രാജസ്ഥാന്‍ നിയമസഭ തെരഞ്ഞെടുപ്പിനോടനുബന്ധിച്ച് ആദ്യഘട്ട സ്ഥാനാര്‍ഥികളുടെ പട്ടിക പുറത്തുവിട്ട് കോണ്ഗ്രസ്. 33 പേരുള്ള പട്ടികയില്‍ മുഖ്യമന്ത്രി അശോക് ഗെഹ്ലോട്ടിന്റെയും സച്ചിന്‍ പൈലറ്റിന്റെയും പേരുകളുണ്ട്. ഗെഹ്‌ലോട് സര്‍ദാര്‍പുര മണ്ഡലത്തില്‍ നിന്നും പൈലറ്റ് ടോങ്ക് മണ്ഡലത്തില്‍ നിന്നും ജനവിധി തേടും.
കോണ്ഗ്രസ് സംസ്ഥാന യൂനിറ്റ് പ്രസിഡന്റ് ദോതസ്ര ലച്ച്മംഗഢില്‍ നിന്നും രാജസ്ഥാന്‍ അസംബ്ലി സ്പീക്കര്‍ സി പി ജോഷി നാഥ്ദ്വാര നിയമസഭാ മണ്ഡലത്തില്‍ നിന്നും മത്സരിക്കും.മന്ത്രി ഹരീഷ് ചൗധരി ബയൂട്ടോ മണ്ഡലത്തില്‍ നിന്നും ദിവ്യ മഡേണ ഒസിയാനില്‍ നിന്നും കൃഷ്ണ പൂനിയ സദുല്‍പൂര്‍ മണ്ഡലത്തില്‍ നിന്നും ജനവിധി തേടും. മന്ത്രി മമത ഭൂപേഷ് സിക്രായ് എസ്!.സി സീറ്റില്‍ നിന്നാണ് മത്സരിക്കുക.
ഭന്‍വാര്‍ സിങ് ഭാട്ടി, മനോജ് മേഘ്!വാള്‍, അമിത് ചചന്‍, റിത ചൗധരി, ഇന്ദ്രജ് സിങ് ഗുര്‍ജാര്‍, ലാല്‍ട് കുമാര്‍ യാദവ്, തിക്രം ജൂലി എന്നിവരും കോണ്‍ഗ്രസിന്റെ ബാനറില്‍ മത്സരിക്കും. കൂടുതല്‍ സ്ഥാനാര്‍ഥികളുടെ പട്ടിക കോണ്ഗ്രസ് അടുത്ത ദിവസം പുറത്തുവിടും.സ്ഥാനാര്‍ഥികളുടെ പേരുകള്‍ ചര്‍ച്ച ചെയ്യാന്‍ കോണ്ഗ്രസ് സംസ്ഥാന തിരഞ്ഞെടുപ്പ് കമ്മിറ്റി യോ?ഗം ചേര്‍ന്നതിന് പിന്നാലെയാണ് പട്ടിക പുറത്തുവിട്ടിരിക്കുന്നത്.
തിരഞ്ഞെടുപ്പിനായുള്ള തന്ത്രങ്ങളും പാര്‍ട്ടി നേതാക്കള്‍ ചര്‍ച്ച ചെയ്തു. ഗെഹ്ലോട്ടും പൈലറ്റും തമ്മിലുള്ള അഭിപ്രായവ്യത്യാസങ്ങള്‍ രാജസ്ഥാന്‍ കോണ്‍ഗ്രസിന് വലിയ തലവേദന സൃഷ്ടിച്ചിരുന്നു. തുടര്‍ന്ന്, കേന്ദ്രനേതാക്കള്‍ ഇടപെട്ട് പ്രശ്‌നങ്ങള്‍ താല്‍കാലികമായെങ്കിലും പരിഹരിക്കുകയായിരുന്നു.