kerala
മത, ജീവകാരുണ്യ സ്ഥാപനങ്ങളുടെ ആദായനികുതി രജിസ്ട്രേഷന് 5 വര്ഷമായി ചുരുക്കി
മത, ജീവകാരുണ്യ സ്ഥാപനങ്ങളുടെ ആദായനികുതി ഇളവിനുള്ള രജിസ്ട്രേഷന് കാലാവധി അഞ്ചുവര്ഷമായി പരിമിതപ്പെടുത്തി. നിലവില് ഒറ്റത്തവണയായിരുന്ന രജിസ്ട്രേഷന് ഇനി ഒരോ അഞ്ചുവര്ഷത്തിലും പുതുക്കണം. രജിസ്ട്രേഷന് പുതുക്കിയില്ലെങ്കില് നികുതി ഈടാക്കാവുന്ന ഭേദഗതിയടക്കം നിരവധി മാറ്റങ്ങളാണ് 2020ലെ ധനകാര്യ നിയമത്തില് വരുത്തിയത്. ഒന്നിലധികം വകുപ്പുകള് അനുസരിച്ച് രജിസ്റ്റര് ചെയ്ത സ്ഥാപനങ്ങള്ക്ക് ഇനി ഒരു രജിസ്ട്രേഷനേ അനുവദിക്കുകയുള്ളൂ. മാത്രമല്ല എല്ലാ സ്ഥാപനങ്ങള്ക്കും രജിസ്ട്രേഷന് നിര്ബന്ധമാക്കിയിട്ടുമുണ്ട്. പുതിയ ഭേദഗതി അനുസരിച്ച് ഈ മേഖലയില് പ്രവര്ത്തിക്കുന്ന എല്ലാ സ്ഥാപനങ്ങളും ഈ മാസം 30നകം രജിസ്ട്രേഷന് നടപടി പൂര്ത്തിയാക്കണം. അല്ലാത്തവരെ ആദായനികുതി പരിധിയില് ഉള്പ്പെടുത്താനാണ് തീരുമാനം.
ആദായനികുതി ഇളവ് ലഭിക്കാന് നിലവില് സ്ഥാപനങ്ങള്ക്ക് ഒറ്റത്തവണ രജിസ്ട്രേഷന് മതിയായിരുന്നു. ഇനി അത് അഞ്ചു വര്ഷത്തില് ഒരിക്കല് പുതുക്കണം. പുതുക്കിയില്ലെങ്കില് ആദായനികുതി അടക്കേണ്ടി വരും. നിലവില് രജിസ്ട്രേഷന് ഇല്ലാത്തതും മത, ജീവകാരുണ്യ മേഖലയില് പ്രവര്ത്തിക്കുന്നതുമായ സ്ഥാപനങ്ങള് നികുതി ഇളവ് ആഗ്രഹിക്കുന്നുവെങ്കില് പുതിയ രജിസ്ട്രേഷന് എടുക്കണം. സാമ്പത്തിക വര്ഷം തുടങ്ങുന്നതിന് ഒരു മാസം മുമ്പെങ്കിലും ഫോം 10ല് അപേക്ഷിക്കണം. ഓണ്ലൈനിലാണ് അപേക്ഷിക്കേണ്ടത്.
ആദ്യമായി അപേക്ഷിക്കുന്ന സ്ഥാപനങ്ങള്ക്ക് 3 വര്ഷത്തേക്കുള്ള പ്രൊവിഷണല് രജിസ്ട്രേഷന് നമ്പറാണ് ലഭിക്കുക. ഈ നമ്പര് ലഭിച്ച് അതിന്റെ കാലാവധി തീരുന്നതിന് ആറു മാസം മുമ്പോ സ്ഥാപനം പ്രവര്ത്തനമാരംഭിച്ച് ആറു മാസത്തിനുള്ളിലോ സ്ഥിര രജിസ്ട്രേഷന് നടപടികള് പൂര്ത്തിയാക്കണം. പ്രൊവിഷണല് നമ്പര് ലഭിച്ചാല് ആ വര്ഷംതന്നെ ആദായനികുതി ഇളവിന് അപേക്ഷിക്കാം.
ട്രസ്റ്റ്, സൊസൈറ്റി, ലാഭം പ്രതീക്ഷിക്കാത്ത കമ്പനി തുടങ്ങിയവക്കും ജീവകാരുണ്യരംഗത്ത് പ്രവര്ത്തിക്കുന്ന സ്ഥാപനങ്ങള്ക്കും നിയമം ബാധകമാണ്. നികുതിനിയമത്തിലെ 12 എ, 12 എഎ, 10(23സി), 80 ജി വകുപ്പ് അനുസരിച്ച് രജിസ്റ്റര് ചെയ്ത എല്ലാ സ്ഥാപനങ്ങളും പുതിയ വകുപ്പായ 12 എ ബി അനുസരിച്ച് രജിസ്ട്രേഷന് പൂര്ത്തിയാക്കണം. 12 എ എ, 10 (23സി) എന്നിവ അനുസരിച്ച് രജിസ്ട്രേഷന് എടുത്തവര്ക്ക് ഇനി മുതല് ഏതെങ്കിലും ഒരു രജിസ്ട്രേഷന് മാത്രമേ പുതുക്കാനാവൂ. ഓണ്ലൈനില് അപേക്ഷിക്കുമ്പോള് ഡിജിറ്റല് ഒപ്പും സ്വയം സാക്ഷ്യപ്പെടുത്തിയ രേഖകളുടെ പകര്പ്പും നല്കണം. ആദായനികുതി മുഖ്യ കമ്മീഷണര്ക്കോ കമ്മീഷണര്ക്കോ ആണ് അപേക്ഷ സമര്പ്പിക്കേണ്ടത്.
kerala
തദ്ദേശ തെരഞ്ഞെടുപ്പ്; വോട്ടെടുപ്പ് നടക്കുന്ന ദിവസങ്ങളില് സംസ്ഥാനത്ത് പൊതു അവധി
ഡിസംബര് 9 ചൊവ്വ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് പൊതു അവധിയായിരിക്കും. ഡിസംബര് 11 വ്യാഴം തൃശൂര്, പാലക്കാട്,മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് പൊതു അവധി പ്രഖ്യാപിച്ചിട്ടുണ്ട്.
സംസ്ഥാനത്തെ തദ്ദേശ തെരഞ്ഞെടുപ്പിന്റെ പശ്ചാത്തലത്തില് വോട്ടെടുപ്പ് നടക്കുന്ന അതത് ജില്ലകളില് പൊതു അവധി പ്രഖ്യാപിച്ചു. രണ്ട് ഘട്ടമായാണ് സംസ്ഥാനത്ത് വോട്ടെടുപ്പ് നടക്കുന്നത്. ഡിസംബര് 9 ചൊവ്വ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് പൊതു അവധിയായിരിക്കും. ഡിസംബര് 11 വ്യാഴം തൃശൂര്, പാലക്കാട്,മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് പൊതു അവധി പ്രഖ്യാപിച്ചിട്ടുണ്ട്.
വോട്ടെടുപ്പ് നടക്കുന്ന ജില്ലകളിലെ സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും. സ്വകാര്യ സ്ഥാപനങ്ങള്, ഫാക്ടറികള്, തോട്ടങ്ങള് എന്നിവിടങ്ങളിലെ ജീവനക്കാര്ക്ക് വോട്ട് രേഖപ്പെടുത്തുന്നതിനായി അവധിയോ മതിയായ സൗകര്യമോ നല്കാന് തൊഴിലുടമകള്ക്ക് നിര്ദ്ദേശം നല്കിയിട്ടുണ്ട്. ഡിസംബര് 13നാണ് വോട്ടെണ്ണല്.
kerala
വാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്.
വടകരയില് വാഹനാപകടത്തെ തുടര്ന്ന് കോമയിലായ ഒമ്പത് വയസ്സുകാരി ദൃഷാനക്ക് ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം. വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്. ഹൈക്കോടതിയുടെയും ലീഗല് സര്വീസ് അതോറിറ്റിയുടെയും ഇടപെടലിലാണ് ദൃഷാനയുടെ കുടുംബത്തിന്റെ നിയമപോരാട്ടത്തില് നിര്ണായകമായത്. അപകടത്തിന് കാരണക്കാരായ കാര് ഇന്ഷുറന്സ് എടുത്ത കമ്പനിയാണ് ദൃഷാനയുടെ കുടുംബത്തിന് 1.15 കോടി രൂപ നഷ്ടപരിഹാരമായി നല്കേണ്ടതെന്നാണ് എംഎസിടി കോടതിയുടെ ഉത്തരവ്.
2024 ഫെബ്രുവരി 14നാണ് അപകടമുണ്ടായത്. അപകടത്തില് കോമയിലായ ദൃഷാനയും മുത്തശ്ശി ബേബിയും വടകര ചേറോട് ദേശീയപാത മുറിച്ചുകടക്കുന്നതിനിടെയാണ് കാര് ഇടിച്ചുതെറിപ്പിച്ചത്. ഇടിയുടെ ആഘാതത്തില് ബേബി തല്ക്ഷണം മരിച്ചിരുന്നു. കുട്ടി അന്ന് മുതല് കോമയിലേക്ക് വീഴുകയായിരുന്നു.
ഇരുവരെയും ഇടിച്ച കാര് നിര്ത്താതെ പോയിരുന്നു. ഹൈക്കോടതി സ്വമേധയാ കേസെടുക്കുകയും പ്രത്യേക അന്വേഷണ സംഘത്തെ രൂപീകരിക്കുകയും ചെയ്തിരുന്നു. ഇതിനെ തുടര്ന്നുള്ള അന്വേഷണത്തിലാണ് അപകടത്തിന് പത്ത് മാസങ്ങള്ക്ക് ശേഷം കാറുടമയെയും കാറിനെയും പൊലീസ് കണ്ടെത്തുന്നത്. നൂറുകണക്കിന് വര്ക്ക്ഷോപ്പുകളും സിസിടിവി ദൃശ്യങ്ങളും ശേഖരിച്ചതിന് പിന്നാലെയാണ് പ്രതിയെ പിടികൂടിയത്.
kerala
രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഉണ്ടാവില്ല; ഗീവര്ഗീസ് മാര് കൂറിലോസ്
ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു.
മമ്മൂട്ടിയുടെ അഭിനയത്തെ കുറിച്ചുള്ള കുറിപ്പുമായി യാക്കോബായ നിരണം ഭദ്രാസനാധിപന് ഗീവര്ഗീസ് മാര് കൂറിലോസ്. തന്റെ രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഇന്ത്യന് സിനിമയില് ഉണ്ടാവില്ലെന്നും ഗീവര്ഗീസ് മാര് കൂറിലോസ് പറഞ്ഞു. ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു. മമ്മൂട്ടിയെ ഇളം തലമുറ പാഠപുസ്തകമാക്കണം എന്നും അദ്ദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂർണരൂപം:
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india10 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം