india
കര്ഷക സംഘടനയുമായി സഖ്യത്തിനില്ലെന്ന് ആം ആദ്മി പാര്ട്ടി
കാര്ഷികനിയമങ്ങള് റദ്ദാക്കാന് പ്രക്ഷോഭം നയിച്ച സംയുക്ത കിസാന് മോര്ച്ചയിലെ ഒരുവിഭാഗം കര്ഷകസംഘടനകള് ചേര്ന്ന് രൂപവത്കരിച്ച രാഷ്ട്രീയപ്പാര്ട്ടിയാണ് എസ്.എസ്. എം. കിസാന്മോര്ച്ചയില് പഞ്ചാബിലെ 32 സംഘടനകളുണ്ടായിരുന്നു. ഇതില് 22 സംഘടനകള് ചേര്ന്നാണ് സംയുക്ത് സമാജ് മോര്ച്ച’ രൂപവത്കരിച്ചത്. അതേസമയം സംയുക്ത കിസാന് മോര്ച്ചയുടെ പേര് പ്രചാരണത്തില് ഉപയോഗിക്കരുതെന്ന് നേതാക്കള് ആവശ്യപ്പെട്ടിട്ടുണ്ട്.
ചണ്ഡിഗഡ്: പഞ്ചാബ് നിയമസഭാ തിരഞ്ഞെടുപ്പില് കര്ഷക സംഘടനയായ സംയുക്ത് സമാജ് മോര്ച്ചയുമായി (എസ്.എസ്.എം) സഖ്യത്തിനില്ലെന്ന് ആം ആദ്മി പാര്ട്ടി. ബല്ബീര് സിങ് രജേവാളിന്റെ നേതൃത്വത്തിലുള്ള എസ്.എസ്.എമ്മുമായി എ.എ.പി സീറ്റ് വിഭജന ചര്ച്ചകള് നടത്തിയിട്ടില്ലെന്ന് പാര്ട്ടി സംസ്ഥാന അധ്യക്ഷന് ഭഗവത് സിങ് മന് വ്യക്തമാക്കി. തങ്ങള് ഏതെങ്കിലും പാര്ട്ടിയുമായി ഒരു കൂടിക്കാഴ്ചയും നടത്തിയിട്ടില്ല. പഞ്ചാബിന്റെ വികസനത്തിനായി ആം ആദ്മി പാര്ട്ടിക്ക് പ്രത്യേക കാഴ്ചപ്പാടുണ്ട്. എല്ലാ വിഭാഗം ജനങ്ങളെയും ഉള്പ്പെടുത്തിയുള്ള വിശാലമായ കാഴ്ചപ്പാടാണത്. ഖജനാവ് കൊള്ളയടിക്കുന്നത് ആം ആദ്മി പാര്ട്ടി തടയും. നികുതിപ്പണം ജനങ്ങളുടെ ക്ഷേമത്തിനായി ഉപയോഗിക്കുമെന്നും അദ്ദേഹം മാധ്യമങ്ങളോട് പറഞ്ഞു. മാര്ച്ച് 10 ന് പഞ്ചാബില് ആം ആദ്മി പാര്ട്ടി സര്ക്കാര് രൂപീകരിക്കും. എ.എ.പി അധികാരത്തില് വന്നാല് ഒരു തൊഴിലാളിയും പണിമുടക്കേണ്ടതില്ലെന്നും സംഗൂരില് നിന്നുള്ള ലോക്സഭാംഗം കൂടിയായ മന് പറഞ്ഞു. അതേസമയം എ.എ.പിയുമായുള്ള സഖ്യ വാര്ത്തകള് തള്ളി എസ്.എസ്.എമ്മും രംഗത്തെത്തി. ഒരാഴ്ചയ്ക്കുള്ളില് സ്ഥാനാര്ഥികളെ പ്രഖ്യാപിക്കുമെന്ന് ബല്ബീര് സിങ് രജേവാള് പറഞ്ഞു.
മറ്റേതെങ്കിലും പാര്ട്ടിയുമായി സഖ്യമുണ്ടാക്കുമോ എന്ന ചോദ്യത്തിന് കാത്തിരുന്ന് കാണാമെന്നായിരുന്നു മറുപടി. കാര്ഷികനിയമങ്ങള് റദ്ദാക്കാന് പ്രക്ഷോഭം നയിച്ച സംയുക്ത കിസാന് മോര്ച്ചയിലെ ഒരുവിഭാഗം കര്ഷകസംഘടനകള് ചേര്ന്ന് രൂപവത്കരിച്ച രാഷ്ട്രീയപ്പാര്ട്ടിയാണ് എസ്.എസ്. എം. കിസാന്മോര്ച്ചയില് പഞ്ചാബിലെ 32 സംഘടനകളുണ്ടായിരുന്നു. ഇതില് 22 സംഘടനകള് ചേര്ന്നാണ് സംയുക്ത് സമാജ് മോര്ച്ച’ രൂപവത്കരിച്ചത്. അതേസമയം സംയുക്ത കിസാന് മോര്ച്ചയുടെ പേര് പ്രചാരണത്തില് ഉപയോഗിക്കരുതെന്ന് നേതാക്കള് ആവശ്യപ്പെട്ടിട്ടുണ്ട്.
india
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി
ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്.
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി. മൊറാദാബാദ് സ്വദേശി സര്വേഷ് സിംഗ് ആണ് ജോലിഭാരം താങ്ങാനാവാതെ ജീവനൊടുക്കിയത്. ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്. ബഹേറി ഗ്രാമത്തിലെ വീട്ടിലാണ് തൂങ്ങിമരിച്ചത്. ഉത്തര്പ്രദേശിലെ ബിഎല്ഒയുടെ മൂന്നാമത്തെ ആത്മഹത്യയാണ് റിപ്പോര്ട്ട് ചെയ്തിരിക്കുന്നത്. പ്രൈമറി സ്കൂള് അധ്യാപകനാണ് ആത്മഹത്യ ചെയ്ത സര്വ്വേഷ് സിംഗ്
india
തമിഴ്നാട്ടില് സര്ക്കാര് ബസുകള് കൂട്ടിയിടിച്ച് അപകടം; 11 മരണം, നിരവധിപേര്ക്ക് ഗുരുതര പരിക്ക്
ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്.
തമിഴ്നാട്ടില് ബസുകള് കൂട്ടിയിടിച്ച് 11 മരണം. നിരവധിപേര്ക്ക് ഗുരുതര പരിക്കേറ്റിട്ടുണ്ട്. ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്. തിരുപ്പത്തൂര് കാരക്കുടി റോഡില് പിള്ളയാര്പട്ടിക്ക് സമീപം കുമ്മങ്കുടിയിലാണ് അപകടമുണ്ടായത്.
തിരുപ്പൂത്തൂരില് നിന്ന് കാരക്കുടിയിലേക്ക് വരികയായിരുന്ന ബസും കാരക്കുടിയില് നിന്ന് ദിണ്ഡിഗലിലേക്ക് വരികയായിരുന്ന ബസും കുമ്മങ്കുടി പാലത്തിന് സമീപം നേര്ക്കുനേര് ഇടിക്കുകയായിരുന്നു.
india
ദലിത് സ്ത്രീയെ സ്കൂളില് പാചകം ചെയ്യുന്നത് തടഞ്ഞ സംഭവം; ആറുപേര്ക്ക് ജയില് ശിക്ഷ
ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം.
തമിഴ്നാട്ടിലെ തിരുപ്പൂരില് സര്ക്കാര് സ്കൂളിലെ പാചകത്തൊഴിലാളിയായ ദലിത് സ്ത്രീയെ സ്കൂളില് പാചകം ചെയ്യുന്നതില് നിന്ന് തടഞ്ഞ ആറുപേര്ക്ക് കോടതി രണ്ടു വര്ഷത്തെ ജയില് ശിക്ഷ വിധിച്ചു. ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം. കുട്ടികള്ക്ക് ആഹാരമുണ്ടാക്കുന്നത് ദലിത് സ്ത്രീയായതിനാല് അനുവദിക്കില്ലെന്ന തീരുമാനമെടുത്ത് നാട്ടുകാരായ നിരവധിയാളുകള് ചേര്ന്ന് ഇവരെ തടയുകയായിരുന്നു.
35 പേരായിരുന്നു കേസില് പ്രതികളായത്. ഇതില് 25 പേരെ എസ്.സിഎസ്.ടി പ്രത്യേക കോടതി വെറുതെവിട്ടു. നാലുപേര് കേസിന്റെ വിചാരണക്കിടെ മരണപ്പെട്ടു. സ്കൂളിലെ വിദ്യാര്ഥികളുടെ രക്ഷിതാക്കളായ ആറുപേരെയാണ് കോടതി രണ്ടു വര്ഷത്തെ തടവിന് ശിക്ഷിച്ചത്. പളനിസ്വാമി ഗൗണ്ടര്, എന്. ശക്തിവേല്, ആര്. ഷണ്മുഖം, എ. ദുരൈസ്വാമി, സി. വെള്ളിങ്കിരി, വി. സീതാലകഷ്മി എന്നിവരെയാണ് കോടതി രണ്ടുവര്ഷത്തെ തടവിന് ശിക്ഷിച്ചത്.
സ്കൂളില് സംഭവം ഉണ്ടായതോടെ ദലിത് സ്?ത്രീയെ സ്കൂള് അധികൃതര് സ്ഥലം മാറ്റിയിരുന്നു. ഇതിനെതിരെയും ജാതീയ അധിക്ഷേപത്തിനെതിരെയും തമിഴ്നാട് തൊട്ടുകൂടായ്മ നിര്മാര്ജന സമിതി സമരവുമായി രംഗത്ത് വന്നിരുന്നു. പിന്നീട് തിരുമല സ്വദേശിയായ പപ്പല് എന്നയാളാണ് കോടതിയില് കേസ് നല്കിയത്. ഇതെത്തുടര്ന്ന് ചേവായുര് പൊലീസ് കേസെടുത്തു. എസ്.സിഎസ്.ടി നിയമത്തിലെ വിവിധ വകുപ്പുകള് ചേര്ത്ത് 35 പേര്ക്കെതിരെയാണ് കേസെടുത്തത്. ഇതില് നാലുപേര് മരണമടഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
kerala23 hours agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoമണിക്കൂറുകളായി സ്കൈ ഡൈനിംങ്ങില് കുടുങ്ങിക്കിടന്ന വിനോദ സഞ്ചാരികളില് ഒരാളെ രക്ഷപ്പെടുത്തി