Connect with us

kerala

എം വിൻസെന്റ് എംഎൽഎ സഞ്ചരിച്ച കാർ അപകടത്തിൽപ്പെട്ടു

സ്‌കൂട്ടര്‍ യാത്രക്കാരിയെ രക്ഷിക്കാനുള്ള ശ്രമത്തിനിടയില്‍ നിയന്ത്രണം വിട്ട് ഡിവൈഡറില്‍ ഇടിക്കുകയായിരുന്നു

Published

on

എം.വിന്‍സെന്റ് എം.എല്‍.എ യുടെ കാര്‍ അപകടത്തില്‍പെട്ടു. തിരുവനന്തപുരം പ്രാവച്ചമ്പലം ജംഗ്ഷനിലാണ് അപകടം. സ്‌കൂട്ടര്‍ യാത്രക്കാരിയെ രക്ഷിക്കാനുള്ള ശ്രമത്തിനിടയില്‍ നിയന്ത്രണം വിട്ട് ഡിവൈഡറില്‍ ഇടിക്കുകയായിരുന്നു.

എംഎല്‍എയ്ക്കും ഡ്രൈവര്‍ക്കും നിസ്സാര പരിക്കുകള്‍ ഉണ്ട്. ഇവരെ ബാലരാമപുരത്തെ സ്വകാര്യ ആശുപത്രിയില്‍ പ്രവേശിപ്പിച്ചു.ഇന്ന് വെളുപ്പിന് 5.30 മണിയോടെ റെയില്‍വേ സ്‌റ്റേഷനിലേക്ക് പോകവേ ആയിരുന്നു അപകടം.

kerala

‘മോദിജിയെ ഞങ്ങള്‍ കാത്തിരിക്കുകയാണ്’; മന്ത്രി റിയാസിന്റെ വീഡിയോയുമായി ബിജെപിയുടെ പ്രചാരണം

ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്

Published

on

മന്ത്രി മുഹമ്മദ് റിയാസിന്റെ മോദിയെ പ്രശംസിക്കുന്ന പ്രചാരണ വീഡിയോയുമായി ബി.ജെ.പിയുടെ തെരഞ്ഞെടുപ്പ് പ്രചാരണം. കേരള സര്‍ക്കാരിനെ എപ്പോഴും പോസിറ്റീവായി കണ്ട മന്ത്രിയാണ് നിധിന്‍ ഗഡ്കരിയെന്നും അദ്ദേഹത്തിന് നന്ദി പറയുന്നതായും റിയാസ് പ്രസംഗിക്കുന്ന വീഡിയോ ആണ് പരസ്യ ചിത്രത്തിനായി ഉപയോഗിച്ചിരിക്കുന്നത്.

മോദിജിയെ ഞങ്ങള്‍ കാത്തുനില്‍ക്കുകയാണെന്നും എത്രയും പെട്ടെന്ന് കേരളത്തിലേക്ക് വരണമെന്നും റിയാസ് പറയുന്നുണ്ട്. ബി.ജെ.പിയുടെ കേരള സംസ്ഥാന കമ്മിറ്റിയാണ് ഈ വീഡിയോ നിര്‍മ്മിച്ചിരിക്കുന്നത്. ബി.ജെ.പിയുമായി ഈ തെരഞ്ഞെടുപ്പില്‍ സി.പി.എമ്മിനുള്ള ബാന്ധവത്തിന്റെ തെളിവായിട്ടാണ് ഈ വീഡിയോ പ്രചരിക്കുന്നതെന്ന നിലയില്‍ വലിയ വിമര്‍ശനങ്ങള്‍ ജനങ്ങള്‍ക്കിടയില്‍ നിന്നും ഉയര്‍ന്നിട്ടുണ്ട്.

Continue Reading

kerala

ഒരാഴ്ചക്ക് ശേഷം സംസ്ഥാനത്ത് സ്വർണവിലയിൽ കുറവ്; പവന് 560 രൂപ കുറഞ്ഞു

Published

on

സംസ്ഥാനത്ത് സ്വർണവിലയിൽ കുറവ്. ഒരാഴ്ചക്ക് ശേഷമാണ് സ്വർണവില കുറയുന്നത്. ഇന്നലെ സർവകാല റെക്കോർഡിലെത്തിയ സ്വർണവിലയിൽ പവന് 560 രൂപ ഇന്ന് കുറഞ്ഞു. നിലവിൽ ഒരു പവൻ സ്വർണത്തിന്റെ വില 53,200 രൂപയാണ്.

ഇന്നലെ അന്താരാഷ്ട്ര സ്വർണവില 2400 ഡോളർ കടന്നിരുന്നു. പിന്നീട്  2343 ഡോളറിലേക്ക് കുറഞ്ഞു. ഇതാണ് സംസ്ഥാനത്തെ വിലയിലും മാറ്റമുണ്ടാകാൻ കാരണമായത്.

ഒരു ഗ്രാം സ്വർണത്തിന്റെ വിപണി വില 6650 രൂപയാണ്. 18 കാരറ്റ് സ്വർണത്തിന്റെ വില ഗ്രാമിന് 5560 രൂപയാണ്.

Continue Reading

kerala

തൃശൂര്‍ പൂരം: എഴുന്നള്ളിക്കുന്ന ആനകളുടെ പട്ടികയും ഫിറ്റ്‌നസ് സര്‍ട്ടിഫിക്കറ്റും സമര്‍പ്പിക്കണമെന്ന് ഹൈക്കോടതി

കോടതി നിയോഗിച്ച അമിക്കസ് ക്യൂറി ആനകളെ പരിശോധിക്കണമെന്ന് നിർദേശമുണ്ട്

Published

on

തൃശൂർ പൂരത്തിലെ ആന എഴുന്നള്ളിപ്പിൽ ഇടപെടലുമായി ഹൈക്കോടതി. തെച്ചിക്കോട്ടുകാവ് രാമചന്ദ്രനെ പങ്കെടുപ്പിക്കുന്നതിൽ ഈ മാസം 16ന് തീരുമാനമെടുക്കും. പൂരത്തിൽ പങ്കെടുക്കുന്ന മുഴുവൻ ആനകളുടെയുടെ ഫിറ്റ്നസ് സർട്ടിഫിക്കറ്റ് സമർപ്പിക്കാനും വനം വകുപ്പിനോടു ഹൈക്കോടതി നിർദേശിച്ചു.

കോടതി നിയോഗിച്ച അമിക്കസ് ക്യൂറി ആനകളെ പരിശോധിക്കണമെന്ന് നിർദേശമുണ്ട്. തൃശൂർ പൂരത്തിന് ഇന്ന് കൊടിയേറും. തിരുവമ്പാടി ക്ഷേത്രത്തിൽ രാവിലെ 11.30 നും 11.45 നും ഇടക്കും പാറമേക്കാവിൽ ഉച്ചയ്ക്ക് 12 നും 12.15നും ഇടക്കുമാണ് കൊടിയേറ്റം. നെയ്തലക്കാവ് ക്ഷേത്രത്തിലാണ് ഏറ്റവും അവസാനം കൊടിയേറുന്നത്.

ആരോഗ്യ പ്രശ്നങ്ങളും മദപ്പാടുമുള്ള ആനകളെ പൂരത്തിൽ പങ്കെടുപ്പിക്കില്ല. ചീഫ് വൈൽഡ് ലൈഫ് വാർഡൻ പുറപ്പെടുവിച്ച ഉത്തരവ് കർശനമായി നടപ്പാക്കണമെന്നും ഹൈക്കോടതി നിലപാടെടുത്തു.

 

 

Continue Reading

Trending