kerala
നടപടികള് ഉദാരമാക്കി യുവാക്കളുടെ നാനോ സംരംഭങ്ങള്ക്ക് നാലു ലക്ഷം വരെ ഗ്രാന്റ്
ചെറിയ സംരംഭങ്ങള്ക്ക് സര്ക്കാര് നല്കുന്ന മാര്ജിന് മണി ഗ്രാന്റ് വര്ധിപ്പിച്ചു. 40 വയസിനു താഴെയുള്ള സംരംഭകര്ക്ക് നാനോ വ്യവസായം തുടങ്ങാന് മാര്ജിന് മണിയുടെ 40 ശതമാനം വരെ ഗ്രാന്റായി ലഭിക്കും. ചെറുകിട സംരംഭങ്ങള് പ്രോല്സാഹിപ്പിക്കാന് പുതുതായി തുടങ്ങുന്ന സംരംഭങ്ങളില് പ്രത്യേക വിഭാഗം എന്ന നിലക്കാണ് ഗ്രാന്റ് ഉയര്ത്തിയത്. വനിതകള്, പട്ടികജാതി/വര്ഗ വിഭാഗങ്ങള്, അംഗപരിമിതര്, വിമുക്തഭടന്മാര് എന്നിവരും പ്രത്യേക വിഭാഗത്തില് പെടും. പത്തുലക്ഷം പദ്ധതിച്ചെലവ് പ്രതീക്ഷിക്കുന്ന സംരംഭങ്ങള്ക്ക് നാലു ലക്ഷം രൂപ വരെയാണ് ഗ്രാന്റായി നല്കുക. ഇത്തരം പദ്ധതികള്ക്ക് സംരംഭകന്റെ വിഹിതം രണ്ടുലക്ഷമായി കുറച്ചിട്ടുണ്ട്. 40 ശതമാനം വായ്പയായി ലഭിക്കും. പൊതുവിഭാഗത്തിന് നിലവില് 30 ശതമാനമാണ് ഗ്രാന്റ്. 30-40 ശതമാനം നിരക്കിലാണ് വിഹിതവും വായ്പയും നല്കുന്നത്.
പദ്ധതിയില് ഉള്പ്പെടുന്ന സംരംഭങ്ങളുടെ പട്ടികയും അപേക്ഷയും ഉദാരമാക്കിയിട്ടുണ്ട്. ഭക്ഷ്യ സംസ്കരണം, ജോബ് വര്ക്കുകള്, നിര്മാണ യൂണിറ്റുകള് എന്നിവക്കു പുറമെ സേവന സ്ഥാപനങ്ങളെയും അര്ഹതാ പട്ടികയില് ഉള്പ്പെടുത്തിയിട്ടുണ്ട്. മെച്ചപ്പെടുന്ന തരത്തിലുള്ള സേവനങ്ങള് നല്കുന്ന സ്ഥാപനങ്ങളായിരിക്കണം. പുതുതായി തുടങ്ങുന്ന സ്ഥാപനങ്ങള്ക്കാണ് ഗ്രാന്റിന് അര്ഹതയുണ്ടാവുക. പദ്ധതിച്ചെലവ് സ്ഥിരനിക്ഷേപവും ആവര്ത്തന നിക്ഷേപവും ചേര്ന്നാല് 10 ലക്ഷം രൂപയില് അധികമാകരുത് എന്നതാണ് നാനോ സംരംഭത്തിന്റെ പുതിയ നിര്വചനം. ധനകാര്യ സ്ഥാപനങ്ങള്, സഹകരണ ബാങ്കുകള്, കെ.എഫ്.സി. എന്നിവിടങ്ങളില് നിന്ന് എടുക്കുന്ന വായ്പയ്ക്ക് ഗ്രാന്റിന് അര്ഹതയുണ്ട്. ധനകാര്യ സ്ഥാപനങ്ങളില് നിന്ന് വായ്പ എടുക്കാത്തവര്ക്കും പദ്ധതിപ്രകാരം ഗ്രാന്റിന് അര്ഹതയുണ്ട്. ആനുകൂല്യം കൈപ്പറ്റിയാല് ആറ് മാസത്തിനുള്ളില് സംരംഭം തുടങ്ങണം. മതിയായ കാരണം ഉണ്ടെങ്കില് ആറ് മാസം കൂടി ദീര്ഘിപ്പിച്ച് നല്കും.
താലൂക്ക് വ്യവസായ ഓഫീസുകള് വഴിയാണ് അപേക്ഷ സമര്പ്പിക്കേണ്ടത്. അപേക്ഷ പരിശോധിച്ച് ഗ്രാന്റിന് ശിപാര്ശ ചെയ്യുന്നത് താലൂക്ക് വ്യവസായ ഓഫീസറാണ്. ധനകാര്യസ്ഥാപനങ്ങളിലേക്ക് വായ്പ ശിപാര്ശ ചെയ്ത് വായ്പ അനുവദിച്ചാല് ഗ്രാന്റ് ലഭ്യമാക്കും. സംരംഭകര് തിരിച്ചറിയല് രേഖകള്ക്ക് പ്രോജക്ട് റിപ്പോര്ട്ട്, ക്വട്ടേഷന് എന്നിവ ഹാജറാക്കണം. വ്യവസായ കേന്ദ്രങ്ങളില് നിന്ന് മാര്ഗനിര്ദ്ദേശ സഹായങ്ങള് ലഭിക്കും.
കേരളത്തില് വലിയ വ്യവസായങ്ങള്ക്കുള്ള സാധ്യതകള് കുറവാണ് എന്നതിനാല് നാനോ വ്യവസായങ്ങളെ പ്രോത്സാഹിപ്പിക്കുക എന്ന നിയമത്തിന്റെ ഭാഗമായാണ് പദ്ധതി ഉദാരമാക്കിയത്. 2.50 കോടി രൂപ ഇതിനായി വകയിരുത്തിയിട്ടുണ്ട്.വായ്പയുമായി ബന്ധപ്പെടുത്തി മാര്ജിന് മണി ഗ്രാന്റ് ലഭ്യമാക്കുക വഴി കൂടുതല് സംരംഭങ്ങളെ നാനോ വിഭാഗത്തില് വളര്ത്തിക്കൊണ്ടുവരാന് കഴിയുമെന്നാണ് പ്രതീക്ഷ. പദ്ധതിയുടെ നടത്തിപ്പു ചുമതല സംസ്ഥാന വ്യവസായ വകുപ്പിനാണ്.
kerala
പുഴയില് ഒഴുക്കില്പെട്ട കുട്ടിയെ രക്ഷപ്പെടുത്തിയ യുവാവ് മുങ്ങിമരിച്ചു
ഉടന് പുഴയിലേക്ക് ചാടി കുട്ടിയെ രക്ഷിച്ച ശേഷം കൃഷ്ണന് പുഴയില് മുങ്ങിപ്പോവുകയായിരുന്നു.
പുഴയില് ഒഴുക്കില്പെട്ട കുട്ടിയെ രക്ഷപ്പെടുത്തിയ യുവാവ് മുങ്ങിമരിച്ചു. ചാലക്കുടിപ്പുഴയില് ആറങ്ങാലിക്കടവില് ഞായറാഴ്ച രാവിലെയാണ് അപകടം. പാറക്കടവ് എളവൂര് സ്വദേശി കൊടുമ്പിള്ളി വീട്ടില് ജോഷിയുടെ മകന് കൃഷ്ണനാണ് (30) മരിച്ചത്.
ചാലക്കുടിപുഴയിലെ ആറങ്ങാലിക്കടവില് കഴിഞ്ഞ ദിവസം കൃഷ്ണനടക്കം ആറുപേരടങ്ങുന്ന സംഘം എത്തിയിരുന്നു. ഒപ്പമുണ്ടായിരുന്ന കുട്ടികളെ നോക്കാന് കൃഷ്ണനെ ഏല്പിച്ച് പുഴയുടെ മറുകരയിലേക്ക് നീന്തിപ്പോയി.
ഇതിനിടെ ഒരു കുട്ടി പുഴയിലിറങ്ങി അപകടത്തില്പെടുകയായിരുന്നു. ഉടന് പുഴയിലേക്ക് ചാടി കുട്ടിയെ രക്ഷിച്ച ശേഷം കൃഷ്ണന് പുഴയില് മുങ്ങിപ്പോവുകയായിരുന്നു. അവിടെയുണ്ടായിരുന്ന യുവാക്കള് കൃഷ്ണനെ കരയിലേക്ക് എത്തിച്ചു. തുടര്ന്ന് ഗുരുതരാവസ്ഥയില് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല. എറണാകുളത്തെ സ്വകാര്യ സ്ഥാപനത്തിലെ ജീവനക്കാരനായിരുന്നു. മൃതദേഹം ചാലക്കുടി താലൂക്ക് ആശുപത്രി മോര്ച്ചറിയില്. മാതാവ്: മിനി. സഹോദരന്: അഖില്
kerala
മുല്ലപ്പെരിയാര് അണക്കെട്ടില് ജലനിരപ്പ് ഉയരുന്നു; കൂടുതല് ജലം കൊണ്ടുപോകാന് തമിഴ്നാടിന് കത്തയച്ച് കേരളം
. ഇതേത്തുടര്ന്ന് വെള്ളിയാഴ്ച മുതല് തമിഴ്നാട് ടണല് വഴി കൂടുതല് ജലം കൊണ്ടുപോയി തുടങ്ങി.
മുല്ലപ്പെരിയാര് അണക്കെട്ടില് ജലനിരപ്പ് ഉയരുന്ന സാഹചര്യത്തില് കൂടുതല് ജലം കൊണ്ടുപോകണമെന്ന് ആവശ്യപ്പെട്ട് തമിഴ്നാടിന് സംസ്ഥാനം കത്തയച്ചു. ഇതേത്തുടര്ന്ന് വെള്ളിയാഴ്ച മുതല് തമിഴ്നാട് ടണല് വഴി കൂടുതല് ജലം കൊണ്ടുപോയി തുടങ്ങി.
വ്യാഴാഴ്ച വൈകിട്ട് 140.20 അടിയായിരുന്നു മുല്ലപ്പെരിയാറിലെ ജലനിരപ്പ്. പരമാവധി സംഭരണശേഷിയായ 142 അടിയാണ് റൂള് കര്വ് എങ്കിലും ജലനിരപ്പ് 140 അടിയില് നിലനിര്ത്തുന്നതിനായി കൂടുതല് ജലം കൊണ്ടുപോകണമെന്നാണ് കേരളം ആവശ്യപ്പെട്ടത്. സംസ്ഥാനത്തിന്റെ ആവശ്യം അംഗീകരിച്ച തമിഴ്നാട് കൂടുതല് ജലം കൊണ്ടുപോകുന്നതിനുള്ള നടപടി സ്വീകരിക്കുകയായിരുന്നു.
kerala
സംസ്ഥാനത്ത് മഴ മുന്നറിയിപ്പില് മാറ്റം; ഇന്ന് മൂന്ന് ജില്ലകളില് യെല്ലോ അലര്ട്ട്
ഇടുക്കി, മലപ്പുറം, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
സംസ്ഥാനത്ത് മഴ മുന്നറിയിപ്പില് മാറ്റം. ഇന്ന് മൂന്ന് ജില്ലകളില് യെല്ലോ അലര്ട്ട് പ്രഖ്യാപിച്ചു. ഇടുക്കി, മലപ്പുറം, വയനാട് എന്നീ ജില്ലകളിലാണ് യെല്ലോ അലര്ട്ട് പ്രഖ്യാപിച്ചിട്ടുള്ളത്.
ഒറ്റപ്പെട്ട ശക്തമായ മഴയ്ക്കുള്ള സാധ്യതയാണ് പ്രവചിക്കപ്പെട്ടിരിക്കുന്നത്. 24 മണിക്കൂറില് 64.5 മില്ലിമീറ്റര് മുതല് 115.5 മില്ലിമീറ്റര് വരെ മഴ ലഭിക്കുന്ന സാഹചര്യത്തെയാണ് ശക്തമായ മഴ എന്നത് കൊണ്ട് അര്ത്ഥമാക്കുന്നത്.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoമണിക്കൂറുകളായി സ്കൈ ഡൈനിംങ്ങില് കുടുങ്ങിക്കിടന്ന വിനോദ സഞ്ചാരികളില് ഒരാളെ രക്ഷപ്പെടുത്തി