india
വധശിക്ഷ കാത്ത് 488 പേര്;17 വര്ഷത്തിനിടെ ഏറ്റവും ഉയര്ന്ന സംഖ്യ
ഡല്ഹിയിലെ നാഷണല് ലോ യൂണിവേഴ്സിറ്റിയിലെ ക്രിമിനല് നിയമ പരിഷ്കരണ അഡ്വക്കസി ഗ്രൂപ്പായ പ്രോജക്റ്റ് 39 എയാണ് വധശിക്ഷയെക്കുറിച്ചുള്ള വാര്ഷിക സ്ഥിതിവിവരക്കണക്കുകളുടെ റിപ്പോര്ട്ട് പുറത്ത് വിട്ടത്.
ന്യൂഡല്ഹി: ഇന്ത്യയില് വധശിക്ഷക്ക് വിധിക്കപ്പെട്ടവരുടെ എണ്ണം 488 ആയി വര്ധിച്ചു. 17 വര്ഷത്തിനിടെ ഏറ്റവും ഉയര്ന്ന സംഖ്യയാണ് ഇത്. ഡല്ഹിയിലെ നാഷണല് ലോ യൂണിവേഴ്സിറ്റിയിലെ ക്രിമിനല് നിയമ പരിഷ്കരണ അഡ്വക്കസി ഗ്രൂപ്പായ പ്രോജക്റ്റ് 39 എയാണ് വധശിക്ഷയെക്കുറിച്ചുള്ള വാര്ഷിക സ്ഥിതിവിവരക്കണക്കുകളുടെ റിപ്പോര്ട്ട് പുറത്ത് വിട്ടത്. 2016 മുതലുള്ള കണക്കുകള് പരിശോധിച്ചാല് 2021 അവസാനം വധശിക്ഷയ്ക്ക് വിധിക്കപ്പെട്ടവരുടെ എണ്ണം വളരെ കൂടുതലാണ്.
2021 ലെ കണക്കുകള് പ്രകാരം 21ശതമാനം വര്ധനവാണുണ്ടായത്. നാഷണല് ക്രൈം റെക്കോര്ഡ്സ് ബ്യൂറോ പുറത്തുവിട്ട പ്രിസണ് സ്റ്റാറ്റിസ്റ്റിക്സ് ഓഫ് ഇന്ത്യ റിപ്പോര്ട്ടുമായി താരതമ്യം ചെയ്യുമ്പോള് 2004 ലാണ് ഏറ്റവും കൂടുതല് പേരെ വധശിക്ഷക്ക് വിധിച്ചിരുന്നത്. അന്ന് 563 പേര്ക്കായിരുന്നു തൂക്കുകയര് വിധിച്ചിരുന്നത്. അതിന് ശേഷം ഇത്രയും പേരെ ശിക്ഷിക്കുന്നത് കഴിഞ്ഞ വര്ഷമാണ്. നാഷണല് ലോ യൂണിവേഴ്സിറ്റിയുടെ കണക്ക് പ്രകാരം 2004 മുതല് ഇന്ത്യയില് വധശിക്ഷക്ക് വിധിക്കപ്പെട്ടവരുടെ കോവിഡ് മഹാമാരി കാരണം അപ്പീല് കോടതികള് പരിമിതമായി മാത്രമാണ് പ്രവര്ത്തിച്ചിരുന്നത്. ഇത് വധശിക്ഷയുമായി ബന്ധപ്പെട്ട കേസുകള്ക്ക് നല്കുന്ന മുന്ഗണനയെ ബാധിച്ചതെന്നാണ് റിപ്പോര്ട്ടുകള് സൂചിപ്പിക്കുന്നത്. 2020 ലും 2021ലും അപ്പീല് കോടതികളുടെ പ്രവര്ത്തനം വളരെ പരിമിതമായി മാത്രമാണ് നടന്നത്. അതുകൊണ്ട് തന്നെ വധശിക്ഷ വിധിക്കപ്പെട്ട മിക്ക തടവുകാര്ക്കും അപ്പീലുകള് നല്കാന് സാധിച്ചില്ല. അതുകൊണ്ട് വര്ഷാവസാനം വരെ ശിക്ഷയില് മാറ്റമില്ലാതെ ഇവര് ജയിലില് കഴിയുകയാണ്.
india
ഗുജറാത്തില് 26കാരിയായ ബിഎല്ഒയെ കുളിമുറിയില് മരിച്ച നിലയില് കണ്ടെത്തി
കുളിമുറിയില് അബോധാവസ്ഥയില് കിടന്നിരുന്ന ഡിങ്കലിനെ കുടുംബാംഗങ്ങള് സൂറത്തിലെ സ്വകാര്യ ആശുപത്രിയില് എത്തിച്ചെങ്കിലും മരിച്ചിരുന്നു.
ഗുജറാത്തില് 26കാരിയായ ബിഎല്ഒ മരിച്ച നിലയില്. സൂറത്ത് മുനിസിപ്പല് കോര്പറേഷന് ടെക്നിക്കല് അസിസ്റ്റന്റായ ഡിങ്കല് ഷിംഗോടാവാലയെയാണ് കുളിമുറിയില് മരിച്ച നിലയില് കണ്ടെത്തിയത്. കുളിമുറിയില് അബോധാവസ്ഥയില് കിടന്നിരുന്ന ഡിങ്കലിനെ കുടുംബാംഗങ്ങള് സൂറത്തിലെ സ്വകാര്യ ആശുപത്രിയില് എത്തിച്ചെങ്കിലും മരിച്ചിരുന്നു.
ഓള്പാഡ് താലൂക്കില് കുടുംബത്തോടൊപ്പം താമസിച്ചിരുന്ന ഡിങ്കല്, സൂറത്ത് മുനിസിപ്പല് കോര്പ്പറേഷന്റെ വരാച്ച സോണില് ടെക്നിക്കല് അസിസ്റ്റന്റായി സേവനമനുഷ്ഠിച്ച് വരികയായിരുന്നു. എസ്ഐആര് പ്രവര്ത്തനത്തിനായി ബൂത്ത് ലെവല് ഓഫീസറുടെ അധിക ചുമതലയും കൈകാര്യം ചെയ്തിരുന്നത്. കുളിമുറിക്കുള്ളില് ഗ്യാസ് ഗീസര് ഉണ്ടായിരുന്നെന്നും ഇതില്നിന്നുള്ള വാതകം ശ്വസിച്ച് ശ്വാസംമുട്ടിയാകാം യുവ ഉദ്യോഗസ്ഥ മരിച്ചതെന്നുമാണ് പൊലീസ് നിഗമനം.
ഡിങ്കലിന്റെ മൃതദേഹം പോസ്റ്റ്മോര്ട്ടത്തിന് അയച്ചിട്ടുണ്ട്. റിപ്പോര്ട്ട് പുറത്തുവന്നാല് യഥാര്ഥ മരണകാരണം വ്യക്തമാകുമെന്ന് ഉദ്യോഗസ്ഥര് പറയുന്നു. ഇതുവരെ 14 പേരാണ് വിവിധ സംസ്ഥാനങ്ങളില് എസ്ഐആര് പ്രക്രിയയുടെ ജോലിഭാരം താങ്ങാനാവാതെ ജീവനൊടുക്കുകയും ഹൃദയാഘാതമുള്പ്പെടെ മൂലം മരിക്കുകയും ചെയ്തത്.
india
നീലഗിരിയില് കടുവ ആക്രമണം; വയോധികയെ കൊലപ്പെടുത്തി ശരീരഭാഗങ്ങള് ഭക്ഷിച്ചതായി റിപ്പോര്ട്ട്
വയോധികയെ ആക്രമിച്ച് കൊലപ്പെടുത്തിയ കടുവ, ശരീരഭാഗങ്ങള് ഭക്ഷിച്ചതായാണ് റിപ്പോര്ട്ട്.
നീലഗിരിയില് കടുവയുടെ ആക്രമണത്തില് ആദിവാസി സ്ത്രീ കൊല്ലപ്പെട്ടു. വയോധികയെ ആക്രമിച്ച് കൊലപ്പെടുത്തിയ കടുവ, ശരീരഭാഗങ്ങള് ഭക്ഷിച്ചതായാണ് റിപ്പോര്ട്ട്.
മാവനല്ലാ സ്വദേശിനിയായ 65കാരി ബി. നാഗിയമ്മാള് ആണ് കൊല്ലപ്പെട്ടത്. തിങ്കളാഴ്ച മസിനഗുഡിയിലെ മാവനല്ലായിലാണ് സംഭവം. ആടുകളെ മേയ്ക്കുന്നതിനിടെയായിരുന്നു സമീപത്തെ കുറ്റിക്കാട്ടില്നിന്ന് കടുവ ചാടിവീണ് ആക്രമിക്കുകയായിരുന്നു.
നാഗിയമ്മാളിനെ കടിച്ചുകീറിയ കടുവ ശരീരഭാഗങ്ങള് ഭക്ഷിച്ചിരുന്നു. വിവരമറിഞ്ഞ് വനംവകുപ്പ് അധികൃതര് സ്ഥലത്തെത്തിയപ്പോഴും പ്രദേശത്ത് കടുവയുടെ സാന്നിധ്യമുണ്ടായിരുന്നു. ഇതോടെ വനംവകുപ്പ് ഉദ്യോഗസ്ഥര്ക്ക് മൃതദേഹത്തിനടുത്തേക്ക് പോകാനായില്ല. അരമണിക്കൂറിന് ശേഷം കടുവ കാട്ടിലേക്ക് പോയതോടെയാണ് അധികൃതര്ക്ക് മൃതദേഹത്തിനടുത്ത് എത്താനായത്. തുടര്ന്ന് മൃതദേഹം ആശുപത്രിയിലേക്ക് മാറ്റി. ചൊവ്വാഴ്ച പോസ്റ്റ്മോര്ട്ടം നടത്തുമെന്ന് അധികൃതര് അറിയിച്ചു.
പ്രദേശത്ത് നിരീക്ഷണം നടത്താനായി നാലുസംഘങ്ങളെ നിയോഗിച്ചതായി മുതുമല ടൈഗര് റിസര്വ് ഡെപ്യൂട്ടി ഡയറക്ടര് എം.ജി. ഗണേശന് പറഞ്ഞു. പുലര്ച്ചെയും വൈകിട്ടും പ്രാഥമികകൃത്യങ്ങള് നിര്വഹിക്കാനടക്കം ജനങ്ങള് പുറത്തിറങ്ങരുതെന്നും ഇതിനായി ഉച്ചഭാഷിണി ഉപയോഗിച്ച് അറിയിപ്പ് നല്കുന്നുണ്ടെന്നും അദ്ദേഹം കൂട്ടിച്ചേര്ത്തു. കടുവയുടെ നീക്കങ്ങള് നിരീക്ഷിക്കാനായി മേഖലയില് 20 ക്യാമറകള് സ്ഥാപിച്ചതായും അദ്ദേഹം അറിയിച്ചു. കടുവയെ തിരിച്ചറിയാനുള്ള ശ്രമങ്ങളും ആരംഭിച്ചിട്ടുണ്ട്.
india
യുഎസ് വിസ നിരസിച്ചു; ഹൈദരാബാദില് യുവ വനിതാ ഡോക്ടര് ആത്മഹത്യ ചെയ്തു
ശനിയാഴ്ചയാണ് യുവതി ആത്മഹത്യ ചെയ്തതായി വീട്ടുജോലിക്കാരി വീട്ടുകാരെ വിവരമറിയിച്ചത്.
ഹൈദരാബാദില് യുഎസ് വിസ നിരസിച്ചതിനെ തുടര്ന്ന് ഫ്ലാറ്റില് യുവ വനിതാ ഡോക്ടര് ആത്മഹത്യ ചെയ്തു. രോഹിണി (38) എന്ന യുവതിയെയാണ് ജീവനൊടുക്കിയ നിലയില് കണ്ടെത്തിയത്. ശനിയാഴ്ചയാണ് യുവതി ആത്മഹത്യ ചെയ്തതായി വീട്ടുജോലിക്കാരി വീട്ടുകാരെ വിവരമറിയിച്ചത്. യുഎസ് വിസ അപേക്ഷ നിരസിച്ചതിനെ തുടര്ന്ന് യുവതി മനഃപ്രയാസത്തിലായിരുന്നെന്ന് ആത്മഹത്യാക്കുറിപ്പില് കണ്ടെത്തി. സംഭവത്തില് പോലീസ് കേസെടുത്തു.
പോസ്റ്റ്മോര്ട്ടത്തിന് ശേഷം പൊലീസ് മൃതദേഹം കുടുംബത്തിന് കൈമാറി. മരണകാരണം ഇതുവരെ വ്യക്തമായിട്ടില്ലെങ്കിലും അമിതമായി ഉറക്കഗുളിക കഴിച്ചതായാണ് പ്രാഥമിക റിപ്പോര്ട്ട്. 2005നും 2010നും ഇടയില് കിര്ഗിസ്ഥാനില് എംബിബിഎസ് പൂര്ത്തിയാക്കിയ രോഹിണിക്ക് മികച്ച അക്കാദമിക് ട്രാക്ക് റെക്കോര്ഡ് ഉണ്ടെന്നും അമ്മ ലക്ഷ്മി പറഞ്ഞു. ഭാവിയില് യുഎസില് ഇന്റേണല് മെഡിസിനില് സ്പെഷ്യലൈസേഷന് നേടാനാണ് അവര് ആഗ്രഹിച്ചത്.
-
world1 day agoയു കെ പ്രവിസികളുടെ കരുത്തും കരുതലും -ബ്രിട്ടൻ കെഎംസിസി
-
world2 days agoക്യൂബയ്ക്കെതിരായ സാമ്പത്തിക ഉപരോധം പിന്വലിക്കണം: യു.എന്
-
kerala1 day ago‘ഓരോ ഹിന്ദു സഖാവും ഇത് ഉറക്കെ ചോദിക്കണം’; പാലത്തായി കേസിൽ വർഗീയ പരാമർശം നടത്തിയ സിപിഎം നേതാവിനെ പിന്തുണച്ച് കെ.പി ശശികല
-
Health1 day agoബിഹാറിലെ അമ്മമാരുടെ മുലപ്പാലിൽ യുറേനിയം; ശിശുക്കൾക്ക് ഗുരുതര ആരോഗ്യപ്രശ്നങ്ങൾ ഉണ്ടാക്കുമെന്ന് പഠനം
-
kerala3 days agoതൃശൂര് ബി.ജെ.പിയില് തമ്മില്ത്തല്ല്; കൗണ്സിലര്ക്ക് അവസാന നിമിഷം സീറ്റ് നഷ്ടം, പകരം ആര്.എസ്.എസ് നേതാവിന്റെ മകള് സ്ഥാനാര്ത്ഥി
-
Cricket1 day agoരാഹുൽ റിട്ടേൺസ്; ദക്ഷിണാഫ്രിക്കക്കെതിരായ ഏകദിന സ്ക്വാഡ് പ്രഖ്യാപിച്ചു; കെഎൽ രാഹുൽ ഇന്ത്യയെ നയിക്കും
-
india2 days agoനൈജീരിയയിലെ സ്കൂളില് അതിക്രമം: 303 വിദ്യാര്ത്ഥികളെയും 12 അധ്യാപകരെയും തട്ടിക്കൊണ്ടുപോയി
-
india2 days agoജമ്മുകശ്മീരില് മലയാളി സൈനികന് വീരമൃത്യു