ബോര്‍ഡ്; സര്‍ക്കാരിന് രൂക്ഷവിമര്‍ശനവുമായി ഹൈക്കോടതി

പഴയ ബോര്‍ഡുകള്‍ മാറ്റുന്നതിന് പകരം പുതിയ ഫ്‌ളെക്‌സുകളുടെ എണ്ണം വര്‍ധിക്കുന്നു, ഇത് കോടതിയെ പരിഹസിക്കുന്നതിന് തുല്യമെന്നും കോടതി വ്യക്തമാക്കി

Published

on

അനധികൃതമായി സംസ്ഥാനത്തിന്റെ പലയിടങ്ങളിലായി സ്ഥാപിച്ച ഫെളെക്‌സ് ബോര്‍ഡുകള്‍ നീക്കം ചെയ്യാത്തതില്‍ സര്‍ക്കാരിന് ഹൈക്കോടതിയുടെ രൂക്ഷ വിമര്‍ശനം. അനധികൃത ബോര്‍ഡുകള്‍ മാറ്റാന്‍ സര്‍ക്കാരിന് ഉദ്ദേശമില്ലെന്നും കോടതി. ക്ഷമ ദൗര്‍ബല്യമായി കാണരുത്. സത്യവാങ്മൂലം സമര്‍പ്പിക്കാത്തതില്‍ വ്യവസായ സെക്ട്രട്ടറിക്കും വിമര്‍ശനം. പഴയ ബോര്‍ഡുകള്‍ മാറ്റുന്നതിന് പകരം പുതിയ ഫ്‌ളെക്‌സുകളുടെ എണ്ണം വര്‍ധിക്കുന്നു. ഇത് കോടതിയെ പരിഹസിക്കുന്നതിന് തുല്യമെന്നും കോടതി വ്യക്തമാക്കി.

Continue Reading

Trending