kerala
വന്യജീവി വാരാഘോഷം ; പൊതുജനങ്ങള്ക്കും വിദ്യാര്ത്ഥികള്ക്കുമായി വിപുലമായ മത്സരങ്ങള്
ജില്ലാ-സംസ്ഥാന തലങ്ങളില് ഓരോ മത്സരയിനത്തിലേയും ആദ്യ മൂന്നു സ്ഥാനം നേടുന്നവര്ക്ക് ക്യാഷ് അവാര്ഡും സര്ട്ടിഫിക്കറ്റും നല്കും. സംസ്ഥാനതല വിജയികളാകുന്ന വിദ്യാഭ്യാസ സ്ഥാപനങ്ങള്ക്ക് റോളിംഗ് ട്രോഫിയും. സംസ്ഥാനതല മത്സരങ്ങളില് പങ്കെടുക്കുന്നവര്ക്കും അനുഗമിക്കുന്ന ഒരു രക്ഷകര്ത്താവിനും ഭക്ഷണവും താമസസൗകര്യവും സ്ലീപ്പര് ക്ലാസ് യാത്രാചെലവും നല്കും.
2023 ഒക്ടോബര് രണ്ട് മുതല് എട്ടു വരെ നടക്കുന്ന വന്യജീവി വാരാഘോഷത്തോടനുബന്ധിച്ച് വനം -വന്യജീവി വകുപ്പ് വിവിധ മത്സരങ്ങള് സംഘടിപ്പിക്കുന്നു. പൊതുജനങ്ങള്ക്കായി വന്യജീവി ഫോട്ടോഗ്രാഫി, വന യാത്രാ വിവരണം (ഇംഗ്ളീഷ്/മലയാളം) മത്സരങ്ങള് ഓണ്ലൈനായും പോസ്റ്റര് ഡിസൈന്, ഷോര്ട്ട് ഫിലിം മത്സരങ്ങള് തപാല് മുഖേനയുമാണ് സംഘടിപ്പിക്കുക.
ലോവര് പ്രൈമറി, അപ്പര് പ്രൈമറി വിദ്യാര്ത്ഥികള്ക്കായി പ്രകൃതിയേയും വന്യജീവികളേയും അടിസ്ഥാനമാക്കി പെന്സില് ഡ്രോയിംഗ്, വാട്ടര്കളര് പെയിന്റിംഗ് എന്നീ ഇനങ്ങളിലും ഹൈസ്കൂള്, കോളേജ് വിദ്യാര്ത്ഥികള്ക്കായി ക്വിസ്, ഉപന്യാസം, പ്രസംഗം, പെന്സില് ഡ്രോയിംഗ്, വാട്ടര്കളര് പെയിന്റിംഗ് മത്സരങ്ങളും സംഘടിപ്പിക്കും. എന്ട്രികള് സെപ്റ്റംബര് 30-ന് വൈകുന്നേരം അഞ്ചു മണി വരെ സമര്പ്പിക്കാം.
എല്ലാ സര്ക്കാര്, എയിഡഡ്, അംഗീകൃത, സ്വാശ്രയ സ്കൂളുകളിലേയും കോളേജുകളിലേയും വിദ്യാര്ത്ഥികള്ക്ക് മത്സരങ്ങളില് പങ്കെടുക്കാം. പ്രഫഷണല് കോളേജുകള്ക്കും പങ്കെടുക്കാം. പ്ളസ്വണ് തലം മുതലുള്ളവര്ക്ക് കോളേജ് വിഭാഗത്തില് മത്സരിക്കാം. ക്വിസ് മത്സരത്തില് രണ്ട് പേരടങ്ങുന്ന ടീമുകള് ആണ് പങ്കെടുക്കേണ്ടത്. മറ്റു മത്സരങ്ങള്ക്ക് രണ്ട് പേര്ക്ക് വരെ ഓരോ സ്ഥാപനത്തെ പ്രതിനിധീകരിച്ച് ഒരോ മത്സരയിനത്തിലും പങ്കെടുക്കാം. മലയാളത്തിലാണ് പ്രസംഗ,ഉപന്യാസമത്സരങ്ങള് .
ജില്ലാ-സംസ്ഥാന തലങ്ങളില് ഓരോ മത്സരയിനത്തിലേയും ആദ്യ മൂന്നു സ്ഥാനം നേടുന്നവര്ക്ക് ക്യാഷ് അവാര്ഡും സര്ട്ടിഫിക്കറ്റും നല്കും. സംസ്ഥാനതല വിജയികളാകുന്ന വിദ്യാഭ്യാസ സ്ഥാപനങ്ങള്ക്ക് റോളിംഗ് ട്രോഫിയും. സംസ്ഥാനതല മത്സരങ്ങളില് പങ്കെടുക്കുന്നവര്ക്കും അനുഗമിക്കുന്ന ഒരു രക്ഷകര്ത്താവിനും ഭക്ഷണവും താമസസൗകര്യവും സ്ലീപ്പര് ക്ലാസ് യാത്രാചെലവും നല്കും.
വന്യജീവി ഫോട്ടോഗ്രാഫി മത്സരാര്ഥികള് ഫോട്ടോകള് വനം വകുപ്പ് വെബ്സൈറ്റിലെ wildlife photography contest 2023 എന്ന ലിങ്ക് വഴി സമര്പ്പിക്കണം. വന്യജീവികളും പ്രകൃതിയുമായി ബന്ധപ്പെട്ട കേരളത്തില് ചിത്രീകരിച്ച ഫോട്ടോകള് മാത്രം സ്വീകരിക്കും.
പോസ്റ്റര് ഡിസൈനിംഗ് മത്സരാര്ഥികള് സമര്പ്പിക്കുന്ന പോസ്റ്ററുകള് നേരിട്ടോ, തപാല് മുഖേനയോ അസി.ഫോറസ്റ്റ് കണ്സര്വ്വേറ്റര്, തിരുവനന്തപുരം സോഷ്യല് ഫോറസ്ട്രി ഡിവിഷന്, രാജീവ് ഗാന്ധി നഗര്, വട്ടിയൂര്ക്കാവ് പിഓ,തിരുവനന്തപുരം-13 എന്ന വിലാസത്തില് സമര്പ്പിക്കണം. ജൈവ വൈവിദ്ധ്യ സംരക്ഷണ സന്ദേശം നല്കുന്ന പോസ്റ്ററുകളാണ് വിഷയം.
ഷോര്ട്ട് ഫിലിം മത്സരാര്ഥികള് വീഡിയോകള് പെന്ഡ്രൈവിലോ, ഹാര്ഡ് ഡിസ്ക്കിലോ,ഡിവിഡിയിലോ അപേക്ഷയോടൊപ്പം വൈല്ഡ് ലൈഫ് വാര്ഡന്,വന്യജീവി ഹ്രസ്വചിത്ര മത്സരം 2023,പീച്ചി വൈല്ഡ് ലൈഫ് ഡിവിഷന്, വിലങ്ങന്നൂര് പിഓ,പീച്ചി, തൃശൂര്-53 എന്ന വിലാസത്തില് നേരിട്ടോ,തപാല് മുഖേനയോ ലഭ്യമാക്കണം.മത്സരാര്ഥിയുടെ ഗൂഗിള് ഡ്രൈവില് അപ് ലോഡ് ചെയ്യുകയും ലിങ്ക് wlwshortfilm2023@gmail.com എന്ന മെയിലില് can view only അനുവാദത്തോടെ ഷയര് ചെയ്യുകയും വേണം. കേരളത്തില് ചിത്രീകരിച്ച പ്രകൃതിയും വന്യജീവികളും ആസ്പദമാക്കിയുള്ള ഹ്രസ്വചിത്രമായിരിക്കണം.
വന യാത്രാ വിവരണ മത്സരാര്ഥികള് കേരളത്തിലെ ഏതെങ്കിലും വനത്തിലേയ്ക്കോ വന്യജീവി മേഖലയിലേയ്ക്കോ ഉള്ള യാത്ര അടിസ്ഥാനമാക്കിയാകണം രചന സമര്പ്പിക്കേണ്ടത്. അപേക്ഷാ ഫോറവും രചനയും wlwtravelouge2023@gmail.com എന്ന ഇ-മെയില് വിലാസത്തില് സമര്പ്പിക്കണം.
എല്ലാ മത്സരങ്ങള്ക്കുമുള്ള യോഗ്യത, സാങ്കേതിക നിര്ദേശങ്ങള്, വ്യവസ്ഥകള്, രജിസ്ട്രേഷന് ഫോറം, മത്സരത്തില് പങ്കെടുക്കുന്ന വിധം ഉള്പ്പെടെ വനം വകുപ്പിന്റെ വെബ് സൈറ്റില് (*www.forest.kerala.gov.in*) ലഭിക്കും.പ്രായപരിധിയോ പ്രവേശന ഫീസോ ഇല്ല.
താത്പര്യമുള്ളവര് താഴെ പറയുന്ന ഫോണ് നമ്പരുകളില് ബന്ധപ്പെടണം.
വന്യജീവി ഫോട്ടോഗ്രാഫി മത്സരം: ഡപ്യൂട്ടി ഫോറസ്റ്റ് കണ്സര്വ്വേറ്റര് (എഫ്എംഐഎസ്) തിരുവനന്തപുരം-ഫോണ്: (ഓഫീസ്) 0471-2529234.
പോസ്റ്റര് ഡിസൈനിംഗ് മത്സരം: അസിസ്റ്റന്റ് ഫോറസ്റ്റ് കണ്സര്വ്വേറ്റര്(സോഷ്യല് ഫോറസ്ട്രി),തിരുവനന്തപുരം -ഫോണ്: (ഓഫീസ്)0471-2560462, മൊബൈല് :9447979135.
ഷോര്ട്ട് ഫിലിം മത്സരം: വൈല്ഡ്ലൈഫ് വാര്ഡന്, പീച്ചി, മൊബൈല് :9447979103 , ഓഫീസ്: 0487-2699017.
യാത്രാ വിവരണ മത്സരം: (ഇംഗ്ളീഷ്, മലയാളം): ഡിവിഷണല് ഫോറസ്റ്റ് ഓഫീസര് (ഫ്ളയിംഗ് സ്ക്വാഡ്),കണ്ണൂര്-ഫോണ്: (ഓഫീസ്)0497-2766345, മൊബൈല് :9447979122.
കൂടുതല് വിവരങ്ങള് വനം വകുപ്പിന്റെ വെബ്സൈറ്റില് (**www.forest.kerala.gov.in**) ലഭ്യമാണെന്ന് ചീഫ് വൈല്ഡ് ലൈഫ് വാര്ഡന് അറിയിച്ചു.
kerala
തദ്ദേശ തെരഞ്ഞെടുപ്പ്; വോട്ടെടുപ്പ് നടക്കുന്ന ദിവസങ്ങളില് സംസ്ഥാനത്ത് പൊതു അവധി
ഡിസംബര് 9 ചൊവ്വ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് പൊതു അവധിയായിരിക്കും. ഡിസംബര് 11 വ്യാഴം തൃശൂര്, പാലക്കാട്,മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് പൊതു അവധി പ്രഖ്യാപിച്ചിട്ടുണ്ട്.
സംസ്ഥാനത്തെ തദ്ദേശ തെരഞ്ഞെടുപ്പിന്റെ പശ്ചാത്തലത്തില് വോട്ടെടുപ്പ് നടക്കുന്ന അതത് ജില്ലകളില് പൊതു അവധി പ്രഖ്യാപിച്ചു. രണ്ട് ഘട്ടമായാണ് സംസ്ഥാനത്ത് വോട്ടെടുപ്പ് നടക്കുന്നത്. ഡിസംബര് 9 ചൊവ്വ തിരുവനന്തപുരം, കൊല്ലം, പത്തനംതിട്ട, ആലപ്പുഴ, കോട്ടയം, ഇടുക്കി, എറണാകുളം ജില്ലകളില് പൊതു അവധിയായിരിക്കും. ഡിസംബര് 11 വ്യാഴം തൃശൂര്, പാലക്കാട്,മലപ്പുറം, കോഴിക്കോട്, വയനാട്, കണ്ണൂര്, കാസര്ഗോഡ് ജില്ലകളില് പൊതു അവധി പ്രഖ്യാപിച്ചിട്ടുണ്ട്.
വോട്ടെടുപ്പ് നടക്കുന്ന ജില്ലകളിലെ സര്ക്കാര് ഓഫീസുകള്ക്കും വിദ്യാഭ്യാസ സ്ഥാപനങ്ങള്ക്കും അവധി ബാധകമായിരിക്കും. സ്വകാര്യ സ്ഥാപനങ്ങള്, ഫാക്ടറികള്, തോട്ടങ്ങള് എന്നിവിടങ്ങളിലെ ജീവനക്കാര്ക്ക് വോട്ട് രേഖപ്പെടുത്തുന്നതിനായി അവധിയോ മതിയായ സൗകര്യമോ നല്കാന് തൊഴിലുടമകള്ക്ക് നിര്ദ്ദേശം നല്കിയിട്ടുണ്ട്. ഡിസംബര് 13നാണ് വോട്ടെണ്ണല്.
kerala
വാഹനാപകടത്തില് കോമയിലായ ഒമ്പത് വയസ്സുകാരി ദൃഷാനക്ക് 1.15 കോടി നഷ്ടപരിഹാരം നല്കാന് കോടതി
വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്.
വടകരയില് വാഹനാപകടത്തെ തുടര്ന്ന് കോമയിലായ ഒമ്പത് വയസ്സുകാരി ദൃഷാനക്ക് ഒരുകോടി 15 ലക്ഷം രൂപ നഷ്ടപരിഹാരം നല്കാന് കോടതി നിര്ദേശം. വടകര എംഎസിടി കോടതിയാണ് ഇന്ഷുറന്സ് കമ്പനിയോട് തുക നല്കാന് ആവശ്യപ്പെട്ടത്. ഹൈക്കോടതിയുടെയും ലീഗല് സര്വീസ് അതോറിറ്റിയുടെയും ഇടപെടലിലാണ് ദൃഷാനയുടെ കുടുംബത്തിന്റെ നിയമപോരാട്ടത്തില് നിര്ണായകമായത്. അപകടത്തിന് കാരണക്കാരായ കാര് ഇന്ഷുറന്സ് എടുത്ത കമ്പനിയാണ് ദൃഷാനയുടെ കുടുംബത്തിന് 1.15 കോടി രൂപ നഷ്ടപരിഹാരമായി നല്കേണ്ടതെന്നാണ് എംഎസിടി കോടതിയുടെ ഉത്തരവ്.
2024 ഫെബ്രുവരി 14നാണ് അപകടമുണ്ടായത്. അപകടത്തില് കോമയിലായ ദൃഷാനയും മുത്തശ്ശി ബേബിയും വടകര ചേറോട് ദേശീയപാത മുറിച്ചുകടക്കുന്നതിനിടെയാണ് കാര് ഇടിച്ചുതെറിപ്പിച്ചത്. ഇടിയുടെ ആഘാതത്തില് ബേബി തല്ക്ഷണം മരിച്ചിരുന്നു. കുട്ടി അന്ന് മുതല് കോമയിലേക്ക് വീഴുകയായിരുന്നു.
ഇരുവരെയും ഇടിച്ച കാര് നിര്ത്താതെ പോയിരുന്നു. ഹൈക്കോടതി സ്വമേധയാ കേസെടുക്കുകയും പ്രത്യേക അന്വേഷണ സംഘത്തെ രൂപീകരിക്കുകയും ചെയ്തിരുന്നു. ഇതിനെ തുടര്ന്നുള്ള അന്വേഷണത്തിലാണ് അപകടത്തിന് പത്ത് മാസങ്ങള്ക്ക് ശേഷം കാറുടമയെയും കാറിനെയും പൊലീസ് കണ്ടെത്തുന്നത്. നൂറുകണക്കിന് വര്ക്ക്ഷോപ്പുകളും സിസിടിവി ദൃശ്യങ്ങളും ശേഖരിച്ചതിന് പിന്നാലെയാണ് പ്രതിയെ പിടികൂടിയത്.
kerala
രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഉണ്ടാവില്ല; ഗീവര്ഗീസ് മാര് കൂറിലോസ്
ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു.
മമ്മൂട്ടിയുടെ അഭിനയത്തെ കുറിച്ചുള്ള കുറിപ്പുമായി യാക്കോബായ നിരണം ഭദ്രാസനാധിപന് ഗീവര്ഗീസ് മാര് കൂറിലോസ്. തന്റെ രാഷ്ട്രീയ നിലപാടുകള് കൊണ്ടും മതസ്വത്വം കൊണ്ടും ഇത്രമേല് അവഗണിക്കപ്പെട്ട മറ്റൊരു നടനും ഇന്ത്യന് സിനിമയില് ഉണ്ടാവില്ലെന്നും ഗീവര്ഗീസ് മാര് കൂറിലോസ് പറഞ്ഞു. ഇന്ത്യന് സിനിമയില് മെത്തേഡ് ആക്റ്റിംഗിന്റെ അവസാന വാക്കാണ് മമ്മൂട്ടിയെന്നും ഇന്ത്യന് സിനിമയുടെ ഡാനിയേല് ഡേ ലൂയിസും റോബര്ട്ട് ഡി നീറോ ആണ് അദ്ദേഹമെന്നും അദ്ദേഹം കുറിച്ചു. മമ്മൂട്ടിയെ ഇളം തലമുറ പാഠപുസ്തകമാക്കണം എന്നും അദ്ദേഹം ഫേസ്ബുക്കില് കുറിച്ചു.
ഫേസ്ബുക്ക് പോസ്റ്റിന്റെ പൂർണരൂപം:
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india10 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം