ബ്രഹ്മപുരത്തെ ബയോമൈനിങ്ങില്‍ നിന്നു സോണ്ട ഇന്‍ഫ്രാടെക്കിനെ ഒഴിവാക്കി. കൊച്ചി കോര്‍പറേഷന്‍ കൗണ്‍സില്‍ യോഗത്തിലാണു തീരുമാനം.
ബയോമൈനിങ്ങില്‍ വീഴ്ച വരുത്തിയെന്നു കാണിച്ചു കോര്‍പറേഷന്‍ നല്‍കിയ നോട്ടിസിനു സോണ്ട നല്‍കിയ മറുപടി തൃപ്തികരമല്ലെന്ന് കാണിച്ചാണ് നടപടി. സോണ്ടയെ കരിമ്പട്ടികയില്‍ പെടുത്തും. ബയോമൈനിങ് നടത്താനായി കോര്‍പറേഷന്‍ പുതിയ ടെന്‍ഡര്‍ വിളിക്കും.
ഇതിന്റെ ചെലവ് സോണ്ടയില്‍ നിന്ന് ഈടാക്കും. സോണ്ടയുമായി കോടതിയില്‍ നിലവിലുള്ള കേസുകള്‍ കൈകാര്യം െചയ്യാന്‍ സെക്രട്ടറിയെ കോര്‍പറേഷന്‍ കൗണ്‍സില്‍ ചുമതലപ്പെടുത്തി.