Connect with us

More

ജയലളിതക്ക് ഹൃദയാഘാതം: തമിഴ്‌നാട്ടില്‍ അതീവ ജാഗ്രത

Published

on

ചെന്നൈ: തമിഴ്‌നാട് മുഖ്യമന്ത്രി ജയലളിതക്ക് കടുത്ത ഹൃദയാഘാതം. ഇന്നലെ രാത്രി ഒമ്പത് മണിയോടെയാണ് ജയലളിതയുടെ ആരോഗ്യനില മോശമായത്. ഉടന്‍ തന്നെ ആസ്പത്രി വിടുമെന്ന് കരുതിയിരുന്ന ജയലളിതക്കായി പ്രാര്‍ത്ഥനയോടെ കാത്തിരുന്ന ജനത്തിന് മുന്നിലേക്കാണ് അപ്പോളോ ആസ്പത്രിയില്‍ നിന്നും ഇന്നലെ ഞെട്ടിക്കുന്ന വാര്‍ത്തയെത്തിയത്. വാര്‍ത്തയറിഞ്ഞയുടന്‍ നൂറ് കണക്കിന് അണ്ണാ ഡി.എം.കെ പ്രവര്‍ത്തകര്‍ ആസ്പത്രിയിലേക്ക് പ്രവഹിക്കുകയാണ്. പൊലീസും സുരക്ഷ സേനയും അതീവ ജാഗ്രത പാലിക്കുന്നുണ്ട്.

അക്രമ സംഭവങ്ങള്‍ ഉണ്ടാവാതിരിക്കാന്‍ ജാഗ്രത പാലിക്കണമെന്ന് കേന്ദ്ര സര്‍ക്കാര്‍ ആവശ്യപ്പെട്ടിട്ടുണ്ട്. മഹാരാഷ്ട്രയിലായിരുന്ന സംസ്ഥാന ഗവര്‍ണര്‍ വിദ്യാ സാഗര്‍ റാവു യാത്ര റദ്ദാക്കി ചെന്നൈയിലേക്ക് തിരിച്ചിട്ടുണ്ട്. തമിഴ്‌നാട് സര്‍ക്കാരിന്റെ അടിയന്തിര യോഗം അപ്പോളോ ആസ്പത്രിയില്‍ ചേര്‍ന്നു. സ്ഥിതിഗതികള്‍ ഗുരുതചരമാണെന്നാണ് ചെന്നൈയില്‍ നിന്നുള്ള റിപ്പോര്‍ട്ടുകല്‍.

മാസങ്ങളായി ചികില്‍സയിലാണ് ജയലളിത. തുടക്കത്തില്‍ അവരുടെ ആരോഗ്യനില തീര്‍ത്തും മോശമായിരുന്നുവെങ്കിലും മെച്ചപ്പെട്ട ചികില്‍സയില്‍ ആരോഗ്യം വീണ്ടെുത്ത് വരുകയായിരുന്നു. തീവ്ര പരിചരണ വിഭാഗത്തില്‍ നിന്നും അവരെ മാറ്റുകയും ചെയ്തിരുന്നു. എന്നാല്‍ ഇന്നലെ വൈകീട്ടോടെയാണ് കാര്യങ്ങള്‍ പെട്ടെന്ന് മാറിയത്. അമ്മയുടെ തിരിച്ചുവരവിനായി കാത്തിരുന്ന ജനം പ്രത്യേക പ്രാര്‍ത്ഥനകള്‍ നടത്തിയാണ് തിരിച്ചുവരവിനായി കാത്തിരുന്നത്. പക്ഷേ ഇന്നലെ രാത്രിയോടെ സാഹചര്യങ്ങള്‍ ആകെ മാറി.

അപ്പോളോ ആസ്പത്രിക്ക് മുന്നില്‍ നിലവിളിക്കുന്ന പ്രവര്‍ത്തകരെയാണ് രാത്രിയില്‍ കാണാനാവുന്നത്. ഇവരില്‍ പലരും സ്ത്രീകളാണ്. അമ്മക്കായി അലമുറയിടുന്നവരോട് ശാന്തരാവാന്‍ അണ്ണാ ഡി.എം.കെയുടെ പല സീനിയര്‍ നേതാക്കളും അഭ്യര്‍ത്ഥിച്ചെങ്കിലും ആരും ശാന്തരാവുന്നില്ല. മോശമായ എന്തെങ്കിലും വാര്‍ത്ത വന്നാല്‍ ജനങ്ങള്‍ എങ്ങനെ പ്രതികരിക്കുമെന്ന ആശങ്കയിലാണ് പൊലീസ്. ഡല്‍ഹിയില്‍ നിന്നും വിദഗ്ധ സംഘം ചെന്നൈയിലേക്ക് പുറപ്പെടുമെന്ന് കേന്ദ്രസര്‍ക്കാര്‍ വ്യക്തമാക്കി. കേന്ദ്ര ആരോഗ്യമന്ത്രി ജെ.പി നഡ്ഡ അപ്പോളോ ആസ്പത്രിയുമായി ബന്ധപ്പെട്ടിട്ടുണ്ട്. ആശങ്കപ്പെടുത്തുന്ന വാര്‍ത്ത വന്നാല്‍ ജനങ്ങള്‍ എങ്ങനെ പ്രതികരിക്കുമെന്നതാണ് കേന്ദ്രത്തെയും സംസ്ഥാന സര്‍ക്കാരിനെയും അലട്ടുന്ന പ്രധാന പ്രശ്‌നം.

india

ബേലൂർ മഖ്‌ന ദൗത്യം: സംയുക്ത കർമ പദ്ധതി തയ്യാറാക്കാൻ ഹൈക്കോടതി നിർദേശം

വയനാട് കലക്ടർ, ജില്ല പൊലീസ് മേധാവി, എഡിജിപി, അഡീഷനൽ ചീഫ് സെക്രട്ടറി, ചീഫ് കൺസർവേറ്റർ ഓഫ് ഫോറസ്റ്റ് എന്നിവർ ഓൺലൈൻ വഴി ഹാജരായി നിലവിലെ സ്ഥിതിഗതികൾ വിശദീകരിച്ചു

Published

on

വയനാട്ടിൽ ജനവാസ മേഖലയിലേക്കു കാട്ടാന ഉൾപ്പെടെയുള്ള വന്യമൃഗങ്ങൾ കാട്ടുന്ന അതിക്രമങ്ങൾ നേരിടാനായി കേരളം, കർണാടക, തമിഴ്‌നാട് അഡീഷനൽ ചീഫ് സെക്രട്ടറിമാരുടെ തലത്തിൽ സംയുക്ത കർമപദ്ധതി തയാറാക്കണമെന്നു ഹൈക്കോടതി നിർദേശിച്ചു.

വയനാട്ടിൽ ആക്രമണം നടത്തിയ ബേലൂർ മഖ്‌നയെ മയക്കുവെടി വയ്ക്കാൻ കേരള വനം പ്രിൻസിപ്പൽ ചീഫ് കൺസർവേറ്റർ ഉത്തരവിട്ടിട്ടുണ്ടെങ്കിലും ആന കർണാടക വനാതിർത്തിയിലേക്കു മാറിയാൽ ഉണ്ടാകുന്ന നിയമാധികാര പ്രശ്‌നത്തിന്റെ പശ്ചാത്തലത്തിലാണു ജസ്റ്റിസ് എ.കെ.ജയശങ്കരൻ നമ്പ്യാർ, ജസ്റ്റിസ് പി.ഗോപിനാഥ് എന്നിവരുൾപ്പെട്ട ഡിവിഷൻ ബെഞ്ച് നിർദേശിച്ചത്.

വയനാട് കലക്ടർ, ജില്ല പൊലീസ് മേധാവി, എഡിജിപി, അഡീഷനൽ ചീഫ് സെക്രട്ടറി, ചീഫ് കൺസർവേറ്റർ ഓഫ് ഫോറസ്റ്റ് എന്നിവർ ഓൺലൈൻ വഴി ഹാജരായി നിലവിലെ സ്ഥിതിഗതികൾ വിശദീകരിച്ചു.

Continue Reading

crime

84000 രൂപ കൈക്കൂലിയുമായി പിടിയിലായപ്പോള്‍ പൊട്ടിക്കരഞ്ഞ എഞ്ചിനീയറുടെ വീട്ടില്‍ 4 കിലോ സ്വര്‍ണവും 65 ലക്ഷം രൂപയും

തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

Published

on

കൈക്കൂലി വാങ്ങുന്നതിനിടെ സര്‍ക്കാരുദ്യോഗസ്ഥയെ ആന്റി കറപ്ക്ഷന്‍ ബ്യൂറോ കൈയ്യോടെ പിടികൂടി. തെലങ്കാനയിലാണ് സംഭവം നടന്നത്. തെലങ്കാന ട്രൈബല്‍ വെല്‍ഫെയര്‍ എന്‍ജീനിയറിംഗ് ഡിപ്പാര്‍ട്ട്‌മെന്റിലെ എക്‌സിക്യൂട്ടീവ് എന്‍ജീനിയറായ കെ. ജഗ ജ്യോതിയെയാണ് 84000 രൂപ കൈക്കൂലി വാങ്ങുന്നതിനിടെ പിടികൂടിയത്.

ജഗ ജ്യോതി കൈക്കൂലി ആവശ്യപ്പെട്ടുവെന്ന പരാതിയുമായി ഒരാള്‍ ആന്റി കറപ്ക്ഷന് ബ്യൂറോയെ സമീപിച്ചിരുന്നു. ഇതേത്തുടര്‍ന്ന് നടത്തിയ ഓപ്പറേഷനിലാണ് ഇവരെ കൈയ്യോടെ പിടികൂടിയത്.

ഇവരുടെ വീട്ടിലും പൊലീസ്‌ പരിശോധന നടത്തിയിരുന്നു. ഈ പരിശോധനയില്‍ 65 ലക്ഷം രൂപയും 4 കിലോ സ്വര്‍ണ്ണവും കണ്ടെത്തി. രണ്ട് കോടിയിലധികം മൂല്യം വരും ഇവയ്ക്ക്. നിയമവിരുദ്ധമായാണ് ഇവര്‍ ഇത്രയധികം സ്വത്ത് സമ്പാദിച്ചതെന്നും പൊലീസ്‌
പറഞ്ഞു.

ഫിനോഫ്തലീന്‍ ലായനി പരിശോധനയിലൂടെയാണ് ജഗ ജ്യോതി കുറ്റക്കാരിയാണെന്ന് കണ്ടെത്തിയത്. കെ. ജഗ ജ്യോതി അനര്‍ഹമായ പണം നേടാന്‍ ഔദ്യോഗിക പദവിയിലിരുന്ന് സത്യസന്ധതയില്ലാതെ പ്രവര്‍ത്തിച്ചുവെന്നും ആന്റി കറപ്ക്ഷന്‍ ബ്യൂറോ പറഞ്ഞു.

Continue Reading

Education

കാലിക്കറ്റ് സര്‍വകലാശാല അറിയിപ്പുകൾ

Published

on

പരീക്ഷാ ഫലം

രണ്ടാം സെമസ്റ്റർ ബി.എസ് സി. മെഡിക്കൽ ബയോകെമിസ്ട്രി ഏപ്രിൽ 2018 സ്പെഷ്യൽ സപ്ലിമെന്‍ററി പരീക്ഷകളുടെ ഫലം പ്രസിദ്ധീകരിച്ചു.

എം.എ. ഫോക്‌ലോർ സ്റ്റഡീസ് (2022 പ്രവേശനം) രണ്ടാം സെമസ്റ്റർ ഏപ്രിൽ 2023, മൂന്നാം സെമസ്റ്റർ നവംബർ 2023 പരീക്ഷകളുടെ ഫലം പ്രസിദ്ധീകരിച്ചു.

പി.എച്ച്.ഡി. പ്രവേശനം

കാലിക്കറ്റ് സർവകലാശാലാ ബോട്ടണി പഠന വകുപ്പിൽ പി.എച്ച്.ഡി. പ്രവേശനത്തിന് റിപ്പോർട്ട് ചെയ്തവർ ഫെബ്രുവരി 22-ന് രണ്ടു മണിക്ക് എല്ലാ അസൽ രേഖകളുമായി പഠന വകുപ്പിൽ അഭിമുഖത്തിന് ഹാജരാക്കേണ്ടതാണ്.

ഹിന്ദി പി.എച്ച്.ഡി. പ്രവേശന ചുരുക്കപ്പട്ടികയിൽ ഉൾപ്പെട്ട പഠനവിഭാഗത്തിൽ റിപ്പോർട്ട് ചെയ്തവർ ഫെബ്രുവരി 22-ന് ഉച്ചക്ക് 2.30-ന് അസൽ സർട്ടിഫിക്കറ്റുകളും അനുബന്ധ രേഖകളും സഹിതം സർവകലാശാലാ ഹിന്ദി പഠന വകുപ്പിൽ ഹാജരാക്കേണ്ടതാണ്.

പരീക്ഷാ അപേക്ഷ

സർവകലാശാലാ നിയമ പഠന വകുപ്പിലെ രണ്ടാം സെമസ്റ്റർ എൽ.എൽ.എം. (2020 പ്രവേശനം മുതൽ) ഏപ്രിൽ 2024 റഗുലർ / സപ്ലിമെന്‍ററി പരീക്ഷകൾക്ക് പിഴ കൂടാതെ മാർച്ച് 11 വരെയും 180 രൂപ പിഴയോടെ 13 വരെയും അപേക്ഷിക്കാം. ലിങ്ക് 26 മുതൽ ലഭ്യമാകും.

പ്രാക്ടിക്കൽ പരീക്ഷ

ഒന്നാം സെമസ്റ്റർ ബി.വോക്. ഇസ്ലാമിക് ഫിനാൻസ് നവംബർ 2022 SDC1IF04 IT FOR BUSINESS-LAB I പ്രാക്ടിക്കൽ പരീക്ഷ 29-ന് നടക്കും. കേന്ദ്രം:- ഇ.എം.ഇ.എ കോളേജ് ഓഫ് ആർട്സ് ആൻ്റ് സയൻസ്, കൊണ്ടോട്ടി

Continue Reading

Trending