Connect with us

More

എംഎസ്എഫ് സമര വിജയം: വെള്ളാപ്പള്ളി കോളജ് വിദ്യാര്‍ത്ഥികള്‍ ജുമുഅ നമസ്‌ക്കരിച്ചു

Published

on

ആലപ്പുഴ: എംഎസ്എഫ് നടത്തിയ സമരത്തിന് വിജയം. കായംകുളം കട്ടച്ചിറ വെള്ളാപ്പള്ളി കോളജ് അധികൃതര്‍ വിദ്യാര്‍ത്ഥികള്‍  കട്ടച്ചറി മസ്ജിദില്‍ ഇന്ന്‌ ജുമുഅ നമസ്‌കരിച്ചു. ആഴ്ചകളായി നടത്തിയ സമരങ്ങള്‍ക്കൊടുവിലാണ് എട്ട് വര്‍ഷമായി തുടരുന്ന നമസ്‌കാര വിലക്ക് പിന്‍വലിക്കാന്‍ കോളജ് അധികൃതര്‍ തയ്യാറായത്.

കോളജ് അധികൃതര്‍ അറിയിച്ചതിന്റെ അടിസ്ഥാനത്തില്‍ എംഎസ്എഫ്, യൂത്ത്‌ലീഗ് നേതാക്കള്‍ക്കൊപ്പമാണ് വിദ്യാര്‍ത്ഥികള്‍ ഇന്ന്‌ ജുമുഅ നമസ്‌കാരത്തിനായി കോളജില്‍ നിന്നും പോയത്. കട്ടച്ചിറ ജുമുഅ മസ്ജിദിലാണ് വിദ്യാര്‍ത്ഥികള്‍ ജുമുഅ നമസ്‌കാരിച്ചത്. യൂത്ത്‌ലീഗ് ജില്ലാ ജനറല്‍ സെക്രട്ടറി പി. ബിജു, എംഎസ്എഫ് മണ്ഡലം പ്രസിഡന്റ് ബാദുഷ, യൂത്ത്‌ലീഗ് മണ്ഡലം ജനറല്‍ സെക്രട്ടറി ഷാജഹാന്‍, സെക്രട്ടറി അമീന്‍ മനയശ്ശേരി തുടങ്ങിയവര്‍ വിദ്യാര്‍ത്ഥികള്‍ക്കൊപ്പമുണ്ടായിരുന്നു.
കട്ടച്ചിറയിലെ ജുമുഅ നിരോധനത്തിന് എതിരെ എംഎസ്എഫ് സമരം നടത്തി വരികയായിരുന്നു. സംസ്ഥാന പ്രസിഡന്റ് മിസ്ഹബ് കീഴരിയൂരിന്റെ നേതൃത്വത്തില്‍ കോളജിലേക്ക് മാര്‍ച്ച് നടത്തിയ ശേഷം നടത്തിയ ചര്‍ച്ചയില്‍ മാനേജ്‌മെന്റ് വിദ്യാര്‍ത്ഥികളെ നമസ്‌കരിക്കാന്‍ വിടാമെന്ന് ഉറപ്പ് നല്‍കിയിരുന്നു. ഇത് അന്വേഷിക്കാന്‍ തൊട്ടടുത്ത വെള്ളിയാഴ്ച കോളജിലെത്തിയ എംഎസ്എഫ് ജില്ലാ ട്രഷറര്‍ അന്‍ഷാദ് ഉള്‍പ്പെടെയുള്ളവരെ പൊലീസിനെ ഉപയോഗിച്ച് മര്‍ദ്ധിക്കുകയാണ് മാനേജ്‌മെന്റ് ചെയ്തത്.

തുടര്‍ന്ന് ശക്തമായി സമരവും നിയമ നടപടികളുമായി മുന്നോട്ട് പോകാന്‍ എംഎസ്എഫ്, യൂത്ത്‌ലീഗ്, മുസ്‌ലിംലീഗ് നേതൃത്വങ്ങള്‍ തീരുമാനിച്ച സാഹചര്യത്തിലാണ് വിദ്യാര്‍ത്ഥികളെ നമസ്‌കരിക്കാന്‍ വിടാന്‍ മാനേജ്‌മെന്റ് തയാറായത്. സമരത്തിന്റെ വിവിധ ഘട്ടങ്ങളില്‍ മുസ്‌ലിംലീഗ് ജില്ലാ പ്രസിഡന്റ് ഹാജി. എം. ഇസ്മയില്‍ കുഞ്ഞ് മുസ്‌ലിയാര്‍, ജനറല്‍ സെക്രട്ടറി എ. എം നസീര്‍, ട്രഷറര്‍ അഡ്വ. എച്ച്. ബഷീര്‍കുട്ടി, സംസ്ഥാന കൗണ്‍സില്‍ അംഗം എം. സൈഫുദ്ദീന്‍കുഞ്ഞ്, കായംകുളം മണ്ഡലം പ്രസിഡന്റ് ജെ. മുഹമ്മദ് കുഞ്ഞ് ഉള്‍പ്പെടെയുള്ള നേതാക്കള്‍ വിദ്യാര്‍ത്ഥികളുടെ അവകാശസംരക്ഷണത്തിനായി എത്തിയിരുന്നു.

വിദ്യാര്‍ത്ഥികളുടെ അവകാശ പോരാട്ടങ്ങള്‍ക്ക് എന്നും എംഎസ്എഫ് മുന്നില്‍ ഉണ്ടാകുമെന്ന് ജില്ലാ പ്രസിഡന്റ് അല്‍ത്താഫ് സുബൈറും ജനറല്‍ സെക്രട്ടറി സദ്ദാം ഹരിപ്പാടും പ്രസ്താവിച്ചു. വിദ്യാര്‍ത്ഥി പക്ഷത്ത് നിന്ന് എംഎസ്എഫ് നടത്തിയ പോരാട്ടങ്ങള്‍ക്കുള്ള അംഗീകാരമാണ് ജുമുഅ നമസ്‌കരിക്കാന്‍ മാനേജ്‌മെന്റ് അനുമതി നല്‍കിയതെന്നും അവര്‍ പറഞ്ഞു.

Continue Reading
Advertisement
Click to comment

Leave a Reply

Your email address will not be published. Required fields are marked *

kerala

മന്ത്രിതല ചർച്ച പരാജയം; കടയടപ്പ് സമരത്തിൽനിന്ന് പിന്നോട്ടില്ലെന്ന് റേഷൻ വ്യാപാരികൾ

183 ക​ട​ക്കാ​ർ​ക്ക് 10,000ത്തി​ൽ​താ​ഴെ മാ​ത്ര​മാ​ണ് വ​രു​മാ​ന​മെ​ന്നും നേ​താക്ക​ൾ അ​റി​യി​ച്ചു

Published

on

തി​രു​വ​ന​ന്ത​പു​രം: മാ​ർ​ച്ച് ഏ​ഴി​ന് റേ​ഷ​ൻ വ്യാ​പാ​രി സം​ഘ​ട​ക​ൾ പ്ര​ഖ്യാ​പി​ച്ച ക​ട​യ​ട​പ്പ് സ​മ​ര​ത്തി​ൽ​നി​ന്ന് പി​ന്മാ​റ​ണ​മെ​ന്നാ​വ​ശ്യ​പ്പെ​ട്ട് യൂ​നി​യ​ൻ പ്ര​തി​നി​ധി​ക​ളു​മാ​യി മ​ന്ത്രി ജി.​ആ​ർ. അ​നി​ൽ ന​ട​ത്തി​യ ച​ർ​ച്ച പ​രാ​ജ​യം.

വേ​ത​ന പാ​ക്കേ​ജ് കാ​ലാ​നു​സൃ​ത​മാ​യി പ​രി​ഷ്ക​രി​ക്കു​ക, കെ.​ടി.​പി.​ടി.​എ​സ് ഓ​ഡ​റി​ൽ റേ​ഷ​ൻ വ്യാ​പാ​രി​ക​ളു​ടെ അ​വ​കാ​ശ​ങ്ങ​ൾ അം​ഗീ​ക​രി​ക്കു​ക, ക്ഷേ​മ​നി​ധി​യി​ൽ സ​ർ​ക്കാ​ർ വി​ഹി​തം ഉ​റ​പ്പാ​ക്കി പ​രി​ഷ്ക​രി​ക്കു​ക, വ്യാ​പാ​രി​ക​ൾ​ക്ക് ആ​രോ​ഗ്യ ഇ​ൻ​ഷു​റ​ൻ​സ് ഏ​ർ​പ്പെ​ടു​ത്തു​ക തു​ട​ങ്ങി​യ ആ​വ​ശ്യ​ങ്ങ​ളി​ൽ അ​നു​ഭാ​വ​പൂ​ർ​ണ​മാ​യ തീ​രു​മാ​നം ഉ​ണ്ടാ​കാ​ത്ത പ​ക്ഷം സ​മ​ര​ത്തി​ൽ​നി​ന്ന് പി​ന്മാ​റി​ല്ലെ​ന്ന് സം​ഘ​ട​ന നേ​താ​ക്ക​ൾ മ​ന്ത്രി​യെ അ​റി​യി​ച്ചു.

വേ​ത​ന പാ​ക്കേ​ജ് പ​രി​ഷ്‌​ക്ക​രി​ക്ക​ണ​മെ​ന്ന സം​ഘ​ട​ന​ക​ളു​ടെ ആ​വ​ശ്യ​ത്തി​ന്മേ​ൽ സ​ർ​ക്കാ​റി​ന് തു​റ​ന്ന മ​ന​സ്സാ​ണു​ള്ള​തെ​ന്നും എ​ന്നാ​ൽ, നി​ല​വി​ലെ സാ​മ്പ​ത്തി​ക പ​രി​മി​തി​യി​ൽ ഇ​ക്കാ​ര്യം ഉ​ട​ൻ പ​രി​ഹ​രി​ക്കാ​ൻ ക​ഴി​യി​ല്ലെ​ന്നും മ​ന്ത്രി അ​റി​യി​ച്ചു. ഇ​തി​നെ​തി​രെ രൂ​ക്ഷ​ഭാ​ഷ​യി​ലാ​ണ് വ്യാ​പാ​രി പ്ര​തി​നി​ധി​ക​ൾ പ്ര​തി​ക​രി​ച്ച​ത്. സം​സ്ഥാ​ന​ത്തെ പ​തി​നാ​ലാ​യി​ര​ത്തോ​ളം വ്യാ​പാ​രി​ക​ളി​ൽ 9909 പേ​ർ​ക്കും നി​ല​വി​ലെ വേ​ത​നം​കൊ​ണ്ട് ക​ട ന​ട​ത്താ​ൻ ക​ഴി​യാ​ത്ത സ്ഥി​തി​യാ​ണെ​ന്ന് ഒ​രു​വ​ർ​ഷ​ത്തെ വേ​ത​ന ക​ണ​ക്കു​ക​ൾ നി​ര​ത്തി സം​ഘ​ട​ന പ്ര​തി​നി​ധി​ക​ൾ ചൂ​ണ്ടി​ക്കാ​ണി​ച്ചു.

2402 ക​ട​ക്കാ​ർ സ്വ​ന്തം കൈ​യി​ൽ​നി​ന്ന് പ​ണം​മു​ട​ക്കി​യാ​ണ് ക​ട വാ​ട​ക​യും വൈ​ദ്യു​തി ബി​ല്ലും സെ​യി​ൽ​സ്മാ​നു​ള്ള വേ​ത​ന​വും ന​ൽ​കു​ന്ന​ത്. ഇ​ത്ത​രം ക​ട​ക​ൾ അ​ട​ച്ചു​പൂ​ട്ട​ലി​ന്‍റെ വ​ക്കി​ലാ​ണ്. 183 ക​ട​ക്കാ​ർ​ക്ക് 10,000ത്തി​ൽ​താ​ഴെ മാ​ത്ര​മാ​ണ് വ​രു​മാ​ന​മെ​ന്നും നേ​താക്ക​ൾ അ​റി​യി​ച്ചു.

Continue Reading

india

മുതിർന്ന കോൺ​ഗ്രസ് നേതാവ് അസീസ് ഖുറേഷി അന്തരിച്ചു

ദീർഘനാളായി അസുഖബാധിതനായി ചികിത്സയിലായിരുന്നു

Published

on

ഭോപ്പാൽ: മുതിർന്ന കോൺ​ഗ്രസ് നേതാവും യുപി മുൻ ഗവർണറുമായ അസീസ് ഖുറേഷി (83) അന്തരിച്ചു. വെള്ളിയാഴ്ച രാവിലെ ഭോപ്പാലിലെ സ്വകാര്യ ആശുപത്രിയിലായിരുന്നു അന്ത്യം. ദീർഘനാളായി അസുഖബാധിതനായി ചികിത്സയിലായിരുന്നു.

അന്ത്യകർമ്മങ്ങൾ വെള്ളിയാഴ്ച വൈകീട്ടോടെ നടക്കുമെന്ന് ബന്ധുക്കൾ അറിയിച്ചു. അവിവാഹിതനാണ്. ഉത്തരാഖണ്ഡ്, മിസോറാം സംസ്ഥാനങ്ങളിലും ​ഗവർണറായി അദ്ദേഹം സേവനമനുഷ്ഠുച്ചിരുന്നു. 1972-ൽ മധ്യപ്രദേശിലെ സെഹോറിൽനിന്നും നിയമസഭാം​ഗമായി.1984-ൽ ലോക്സഭയിലുമെത്തി.

Continue Reading

kerala

‘സർട്ടിഫിക്കറ്റ് നൽകിയില്ല’, കോഴിക്കോട് എൻഐടിയിൽ അധ്യാപകന് കുത്തേറ്റു

പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു

Published

on

കോഴിക്കോട്: എൻ.ഐ.ടി ക്യാമ്പസിൽ അധ്യാപകന് കുത്തേറ്റു. സിവിൽ എൻജിനിയറിങ് വിഭാഗത്തിലെ പ്രൊഫ. ജയചന്ദ്രനാണ് കുത്തേറ്റത്. സംഭവത്തിൽ തമിഴ്നാട് സേലം സ്വദേശി വിനോദിനെ പൊലീസ് കസ്റ്റഡിയിലെടുത്തു. കഴുത്തിന് പരിക്കേറ്റ അധ്യാപകനെ കോഴിക്കോട് മെഡിക്കൽ കോളേജിലേക്ക് മാറ്റിയതായി മാധ്യമങ്ങൾ റിപ്പോർട്ട് ചെയ്തു. പരിക്ക് ഗുരുതരമല്ലെന്ന് ആശുപത്രി അധികൃതർ അറിയിച്ചു.

അധ്യാപകന് കഴുത്തിനും വയറിനും കൈക്കും ആണ് പരിക്കേറ്റത്. സർട്ടിഫിക്കറ്റ് നൽകാത്തതുമായി ഉണ്ടായ തർക്കമാണ് കുത്തി പരിക്കേൽപ്പിക്കാൻ കാരണമെന്നാണ് പ്രാഥമിക നിഗമനം. മറ്റു വിവരങ്ങൾ ഒന്നും തന്നെ പുറത്ത് വിട്ടിട്ടില്ല.

Continue Reading

Trending