Celebrity
പത്താന് സെന്സറിങ് പൂര്ത്തിയായി; വിവാദ രംഗത്തിന് കട്ടില്ല
സംഘ്പരിവാര് വിവാദമാക്കിയ കാവി ബിക്കിനിയുടുത്ത ദീപകയുടെ രംഗങ്ങള് കട്ട് ചെയ്തിട്ടില്ല. എന്നാല് മറ്റൊരു അര്ധനഗ്ന ദൃശ്യം ഒഴിവാക്കിയിട്ടുണ്ട്

ഷാറൂഖാനും ദീപിക പദുകോണും മുഖ്യ വേഷത്തിലെത്തുന്ന പഠാന് സിനിമയ്ക്ക് സെന്സര് ബോര്ഡ് പ്രദര്ശനുമതി നല്കി. സെന്സര് ബോര്ഡ് 10 മാറ്റങ്ങള് നിര്ദേശിച്ചതിനായി സിനിമ വെബ്സൈറ്റുകള് റിപ്പോര്ട്ട് ചെയ്യുന്നു. അതേസമയം, സംഘ്പരിവാര് വിവാദമാക്കിയ കാവി ബിക്കിനിയുടുത്ത ദീപകയുടെ രംഗങ്ങള് കട്ട് ചെയ്തിട്ടില്ല. എന്നാല് മറ്റൊരു അര്ധനഗ്ന ദൃശ്യം ഒഴിവാക്കിയിട്ടുണ്ട്. ‘ബഷറം രംഗ്’ എന്ന ഗാനരംഗത്തിലെ സീനുകളിലാണ് 3 കട്ട് വരുത്തിയിയത്. അര്ധഗ്നമായ രണ്ട് ദൃശ്യങ്ങളും പാട്ടിലെ ഒരു ഡാന്സ് രംഗവുമാണ് ഒഴിവാക്കിയതെന്നാണ് റിപ്പോര്ട്ട്. സി,ബി.എഫ്.സി (സെന്ട്രല് ബോര്ഡ് ഓഫ് ഫിലിം സര്ട്ടിഫിക്കേഷന്) നിര്ദേശിച്ച കട്ടുകളില് ഏറെയും സംഭാഷണങ്ങളാണെന്നാണ് വിവരം.
This is the proof, Ki censor board Ne release Hone se Pahle Hi #Pathaan Ki Waat Lagadi. CB forced makers to replace #Raw word everywhere. pic.twitter.com/KEb7logfJw
— KRK (@kamaalrkhan) January 4, 2023
റോ എന്നവാക്കിനു പകരം സന്ദര്ഭത്തിനനുസരിച്ച് ഹമാരെ എന്നാക്കിമാറ്റി. പി.എം.ഒ എന്ന വാക്ക് 13 ഇടങ്ങളില് ഒഴിവാക്കി. പി.എം എന്ന വാക്കിനുപകരം പ്രസിഡന്റ് എന്നോ മിനിസ്റ്റര് എന്നോ ചേര്ത്തു. അശോക ചക്ര എന്നതിനു പകരം വീര് പുരസ്കാര് എന്നും എക്സ്-കെ.ജി.ബി എന്നതിനു പകരം എക്സ് എസ്ബിയു എന്നുംമാറ്റി. മിസിസ് ഭാരത് മാത എന്നതിനു പകരം ഹമാരി ഭാരത് മാത എന്നാക്കി. മറ്റൊരു സംഭാഷണത്തില് സ്കോച്ച് എന്നതിനു പകരം ഡ്രിങ്ക് എന്നാക്കി.
അതേസമയം, സിനിമക്കെതിരെ ബജ്റംഗ്ദള് പ്രവര്ത്തകര് ഇന്നും പ്രതിഷേധം തുടര്ന്നു. അഹമ്മദാബാദില് ആല്ഫ വണ് മാളിലെ തിയറ്ററില് സിനിമ പ്രമോഷന് ചടങ്ങിനിടെ ബജ്റംഗ്ദള് പ്രവര്ത്തകര് പോസ്റ്ററുകള് വലിച്ചു കീറി. സിനിമ പ്രദര്ശിപ്പിക്കരുതെന്ന് ഭീഷണിയും മുഴക്കി.
Celebrity
‘പാട്ടിലൂടെ തെറി വിളിക്കുന്നു എന്ന് പറയുന്നവരുണ്ട്, ഞാന് സിസ്റ്റത്തെയാണ് തെറി വിളിക്കുന്നത്’: വേടന്
ഞാന് സിസ്റ്റത്തെയാണ് തെറി വിളിക്കുന്നത്. ഈ സിസ്റ്റം ഏറെ കാലങ്ങളായി ബഹുഭൂരിപക്ഷം വരുന്ന ജനങ്ങളെ ചാതുര്വര്ണ്യത്തിന്റെ പേരില് ജാതീയമായി, വിദ്യാഭ്യാസപരമായി, സാമൂഹികപരമായി അടിച്ച് താഴ്ത്തി കൊണ്ടിരിക്കുകയാണ്.

സമത്വത്തിന് വേണ്ടിയുള്ള പോരാട്ടമാണ് താന് നടത്തുന്നതെന്നും വേടന് പറയുന്നു.’ നമ്മള് നടത്തുന്നത് വ്യക്തികള്ക്കെതിരായ പോരാട്ടമല്ല, സംഘടിതമായി നിലനില്ക്കുന്ന ചാതുര്വര്ണ്യത്തിന് എതിരായി, സമത്വത്തിന് വേണ്ടിയുള്ള പോരാട്ടമാണ്. ഞാന് സമത്വവാദിയാണ് എന്ന് വിശ്വസിക്കുന്ന ആളാണ്. ഞാന് വേദികളില് കയറി തെറി വിളിക്കുന്നു, പാട്ടിലൂടെ തെറി വിളിക്കുന്നു എന്ന് പറയുന്നവരുണ്ട്. എന്നാല് ഞ ഒരു വ്യക്തിയെ അല്ല തെറി വിളിക്കുന്നത്.
ഞാന് സിസ്റ്റത്തെയാണ് തെറി വിളിക്കുന്നത്. ഈ സിസ്റ്റം ഏറെ കാലങ്ങളായി ബഹുഭൂരിപക്ഷം വരുന്ന ജനങ്ങളെ ചാതുര്വര്ണ്യത്തിന്റെ പേരില് ജാതീയമായി, വിദ്യാഭ്യാസപരമായി, സാമൂഹികപരമായി അടിച്ച് താഴ്ത്തി കൊണ്ടിരിക്കുകയാണ്. ഇത് ഇപ്പോഴുമുണ്ടോ എന്ന് ചോദിക്കുന്നിടത്ത് കൂടിയാണ് നമ്മള് ജീവിക്കുന്നത്. വളരെ വിസിബിളായി ജാതി പറയുന്നിടത്ത് വന്നു ഇവിടെ ജാതിയുണ്ടോ വേടാ എന്ന് പറയുന്ന ആളുകളുമുണ്ട്,’ എന്നും വേടൻ കൂട്ടിച്ചേർത്തു.
Celebrity
‘ഡിയര് ലാലേട്ടന്’ ലയണല് മെസ്സിയുടെ ഓട്ടോഗ്രാഫ്
സോഷ്യല് മീഡിയയിലൂടെ മോഹന്ലാല് തന്നെയാണ് ഇക്കാര്യം അറിയിച്ചത്.

സൂപ്പര്സ്റ്റാര് മോഹന്ലാലിന് ഫുട്ബാള് ഇതിഹാസം ലയണല് മെസ്സിയുടെ ഓട്ടോഗ്രാഫ്. അര്ജന്റീനിയന് ജേഴ്സിയില് ‘ഡിയര് ലാലേട്ടന്’ എന്നെഴുതിയ ജേഴ്സിയാണ് മോഹന്ലാലിന് സമ്മാനമായി ലഭിച്ചിട്ടുള്ളത്. സോഷ്യല് മീഡിയയിലൂടെ മോഹന്ലാല് തന്നെയാണ് ഇക്കാര്യം അറിയിച്ചത്. രാജേഷ് ഫിലിപ്പും രാജീവ് മാങ്ങോട്ടിലുമാണ് മോഹന്ലാലിന് മെസ്സിയുടെ ജേഴ്സി സമ്മാനിച്ചത്. ഇരുവര്ക്കും സോഷ്യല് മീഡിയയിലൂടെ മോഹന്ലാല് നന്ദി അറിയിച്ചു.
‘ജീവിതത്തിലെ ചില നിമിഷങ്ങള് വാക്കുകള് കൊണ്ട് പറയാന് പറ്റാത്തത്ര ആഴമുള്ളതാണ്. അവ എപ്പോഴും നിങ്ങളോടൊപ്പം നിലനില്ക്കും. ഇന്ന്, അത്തരമൊരു നിമിഷം ഞാന് അനുഭവിച്ചു. സമ്മാനപ്പൊതി അഴിക്കുമ്പോള്, എന്റെ ഹൃദയമിടിപ്പ് കൂടുന്നുണ്ടായിരുന്നു – ഇതിഹാസം, ലയണല് മെസി ഒപ്പിട്ട ഒരു ജേഴ്സി എനിക്ക് ലഭിച്ചിരിക്കുകയാണ്. അതില് എന്റെ പേര്, അദ്ദേഹത്തിന്റെ സ്വന്തം കൈപ്പടയില് എഴുതിയിരിക്കുന്നു. മെസിയെ വളരെക്കാലമായി ആരാധിക്കുന്ന ഒരാളെന്ന നിലയില്, കളിക്കളത്തിലെ അദ്ദേഹത്തിന്റെ മികവിന് മാത്രമല്ല, എളിമയ്ക്കും സഹാനുഭൂതിക്കും, ഇത് ശരിക്കും സവിശേഷമായിരുന്നു. ഡോ. രാജീവ് മാങ്ങോട്ടില്, രാജേഷ് ഫിലിപ്പ് എന്നീ രണ്ട് പ്രിയ സുഹൃത്തുക്കളില്ലാതെ അവിശ്വസനീയ നിമിഷം സാധ്യമാകുമായിരുന്നില്ല. എന്റെ ഹൃദയത്തിന്റെ അടിത്തട്ടില് നിന്ന് നന്ദി,’- മോഹന്ലാല് കുറിച്ചു.
Celebrity
“എല്ലാം ഓകെ അല്ലേ അണ്ണാ”; ആന്റണി പെരുമ്പാവൂരിന് പിന്തുണയുമായി പൃഥ്വിരാജ് രംഗത്ത്
സമൂഹമാധ്യമത്തില് ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്.

ആന്റണി പെരുമ്പാവൂരിന് പിന്തുണയുമായി നടന് പൃഥ്വിരാജ്. സമൂഹമാധ്യമത്തില് ആന്റണിയുടെ പോസ്റ്റ് പങ്കുവെച്ചായിരുന്നു താരം പിന്തുണ അറിയിച്ചത്. എല്ലാം ഓകെ അല്ലേ അണ്ണാ എന്ന അടിക്കുറിപ്പോടെയാണ് പോസ്റ്റ് പങ്കുവെച്ചിട്ടുള്ളത്.
പ്രിഥ്വിരാജ് സംവിധാനം ചെയ്യുന്ന എമ്പുരാന്റെ ബജറ്റ് 141 കോടിയാണെന്ന് സുരേഷ് കുമാര് പറഞ്ഞിരുന്നു. ഇതിനെതിരെയും വിമര്ശനവുമായി ആന്റണി പെരുമ്പാവൂര് രംഗത്തെത്തിയിരുന്നു. ഇതിനു പിന്നാലെ ആന്റണി പെരുമ്പാവ് സമൂഹ മാധ്യമത്തില് ഉന്നയിച്ച പല വിഷയങ്ങളോടും യോജിക്കുന്നുവെന്ന് പറഞ്ഞ് സംവിധായകന് വിനയനും രംഗത്തെത്തിയിരുന്നു.
സമൂഹമാധ്യമ കുറിപ്പിലൂടെയാണ് ആന്റണി പെരുമ്പാവൂര് തന്റെ നിലപാട് വ്യക്തമാക്കിയിരുന്നത്. മലയാള സിനിമ തകര്ച്ചയുടെ വക്കിലാണെന്ന് ആരോപിച്ച് ജി. സുരേഷ് കുമാര് കഴിഞ്ഞയാഴ്ച വാര്ത്താസമ്മേളനം നടത്തിയിരുന്നു. ‘സിനിമകളുടെ കലക്ഷന് പെരുപ്പിച്ച് കാട്ടുകയാണ്, യഥാര്ഥത്തില് നിര്മാതാക്കള്ക്ക് നഷ്ടമാണ്, മലയാള സിനിമയ്ക്ക് താങ്ങാവുന്നതിന്റെ പത്തിരട്ടിയാണ് താരങ്ങള് പ്രതിഫലമായി വാങ്ങുന്നത് ‘ -സുരേഷ് കുമാര് പറഞ്ഞു. സുരേഷ് കുമാറിന്റെ വാദം വിവാദമായതോടെയാണ് ആന്റണി പെരുമ്പാവൂര് തന്റെ നിലപാട് വ്യക്തമാക്കിയത്.
നിര്മാതാക്കളുടെ സംഘടനയെ പ്രതിനിധീകരിച്ച് ആരാണ് ഇതൊക്കെ പറയാന് ജി. സുരേഷ് കുമാറിനെ ചുമതലപ്പെടുത്തിയത്. എന്താണ് അതിനു പിന്നിലെ ചേതോവികാരം എന്നൊക്കെയുള്ള കാര്യങ്ങളില് വ്യക്തത വേണ്ടതുണ്ട്. എംപുരാന് എന്ന സിനിമയുടെ ബജറ്റിനെക്കുറിച്ച് പൊതുസമക്ഷം അദ്ദേഹം സംസാരിച്ചതിന്റെ ഔചിത്യബോധമെന്തെന്ന് എത്രയാലോചിച്ചിട്ടും മനസിലാവുന്നില്ല. പോസ്റ്റ് പ്രൊഡക്ഷന് വര്ക്കുകള് പൂര്ത്തിയാവാത്തൊരു സിനിമയുടെ ചെലവിനെപ്പറ്റി പൊതുവേദിയില് പരസ്യചര്ച്ചയ്ക്കു വിധേയമാക്കിയതെന്തിനാണ്- ആന്റണി പെരുമ്പാവൂര് ചോദിച്ചു.
-
kerala1 day ago
വോട്ടര്പട്ടിക ചോര്ച്ച; കമ്മിഷണറുമായി ചര്ച്ച നടത്തി എല്.ജി.എം.എല് ജില്ലാ കലക്ടറോട് റിപ്പോര്ട്ട് തേടുമെന്ന് കമ്മീഷണര്
-
kerala2 days ago
ടി പി ചന്ദ്രശേഖരൻ വധക്കേസ്; പ്രതി കെ കെ കൃഷ്ണന് അന്തരിച്ചു
-
kerala2 days ago
കൊല്ലത്ത് എട്ടാം ക്ലാസ് വിദ്യാര്ഥി സ്കൂളില് ഷോക്കേറ്റ് മരിച്ചു
-
kerala3 days ago
കോട്ടയം തിരുവാതുക്കല് ഇരട്ടക്കൊലക്കേസ്; നാളെ കുറ്റപത്രം സമര്പ്പിക്കും
-
kerala2 days ago
വിദ്വേഷ പ്രസംഗം: പിസി ജോര്ജിനെതിരെ കേസെടുത്തു
-
film2 days ago
ആക്ഷന് ഹീറോ ബിജു 2ന്റെ പേരില് വഞ്ചനയെന്ന് പരാതി; നിവിന് പോളിക്കും എബ്രിഡ് ഷൈനുമെതിരെ കേസ്
-
india2 days ago
ആഗസ്റ്റ് 1 മുതല് എയര് ഇന്ത്യ രാജ്യാന്തര വിമാന സര്വീസുകള് ഭാഗികമായി പുനരാരംഭിക്കും
-
News2 days ago
ഗസ്സയില് ഭക്ഷ്യ വിതരണ കേന്ദ്രത്തിലുണ്ടായ തിക്കിലും തിരക്കിലും പെട്ട് 20 ഫലസ്തീനികള് കൊല്ലപ്പെട്ടു