കണ്ണൂര്: കണ്ണൂര് നഗരത്തില് തളാപ്പിലെ മാക്സ് ആശുപത്രിയില് മോഷണം. ആശുപത്രിയില് നിന്നും 50,000 രൂപയാണ് മോഷ്ടാവ് കവര്ന്നത്. മോഷണ രംഗങ്ങളുടെ സിസിടിവി ദൃശ്യങ്ങള് ലഭിച്ചിട്ടുണ്ട്.
മുഖം തുണികൊണ്ട് മറച്ച ഒരാളാണ് മോഷണം നടത്തിയത് എന്നാണ് പൊലീസ് വിശദീകരണം. ആശുപത്രിയുമായി ബന്ധപ്പെട്ട പ്രദേശത്തെ രണ്ട് വീടുകളിലും മോഷണശ്രമം നടന്നിട്ടുണ്ട്. രണ്ട് വീടുകളുടെയും ജനാലകള് തുറന്ന നിലയിലാണ് മോഷണ ശ്രമം നടന്നതെന്നും പൊലീസ് അറിയിച്ചു.
ഈ മോഷണത്തിന് പിന്നില് ഒരു വലിയ സംഘം പ്രവര്ത്തിക്കുന്നുണ്ടെന്നാണ് പൊലീസിന്റെ നിഗമനം. സംഭവത്തില് കൂടുതല് അന്വേഷണങ്ങള് പുരോഗമിക്കുകയാണ്.