Connect with us

News

കോസ്റ്റാറിക്കക്കെതിരെ ജര്‍മനി ഇന്നിറങ്ങും

ഇന്ന് കോസ്റ്റാറിക്കക്കെതിരെ ജര്‍മനിക്ക് ജയിക്കാനാവും.

Published

on

അല്‍ ബൈത്ത് സ്‌റ്റേഡിയത്തില്‍ ജര്‍മനിയുടെ അവസ്ഥ നോക്കുക. നാല് തവണ ലോകപ്പട്ടം സ്വന്തമാക്കിയ ടീം ഗ്രൂപ്പ് ഇ യില്‍ കിടക്കുന്നത് അവസാന സ്ഥാനത്ത്. രണ്ട് മല്‍സരങ്ങള്‍ഒരു തോല്‍വി, ഒരു സമനില അത് വഴി ഒരു പോയിന്റ്. ഇന്ന് കോസ്റ്റാറിക്കക്കെതിരെ ജര്‍മനിക്ക് ജയിക്കാനാവും. അപ്പോഴും നാല് പോയന്റിലാണ് എത്തുക.

ജപ്പാന്‍-സ്‌പെയിന്‍ മല്‍സര ഫലം നിര്‍ണായകം. ജപ്പാന്‍ തോല്‍ക്കുകയും കോസ്റ്റാറിക്കക്കെതിരെ ജയിക്കുകയും ചെയ്യാനായാല്‍ രണ്ടാം സ്ഥാനക്കാരായി സ്‌പെയിനിന് പിറകെ കടന്നുകയറാം. അപ്പോഴും ഹാന്‍സെ ഫല്‍കെ സംഘത്തിന്റെ ദുരവസ്ഥ ചെറുതല്ല. ജപ്പാനോട് തോറ്റതായിരുന്നു വലീയ ക്ഷീണം. തോമസ് മുള്ളറും സെര്‍ജി നാര്‍ബിയും ജമാല്‍ മുസിയാലയും അന്റോണിയോ റൂഡിഗറുമെല്ലാം കളിക്കുന്ന ഒരു ചാമ്പ്യന്‍ സംഘം ജപ്പാനെ പോലെ ഒരു ടീമിനോട് തോല്‍ക്കുമെന്ന് ആരും കരുതിയിരുന്നില്ല.

പക്ഷേ അത് സംഭവിച്ചു. സ്‌പെയിനിനെതിരായ പോരാട്ടത്തിലും ആവേശകരകമായിരുന്നില്ല ജര്‍മനി. സ്‌പെയിന്‍ ലീഡ് നേടിയ ശേഷം അവസാനത്തിലായിരുന്നു ജര്‍മനി ഒപ്പമെത്തിയത്. കോസ്റ്റാറിക്ക വന്‍ ശക്തിയല്ല. പക്ഷേ അവരുടെ കാവല്‍ക്കാരന്‍ കീലര്‍ നവാസ് മിടുക്കനാണ്. ജപ്പാന് വിജയം നിഷേധിച്ചത് ഈ ഗോള്‍കീപ്പറായിരുന്നു. അവര്‍ക്ക് മൂന്ന് പോയിന്റുമുണ്ടെന്നിരിക്കെ ജര്‍മനിക്കെതിരെ സമനില നേടാനായാല്‍ നോക്കൗട്ട് സാധ്യതയുമുണ്ട്.

കളി വനിതകള്‍ നയിക്കും

ദോഹ: ഖത്തര്‍ ലോകകപ്പ് മറ്റൊരു ചരിത്രം കൂടി കുറിക്കുന്നു. ലോകകപ്പ് ചരിത്രത്തില്‍ ആദ്യമായി ഒരു വനിത കളി നിയന്ത്രിക്കുന്നതിനാണ് വ്യാഴാഴ്ച അല്‍ ബെയ്ത് സ്‌റ്റേഡിയം സാക്ഷ്യം വഹിച്ചത്. ഫ്രഞ്ചുകാരിയായ സ്‌റ്റെഫാനി ഫ്രാപ്പാര്‍ട്ടിനാണ് ആ ചരിത്ര നിയോഗം. ഗ്രൂപ്പ് ഇയില്‍ കോസ്റ്റാറിക്കയും ജര്‍മനിയും തമ്മില്‍ നടന്ന പോരാട്ടം സ്‌റ്റെഫാനി ഉള്‍പ്പെടെ നാല് വനിത റഫറിമാരാണ് നിയന്ത്രിച്ചത്. വനിതാ റഫറിമാര്‍ കളി നിയന്ത്രിക്കുന്ന കാര്യം ട്വിറ്റര്‍ പേജിലൂടെയാണ് ഫിഫ അറിയിച്ചത്.

‘വ്യാഴാഴ്ച മൂന്ന് വനിതകള്‍ റഫറിയിംഗില്‍ പുരുഷന്മാരുടെ ചുമതല ഏറ്റെടുക്കും. ചരിത്രം കുറിക്കപ്പെടുന്നു. സ്‌റ്റെഫാനി ഫ്രാപ്പാര്‍ട്ടിനൊപ്പം സഹായികളായി ന്യൂസ ബാക്കും കാരെന്‍ ഡയസും മേല്‍നോട്ടം വഹിക്കും.’ മൂവരുടെയും ചിത്രങ്ങള്‍ക്കൊപ്പം ഫിഫ ട്വിറ്ററില്‍ കുറിച്ചു. ഒരു വനിത, പ്രധാന റഫറിയാകുന്നതും കളി നിയന്ത്രിക്കുന്ന നാല് പേരും വനിതകളാകുന്നതും ലോകകപ്പ് ടൂര്‍ണമെന്റുകളുടെ ചരിത്രത്തില്‍ തന്നെ ആദ്യമാണ്. ബ്രസീലുകാരിയായ ന്യൂസ ബാക്ക്, മെക്‌സിക്കന്‍ റഫറി കാരെന്‍ ഡയസ് എന്നിവരാണ് അസിസ്റ്റന്റ് റഫറിമാര്‍. കളി നിയന്ത്രിക്കാന്‍ വനിത റഫറിമാരെ ആദ്യമായി ഉള്‍പ്പെടുത്തുന്നത് ഖത്തര്‍ ലോകകപ്പിലാണ്.2009 മുതല്‍ അന്താരാഷ്ട്ര ഫിഫ റഫറിമാരുടെ പട്ടികയില്‍ ഉള്‍പ്പെട്ടയാളാണ് സ്‌റ്റെഫാനി. ലീഗ് വണ്‍, ചാമ്പ്യന്‍സ് ലീഗ്, ലോകകപ്പ് യോഗ്യതാ മത്സരങ്ങള്‍ നിയന്ത്രിക്കുന്ന ആദ്യ വനിതയും സ്‌റ്റെഫാനിയാണ്. 2021ല്‍ നടന്ന ഒളിമ്പിക്‌സിലെ യുഎസ്എ, സ്വീഡന്‍ മത്സരം നിയന്ത്രിച്ചയാളാണ് ജപ്പാന്‍കാരിയായ യമഷിത.

india

ആസ്ട്രലിയന്‍ ഓപ്പണ്‍ ഫൈനലില്‍ ഇന്ത്യക്ക് തോല്‍വി; ഗ്രാന്റ്സ്ലാം പോരാട്ടം അവസാനിപ്പിച്ച് സാനിയ

ബ്രസീലില്‍ നിന്നുള്ള ലൂസിയ സ്റ്റെഫാനി-റാഫേല്‍ മാറ്റോസ് ടീമിനോട് 7-6, 6-2 എന്ന സ്‌കോറിനാണ് ഇന്ത്യന്‍ ടീം പരാജയപ്പെട്ടത്

Published

on

ആസ്ട്രലിന്‍ ഓപ്പണ്‍ ടെന്നിസ് മിക്‌സഡ് ഡബിള്‍സ് ഫൈനലില്‍ ഇന്ത്യക്ക് തോല്‍വി. കലാശപ്പൊരാട്ടത്തില്‍ സാനിയ മിര്‍സ-രോഹന്‍ ബൊപ്പണ്ണ സഖ്യമാണ് പുറത്തായത്. ബ്രസീലില്‍ നിന്നുള്ള ലൂസിയ സ്റ്റെഫാനി-റാഫേല്‍ മാറ്റോസ് ടീമിനോട് 7-6, 6-2 എന്ന സ്‌കോറിനാണ് ഇന്ത്യന്‍ ടീം പരാജയപ്പെട്ടത്. സാനിയയുടെ കരിയറിലെ അവസാന ഗ്രാന്റ്സ്ലാം മത്സരമായിരുന്നു ഇത്. മൂന്ന് വീതം ഡബിള്‍സ്, മിക്‌സഡ് ഡബിള്‍സ്, ഗ്രാന്റ്സ്ലാം കിരീടങ്ങളാണ് ഇന്ത്യ കണ്ട ഏറ്റവും കരുത്തുറ്റ വനിതാ താരത്തിന്റെ അക്കൗണ്ടിലുള്ളത്. ഇത് തന്റെ അവസാന ഗ്രാന്റ്സ്ലാം ആയിരിക്കുമെന്ന് സാനിയ നേരത്തെ അറിയിച്ചിരുന്നു.

Continue Reading

Food

കടുത്ത ഭക്ഷ്യക്ഷാമത്തിനിടെ പാക്കിസ്താന്‍ രൂപ വിലകുത്തനെയിടിഞ്ഞു

പലയിടത്തും ഭക്ഷണത്തിനായിആളുകള്‍ ക്യൂവിലാണ്. ശ്രീലങ്കയിലെയും പാക്കിസ്താനിലെയും പോലെ ഇന്ത്യന്‍ രൂപയുടെ മൂല്യവും കുത്തനെ ഇടിയുന്നത് ആശങ്കയുയര്‍ത്തുന്നുണ്ടെന്ന ്‌സാമ്പത്തികവിദഗ്ധര്‍ പറഞ്ഞു.

Published

on

കടുത്ത ഭക്ഷ്യക്ഷാമത്തിനിടെ പാക്കിസ്താനില്‍ രൂപയുടെ വില കുത്തനെ കൂപ്പുകുത്തി. ഇന്നലെ മാത്രം 24 രൂപയാണ് ഇടിഞ്ഞത്. ഇതോടെ ഭക്ഷ്യക്ഷാമം രൂക്ഷമായി. ആട്ടയുടെ വില 300 രൂപവരെയായി. ആട്ടയാണ് പ്രധാന ഭക്ഷണഇനം. കഴിഞ്ഞ ഏതാനും മാസമായി രാജ്യത്തിന്റെ സമ്പദ് വ്യവസ്ഥ തകരാറിലാണ്.ഇമ്രാന്‍ ഖാനെ ഒഴിവാക്കി പുതിയ സര്‍ക്കാര്‍ വന്നെങ്കിലും സംവിധാനങ്ങളില്‍കാര്യമായമാറ്റമൊന്നു വന്നിട്ടില്ല. ഐ.എം.എഫ് ധനസഹായം പ്രതീക്ഷിക്കുന്നുണ്ടെങ്കിലും അത് വൈകുകയാണ്.പലയിടത്തും ഭക്ഷണത്തിനായിആളുകള്‍ ക്യൂവിലാണ്. ശ്രീലങ്കയിലെയും പാക്കിസ്താനിലെയും പോലെ ഇന്ത്യന്‍ രൂപയുടെ മൂല്യവും കുത്തനെ ഇടിയുന്നത് ആശങ്കയുയര്‍ത്തുന്നുണ്ടെന്ന ്‌സാമ്പത്തികവിദഗ്ധര്‍ പറഞ്ഞു.

Continue Reading

india

മോദിയെ തമിഴ്‌നാട്ടില്‍നിന്നും മല്‍സരിപ്പിക്കാന്‍ നീക്കം

തമിഴ്‌നാട്ടില്‍ 39ല്‍ നിലവില്‍ ഡി.എം.കെക്ക് പുറമെ മുസ്‌ലിം ലീഗ്-1, കോണ്‍ഗ്രസ് -7, സി.പി.എം.സിപി.ഐ മൂന്നുവീതം സീറ്റുകളാണുള്ളത്. എ.ഐ.ഡി.എം കെ.യുടെ ഒരു കഷണത്തെകൂടെക്കൂട്ടാനും ബി.ജെ.പി പദ്ധതിയുണ്ട്.

Published

on

പ്രധാനമന്ത്രി നരേന്ദ്രമോദിയെ തമിഴ്‌നാട്ടില്‍നിന്ന് വരുന്ന ലോക്‌സഭാ തെരഞ്ഞെടുപ്പില്‍ മല്‍സരിപ്പിക്കാന്‍ നീക്കം. തമിഴ്‌നാട് ബി.ജെ.പി അധ്യക്ഷന്‍ അണ്ണാമലൈ തന്നെയാണ് ഇത് പ്രഖ്യാപിച്ചത്. തമിഴ്‌നാട്ടില്‍ ജാതിവികാരം ശക്തമാണെന്നും മോദി മല്‍സരിച്ചാല്‍ അതിനെ മറികടന്ന ഹിന്ദുത്വവികാരം ശക്തമാക്കാമാകുമെന്നുമാണ് പറയുന്നത്. ദക്ഷിണേന്ത്യയില്‍ ബി.ജെ.പിക്ക് ഇളക്കമുണ്ടാക്കാനും ഇതിലൂടെ പാര്‍ട്ടി ലക്ഷ്യമിടുന്നു.
മോദിയെ വടക്കേ ഇന്ത്യക്ക് പുറമെ തമിഴ്‌നാട്ടിലോ കര്‍ണാടകയിലോ മല്‍സരിപ്പിക്കണമെന്ന് ഇരുസംസ്ഥാനങ്ങളിലെയുംബി.ജെ.പിക്കാര്‍ക്ക് ആഗ്രഹമുണ്ട്. അതിലൂടെ ഈ സംസ്ഥാനങ്ങളില്‍ ബി.ജെ.പിക്ക് കാര്യമായ നേട്ടമുണ്ടാക്കാനാകുമെന്നാണ് പ്രതീക്ഷ.

കഴിഞ്ഞ തവണ ഗുജറാത്തിലും യു.പിയിലും മോദി മല്‍സരിച്ചിരുന്നു. വരാണസിയാണ് അദ്ദേഹം തെരഞ്ഞെടുത്തത്.ഇതുപോലെ വരാണസിയിലും രാമനാഥപുരത്തോ ബെല്ലാരിയിലോ മല്‍സരിച്ചാല്‍ വിജയം സുനിശ്ചിതമാണെന്നും അവര്‍ കണക്കുകൂട്ടുന്നു. നിലവില്‍ കേരളത്തിലും തമിഴ്‌നാട്ടിലും ബി.ജെ.പിക്ക് സീറ്റൊന്നുമില്ല. തമിഴ്‌നാട്ടില്‍ 39ല്‍ നിലവില്‍ ഡി.എം.കെക്ക് പുറമെ മുസ്‌ലിം ലീഗ്-1, കോണ്‍ഗ്രസ് -7, സി.പി.എം.സിപി.ഐ മൂന്നുവീതം സീറ്റുകളാണുള്ളത്. എ.ഐ.ഡി.എം കെ.യുടെ ഒരു കഷണത്തെകൂടെക്കൂട്ടാനും ബി.ജെ.പി പദ്ധതിയുണ്ട്.

Continue Reading

Trending