News
ഫലസ്തീനികളെ ആട്ടിപ്പുറത്താക്കി ജൂത പാര്ക്ക് നിര്മിക്കാന് നീക്കം
സില്വാന്: അധിനിവേശ കിഴക്കന് ജറൂസലമില് ഫലസ്തീന് വീടുകള് ഇടിച്ചുനിരത്തി ജൂത തീം പാര്ക്ക് നിര്മിക്കാന് ഇസ്രാഈല് നീക്കം. സില്വാനിലെ അല് ബുസ്താനില് നൂറിലേറെ കെട്ടിടങ്ങളില് ജീവിക്കുന്ന 1500 ഫലസ്തീനികളെ കുടിയൊഴിപ്പിച്ച് പാര്ക്ക് നിര്മാണവുമായി മുന്നോട്ടുപോകാനാണ് ഇസ്രാഈല് പദ്ധതി. 21 ദിവസത്തിനകം ഒഴിഞ്ഞുപോകണമെന്ന് ആവശ്യപ്പെട്ട് ഇസ്രഈല് സേന 13 കുടുംബങ്ങള്ക്ക് നൊട്ടീസ് നല്കിയിട്ടുണ്ട്.
തിങ്കളാഴ്ച ജറൂസലം മുനിസിപ്പാലിറ്റി ഇന്സ്പെക്ടര്മാരോടൊപ്പം എത്തിയാണ് സൈനികര് നൊട്ടീസ് നല്കിയത്. പക്ഷെ, ഫലസ്തീനികള് ആരും നൊട്ടീസ് നേരിട്ട് കൈപ്പറ്റിയിട്ടില്ല. കെട്ടിട നിര്മാണ പെര്മിറ്റ് എടുത്തിട്ടില്ലെന്ന പേരിലാണ് ഫലസ്തീന് വീടുകള് ഇസ്രാഈല് ഭരണകൂടം തകര്ക്കുന്നത്. വീടുകള് ഇടിച്ചുനിരത്താനായി ഏത് നിമിഷവും ഇസ്രാഈല് സേന എത്തിയേക്കുമെന്നതുകൊണ്ട് ഭീതിയോടെയാണ് ഫലസ്തീന് കുടുംബങ്ങള് കഴിയുന്നതെന്ന് ജഹാലിന് സോളിഡാരി കോ ഓര്ഡിനേറ്ററും സാമൂഹ്യ പ്രവര്ത്തകയുമായ അംഗലെ ഗോഡ്ഫ്രേ ഗോള്ഡ്സ്റ്റെയിന് പറഞ്ഞു.
ഷെയ്ഖ് ജര്റയിലും അനേകം ഫലസ്തീന് കുടുംബങ്ങള് കുടിയൊഴിപ്പിക്കല് ഭീഷണി നേരിടുന്നുണ്ട്. തലമുറകളായി ജീവിച്ചുപോരുന്ന വീടുകള് ഉപേക്ഷിച്ചുപോകില്ലെന്ന നിലപാടിലാണ് ഫലസ്തീനികള്. ജൂത കുടിയേറ്റക്കാരെ പാര്പ്പിക്കാനായി ഫലസ്തീനികളെ ആട്ടിപ്പുറത്താക്കാനുള്ള നീക്കം മേഖലയെ പ്രക്ഷുബ്ധമാക്കിയിട്ടുണ്ട്. ഫലസ്തീനികളെ ഭവനരഹിതരാക്കരുതെന്ന് ഐക്യരാഷ്ട്രസഭയും നിരവധി വിദേശ രാജ്യങ്ങളും ആവശ്യപ്പെടുന്നുണ്ടെങ്കിലും ഇസ്രാഈല് ചെവികൊണ്ടിട്ടില്ല.
News
ദക്ഷിണാഫ്രിക്കക്കെതിരായ ആദ്യ ഏകദിനം അടിച്ചെടുത്ത് ഇന്ത്യ
17 റണ്സിനാണ് ഇന്ത്യ ദക്ഷിണാഫ്രിക്കയെ വീഴ്ത്തിയത്.
ദക്ഷിണാഫ്രിക്കക്കെതിരായ ആദ്യ ഏകദിനം അടിച്ചെടുത്ത് ഇന്ത്യ. 17 റണ്സിനാണ് ഇന്ത്യ ദക്ഷിണാഫ്രിക്കയെ വീഴ്ത്തിയത്. ഇന്ത്യ ഉയര്ത്തിയ 350 റണ്സ് എന്ന പടുകൂറ്റന് വിജയ ലക്ഷ്യം പിന്തുടര്ന്ന ദക്ഷിണാഫ്രിക്ക 332 റണ്സെടുത്ത് പുറത്താകുകയായിരുന്നു. 49.2 ഓവറില് 332 റണ്സിന് ദക്ഷിണാഫ്രിക്ക പുറത്തായത്.
ടോസ് നഷ്ടപ്പെട്ട് ആദ്യം ബാറ്റിങ്ങിനിറങ്ങിയ ഇന്ത്യ നിശ്ചിത 50ഓവറില് എട്ട് വിക്കറ്റ് നഷ്ടത്തില് 349 റണ്സെടുത്തു. വിരാട് കോഹ്ലിയുടെ സെഞ്ച്വറിയുടേയും രോഹിത് ശര്മയുടെയും, കെ.എല്.രാഹുലിന്റെയും അര്ധസെഞ്ച്വറിയുടെ കരുത്തിലാണ് ഇന്ത്യ കൂറ്റന് സ്കോറിലെത്തിയത്.
മറുപടി ബാറ്റിങ്ങിനിറങ്ങിയ ദക്ഷിണാഫ്രിക്ക തുടക്കമൊന്ന് പകച്ചെങ്കിലും ഗംഭീരമായി തിരിച്ചുവന്നു. മാത്യു ബ്രീറ്റ്സ്കെയുടെയും (72) മാര്ക്കോ ജാന്സന്റെയും (70) കോര്ബിന് ബോഷിന്റെയും (67) നേതൃത്വത്തിലുള്ള തിരിച്ചടിയില് ഇന്ത്യ ഒന്ന് തളര്ന്നെങ്കിലും അന്തിമ ജയം ഇന്ത്യക്കായിരുന്നു.
kerala
പുഴയില് ഒഴുക്കില്പെട്ട കുട്ടിയെ രക്ഷപ്പെടുത്തിയ യുവാവ് മുങ്ങിമരിച്ചു
ഉടന് പുഴയിലേക്ക് ചാടി കുട്ടിയെ രക്ഷിച്ച ശേഷം കൃഷ്ണന് പുഴയില് മുങ്ങിപ്പോവുകയായിരുന്നു.
പുഴയില് ഒഴുക്കില്പെട്ട കുട്ടിയെ രക്ഷപ്പെടുത്തിയ യുവാവ് മുങ്ങിമരിച്ചു. ചാലക്കുടിപ്പുഴയില് ആറങ്ങാലിക്കടവില് ഞായറാഴ്ച രാവിലെയാണ് അപകടം. പാറക്കടവ് എളവൂര് സ്വദേശി കൊടുമ്പിള്ളി വീട്ടില് ജോഷിയുടെ മകന് കൃഷ്ണനാണ് (30) മരിച്ചത്.
ചാലക്കുടിപുഴയിലെ ആറങ്ങാലിക്കടവില് കഴിഞ്ഞ ദിവസം കൃഷ്ണനടക്കം ആറുപേരടങ്ങുന്ന സംഘം എത്തിയിരുന്നു. ഒപ്പമുണ്ടായിരുന്ന കുട്ടികളെ നോക്കാന് കൃഷ്ണനെ ഏല്പിച്ച് പുഴയുടെ മറുകരയിലേക്ക് നീന്തിപ്പോയി.
ഇതിനിടെ ഒരു കുട്ടി പുഴയിലിറങ്ങി അപകടത്തില്പെടുകയായിരുന്നു. ഉടന് പുഴയിലേക്ക് ചാടി കുട്ടിയെ രക്ഷിച്ച ശേഷം കൃഷ്ണന് പുഴയില് മുങ്ങിപ്പോവുകയായിരുന്നു. അവിടെയുണ്ടായിരുന്ന യുവാക്കള് കൃഷ്ണനെ കരയിലേക്ക് എത്തിച്ചു. തുടര്ന്ന് ഗുരുതരാവസ്ഥയില് ആശുപത്രിയില് പ്രവേശിപ്പിച്ചെങ്കിലും രക്ഷിക്കാനായില്ല. എറണാകുളത്തെ സ്വകാര്യ സ്ഥാപനത്തിലെ ജീവനക്കാരനായിരുന്നു. മൃതദേഹം ചാലക്കുടി താലൂക്ക് ആശുപത്രി മോര്ച്ചറിയില്. മാതാവ്: മിനി. സഹോദരന്: അഖില്
india
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി
ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്.
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി. മൊറാദാബാദ് സ്വദേശി സര്വേഷ് സിംഗ് ആണ് ജോലിഭാരം താങ്ങാനാവാതെ ജീവനൊടുക്കിയത്. ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്. ബഹേറി ഗ്രാമത്തിലെ വീട്ടിലാണ് തൂങ്ങിമരിച്ചത്. ഉത്തര്പ്രദേശിലെ ബിഎല്ഒയുടെ മൂന്നാമത്തെ ആത്മഹത്യയാണ് റിപ്പോര്ട്ട് ചെയ്തിരിക്കുന്നത്. പ്രൈമറി സ്കൂള് അധ്യാപകനാണ് ആത്മഹത്യ ചെയ്ത സര്വ്വേഷ് സിംഗ്
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്