തൃശൂര്‍: തദ്ദേശതെരഞ്ഞെടുപ്പില്‍ തൃശൂര്‍ കോര്‍പറേഷന്‍ പുല്ലഴി വാര്‍ഡില്‍ യു.ഡി.എഫിന് വിജയം. എല്‍.ഡി.എഫ് സിറ്റിംഗ് സീറ്റാണ് യു.ഡി.എഫ് പിടിച്ചെടുത്തത്. യു.ഡി.എഫ് സ്ഥാനാര്‍ത്ഥി കെ. രാമനാഥനാണ് 998 വോട്ടിന്റെ ഭൂരിപക്ഷത്തില്‍ വിജയിച്ചത്. രാമനാഥന്‍ 2052 വോട്ടുകള്‍ നേടിയപ്പോള്‍ എല്‍.ഡി.എഫിലെ അഡ്വ മഠത്തില്‍ രാമന്‍കുട്ടി 1049 വോട്ടുകള്‍നേടി. പുല്ലഴി ഡിവിഷന്‍ യു.ഡി.എഫ് വിജയിച്ചതോടെ തൃശൂര്‍ കോര്‍പറേഷന്‍ നിലവില്‍ 24 സീറ്റുകളുമായി എല്‍.ഡി.എഫും യു.ഡി.എഫും തുല്യനിലയിലായി. കോണ്‍ഗ്രസ് വിമതനായി വിജയിച്ച എം.കെ വര്‍ഗീസിന്റെ കാരുണ്യത്തിലാണ് നിലവില്‍ എല്‍.ഡി.എഫ് ഭരണം.

കോഴിക്കോട് മാവൂര്‍ പഞ്ചായത്തിലെ പതിനൊന്നാം വാര്‍ഡ് യു.ഡി.എഫ് നിലനിര്‍ത്തി. കോണ്‍ഗ്രസിലെ കെ.സി വാസന്തിയാണ് 27 വോട്ടിന് വിജയിച്ചത്. യു.ഡി.എഫ് സ്ഥാനാര്‍ത്ഥിയ്ക്ക് 532വോട്ടും എല്‍.ഡി.എഫ് സ്ഥാനാര്‍ത്ഥിയ്ക്ക് 511 വോട്ടും ലഭിച്ചു. മാവൂര്‍ പഞ്ചായത്ത് നിലവില്‍ യു.ഡി.എഫാണ് ഭരിക്കുന്നത്.