കൊച്ചിയിലെ പെറ്റ് ഷോപ്പില്‍ നിന്ന് നായ്ക്കുട്ടിയെ മോഷ്ട്ടിച്ച കേസിലെ പ്രതികള്‍ക്ക് ജാമ്യം. എന്‍ജിനിയറിങ് വിദ്യാര്‍ത്ഥികളായ നിഖില്‍, ശ്രേയ എന്നിവര്‍ക്കാണ് ജാമ്യം ലഭിച്ചിരിക്കുന്നത്. മോഷണം പോയ നായ്ക്കുട്ടിയെ കടയുടമ ബാസിതിന് തിരികെ കോടതി നല്‍കി.
എറണാകുളം ജൂഡിഷ്യല്‍ ഫസ്റ്റ് ക്ലാസ് കോടതിയാണ് ഇരുവര്‍ക്കും ജാമ്യം നല്‍കിയത്. പ്രതികളെ രണ്ടുപേരെയും കോടതിയില്‍ ഹാജരക്കിയിരുന്നു. എന്നാല്‍ അതേസമയം കേസുമായി മുന്നോട്ട് പോകാന്‍ താല്‍പര്യമില്ലെന്ന് ഷോപ്പുടമ മുഹമ്മദ് ബാസിത് കോടതിയെ അറിയിച്ചു.
കഴിഞ്ഞ ദിവസമാണ് പ്രതികളെ പൊലീസ് പിടികൂടിയത്. പ്രതികള്‍ ഹെല്‍മറ്റിന് ഉള്ളില്‍ ഒളിച്ച് കടത്തിയാണ് നായ്ക്കുട്ടിയെ മോഷ്ടിച്ചത്.