kerala
ട്രാഫിക് പരിഷ്കാരം മാറ്റിവയ്ക്കണം: കെ സുധാകരന് എംപി

ട്രാഫിക് നിയമങ്ങളെക്കുറിച്ച് യാതൊരുവിധ ബോധവത്കരണവും നടത്താതെ സര്ക്കാര് മുക്കിലും മൂലയിലും അനേകം ക്യാമറകള് സ്ഥാപിച്ച് ജനങ്ങളെ കുത്തിപ്പിഴിയാന് നടപ്പാക്കുന്ന ട്രാഫിക് പരിഷ്കാരം മാറ്റിവയ്ക്കണമെന്ന് കെപിസിസി പ്രസിഡന്റ് കെ സുധാകരന് എംപി.
കളമെഴുത്തുപോലെ റോഡുകളില് വരച്ചുവച്ചിരിക്കുന്ന കോലങ്ങള്, പല രീതിയിലുള്ള സ്പീഡ് പരിധി, തോന്നുംപോലുള്ള പിഴ തുടങ്ങിയ കാര്യങ്ങളെക്കുറിച്ച് ജനങ്ങള്ക്കിടയില് വ്യാപകമായ ആശയക്കുഴപ്പവും ആശങ്കയും നിലനില്ക്കുന്നു. അവ പരിഹരിച്ച് മുന്നോട്ടുപോകുന്നതിനു പകരം എങ്ങനെയും വാഹനഉടമകളെ കുഴിയില്ച്ചാടിച്ച് പണം പിരിക്കുക എന്ന ഗൂഢലക്ഷ്യമാണ് സര്ക്കാരിനുള്ളത്. മുഖ്യമന്ത്രി പിണറായി വിജയനെ സ്തുതിക്കാന് കോടികള് മാധ്യമങ്ങളിലൂടെ ചെലവഴിക്കുന്നതിലൊരു പങ്ക് ട്രാഫിക് ബോധവത്കരണത്തിനു അടിയന്തരമായി മാറ്റിവയ്ക്കുകയാണ് സര്ക്കാര് ആദ്യം ചെയ്യേണ്ടതെന്നു സുധാകരന് ചൂണ്ടിക്കാട്ടി.
സംസ്ഥാനത്ത് പ്രവര്ത്തനനിരതമാകുന്ന 726 അത്യാധുനിക എഐ ക്യാമറകള് ഉപയോഗിച്ച് ആയിരം കോടി രൂപ സമാഹരിക്കാനാണ് സര്ക്കാര് ലക്ഷ്യമിടുന്നതത്രേ. ഈ രീതിയിലാണ് പദ്ധതി നടപ്പാക്കുന്നതെങ്കില് വണ്ടിയെടുത്തു പുറത്തുപോകുന്നവരൊക്കെ എല്ലാ ദിവസവും പിഴ അടയ്ക്കേണ്ടി വരും. ജനരോഷത്തിനു മുന്നില് സര്ക്കാരിനു തന്നെ പദ്ധതിയില്നിന്ന് പിന്മാറേണ്ടി വരും. നികുതിഭാരം കൊണ്ട് നടുവൊടിഞ്ഞു നില്ക്കുന്ന സാധാരണക്കാരന് ഈ പീഡനം സഹിക്കാവുന്നതിലപ്പുറമാണ്.
വേഗപരിധിയുടെ കാര്യത്തില് സമ്പൂര്ണ ആശയക്കുഴപ്പമുണ്ട്. ദേശീയപാതകളിലെ വേഗപരിധി സംബന്ധിച്ച് കേന്ദ്രഗതാഗത മന്ത്രാലയത്തിന്റെ 2018 ലെ വിജ്ഞാപന പ്രകാരം ഒരു നിരക്കും സംസ്ഥാന സര്ക്കാരിന്റെ 2014 ലെ വിജ്ഞാപന പ്രകാരം മറ്റൊരു നിരക്കുമാണ് നിലവിലുള്ളത്. സംസ്ഥാന സര്ക്കാരിന്റെ നിരക്ക് കേന്ദ്രത്തിന്റേതിനു തുല്യമാക്കണമെന്ന സംസ്ഥാന ട്രാന്സ്പോര്ട്ട് കമ്മീഷണറുടെ ശിപാര്ശ സര്ക്കാര് പൂഴ്ത്തിവച്ചിരിക്കുന്നു. ഇത്തരം ആശയക്കുഴപ്പം വ്യാപകമായി നിലനില്ക്കുമ്പോള് വേഗപരിധി സംബന്ധിച്ച് ആവശ്യത്തിന് സൈന് ബോര്ഡുകള് പോലും ഇല്ലാത്തത് യാത്രക്കാരെ മനഃപൂര്വം കുടുക്കാനാണെന്നു സംശയിക്കണം.
നഗരങ്ങളില് പാര്ക്കിംഗ് സൗകര്യം ഒരുക്കാതെയാണ് ആ വകയിലും സര്ക്കാര് പിഴയീടാക്കുന്നത്. ഒരു ക്യാമറ രേഖപ്പെടുത്തിയ കുറ്റകൃത്യത്തിന് തുടര് യാത്രയില് മറ്റൊരു ക്യമാറ രേഖപ്പെടുത്തിയാലും വീണ്ടും പിഴയൊടുക്കേണ്ട സാഹചര്യം വിചിത്രമാണ്. എഐ ക്യാമറകണ്ണുകളില്നിന്ന് മന്ത്രിമാര് ഉള്പ്പെടെയുള്ള വിഐപികളെ ഒഴിവാക്കിയതായും കേള്ക്കുന്നു. കേരളത്തിലെ ഏറ്റവും വലിയ ഗതാഗത നിയമലംഘകള് ഇക്കൂട്ടരാണ്. അവരെ ഒരു കാരണവശാലും ഒഴിവാക്കരുത്. റോഡുകളില് നെടുകയും കുറുകെയുമുള്ള നിരവധി വരകളുടെ അര്ത്ഥതലങ്ങള് എന്താണെന്ന് ആര്ക്കും അറിയില്ല. ഇത്തരം സാങ്കേതികമായ പിഴവുകള് തിരുത്തിയ ശേഷം നടപ്പാക്കുന്ന ട്രാഫിക് പരിഷ്കാരത്തോട് പൂര്ണയോജിപ്പാണുള്ളതെന്ന് സുധാകരന് പറഞ്ഞു
kerala
മഴ മുന്നറിയിപ്പില് മാറ്റം; ഇന്ന് എട്ട് ജില്ലകളില് യെല്ലോ അലേര്ട്ട്
ഒറ്റപ്പെട്ട ശക്തമായ മഴയ്ക്കുളള സാധ്യതയാണ് പ്രവചിക്കപ്പെട്ടിരിക്കുന്നത്.

സംസ്ഥാനത്തെ മഴ മുന്നറിയിപ്പില് മാറ്റം. ഇന്ന് എട്ട് ജില്ലകളില് യെല്ലോ അലേര്ട്ട് പ്രഖ്യാപിച്ചു. ഇടുക്കി, കോഴിക്കോട്, വയനാട്, കണ്ണൂര്, കാസര്ഗോഡ്, പത്തനംതിട്ട, ആലപ്പുഴ, കോട്ടയം ജില്ലകളിലാണ് യെല്ലോ അലേര്ട്ട് പ്രഖ്യാപിച്ചിരിക്കുന്നത്. നാളെ പത്തനംതിട്ട, കോട്ടയം, ഇടുക്കി, കോഴിക്കോട്, വയനാട്, കണ്ണൂര് കാസര്ഗോഡ് ജില്ലകളില് കേന്ദ്ര കാലാവസ്ഥാ വകുപ്പ് യെല്ലോ അലേര്ട്ട് പ്രഖ്യാപിച്ചിട്ടുണ്ട്. ഒറ്റപ്പെട്ട ശക്തമായ മഴയ്ക്കുളള സാധ്യതയാണ് പ്രവചിക്കപ്പെട്ടിരിക്കുന്നത്.
kerala
മദ്യലഹരിയില് പൊലീസ് ഉദ്യോഗസ്ഥന് ഓടിച്ച വാഹനമിടിച്ച് രണ്ട് പേര്ക്ക് പരിക്ക്
വലിയമല സ്റ്റേഷനിലെ എഎസ്ഐ വിനോദാണ് മദ്യപിച്ച് വാഹനം ഓടിച്ചത്.

മദ്യലഹരിയില് പൊലീസ് ഉദ്യോഗസ്ഥന് ഓടിച്ച വാഹനമിടിച്ച് രണ്ട് പേര്ക്ക് പരിക്ക്. വലിയമല സ്റ്റേഷനിലെ എഎസ്ഐ വിനോദാണ് മദ്യപിച്ച് വാഹനം ഓടിച്ചത്. സംഭവത്തില് വിനോദിനെതിരെ നെടുമങ്ങാട് പൊലീസ് കേസെടുത്തു.
ഇന്ന് വൈകിട്ട് ഏഴരയോടെയാണ് അപകടം. വാഹനത്തില് മദ്യം ഉണ്ടായിരുന്നുവെന്ന് നാട്ടുകാര് ആരോപിച്ചു.
kerala
ആലപ്പുഴ ജില്ലയില് ഇന്ന് പൊതുഅവധി
മുന്മുഖ്യമന്ത്രി വി എസ് അച്യുതാനന്ദന്റെ സംസ്കാരച്ചടങ്ങുകള് നടക്കുന്നതിനാല് ആലപ്പുഴ ജില്ലയില് ഇന്ന് സംസ്ഥാന സര്ക്കാര് പൊതു അവധി പ്രഖ്യാപിച്ചു.

മുന്മുഖ്യമന്ത്രി വി എസ് അച്യുതാനന്ദന്റെ സംസ്കാരച്ചടങ്ങുകള് നടക്കുന്നതിനാല് ആലപ്പുഴ ജില്ലയില് ഇന്ന് സംസ്ഥാന സര്ക്കാര് പൊതു അവധി പ്രഖ്യാപിച്ചു. 2025 ജൂലൈ 23ന് ബുധനാഴ്ച ആലപ്പുഴ ജില്ലയിലെ എല്ലാ സംസ്ഥാന സര്ക്കാര് ഓഫീസുകള്ക്കും, എല്ലാ പൊതുമേഖലാ സ്ഥാപനങ്ങള്ക്കും, എല്ലാ വിദ്യാഭ്യാസ സ്ഥാപനങ്ങള്ക്കും (പ്രൊഫഷണല് കോളേജുകള് ഉള്പ്പെടെ), സ്റ്റാറ്റിയൂട്ടറി സ്ഥാപനങ്ങള്ക്കും, സ്വയംഭരണ സ്ഥാപനങ്ങള്ക്കും, 1881 ലെ നെഗോഷ്യബിള് ഇന്സ്ട്രുമെന്റ്സ് ആക്ടിന്റെ പരിധിയില് വരുന്ന എല്ലാ സ്ഥാപനങ്ങള്ക്കും അവധിയായിരിക്കുമെന്ന് അധികൃതര് അറിയിച്ചു.
-
kerala3 days ago
സ്വകാര്യ ബസ് സമരം മറ്റന്നാള് മുതല്
-
india2 days ago
നിമിഷപ്രിയ കേസ്: ‘മധ്യസ്ഥതയുടെ പേരില് സാമുവല് ജെറോം വ്യാപകമായി പണം പിരിച്ചു’; തലാലിന്റെ സഹോദരന്
-
kerala3 days ago
‘അഥവാ ഞാൻ ചത്താൽ അയാളെന്നെ കൊന്നതാണെന്ന് വിചാരിച്ചോണം എന്ന് പറഞ്ഞിട്ടുണ്ട്,എന്റെ മോൾ ആത്മഹത്യ ചെയ്യില്ല ‘; അതുല്യയുടെ അമ്മ
-
kerala3 days ago
കണ്ണൂരില് കുഞ്ഞുമായി പുഴയില് ചാടി; അമ്മ മരിച്ചു
-
More3 days ago
ഗസയില് നരഹത്യ തുടര്ന്ന് ഇസ്രാഈല്; 24 മണിക്കൂറിനിടെ 116 പേരെ കൊന്നൊടുക്കി
-
kerala3 days ago
റോഡില് പൊട്ടിവീണ ലൈനില് നിന്ന് ഷോക്കേറ്റ് 19കാരന് മരിച്ചു; അപകട കാരണം പോസ്റ്റിലേക്ക് മരംവീണത്
-
kerala3 days ago
ജപ്തി ഭീഷണി; സ്കൂൾ വരാന്തയിലേക്ക് താമസം മാറ്റിയ കുടുംബത്തിന് താത്കാലിക ഭവനം നൽകി മുസ്ലിം ലീഗ്
-
kerala3 days ago
‘നിര്ഭയം നിലപാട് പറയുന്ന നേതാവ്’; വിദ്വേഷ പ്രസംഗം നടത്തിയ വെള്ളാപ്പള്ളിയെ പുകഴ്ത്തി മന്ത്രി വാസവന്