kerala
കോഴിക്കോട് വിമാനത്താവളത്തില് നിര്ത്തിവെച്ച സര്വീസുകള് പുനരാരംഭിക്കണം: സമദാനി
ന്യുഡല്ഹി : കോഴിക്കോട് വിമാനത്താവളത്തില് നിര്ത്തിവെച്ച വന്കിട വിമാനങ്ങള് ഇറങ്ങാന് അനുമതി നല്കിക്കൊണ്ട് വിമാന സര്വീസ് പൂര്വ്വസ്ഥിതിയിലേക്ക് തിരിച്ചുകൊണ്ടു വരണമെന്ന് എം. പി. അബ്ദുസ്സമദ് സമദാനി, എം. പി. വ്യോമയാന മന്ത്രി ജ്യോതിരാദിത്യ സിന്ധ്യക്ക് അയച്ച നിവേദനത്തില് ആവശ്യപ്പെട്ടു. വലിയ വിമാനങ്ങള് ഇറങ്ങുന്നതിനും വിമാനത്താവളത്തിന്റെ ക്ഷേമവും വികസനവും ഉറപ്പ് വരുത്തുന്നതിനായി ഒരു വര്ഷം മുന്പ് നടന്ന വിമാനാപകടത്തെ സംബന്ധിച്ച റിപ്പോര്ട്ട് ഉടനടി സമര്പ്പിക്കപ്പെടുന്നതിനും നടപടി സ്വീകരിക്കണമെന്ന് മന്ത്രിയോടാവശ്യപ്പെട്ടു.
ഇരുപതൊന്നു യാത്രക്കാരും രണ്ട് പൈലറ്റുമാരും മരണപ്പെടുകയും നൂറിലേറെ പേര്ക്ക് പരിക്കേല്ക്കുകയും ചെയ്ത ദാരുണമായ വിമാനാപകടം നടന്ന് ഒരു വര്ഷം കഴിഞ്ഞിട്ടും അത് സംബന്ധമായ റിപ്പോര്ട്ട് സമര്പ്പിക്കപ്പെടാത്തത് നിര്ഭാഗ്യകരമാണ്.
വിമാനാപകടത്തെ തുടര്ന്നാണ് വന്കിട വിമാനങ്ങളുടെ സര്വീസ് റദ്ധാക്കപ്പെടുന്ന സാഹചര്യം ഉണ്ടായത്. അപകടം നടന്ന് ഒരു വര്ഷം കഴിഞ്ഞിട്ടും റിപ്പോര്ട്ട് സമയത്തിനകം സമര്പ്പിക്കപ്പെടുകയുണ്ടായില്ല. കാലാവധി രണ്ട് മാസം നീട്ടിക്കൊടുത്തിട്ടും റിപ്പോര്ട്ട് സമര്പ്പണം നീണ്ടു പോകുന്നത് നിര്ഭാഗ്യകരമാണെന്ന് മന്ത്രിക്ക് നല്കിയ നിവേദനത്തില് സമദാനി പറഞ്ഞു. അപകടം സംബന്ധിച്ച ആശയക്കുഴപ്പങ്ങളും ഊഹാപോഹങ്ങളും നീക്കിക്കളയാനും വിമാനത്താവളത്തിന്റെ പ്രവര്ത്തനം പൂര്വ്വസ്ഥിതിയി ലേക്ക് തിരിച്ചു കൊണ്ടുവരാനും റിപ്പോര്ട്ട് ഉടന് സമര്പ്പിക്കക്കേണ്ടതുണ്ട്.
കേരളത്തിലും പുറത്തുമുള്ള വലിയൊരു ജനവിഭാഗം കോഴിക്കോട് വിമാനത്താവളത്തെയാണ് ആശ്രയിക്കുന്നത്. ഒട്ടേറെ സാധാരണക്കാരുടെ ഉപജീവന മാര്ക്ഷത്തിലേക്കുള്ള കവാടം കൂടെയാണ് സമദാനി പറഞ്ഞു. അത് പരിഗണിച്ച് വിമാനത്താവളത്തിന്റെ അടിയന്തിരാവശ്യങ്ങള് അനുവദിക്കുന്നതിന് നടപടി സ്വീകരിക്കണമെന്ന് അദ്ദേഹം അഭ്യര്ത്തിച്ചു. ഇക്കാര്യത്തില് മന്ത്രിയെ നേരില് കണ്ട് ചര്ച്ച നടത്തുമെന്നും സമദാനി പറഞ്ഞു
kerala
മുല്ലപ്പെരിയാറില് ജലനിരപ്പ് 140 അടിയിലേക്ക് ഉയരുന്നു; രണ്ടാംഘട്ട അപായ മുന്നറിയിപ്പ് നൽകി
തമിഴ്നാട്ടിലേക്ക് സെക്കന്റില് 400 ഘന അടി ജലം മാത്രമാണ് തുറന്നു വിട്ടിട്ടുള്ളത്. തമിഴ്നാട്ടിലും മഴ തുടരുന്നതിനാലാണ് ജലം എടുക്കുന്നത് കുറച്ചത്.
കനത്ത മഴയെ തുടര്ന്ന് മുല്ലപ്പെരിയാറില് ജലനിരപ്പ് 140 അടിയിലേക്ക് ഉയരുന്നു. അണക്കെട്ടിലേക്ക് സെക്കന്റില് 5135 ഘന അടി ജലമാണ് ഒഴുകി എത്തുന്നത്. തിങ്കളാഴ്ച വൈകിട്ട് നാലിന് ജലനിരപ്പ് 139.30 അടിയാണ്. തമിഴ്നാട്ടിലേക്ക് സെക്കന്റില് 400 ഘന അടി ജലം മാത്രമാണ് തുറന്നു വിട്ടിട്ടുള്ളത്. തമിഴ്നാട്ടിലും മഴ തുടരുന്നതിനാലാണ് ജലം എടുക്കുന്നത് കുറച്ചത്.
കുമളിയിലും പരിസരങ്ങളിലും ഞായറാഴ്ച വൈകിട്ട് അഞ്ച് മുതല് തിങ്കളാഴ്ച പുലരുംവരെ തോരാതെ പെയ്ത മഴയാണ് മുല്ലപ്പെരിയാറിലെ ജലനിരപ്പ് അതിവേഗം ഉയര്ത്തിയത്. വനമേഖലയില് നിന്നും വന്തോതില് വെള്ളം ഒഴുകിയെത്തിയതോടെ സംസ്ഥാന അതിര്ത്തിയിലെ ചുരുളി വെള്ളച്ചാട്ടത്തിലേക്കുള്ള വിനോദ സഞ്ചാരികളുടെ പ്രവേശനം തമിഴ്നാട് വനം വകുപ്പ് വിലക്കി. പെരിയാര് വന്യജീവി സങ്കേതത്തോട് ചേര്ന്നുള്ള മേഘമല കടുവ സങ്കേതത്തില് നിന്നാണ് ചുരുളിയിലേക്ക് വെള്ളം എത്തുന്നത്.
kerala
മോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ചു; രണ്ട് പേര് പിടിയില്
സ്റ്റേഷനറി കടയില് മോഷണത്തിന് ശ്രമിച്ച കുട്ടികളെ മണിക്കൂറുകളോളം തടഞ്ഞുവെച്ച് കടയുടമകളായ ഇവര് ക്രൂരമായി തല്ലിച്ചതക്കുകയായിരുന്നു.
മോഷണത്തിന് ശ്രമിച്ച പ്രായപൂര്ത്തിയാകാത്ത കുട്ടികളെ ക്രൂരമായി മര്ദിച്ച കേസില് മലപ്പുറത്ത് രണ്ട് പേര് പിടിയില്. കിഴിശ്ശേരി സ്വദേശികളായ മുഹമ്മദ് ആഷിക്, ആദില് അഹമ്മദ് എന്നിവരെയാണ് പൊലീസ് അറസ്റ്റ് ചെയ്തത്. സ്റ്റേഷനറി കടയില് മോഷണത്തിന് ശ്രമിച്ച കുട്ടികളെ മണിക്കൂറുകളോളം തടഞ്ഞുവെച്ച് കടയുടമകളായ ഇവര് ക്രൂരമായി തല്ലിച്ചതക്കുകയായിരുന്നു. പ്രതികളെ മലപ്പുറം കോടതിയില് ഹാജരാക്കി 14ദിവസത്തേക്ക് റിമാന്ഡ് ചെയ്തു.
ഇരുമ്പ് വടിയും മരത്തിന്റെ തടികളും ഉപയോഗിച്ചായിരുന്നു മര്ദനം. മര്ദനമേറ്റ് അവശരായ കുട്ടികളെ പിന്നീട് മോഷണക്കുറ്റം ആരോപിച്ച് പൊലീസിനെ ഏല്പിക്കുകയായിരുന്നു. കുട്ടികള്ക്ക് ക്രൂരമായ മര്ദനമേല്ക്കേണ്ടിവന്നെന്ന് മനസ്സിലാക്കിയ കൊണ്ടോട്ടി പൊലീസ് പ്രതികള്ക്കെതിരെ കൊലപാതക ശ്രമത്തിന് കേസെടുത്തു. മര്ദനത്തില് ഗുരുതരമായ പരിക്കേറ്റ കുട്ടികള് മഞ്ചേരി മെഡിക്കല് കോളജില് ചികിത്സയിലാണ്.
പ്രതികളെ മലപ്പുറം കോടതിയില് ഹാജരാക്കി 14 ദിവസത്തേക്ക് റിമാന്ഡ് ചെയ്തു. കുട്ടികള്ക്കെതിരെ മോഷണത്തിന് ജുവനൈല് ബോര്ഡ് മുമ്പാകെ റിപ്പോര്ട്ട് കൊടുത്തതായി പൊലീസ് അറിയിച്ചു.
kerala
അമിതമായ ജോലി സമ്മര്ദം; കൊല്ക്കത്തയില് മാര്ച്ച് നടത്തി ബി.എല്.ഒമാര്
സര്ക്കാര് ജീവനക്കാര്, അധ്യാപകര്, അസിസ്റ്റന്റ് അധ്യാപകര്, സര്ക്കാര് ധനസഹായമുള്ള ഏജന്സികള് എന്നിവരടങ്ങുന്ന ബി.എല്.ഒമാര് സെന്ട്രല് കൊല്ക്കത്തയിലെ കോളജ് സ്ട്രീറ്റില് നിന്ന് തെരഞ്ഞെടുപ്പ് കമീഷന്റെ ഓഫിസിലേക്ക് മാര്ച്ച് നടത്തി.
രാജ്യത്തുടനീളം നടക്കുന്ന വോട്ടര് പട്ടികയുടെ പ്രത്യേക തീവ്ര പരിഷ്കരണത്തിലെ (എസ്.ഐ.ആര്) അമിതമായ ജോലി സമ്മര്ദവും വീഴ്ചകളും ആരോപിച്ച് നൂറുകണക്കിന് ബൂത്ത് ലെവല് ഓഫിസര്മാര് (ബി.എല്.ഒമാര്) കൊല്ക്കത്തയില് മാര്ച്ച് നടത്തി.
ബി.എല്.ഒ അധികാര് രക്ഷാ കമ്മിറ്റിയുടെ ബാനറില് ആയിരുന്നു മാര്ച്ച്. സര്ക്കാര് ജീവനക്കാര്, അധ്യാപകര്, അസിസ്റ്റന്റ് അധ്യാപകര്, സര്ക്കാര് ധനസഹായമുള്ള ഏജന്സികള് എന്നിവരടങ്ങുന്ന ബി.എല്.ഒമാര് സെന്ട്രല് കൊല്ക്കത്തയിലെ കോളജ് സ്ട്രീറ്റില് നിന്ന് തെരഞ്ഞെടുപ്പ് കമീഷന്റെ ഓഫിസിലേക്ക് മാര്ച്ച് നടത്തി.
ഈ മാസം ആദ്യം എസ്.ഐ.ആര് ആരംഭിച്ചതിനുശേഷം ബംഗാളില് മൂന്ന് വനിതാ ബി.എല്.ഒമാര് മരിച്ചു. അതില് രണ്ടു പേരുടേത് ആത്മഹത്യയായിരുന്നു. ബി.എല്.ഒമാരുടെ മരണങ്ങള് ബംഗാളില് മാത്രം ഒതുങ്ങുന്നില്ല. കേരളത്തില് നിന്നും ബി.ജെ.പി ഭരിക്കുന്ന രാജസ്ഥാന്, ഗുജറാത്ത് എന്നിവിടങ്ങളില് നിന്നും അവ റിപ്പോര്ട്ട് ചെയ്യപ്പെട്ടിട്ടുണ്ട്.
-
world1 day agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
kerala1 day ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
world2 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
Health1 day agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
News4 hours agoഇത്യോപ്യയില് അഗ്നിപര്വ്വത സ്ഫോടനം; കണ്ണൂർ-അബൂദബി വിമാനം വഴിതിരിച്ചുവിട്ടു, കൊച്ചിയിൽ നിന്നുള്ള രണ്ടുവിമാനങ്ങൾ റദ്ദാക്കി
-
Cricket1 day agoരാഹുൽ റിട്ടേൺസ്; ദക്ഷിണാഫ്രിക്കക്കെതിരായ ഏകദിന സ്ക്വാഡ് പ്രഖ്യാപിച്ചു; കെഎൽ രാഹുൽ ഇന്ത്യയെ നയിക്കും
-
india2 days agoനൈജീരിയയിലെ സ്കൂളില് അതിക്രമം: 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയി
-
kerala7 hours agoവന്നത് ആളൂരിനെ കാണാന്, മരിച്ചത് അറിയില്ലായിരുന്നു; കുപ്രസിദ്ധ മോഷ്ടാവ് ബണ്ടി ചോറിനെ വിട്ടയച്ചു