Connect with us

News

മരണം 9000 കവിഞ്ഞു; ഓരോ 10 മിനുട്ടിലും ഒരു കുട്ടി വീതം കൊല്ലപ്പെടുന്നു

ഓരോ മണിക്കൂറിലും 15 പേര്‍ വീതം കൊല്ലപ്പെടുന്നു. ഇതില്‍ ആറുപേരും കുട്ടികള്‍.

Published

on

ഗസ്സ: ഇസ്രാഈലിന്റെ കിരാതവാഴ്ചയില്‍ ഗസ്സക്ക് സംഭവിക്കുന്നതിന്റെ ചെറിയൊരു ചിത്രമാണിത്. ഓരോ മണിക്കൂറിലും 15 പേര്‍ വീതം കൊല്ലപ്പെടുന്നു. ഇതില്‍ ആറുപേരും കുട്ടികള്‍. അതായത് ഓരോ പത്തു മിനുട്ടിലും ഒരു കുട്ടി വീതം കൊല്ലപ്പെടുന്നു. ഓരോ മണിക്കൂറിലും 42 ബോംബുകള്‍ വര്‍ഷിക്കുന്നു. 12 കെട്ടിടങ്ങള്‍ തകരുന്നു. 35 പേര്‍ക്ക് വീതം പരിക്കേല്‍ക്കുന്നു.

ഗസ്സയില്‍ സുരക്ഷിതമായ ഒരിഞ്ചു ഭൂമി പോലുമില്ലെന്നാണ് സത്യം. ഒരു വയസ്സിനു താഴെയുള്ള 133 കുട്ടികള്‍ ഇതുവരെ ഗസ്സയില്‍ കൊല്ലപ്പെട്ടു. ഒരു വയസ്സിനും മൂന്നു വയസ്സിനും ഇടയിലുള്ള 482 കുട്ടികള്‍. പിറന്ന മണ്ണില്‍ അഭയാര്‍ത്ഥികളായി കഴിയേണ്ടി വരുന്നത് പതിനേഴു ലക്ഷം മനുഷ്യരാണ്. ആശുപത്രികളും അഭയാര്‍ത്ഥി ക്യാമ്പുകളും വരെ ഇസ്രാഈലിന്റെ പോര്‍ വിമാനങ്ങള്‍ ഉന്നം വെക്കുമ്പോള്‍ നിസ്സഹായരായ മനുഷ്യരുടെ നിലവിളി കേള്‍ക്കാന്‍ ലോക രാജ്യങ്ങള്‍ക്കോ യു.എന്‍ അടക്കമുള്ള ഏജന്‍സികള്‍ക്കോ കഴിയാതെ പോകുന്നതിന്റെ നിസ്സഹായത എത്രമാത്രം വലുതാണ്.

അതേസമയം കൂട്ടക്കൊലകള്‍ക്കു മേല്‍ കൂട്ടക്കൊലകള്‍ ആവര്‍ത്തിച്ച് ഗസ്സയില്‍ ഇസ്രാഈലിന്റെ തുല്യതയില്ലാത്ത ക്രൂരത തുടരുന്നു. ഡസന്‍ കണക്കിന് പേരുടെ മരണത്തിന് ഇടയാക്കിയ ബോംബാക്രമണം നടന്ന വടക്കന്‍ ഗസ്സയിലെ ജബലിയ അഭയാര്‍ത്ഥി ക്യാമ്പില്‍ ഇന്നലേയും ഇസ്രാഈലിന്റെ ബോംബു വര്‍ഷം. കഴിഞ്ഞ ദിവസത്തെ ബോംബിങില്‍ തകര്‍ന്ന കെട്ടിടാവശിഷ്ടങ്ങള്‍ക്കുള്ളില്‍ ജീവന്റെ തുടിപ്പുകള്‍ തിരയുന്ന നിസ്സഹായരായ മനുഷ്യരെയാണ് ജൂത സൈന്യം ഉന്നംവെച്ച് കൂട്ടക്കൊല ചെയ്തത്. ഇതിനിടെ ജബലിയ ക്യാമ്പിലെ വ്യോമാക്രമണത്തില്‍ ഏഴ് ഇസ്രാഈലി ബന്ദികളും കൊല്ലപ്പെട്ടതായി ഹമാസ് വ്യക്തമാക്കി. ഗസ്സയില്‍ ഫലസ്തീനികള്‍ അനുഭവിക്കുന്ന അതേ വിധി തന്നെയായിരിക്കും ഇസ്രാഈലി ബന്ദികളും അനുഭവിക്കുകയെന്നും യുദ്ധത്തിന്റെ പൂര്‍ണ ഉത്തരവാദിത്വം നെതന്യാഹുവിനാണെന്നും ഹമാസ് തലവന്‍ ഇസ്മായില്‍ ഹനിയ വ്യക്തമാക്കി.

യു.എന്‍ അടക്കം അന്താരാഷ്ട്ര സമൂഹത്തിന്റെ ആവര്‍ത്തിച്ചുള്ള വെടിനിര്‍ത്തല്‍ ആവശ്യങ്ങളെ തള്ളിയാണ് കരയിലൂടെയും കടലിലൂടെയും ആകാശത്തുകൂടെയും ഒരേ സമയം ആക്രമണം അഴിച്ചുവിടുന്നത്. ഗസ്സയിലെ സ്ഥിതി വിവരണാധീതമാണെന്ന് ഐക്യരാഷ്ട്രസഭ ഇന്നലെയും ആവര്‍ത്തിച്ചു. അടിയന്തര വെടിനിര്‍ത്തല്‍ വേണമെന്നും മാനുഷിക സഹായമെത്തിക്കണമെ ന്നും അല്ലാത്ത പക്ഷം പ്രവചനാധീതമായ ദുരന്തമാണ് കാത്തിരിക്കുന്നതെന്നുമാണ് മുന്നറിയിപ്പ്. ഇന്ധനശേഖരം തീര്‍ന്ന് ജനറേറ്ററുകള്‍ പ്രവര്‍ത്തനം നിലയ്ക്കുന്നതിനാല്‍ ആശുപത്രികള്‍ ഒന്നൊന്നായി അടച്ചുപൂട്ടിക്കൊണ്ടിരിക്കുകയാണ്. അടിസ്ഥാന സൗകര്യങ്ങള്‍ ഒന്നുമില്ലാത്ത ആശുപത്രിയില്‍ പോലും ഇസ്രാഈല്‍ ആക്രമണത്തില്‍ മുറിവേറ്റ നൂറു കണക്കിന് പേരെ ചികിത്സിക്കേണ്ട ഗതികേടിലാണ് ആശുപത്രി അധികൃതര്‍. ക്യാന്‍സര്‍ ചികിത്സ നല്‍കുന്ന ഏക ആശുപത്രി യും ജനറേറ്റര്‍ നിലച്ചതോടെ ഇന്നലെ പ്രവര്‍ത്തനം നിര്‍ത്തി.

ഇതിനിടെ റഫ അതിര്‍ത്തി ഈജിപ്ത് തുറന്നത് നേരിയ ആശ്വാസമായി. അടിയന്തര മെഡിക്കല്‍ സഹായം ആവശ്യമുള്ളവര്‍ക്കാണ് പരിമിതമായ അളവില്‍ അതിര്‍ത്തി കടക്കാന്‍ ഈജിപ്ത് അനുമതി നല്‍കിയിരിക്കുന്നത്. അതിര്‍ത്തിയില്‍ തന്നെ സജ്ജമാക്കിയ താല്‍ക്കാലിക ആശുപത്രിയിലേക്കാണ് ഇവരെ മാറ്റുന്നത്. രോഗികളേയും കൊണ്ടുപോകാന്‍ ആംബുലന്‍സുകളുടെ നീണ്ട നിരയാണ് ഈജിപ്തിന്റെ റഫ അതിര്‍ത്തിയില്‍ കാത്തുനില്‍ക്കുന്നത്. ഒക്ടോബര്‍ ഏഴിന് ഗസ്സയില്‍ സൈനിക നടപടി ആരംഭിച്ച ശേഷം സന്നദ്ധ സഹായം എത്തിക്കാനല്ലാതെ റഫ അതിര്‍ത്തി തുറക്കുന്നത് ഇതാദ്യമാണ്. അതിര്‍ത്തി തുറന്നതോടെ ഇരട്ട പൗരത്വമുള്ളവരും ഗസ്സയില്‍ നിന്ന് ഈജിപ്ത് വഴി പൗരത്വമുള്ള രാജ്യങ്ങളിലേക്ക് മടങ്ങുന്നുണ്ട്.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

തലസ്ഥാനത്തെ റോഡുകളുടെ ദുരവസ്ഥ; കേസെടുത്ത് മനുഷ്യാവകാശ കമ്മീഷന്‍

സ്മാർട്ട് റോഡുകളുടെ നിർമ്മാണം നീളുന്നതിൽ നഗരസഭാ സെക്രട്ടറി രണ്ടാഴ്ചക്കകം റിപ്പോർട്ട് സമർപ്പിക്കണമെന്ന് മനുഷ്യാവകാശ കമ്മീഷൻ നിര്‍ദേശിച്ചു.

Published

on

തലസ്ഥാനത്തെ റോഡുകളുടെ ദുരവസ്ഥയിൽ കേസെടുത്ത് മനുഷ്യാവകാശ കമ്മീഷൻ. സ്മാർട്ട് റോഡുകളുടെ നിർമ്മാണം നീളുന്നതിൽ നഗരസഭാ സെക്രട്ടറി രണ്ടാഴ്ചക്കകം റിപ്പോർട്ട് സമർപ്പിക്കണമെന്ന് മനുഷ്യാവകാശ കമ്മീഷൻ നിര്‍ദേശിച്ചു.

റോഡ് പണി നീളുന്നതോടെ ജനങ്ങളുടെ സഞ്ചാര സ്വാതന്ത്ര്യം നഷ്ടപ്പെടുന്നു. മഴ പെയ്തതോടെ യാത്ര ദുസ്സഹമായി മാറിയെന്നും മനുഷ്യാവകാശ കമ്മീഷൻ ചൂണ്ടിക്കാട്ടി. കേസ് ജൂണിൽ പരിഗണിക്കും.

Continue Reading

kerala

റെക്കോർഡുകൾ ഭേദിച്ച് സ്വർണവില; പവന് 55,000 കടന്നു; ഇന്ന് വർധിച്ചത് 400 രൂപ

ഇതോടെ ഒരു പവൻ സ്വർണത്തിന് 55,120 രൂപയായി.

Published

on

ചരിത്രത്തിലെ ഏറ്റവും ഉയർന്ന നിരക്കിൽ സ്വർണ്ണം. ആദ്യമായി 55,000 കടന്നു. ഒറ്റയടിക്ക് ഇന്ന് 400 രൂപയാണ് വർധിച്ചത്. ഇതോടെ ഒരു പവൻ സ്വർണത്തിന് 55,120 രൂപയായി. ഗ്രാമിന് 50 രൂപയാണ് കൂടിയത്. 6890 രൂപയാണ് ഒരു ഗ്രാം സ്വർണത്തിന്റെ വില. മാർച്ച് 29ന് ആണ് സ്വർണവില ആദ്യമായി 50,000 കടന്നത്.

കഴിഞ്ഞമാസം 19ന് 54,500 കടന്ന് സ്വർണവില സർവകാല റെക്കോർഡിട്ട ശേഷം ഇടിയുന്ന കാഴ്ചയാണ് കണ്ടത്. 54,720 രൂപയായി ഉയർന്ന് ശനിയാഴ്ച രേഖപ്പെടുത്തിയ റെക്കോർഡ് ആണ് ഇന്ന് തിരുത്തിയത്. ഈ മാസം രേഖപ്പെടുത്തിയ ഏറ്റവും കുറഞ്ഞ പവൻ വില 52,440 രൂപയായിരുന്നു.

മെയ് ഒന്നിനായിരുന്നു ഈ വില രേഖപ്പെടുത്തിയത്. ഓഹരി വിപണിയിൽ ഉണ്ടായ ചലനങ്ങളും അന്താരാഷ്ട്ര വിപണിയിൽ സ്വർണവിലയിൽ ഉണ്ടാകുന്ന മാറ്റങ്ങളുമാണ് വിലയെ സ്വാധീനിക്കുന്നത്.

Continue Reading

kerala

കെടുകാര്യസ്ഥത മുഖമുദ്രയാക്കിയ സര്‍ക്കാര്‍; മഴപെയ്തതോടെ തലസ്ഥാന നഗരം ഉൾപ്പെടെ മുങ്ങി, ദേശീയപാത നിർമ്മാണം അശാസ്ത്രീയം: വി.ഡി. സതീശന്‍

ഇതുമായി ബന്ധപ്പെട്ട് തദ്ദേശ സ്ഥാപനങ്ങള്‍ക്ക് നിര്‍ദ്ദേശങ്ങളും നല്‍കിയില്ലെന്നും  ഓട വൃത്തിയാക്കുകയോ വെള്ളം പോകാനുള്ള സംവിധാനം ഒരുക്കുകയോ ചെയ്തിട്ടില്ലെന്നും വി.ഡി. സതീശന്‍ ചൂണ്ടിക്കാട്ടി.

Published

on

കെടുകാര്യസ്ഥതയാണ് സര്‍ക്കാരിന്‍റെ മുഖമുദ്രയെന്ന് ഒരിക്കല്‍ കൂടി തെളിഞ്ഞിരിക്കുകയാണെന്ന് പ്രതിപക്ഷ നേതാവ് വി.ഡി. സതീശന്‍. രണ്ട് ദിവസം മഴപെയ്തതോടെ തലസ്ഥാന നഗരം ഉള്‍പ്പെടെ വെള്ളത്തിനടിയിലായി. മഴക്കാല പൂര്‍വ നടപടികളൊന്നും തദ്ദേശ വകുപ്പ് സ്വീകരിച്ചിട്ടില്ല. ഇതുമായി ബന്ധപ്പെട്ട് തദ്ദേശ സ്ഥാപനങ്ങള്‍ക്ക് നിര്‍ദ്ദേശങ്ങളും നല്‍കിയില്ലെന്നും  ഓട വൃത്തിയാക്കുകയോ വെള്ളം പോകാനുള്ള സംവിധാനം ഒരുക്കുകയോ ചെയ്തിട്ടില്ലെന്നും വി.ഡി. സതീശന്‍ ചൂണ്ടിക്കാട്ടി.

ദേശീയ പാതയുടെ പണി നടക്കുന്ന സ്ഥലങ്ങളിലെല്ലാം വൈദ്യുത ലൈനുകളും ജല വിതരണ പൈപ്പുകളും വിച്ഛേദിച്ചിട്ടുണ്ടെന്ന് അദ്ദേഹം പറഞ്ഞു.  പലയിടങ്ങളിലും വെള്ളം ഒഴുകിപ്പോകാനുള്ള സൗകര്യങ്ങള്‍ പോലുമില്ല. ദേശീയപാത നിര്‍മ്മാണം അശാസ്ത്രീയമെന്ന് ചൂണ്ടിക്കാട്ടി മുഖ്യമന്ത്രിക്ക് കത്ത് നല്‍കിയെങ്കിലും സർക്കാർ അനങ്ങിയില്ലെന്ന് വി.ഡി. സതീശന്‍ പറഞ്ഞു.

Continue Reading

Trending