kerala
വീട് വാടകയ്ക്ക് കൊടുക്കുന്നുണ്ടോ,ജവാന് എന്ന വ്യാജേന ഓണ്ലൈന് തട്ടിപ്പ് സംഘം മുന്നറിയിപ്പുമായി കേരളപോലീസ്
സൈനികരുടെ യൂണിഫോം അണിഞ്ഞ id കാര്ഡുകള് ഉപയോഗിച്ചാണ് ഇക്കൂട്ടര് തട്ടിപ്പ് നടത്തുന്നത് പോലീസ് പറയുന്നു.
വീട് വാടകയ്ക്ക് കൊടുക്കുന്നുണ്ടോ അല്ലെങ്കില് വസ്തുവകകള് വില്ക്കാനുണ്ടോ എന്ന അന്വേഷണവുമായി തട്ടിപ്പ് നടത്തുന്ന വ്യാജ സംഘങ്ങള് സജീവമായി കൊണ്ടിരിക്കുകയാണെന്ന് കേരളപോലീസ്. ഇത്തരം തട്ടിപ്പുകള്ക്കെതിരെ ജാഗ്രത പുലര്ത്തണമെന്ന്
കേരളപോലീസ് ഫെയ്സ്ബുക്കില് കുറിച്ചു. സൈനികരുടെ യൂണിഫോം അണിഞ്ഞ id കാര്ഡുകള് ഉപയോഗിച്ചാണ് ഇക്കൂട്ടര് തട്ടിപ്പ് നടത്തുന്നത് പോലീസ് പറയുന്നു.
കേരളപോലീസ് ഫെയ്സ്ബുക്കില് പങ്കുവെച്ച കുറിപ്പ്
വീട് വാടകയ്ക്ക് കൊടുക്കുന്നുണ്ടോ അല്ലെങ്കില് വസ്തുവകകള് വില്ക്കാനുണ്ടോ എന്ന അന്വേഷണവുമായി തട്ടിപ്പ് നടത്തുന്ന വ്യാജ സംഘങ്ങള് സജീവമായി കൊണ്ടിരിക്കുകയാണ്. തട്ടിപ്പുകാരുടെ പുതിയ രീതി ഇങ്ങനെയാണ് . ഒരു ഫോണ് കോളിലൂടെ തുടങ്ങുന്ന സംഭാഷണം അവസാനിക്കുന്നത് വലിയ ചതിയിലേക്ക് ആയിരിക്കാം. സൈനികരുടെ യൂണിഫോം അണിഞ്ഞ ID കാര്ഡുകള് ഉപയോഗിച്ചാണ് ഇക്കൂട്ടര് തട്ടിപ്പ് നടത്തുന്നത്. olx tem ബന്ധപ്പെട്ട മറ്റു ഓണ്ലൈന് സൈറ്റ്കളിലോ കൊടുത്തിരിക്കുന്ന പരസ്യം കണ്ടാണ് ഫോണ് മുഖേന ഇടപെടല് നടത്തുന്നത.് ആളുകളോട് വീട് വാടകയ്ക്കോ വസ്തു വകകള് വില്ക്കാനുണ്ടോ എന്ന് അന്വേഷിക്കുകയും , അതിനുള്ള അഡ്വാന്സ് തുകയായി പണം നല്കുവാന് ഒരു രൂപ അവരുടെ അക്കൗണ്ടിലേക്ക് ഓണ്ലൈനായി അയക്കാനും ആവശ്യപെടുന്നു . ഇതിനായി ഒരു അക്കൗണ്ട് നമ്പര് ഫോണിലേക്ക് അയച്ചു തരും.. തുടര്ന്ന് അക്കൗണ്ടിലേക്ക് ഒരു രൂപ പെയ്മെന്റ് നടത്തുവാന് ആവശ്യപ്പെടുന്നു. ഒരു രൂപ പെയ്മെന്റ് നടത്തുമ്പോള് അത് അത് അവര്ക്ക് ലഭിച്ചിട്ടില്ല എന്നും അത് ലഭിക്കാന് വേണ്ടി പതിനായിരം രൂപ അടയ്ക്കണമെന്നും, നിങ്ങള് പതിനായിരം രൂപ അടച്ചാല് ഉടന് തന്നെ തിരിച്ചു റീഫണ്ട് ആവുന്നതാണ് എന്നു പറഞ്ഞ് വിളിക്കുന്ന ആളിനെ വിശ്വസിപ്പിക്കുന്നു. പണം അയച്ചുകൊടുത്തു ഇത്തരം ചതികളില് വീഴുന്ന ആളുകള് സമയം കഴിഞ്ഞിട്ടും തിരിച്ച് പണം ലഭിക്കാത്തതുകൊണ്ട് അവര് വീണ്ടും ആവശ്യപ്പെടുമ്പോള് 10000 രൂപ ഒന്നുകൂടി അയച്ചു തരാന് തട്ടിപ്പുകാര് പറയുന്നു. ഇങ്ങനെ നിരവധി തവണ തങ്ങളുടെ അക്കൗണ്ടില് നിന്നും പണം തട്ടിപ്പുകാര് നേടിയെടുക്കുന്നു. ആയതിനാല് ഇത്തരം തട്ടിപ്പുകാര്ക്കെതിരെ ജാഗ്രത പുലര്ത്തേണ്ടതാണ്. യാതൊരു കാരണവശാലും പരിചയമില്ലാത്ത ഇത്തരം വ്യക്തികളുമായി ഓണ്ലൈന് പണമിടപാടുകള് നടത്താതിരിക്കാനും ബാങ്കിങ് വിവരങ്ങള് പങ്കുവയ്ക്കാതിരിക്കാനും ശ്രദ്ധിക്കേണ്ടതാണ്.
ടെലിവിഷന് റേറ്റിങില് ജീവനക്കാരന് കൃത്രിമം കാണിച്ചെന്ന വാര്ത്തയില് ഇടപെട്ട് ബാര്ക് ഇന്ത്യ. ബാര്ക്ക് ഇന്ത്യ ഫോറന്സിക് ഓഡിറ്റിന് ഉത്തരവിട്ടു. ഫോറന്സിക് ഓഡിറ്റിനായി ഒരു സ്വതന്ത്ര ഏജന്സിയെ നിയമിച്ചതായി ബാര്ക് അറിയിച്ചു. അടിയന്തരമായും സുതാര്യതയോടെയും കൃത്യമായ ജാഗ്രതയോടെയും റേറ്റിങ് തിരിമറി ആരോപണം കൈകാര്യം ചെയ്യുമെന്നും ബാര്ക്ക് ഇന്ത്യ അറിയിച്ചു.
ബാര്ക് ഡാറ്റ അട്ടിമറിക്കാന് കേരളത്തിലെ ഒരു ചാനല് ഉടമയുടെ അക്കൗണ്ടില് നിന്നും ബാര്ക് ജീവനക്കാര് പ്രേംനാഥിന്റെ വാലറ്റിലേക്ക് കോടികള് എത്തിയെന്ന മാധ്യമ വാര്ത്തയിലാണ് ബാര്ക് ഇന്ത്യയുടെ നടപടി. വാര്ത്ത ശ്രദ്ധയില്പെട്ടതായും, വിഷയം അടിയന്തിരമായും സുതാര്യതയോടെയും കൃത്യമായ ജാഗ്രതയോടെയും കൈകാര്യം ചെയ്യുമെന്നും ബാര്ക്ക് ഇന്ത്യ അറിയിച്ചു. വിഷയത്തില് സമഗ്രമായ ഫോറന്സിക് ഓഡിറ്റിന് ബാര്ക്ക് ഉത്തരവിട്ടു.
ഫോറന്സിക് ഓഡിറ്റ് നടത്തുന്നതിന് ഒരു പ്രശസ്ത സ്വതന്ത്ര ഏജന്സിയെ നിയോഗിച്ചതായും ബാര്ക്ക് ഇന്ത്യ വാര്ത്ത കുറിപ്പില് അറിയിച്ചു. ഓഡിറ്റ് പൂര്ത്തിയാക്കുന്നതുവരെ ഊഹാപോഹങ്ങള് ഒഴിവാക്കണമെന്ന് ബാര്ക്ക് ഇന്ത്യ അഭ്യര്ത്ഥിച്ചു. തത്പരകക്ഷികളോട് സത്യസന്ധതയുടെയും ഉത്തരവാദിത്തത്തിന്റെയും മാനദണ്ഡങ്ങള് പാലിക്കുന്നതില് പ്രതിജ്ഞാബദ്ധമാണെന്നും ബാര്ക്ക് ഇന്ത്യ കൂട്ടിച്ചേര്ത്തു.
kerala
വോട്ടര്ക്ക് നേരിട്ട് എസ്ഐആർ ഫോം നല്കിയില്ല; ബിഎല്ഒയെ മര്ദിച്ച സിപിഎം ലോക്കൽ സെക്രട്ടറി റിമാൻഡിൽ
കാസര്കോട്: ദേലമ്പാടി പഞ്ചായത്ത് എട്ടാം വാര്ഡിലെ ബൂത്ത് ലെവല് ഓഫിസറെ (ബിഎല്ഒ) മര്ദിച്ച സിപിഎം ലോക്കൽ സെക്രട്ടറിയും പഞ്ചായത്തംഗവുമായ എ. സുരേന്ദ്രനെ റിമാൻഡ് ചെയ്തു. ബവ്റിജസ് കോർപറേഷൻ ബന്തടുക്ക ഔട്ട്ലെറ്റിലെ എല്ഡി ക്ലര്ക്ക് പി. അജിത്തിന്റെ പരാതിയിലാണ് സിപിഎം പാണ്ടി ലോക്കല് സെക്രട്ടറിയായ സുരേന്ദ്രനെ ആഡൂർ പൊലീസ് അറസ്റ്റ് ചെയ്തത്.
പയറഡുക്കയില് നടന്ന തീവ്ര വോട്ടര്പട്ടിക പുനഃപരിശോധനാ ക്യാംപിനിടെയാണ് സംഭവം. വാര്ഡിലെ ഒരു വീട്ടിലെത്തിയപ്പോള് വോട്ടറെ നേരിട്ട് കാണാനാകാത്തതിനാല് അയല്വീട്ടിലാണ് ബിഎല്ഒ ഫോം നല്കിയത്. വോട്ടര് വീട്ടില് തിരിച്ചെത്തിയാല് ഏല്പ്പിക്കണമെന്ന് അയല്ക്കാരനെ ചുമതലപ്പെടുത്തിയതാണെന്ന് ബിഎല്ഒ പറഞ്ഞു. എന്നാല്, വോട്ടര്ക്ക് നേരിട്ട് അപേക്ഷ നല്കിയില്ലെന്ന് പറഞ്ഞ് ക്യാംപിനിടെ പഞ്ചായത്തംഗം കയര്ത്ത് സംസാരിക്കുകയും മർദിക്കുകയുമായിരുന്നുവെന്നുമാണ് പരാതി.
ബിഎൽഒയുടെ ജോലി തടസ്സപ്പെടുത്തുകയും കോളറിൽ പിടിച്ച് ചുമരിനോട് ചേർത്തു നിർത്തി മർദിക്കുകയും ചെയ്തുവെന്ന് എഫ്ഐആറിൽ പറയുന്നു. മർദനം സംബന്ധിച്ച് അജിത്ത് ജില്ലാ കലക്ടർക്കും പരാതി നൽകി.
-
News2 days agoമുന് പാക് പ്രധാനമന്ത്രി ഇമ്രാന് ഖാന് കൊല്ലപ്പെട്ടെന്ന് അഭ്യൂഹം; പ്രതികരിക്കാതെ ജയില് അധികൃതര്
-
kerala2 days agoആരോഗ്യ പ്രശ്നം; വേടനെ തീവ്രപരിചരണ വിഭാഗത്തില് പ്രവേശിപ്പിച്ചു
-
kerala1 day agoലേബര് കോഡും പിഎം ശ്രീ പോലെ എല്ഡിഎഫിലറിയിക്കാതെ ഒളിച്ചുകടത്തി; വി.ഡി സതീശന്
-
kerala1 day agoപാലക്കാട് തെരുവുനായ ആക്രമണത്തില് നാലുവയസ്സുകാരന് ഗുരുതര പരിക്ക്
-
Environment9 hours agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
kerala2 days ago‘തെരഞ്ഞെടുപ്പ് പ്രചാരണത്തിൽ ഐപിഎസ് വേണ്ട’; ബിജെപി സ്ഥാനാർഥി ആർ ശ്രീലേഖക്കെതിരെ തെരഞ്ഞെടുപ്പ് കമ്മീഷൻ
-
kerala1 day agoഅറസ്റ്റിലായ യുവതിയെ പീഡിപ്പിച്ചു; ഡിവൈഎസ്പിക്കെതിരെ ഗുരുതര ആരോപണം ഉന്നയിച്ച് സിഐയുടെ ആത്മഹത്യാക്കുറിപ്പ്
-
india5 hours ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി