കോഴിക്കോട് നരിക്കുനിയില് വയലില് നിന്ന് കെണിവെച്ച് പിടികൂടി തത്തയെ കൂട്ടിലിട്ട് വളര്ത്തിയതിന് വീട്ടുടമസ്ഥനെതിരെ വനംവകുപ്പ് കേസെടുത്തു. നരിക്കുനി പഞ്ചായത്തിലെ ഭരണിപ്പാറ കുടുക്കില് എന്ന വീട്ടില് നിന്നാണ് തത്തയെ താമരശ്ശേരി റേഞ്ച് ഫോറസ്റ്റ് ഓഫീസറും സംഘവും കസ്റ്റഡിയിലെടുത്തത്.
1972 ലെ വന്യജീവി സംരക്ഷണ നിയമ പ്രകാരം ഷെഡ്യൂള് 2 പട്ടികയില് പെടുന്നതാണ് നാട്ടിന്പുറങ്ങളില് കാണപ്പെടുന്ന മോതിരത്തത്തകള്. ഇത്തരം തത്തകളെ പിടികൂടി കൂട്ടിലിട്ട് വളര്ത്തുന്നത് ഏഴു വര്ഷം വരെ തടവും 25,000 രൂപയില് കുറയാതെ പിഴയും ലഭിക്കാവുന്ന കുറ്റമാണ്.