News
ഫലസ്തീനികള്ക്ക് ദുരിത’വര്ഷം’
2014ന് ശേഷം ഫലസ്തീനില് ഏറ്റവും കൂടുതല് കുട്ടികള് കൊല്ലപ്പെട്ടത് കഴിഞ്ഞ വര്ഷമാണെന്ന് ഡിഫന്സ് ഫോര് ചില്ഡ്രന് ഇന്റര്നാഷണല് വ്യക്തമാക്കി
ഗസ്സ: വ്യോമാക്രമണങ്ങളും കുടിയൊഴിപ്പിക്കലും വെടിവെപ്പുകളുമായി ദുരിതം നിറഞ്ഞതായിരുന്നു ഫലസ്തീനികള്ക്ക് പോയവര്ഷം. ഇസ്രാഈല് ഭീകരത ഫലസ്തീനികള്ക്കുമേല് ദുരന്തങ്ങള് വിതച്ചുകൊണ്ടിരുന്നു. ഗസ്സയില് സ്ത്രീകളും കുട്ടികളുമടക്കം നൂറുകണക്കിന് ആളുകളെ ഇസ്രാഈല് സേന വ്യോമാക്രമണത്തില് കൊന്നുതള്ളിയപ്പോള് അന്താരാഷ്ട്ര സമൂഹം കാഴ്ചക്കാര് മാത്രമായി. 14 വര്ഷത്തിനിടെ ഇസ്രാഈല് നടത്തുന്ന നാലാമത്തെ വന് ആക്രമണത്തിലും ഗസ്സ തര്ന്നടിഞ്ഞു. മെയ് മാസം നടന്ന വ്യോമാക്രമണങ്ങളില് 67 കുട്ടികളും 39 സ്ത്രീകളുമടക്കം 260 പേര് കൊല്ലപ്പെടുകയും 1900 പേര്ക്ക് പരിക്കേല്ക്കുകയും ചെയ്തു. 1800 പാര്പ്പിടങ്ങള് പൂര്ണമായും 14300 വീടുകള് ഭാഗികമായും തകര്ന്നു.
അന്താരാഷ്ട്ര വാര്ത്താ ഏജന്സികള് പ്രവര്ത്തിച്ചിരുന്ന ബഹുനില കെട്ടിടം ബോംബിട്ട് തകര്ത്തു. പതിനായിരക്കണക്കിന് ഫലസ്തീനികള് ഐക്യരാഷ്ട്രസഭക്ക് കീഴിലുള്ള സ്കൂളുകളില് അഭയം തേടി. പിഞ്ചു കുഞ്ഞുങ്ങളടക്കം നൂറുകണക്കിന് ആളുകള് മാരകമായ പരിക്കുകളോടെ ഇന്നും ദുരിതത്തില് നീന്തുന്നു. ഏഴു വയസുള്ള മുഹമ്മദ് ഷബാന് പുതുവര്ഷത്തില് ഒരു ആഗ്രഹം മാത്രമാണുള്ളത്. ‘സ്വന്തം ഉമ്മയുടെ മുഖം കാണണം.’ പെരുന്നാളിന് പുതുവസ്ത്രങ്ങള് വാങ്ങാന് ഉമ്മ സുമയ്യയോടൊപ്പം പോയ അവന് ഇസ്രാഈല് ആക്രമണത്തില് കാഴ്ച നഷ്ടപ്പെടുകയായിരുന്നു. ഇപ്പോള് ഷബാന്റെ ചില ചോദ്യങ്ങള് സുമയ്യയെ കൂടുതല് തളര്ത്തുകയാണ്. ‘എന്തുകൊണ്ടാണ് ഞാന് ഇരുട്ടു മാത്രം കാണുന്നത്?, എന്തുകൊണ്ടാണ് എനിക്ക് സ്കൂളില് പോകാന് സാധിക്കാത്തത്?’ കഴിഞ്ഞ ദിവസം മകന്റെ ആഗ്രഹം കേട്ട് സുമയ്യ കൂടുതല് തളര്ന്നു. ‘ഉമ്മാ, എനിക്ക് നിങ്ങളുടെ മുഖം കാണണം’-അല്ജസീറയുടെ ലേഖകനോട് ഇതേക്കുറിച്ച് വിവരിക്കുമ്പോള് സുമയ്യ വിതുമ്പിക്കരഞ്ഞു.
2014ന് ശേഷം ഫലസ്തീനില് ഏറ്റവും കൂടുതല് കുട്ടികള് കൊല്ലപ്പെട്ടത് കഴിഞ്ഞ വര്ഷമാണെന്ന് ഡിഫന്സ് ഫോര് ചില്ഡ്രന് ഇന്റര്നാഷണല് വ്യക്തമാക്കി. 2021ല് 86 കുട്ടികളെയാണ് ഇസ്രാഈല് കൊലപ്പെടുത്തിയത്. ഗസ്സയില് മാത്രം നൂറിലേറെ കുട്ടികള്ക്ക് വ്യോമാക്രണങ്ങളില് ഗുരുതരമായി പരിക്കേറ്റിട്ടുണ്ട്. പലര്ക്കും കൈകാലുകള് നഷ്ടപ്പെട്ടു.
ചിലര് കിടക്കയില്നിന്ന് എഴുന്നേല്ക്കാന് പോലും സാധിക്കാതെ തീരാദുരിതത്തിലാണ്. ഓരോ വര്ഷം കഴിയുമ്പോഴും ഫലസ്തീനികള്ക്കുമേല് കൂടുതല് ഭീകരമായ ആക്രമണങ്ങളാണ് ഇസ്രാഈല് അഴിച്ചുവിടുന്നത്. കുടിയൊഴിപ്പിക്കല് ഭീഷണികളും ശക്തമായിട്ടുണ്ട്.
entertainment
മധുബാല- ഇന്ദ്രന്സ് ചിത്രം ”ചിന്ന ചിന്ന ആസൈ” സെക്കന്റ് ലുക്ക് പുറത്ത്
മധുബാല, ഇന്ദ്രന്സ് എന്നിവരെ കേന്ദ്ര കഥാപാത്രങ്ങളാക്കി വര്ഷാ വാസുദേവ് ഒരുക്കുന്ന ”ചിന്ന ചിന്ന ആസൈ” ചിത്രത്തിന്റെ സെക്കന്റ് ലുക്ക് പുറത്ത്.
മധുബാല, ഇന്ദ്രന്സ് എന്നിവരെ കേന്ദ്ര കഥാപാത്രങ്ങളാക്കി വര്ഷാ വാസുദേവ് ഒരുക്കുന്ന ”ചിന്ന ചിന്ന ആസൈ” ചിത്രത്തിന്റെ സെക്കന്റ് ലുക്ക് പുറത്ത്. നടി മഞ്ജു വാര്യരുടെ ഔദ്യോഗിക സോഷ്യല് മീഡിയ പേജിലൂടെയാണ് സെക്കന്റ് ലുക്ക് പോസ്റ്റര് റിലീസ് ചെയ്തത്. ബാബുജി പ്രൊഡക്ഷന്സിന്റെ ബാനറില് അഭിജിത് ബാബുജിയാണ് ചിത്രത്തിന്റെ നിര്മ്മാണം നിര്വഹിക്കുന്നത്. വര്ഷാ വാസുദേവ് ഒരുക്കുന്ന ഈ ചിത്രത്തിലൂടെ ഒരു ഇടവേളക്കു ശേഷം കേന്ദ്ര കഥാപാത്രവുമായാണ് മധുബാല മലയാളത്തില് എത്തുന്നത്.
വര്ഷ വാസുദേവ് തന്നെയാണ് ചിത്രത്തിന്റെ രചനയും നിര്വഹിച്ചിരിക്കുന്നത്. ഗോവിന്ദ് വസന്ത ഒരുക്കിയ സംഗീതത്തിന്റെ പശ്ചാത്തലത്തോടെ ആണ് ചിത്രം ഒരുങ്ങുന്നത്. ചിത്രത്തിന്റെ ഫസ്റ്റ് ലുക്ക് പോസ്റ്റര് നേരത്തെ പുറത്തു വന്നിരുന്നു. തമിഴ് സംവിധായകന് മണി രത്നം ആണ് ഫസ്റ്റ് ലുക്ക് പുറത്തു വിട്ടത്. പൂര്ണ്ണമായും വാരണാസിയില് ചിത്രീകരണം പൂര്ത്തിയായ ചിത്രം 2026 ആദ്യം തീയേറ്ററുകളില് എത്തും.
ഛായാഗ്രഹണം : ഫയിസ് സിദ്ധിക്ക്, സംഗീതം: ഗോവിന്ദ് വസന്ത, എഡിറ്റര് : റെക്ക്സണ് ജോസഫ്, പ്രൊഡക്ഷന് കണ്ട്രോളര് : പ്രശാന്ത് നാരായണ്, ആര്ട്ട് ഡയറക്റ്റര് : സാബു മോഹന്, വസ്ത്രാലങ്കാരം : സമീറാ സനീഷ്, മേക്കപ്പ് : രഞ്ജിത്ത് അമ്പാടി, സൗണ്ട് ഡിസൈനര് : രംഗനാഥ് രവി, കൊറിയോഗ്രാഫര് : ബ്രിന്ദാ, ചീഫ് അസ്സോസിയേറ്റ് ഡയറക്ടര് : നവനീത് കൃഷ്ണ, ലൈന് പ്രൊഡ്യൂസര് : ബിജു പി കോശി, ഡി ഐ : ചലച്ചിത്രം ഫിലിം സ്റ്റുഡിയോ, വി എഫ് എക്സ് : പിക്റ്റോറിയല്എഫ് എക്സ്, കളറിസ്റ്റ്: ഷണ്മുഖ പാണ്ട്യന്, ടൈറ്റില് ഡിസൈന് : ജെറി, പബ്ലിസിറ്റി ഡിസൈന്സ് : ഇല്ലുമിനാര്റ്റിസ്റ്റ്, ട്രൈലെര് കട്ട്സ് : മഹേഷ് ഭുവനേന്ദ്, ലിറിസിസ്റ്റ്സ്: അന്വര് അലി , ഉമ ദേവി, വരുണ് ഗ്രോവര് , ഗജ്നന് മിത്കേ, സിംഗേഴ്സ് : ചിന്മയി ശ്രീപദ, കപില് കപിലന് , ശ്രുതി ശിവദാസ്, ശിഖ ജോഷി, ഗോവിന്ദ് വസന്ത, സ്റ്റില്സ്: നവീന് മുരളി,പി ആര് ഓ : ശബരി, ഡിജിറ്റല് മാര്ക്കറ്റിങ് : അനൂപ് സുന്ദരന്.
kerala
കൊല്ലത്ത് മുത്തശ്ശിയെ ചെറുമകന് കഴുത്തറുത്ത് കൊന്നു
ചെറുമകന് ഷഹനാസിനെ പൊലീസ് കസ്റ്റഡിയിലെടുത്തു.
കൊല്ലം: ചവറയില് മുത്തശ്ശിയെ ചെറുമകന് കഴുത്തറുത്ത് കൊന്നു. സുലേഖ ബീവിയാണ് മരിച്ചത്. ചെറുമകന് ഷഹനാസിനെ പൊലീസ് കസ്റ്റഡിയിലെടുത്തു. അതേസമയം കൊലപാതകത്തിലേക്ക് നയിച്ച കാരണം എന്താണെന്ന് വ്യക്തമായിട്ടില്ല.
ചവറ വട്ടത്തറയിലാണ് സംഭവം. മുത്തശ്ശിയെ കഴുത്തുറുത്തു കൊന്ന ശേഷം മൃതദേഹം കട്ടിലിനടിയില് ഒളിപ്പിക്കുകയായിരുന്നു. ഇരുവും മാത്രമായിരുന്നു സംഭവം നടക്കുമ്പോള് വീട്ടിലുണ്ടായിരുന്നത്.
ഷഹനാസിന്റെ മാതാവ് വീട്ടിലുണ്ടായിരുന്നില്ല. ഇവര് തിരിച്ചെത്തിയപ്പോള് സുലേഖ ബീവിയെ കണ്ടില്ല. ഷഹനാസിനോടു അന്വേഷിച്ചപ്പോള് വീടിനകത്തുണ്ടെന്നായിരുന്നു മറുപടി. പരിശോധിച്ചപ്പോഴാണ് കട്ടിലിനടിയില് നിന്നു മൃതദേഹം കണ്ടെത്തിയത്.
kerala
അമ്മത്തൊട്ടിലിലേക്ക് പുതിയ അതിഥിയായി ഭീം
കഴിഞ്ഞ ദിവസം രാത്രി 10.50 നാണ് 10 ദിവസം പ്രായം മാത്രം തോന്നിക്കുന്ന ആണ്കുഞ്ഞിനെ അമ്മത്തൊട്ടിലില് ലഭിച്ചത്.
സംസ്ഥാന ശിശുക്ഷേമ സമിതിയുടെ അമ്മത്തൊട്ടിലിലേക്ക് ഇന്നലെ പുതിയ അതിഥിയെത്തി. അധികൃതര് കുട്ടിയ്ക്ക് ഭീം എന്ന് പേര് നല്കി. കഴിഞ്ഞ ദിവസം രാത്രി 10.50 നാണ് 10 ദിവസം പ്രായം മാത്രം തോന്നിക്കുന്ന ആണ്കുഞ്ഞിനെ അമ്മത്തൊട്ടിലില് ലഭിച്ചത്.
ഡോ. ഭീംറാവു അംബേദ്കറുടെ സമൃതി ദിനമായ ഇന്നലെ ലഭിച്ചതിനാലാണ് ഭീം എന്ന് പേരിട്ടതായി ശിശുക്ഷേമ സമിതി ജനറല് സെക്രട്ടറി അറിയിച്ചു. 10 ദിവസം പ്രായവും 2.13 കി.ഗ്രാം ഭാരവുമുള്ള ആണ്കുഞ്ഞ് അതിഥിയായി എത്തിയത്.
ഇതോടെ ഒക്ടോബര്, നവംബര്, ഡിസംബര് മാസങ്ങളിലായി തിരുവനന്തപുരത്ത് 8 കുട്ടികളെയാണ് അമ്മത്തൊട്ടിലില് ലഭിച്ചത്. സെപ്തംബര് മാസം നാല് കുട്ടികളും അമ്മത്തൊട്ടിലില് എത്തിയിരുന്നു.
-
kerala2 days agoയുഡിഎഫ് സ്ഥാനാര്ത്ഥിയുടെ വ്യാജ ചിത്രവുമായി സിപിഎമ്മുകാരുടെ വര്ഗീയ പ്രചാരണം; കുറ്റക്കാര്ക്കെതിരെ നിയമ നടപടി
-
kerala3 days agoസ്വര്ണക്കൊള്ള ഒരു ജനതയുടെ നെഞ്ചിനേറ്റ മുറിവ്
-
health2 days agoഡയറ്റ് പ്ലാനിങ്ങിലുണ്ടോ? നമുക്കാവശ്യമായ ഭക്ഷണ ശൈലി ഇങ്ങനെ ക്രമീകരിക്കാം
-
india2 days agoബാബരി: മായാത്ത ഓര്മകള്
-
news2 days agoകടുവ സെന്സസിനിടെ കാട്ടാന ആക്രമണം; വനം വകുപ്പ് ജീവനക്കാരന് കൊല്ലപ്പെട്ടു
-
news2 days agoക്ഷേത്രത്തില് വന് കവര്ച്ച; തിരുവാഭരണം മോഷണം പോയി
-
india2 days ago‘രാജ്യത്തെ എല്ലാ മുസ്ലിം പള്ളികളിലും മദ്രസകളിലും സിസിടിവി ക്യാമറകള് സ്ഥാപിക്കണം’; ലോക്സഭയില് ആവശ്യവുമായി ബി.ജെ.പി എം.പി
-
News2 days agoബാലമുരുകനെതിരെ തിരച്ചില് ശക്തം; കടയത്തി മലയിടുക്ക് പൊലീസ് വളഞ്ഞു