india
ആള്ക്കൂട്ട കൊലപാതകങ്ങള്ക്ക് ജീവപര്യന്തവും 25 ലക്ഷം പിഴയും
നിയമം പാസാക്കി ജാര്ഖണ്ഡ് നിയമസഭ
റാഞ്ചി: ആള്ക്കൂട്ട ആക്രമണം തടയാന് നിയമ നിര്മാണം നടത്തി ജാര്ഖണ്ഡ് നിയമസഭ. കുറ്റക്കാരെന്ന് കണ്ടെത്തുന്നവര്ക്ക് പരമാവധി ജീവപര്യന്തം തടവും 25 ലക്ഷം രൂപ വരെ പിഴയുമാണ ശിക്ഷ. മന്ത്രി ആലംഗീര് ആലമാണ് ബില്ല് സഭയില് അവതരിപ്പിച്ചത്. ആള്ക്കൂട്ട ആക്രമണത്തില് പരിക്കേല്ക്കുകയോ കൊല്ലപ്പെടുകയോ ചെയ്താല് പുതിയ നിയമം അനുസരിച്ച് ശിക്ഷ ലഭിക്കും. പരിക്കേറ്റവരുടെയോ കൊല്ലപ്പെട്ടവരുടേയോ ഉറ്റവര്ക്ക് ധനസഹായവും നിയമം ഉറപ്പുനല്കുന്നു. ആള്ക്കൂട്ട ആക്രമത്തിലേക്ക് നയിച്ച ഗൂഡാലോചനയില് ഏര്പ്പെട്ടവര്ക്കും ശിക്ഷ ലഭിക്കും. ഇരകളെയും അവരുടെ കുടുംബാംഗങ്ങളെയും അല്ലെങ്കില് അവര്ക്ക് സഹായം നല്കുന്നവരെയും ഭീഷണിപ്പെടുത്തുന്നതും കുറ്റകരമാണ്.
ആള്ക്കൂട്ട ആക്രമണങ്ങള് നിയന്ത്രിക്കാനും നടപടിയെടുക്കാനും ഐജി റാങ്കില് കുറയാത്ത ഒരു ഉദ്യോഗസ്ഥനെ നോഡല് ഓഫീസറായി നിയോഗിക്കണമെന്നും ബില്ലില് പറയുന്നു. പ്രാദേശിക ഇന്റലിജന്സ് യൂണിറ്റുകളുടെ യോഗം മാസത്തിലൊരിക്കലെങ്കിലും നോഡല് ഓഫീസര് വിളിച്ചുചേര്ക്കണം.
സോഷ്യല് മീഡിയ അടക്കം നിരീക്ഷിച്ച് ആള്ക്കൂട്ട ആക്രമണങ്ങളിലേക്ക് നയിക്കുന്ന വിദ്വേഷ പ്രചാരണങ്ങള് തടയാന് നടപടി സ്വീകരിക്കണമെന്നും വ്യവസ്ഥയുണ്ട്. പ്രതിപക്ഷമായ ബി.ജെ.പിയുടെ ശക്തമായ പ്രതിഷേധത്തിനിടയിലാണ് ബില്ല് പാസായത്. ബില്ല് സെലക്ട് കമ്മിറ്റിക്ക് വിടണമെന്നായിരുന്നു ബി.ജെ.പിയുടെ ആവശ്യം. ബില്ലില് നിരവധി ഭേദഗതികള് വരുത്തണമെന്ന ബി.ജെ.പിയുടെ ആവശ്യം ശബ്ദവോട്ടില് തള്ളുകയായിരുന്നു. രാജസ്ഥാനും പശ്ചിമ ബംഗാളിനും പിന്നാലെ ഇത്തരത്തില് നിയമ നിര്മാണം നടത്തുന്ന മൂന്നാമത്തെ സംസ്ഥാനമാണ് ജാര്ഖണ്ഡ്. ഭരണഘടന നല്കുന്ന അവകാശ സംരക്ഷണത്തിനു വേണ്ടിയാണ് നിയമമെന്ന് മുഖ്യമന്ത്രി ഹേമന്ത് സോറന് പ്രതികരിച്ചു.
india
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി
ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്.
ഉത്തര്പ്രദേശില് വീണ്ടും ബിഎല്ഒ ജീവനൊടുക്കി. മൊറാദാബാദ് സ്വദേശി സര്വേഷ് സിംഗ് ആണ് ജോലിഭാരം താങ്ങാനാവാതെ ജീവനൊടുക്കിയത്. ജോലി തീര്ക്കാന് വേണ്ടത്ര സമയം ലഭിക്കുന്നില്ല എന്നും ആത്മഹത്യ കുറിപ്പിലുണ്ട്. ബഹേറി ഗ്രാമത്തിലെ വീട്ടിലാണ് തൂങ്ങിമരിച്ചത്. ഉത്തര്പ്രദേശിലെ ബിഎല്ഒയുടെ മൂന്നാമത്തെ ആത്മഹത്യയാണ് റിപ്പോര്ട്ട് ചെയ്തിരിക്കുന്നത്. പ്രൈമറി സ്കൂള് അധ്യാപകനാണ് ആത്മഹത്യ ചെയ്ത സര്വ്വേഷ് സിംഗ്
india
തമിഴ്നാട്ടില് സര്ക്കാര് ബസുകള് കൂട്ടിയിടിച്ച് അപകടം; 11 മരണം, നിരവധിപേര്ക്ക് ഗുരുതര പരിക്ക്
ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്.
തമിഴ്നാട്ടില് ബസുകള് കൂട്ടിയിടിച്ച് 11 മരണം. നിരവധിപേര്ക്ക് ഗുരുതര പരിക്കേറ്റിട്ടുണ്ട്. ശിവഗംഗയില് സര്ക്കാര് ബസുകളാണ് കൂട്ടിയിടിച്ചത്. തിരുപ്പത്തൂര് കാരക്കുടി റോഡില് പിള്ളയാര്പട്ടിക്ക് സമീപം കുമ്മങ്കുടിയിലാണ് അപകടമുണ്ടായത്.
തിരുപ്പൂത്തൂരില് നിന്ന് കാരക്കുടിയിലേക്ക് വരികയായിരുന്ന ബസും കാരക്കുടിയില് നിന്ന് ദിണ്ഡിഗലിലേക്ക് വരികയായിരുന്ന ബസും കുമ്മങ്കുടി പാലത്തിന് സമീപം നേര്ക്കുനേര് ഇടിക്കുകയായിരുന്നു.
india
ദലിത് സ്ത്രീയെ സ്കൂളില് പാചകം ചെയ്യുന്നത് തടഞ്ഞ സംഭവം; ആറുപേര്ക്ക് ജയില് ശിക്ഷ
ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം.
തമിഴ്നാട്ടിലെ തിരുപ്പൂരില് സര്ക്കാര് സ്കൂളിലെ പാചകത്തൊഴിലാളിയായ ദലിത് സ്ത്രീയെ സ്കൂളില് പാചകം ചെയ്യുന്നതില് നിന്ന് തടഞ്ഞ ആറുപേര്ക്ക് കോടതി രണ്ടു വര്ഷത്തെ ജയില് ശിക്ഷ വിധിച്ചു. ഗൗണ്ഡംപാളയത്ത് തിരുമലൈ ഗവ. ഹയര് സെക്കന്ഡറി സ്കൂളില് 2018 ല് ആയിരുന്നു സംഭവം. കുട്ടികള്ക്ക് ആഹാരമുണ്ടാക്കുന്നത് ദലിത് സ്ത്രീയായതിനാല് അനുവദിക്കില്ലെന്ന തീരുമാനമെടുത്ത് നാട്ടുകാരായ നിരവധിയാളുകള് ചേര്ന്ന് ഇവരെ തടയുകയായിരുന്നു.
35 പേരായിരുന്നു കേസില് പ്രതികളായത്. ഇതില് 25 പേരെ എസ്.സിഎസ്.ടി പ്രത്യേക കോടതി വെറുതെവിട്ടു. നാലുപേര് കേസിന്റെ വിചാരണക്കിടെ മരണപ്പെട്ടു. സ്കൂളിലെ വിദ്യാര്ഥികളുടെ രക്ഷിതാക്കളായ ആറുപേരെയാണ് കോടതി രണ്ടു വര്ഷത്തെ തടവിന് ശിക്ഷിച്ചത്. പളനിസ്വാമി ഗൗണ്ടര്, എന്. ശക്തിവേല്, ആര്. ഷണ്മുഖം, എ. ദുരൈസ്വാമി, സി. വെള്ളിങ്കിരി, വി. സീതാലകഷ്മി എന്നിവരെയാണ് കോടതി രണ്ടുവര്ഷത്തെ തടവിന് ശിക്ഷിച്ചത്.
സ്കൂളില് സംഭവം ഉണ്ടായതോടെ ദലിത് സ്?ത്രീയെ സ്കൂള് അധികൃതര് സ്ഥലം മാറ്റിയിരുന്നു. ഇതിനെതിരെയും ജാതീയ അധിക്ഷേപത്തിനെതിരെയും തമിഴ്നാട് തൊട്ടുകൂടായ്മ നിര്മാര്ജന സമിതി സമരവുമായി രംഗത്ത് വന്നിരുന്നു. പിന്നീട് തിരുമല സ്വദേശിയായ പപ്പല് എന്നയാളാണ് കോടതിയില് കേസ് നല്കിയത്. ഇതെത്തുടര്ന്ന് ചേവായുര് പൊലീസ് കേസെടുത്തു. എസ്.സിഎസ്.ടി നിയമത്തിലെ വിവിധ വകുപ്പുകള് ചേര്ത്ത് 35 പേര്ക്കെതിരെയാണ് കേസെടുത്തത്. ഇതില് നാലുപേര് മരണമടഞ്ഞു.
-
india2 days ago‘ബിഹാർ തെരഞ്ഞെടുപ്പിൽ വൻ അഴിമതിയും ക്രമക്കേടും’; തെളിവുകൾ പുറത്തുവിട്ട് ധ്രുവ് റാഠി
-
Environment2 days agoആകാശഗംഗയെക്കാള് നാലിരട്ടി വലുപ്പമുള്ള ഭീമന് നെബുല കണ്ടെത്തി; മലപ്പുറം സ്വദേശിനി ഡോ. രഹന പയ്യശ്ശേരി ശാസ്ത്രലോകത്തെ വിസ്മയിപ്പിച്ചു
-
india2 days ago‘ബിജെപിയും തെരഞ്ഞെടുപ്പ് കമ്മീഷനും ചേർന്ന് വോട്ടെടുപ്പിനെ ഹൈജാക്ക് ചെയ്യുന്നു’; എസ്ഐആറിനെതിരെ അഖിലേഷ് യാദവ്
-
india3 days ago‘പൗരത്വം നിര്ണ്ണയിക്കാന് ബിഎല്ഒയ്ക്ക് അധികാരമില്ല’; സുപ്രീംകോടതിയോട് സിബലും സിങ്വിയും
-
india2 days agoആധാർ ജനന രേഖയായി കണക്കാക്കാനാവില്ല; പുതിയ നടപടിയുമായി മഹാരാഷ്ട്രയും ഉത്തർപ്രദേശും
-
kerala1 day agoകൊയിലാണ്ടി എംഎല്എ കാനത്തില് ജമീല അന്തരിച്ചു
-
kerala1 day agoകോഴിക്കോട് ബസ് സ്കൂട്ടറില് ഇടിച്ച് വിദ്യാര്ഥിനി മരിച്ചു
-
kerala2 days agoസംസ്ഥാനത്ത് അഞ്ച് ദിവസം മഴ തുടരും; ‘ദിത്വ ചുഴലിക്കാറ്റ്’ തമിഴ്നാട്-ആന്ധ്രാ തീരത്തേക്ക്