കൊച്ചി: വയനാട് ഉരുള്പൊട്ടല് ദുരന്തബാധിതരില് നിന്ന് ബാങ്കുകള് ഇഎംഐ ഈടാക്കുന്നുണ്ടോയെന്ന് പരിശോധിക്കണമെന്ന് സംസ്ഥാന സര്ക്കാരിനോട് ഹൈക്കോടതി. ദേശസാത്കൃത ബാങ്കുകള് ഇഎംഐ ഈടാക്കിയെങ്കില് സംസ്ഥാന സര്ക്കാര് ഹൈക്കോടതിക്ക് റിപ്പോര്ട്ട് നല്കണം. ദുരന്തബാധിതര്ക്കൊപ്പം നില്ക്കാന് ബാങ്കുകള്ക്ക് ഭരണഘടനാ ബാധ്യതയുണ്ടെന്നും ഹൈക്കോടതി ഓര്മ്മിപ്പിച്ചു. ദുരന്തബാധിതരില് നിന്ന് ദേശസാത്കൃത ബാങ്കുകള് വായ്പ തിരിച്ചുപിടിക്കുന്നത് തടയുന്നതില് നിലപാട് അറിയിക്കണം. കേന്ദ്ര സര്ക്കാരിന് കീഴിലുള്ള കേന്ദ്ര ദുരന്ത നിവാരണ അതോറിറ്റി ഒരാഴ്ചയ്ക്കകം നിലപാട് അറിയിക്കണമെന്നാണ് ഡിവിഷന് ബെഞ്ചിന്റെ നിര്ദ്ദേശം.