Video Stories
സാക്കിര് നായിക്കിനെതിരായ നീക്കം എതിര്ക്കപ്പെടണം

ബഹു മത പണ്ഡിതനും ഇസ്ലാമിക പ്രബോധകനുമായ ഡോ. സാക്കിര് അബ്ദുല് കരീം നായിക് നേതൃത്വം നല്കി, മുംബൈ ആസ്ഥാനമായി കാല് നൂറ്റാണ്ടായി പ്രവര്ത്തിച്ചുവരുന്ന ഇസ്ലാമിക് റിസര്ച്ച് ഫൗണ്ടേഷനെ ഭീകര പ്രവര്ത്തന നിരോധന നിയമം (യു.എ.പി.എ) ചുമത്തി കേന്ദ്ര സര്ക്കാര് നിരോധിച്ചിരിക്കുന്നു. നവംബര് 15 മുതല് അഞ്ചു വര്ഷത്തേക്കാണ് നിരോധനം. ബഹു ഭാഷാ പാണ്ഡിത്യമുള്ള ബഹു മത വിശാരദനാണ് ഡോ. സാക്കിര് നായിക് എന്ന് അദ്ദേഹത്തെക്കുറിച്ച് മനസ്സിലാക്കാന് ശ്രമിച്ചവര്ക്കൊക്കെ അറിയാം. ഇസ്ലാമിനെക്കുറിച്ച് മാത്രമല്ല, ഹിന്ദു, ക്രിസ്ത്യന്, ബുദ്ധ, ജൈന മതങ്ങളെക്കുറിച്ചൊക്കെ അദ്ദേഹത്തിന്റെ അറിവും ഓര്മശക്തിയും അപാരമാണ്. രാജ്യത്തെ ന്യൂനപക്ഷങ്ങള്ക്കെതിരായ പ്രത്യയ ശാസ്ത്രം ദേശീയതക്ക് ഭൂഷണമായി പ്രചരിപ്പിച്ചുവരുന്ന സംഘ പരിവാറിനും ബി.ജെ.പിക്കും ഇത്തരമൊരു പണ്ഡിതന് ഇന്ത്യയില് ജീവിച്ചിരിക്കുന്നുവെന്നത് അഭിമാനകരമാവാത്തത്് സ്വാഭാവികം.
കഴിഞ്ഞ ജൂലൈ മുതല് ഡോ. സാക്കിര് നായിക് സഊദി അറേബ്യയിലാണ്. യാത്ര പോയതിനിടെയാണ് അദ്ദേഹത്തിന്റെ സംഘടനക്കെതിരെ വ്യാപകമായ പ്രചാരണം കേന്ദ്ര അന്വേഷണ ഏജന്സികളുടെയും സംഘ്പരിവാരത്തിന്റെയും ഭാഗത്തുനിന്ന് ഉയര്ന്നുവന്നത്. ഇതിന് അവര് പറഞ്ഞ കാരണം വളരെ വിചിത്രമായിരുന്നു. ബംഗ്ലാദേശ് ആസ്ഥാനമായ ധാക്കയില് 2016 ജൂലൈ ഒന്നിന് നടന്ന ബോംബ് സ്ഫോടനക്കേസിലെ പ്രതികളിലൊരാള് ഡോ. നായിക്കിന്റെ പ്രഭാഷണം കേട്ട് പ്രചോദിതനായെന്നാണ് അത്. ധാക്കയിലെ ഡെയ്ലി സ്റ്റാര് പത്രത്തില് പ്രസിദ്ധീകരിച്ച ഒരു വാര്ത്തയാണ് ഈ പരാതിക്കടിസ്ഥാനമായി സര്ക്കാരും കേന്ദ്ര അന്വേഷണ ഏജന്സികളും സ്വീകരിച്ചതെന്നത് വിചിത്രമായിരുന്നു. കേസെടുത്ത ശേഷം ഇന്ത്യയിലെത്തിയാല് അറസ്റ്റ് ചെയ്യുമെന്ന പ്രചാരണം അഴിച്ചുവിട്ടു.
പീസ് ടി.വിയിലൂടെയും നിരന്തരമായ പൊതുപരിപാടികളിലൂടെയും കാസറ്റുകളിലൂടെയും ഓണ്ലൈനിലൂടെയുമാണ് ഡോ. സാക്കിര് നായിക്കിനെ ലോകത്താകെ ജനങ്ങള് പരിചയപ്പെടുന്നത്. കേരളത്തില് ഐ.എസിലേക്ക് ചില യുവാക്കള് പോയെന്ന വാര്ത്തകളുടെ പശ്ചാത്തലത്തില് ചിലര് സാക്കിര് നായിക്കിന്റെ പേര് കൂടി വലിച്ചിഴക്കുകയും വാര്ത്തക്ക് എരിവും പുളിയും നല്കുകയും ചെയ്തു. മലയാളി യുവാക്കള് സാക്കിര് നായിക്കിന്റെ സംഘടനയിലൂടെയാണ് മതം മാറിയതെന്നായിരുന്നു കണ്ടെത്തല്. കേരള പൊലീസിലെ ചിലര്ക്ക് ഇക്കാര്യത്തില് വ്യക്തമായ ചില ദുഷ്ട അജണ്ടകളുണ്ടായിരുന്നുവെന്നതിന്റെ തെളിവായിരുന്നു കേസില് സാക്കിര് നായിക്കിന്റെ സംഘടനയുമായി ബന്ധമുള്ള രണ്ടുപേരെ മുംബൈയില് നിന്ന് കസ്റ്റഡിയിലെടുത്തത്. യഥാര്ഥത്തില് ഭരണഘടനയുടെ 15, 25 വകുപ്പുകളുടെ മത വിശ്വാസ സ്വാതന്ത്ര്യം അനുഭവിക്കുക മാത്രമായിരുന്നു പ്രതികള് ചെയ്തത്. മുംബൈയിലെ ഐ.ആര്.എഫ് ആസ്ഥാനത്തെത്തുന്നവരില് ഇന്ത്യയിലും ലോകത്തുനിന്നുമുള്ള എല്ലാ മത-ജാതി വിഭാഗങ്ങളുമുണ്ട്. ഇവരില് കര്ഷകര്, തൊഴിലാളികള് തുടങ്ങി ഉന്നത വിദ്യാഭ്യാസം നേടിയവരെ വരെയും കാണാം. ഇവര്ക്ക് ഇസ്ലാമിനെക്കുറിച്ച് അറിയാനുള്ള സൗകര്യം ചെയ്തുകൊടുക്കുകയും അവരെ സമാധാനത്തിന്റെ മാര്ഗത്തിലേക്ക് ആനയിക്കുകയുമാണ് ഡോ. നായിക് ചെയ്തുവരുന്നത്. ആരെയെങ്കിലും നിര്ബന്ധിച്ച് മത പരിവര്ത്തനം നടത്തിയതായി ഇതുവരെയും പരാതിയുയര്ന്നിട്ടുമില്ല. വേഷത്തിലോ രാഷ്ട്രീയ വിഷയങ്ങളിലോ ഒന്നും ഈ അമ്പത്തൊന്നുകാരന് ഒരു തരത്തിലുള്ള യാഥാസ്ഥികത്വവും കാണിക്കുന്നുമില്ല. കേരളത്തിലും നിരവധി മത പരിപാടികളില് പങ്കെടുക്കുകയുണ്ടായെങ്കിലും അന്നൊന്നും ഇദ്ദേഹത്തിനെതിരെ ഒരു തരത്തിലുള്ള ആരോപണവും ഉയരുകയുണ്ടായിട്ടില്ല. ഇനി അദ്ദേഹത്തിന്റെ പ്രസംഗം കേട്ട ആരെങ്കിലും തീവ്രവാദ പ്രവര്ത്തനത്തിനിറങ്ങിയെന്നുപറഞ്ഞാല് ഇക്കാര്യം എവിടെയെങ്കിലും തെളിയിക്കപ്പെടേണ്ടതല്ലേ. ധാക്കയില് ആദ്യം വാര്ത്തയെഴുതിയ പത്രം തന്നെ പിന്നീടത് പിന്വലിച്ചത് പലരും മറച്ചുവെച്ചു. ജിഹാദ് എന്ന പേരില് നിരപരാധികളെ കൊല്ലുന്നതിനെ ശക്തിയായി എതിര്ക്കുന്നയാള് കൂടിയാണ് ഡോ. നായിക്. ഐ.എസിനു പിറകില് ഇസ്ലാമിന്റെ ശത്രുക്കളാണെന്നും അദ്ദേഹം പറയുന്നു.
നിരവധി അന്താരാഷ്ട്ര മത സംവാദങ്ങളില് പങ്കെടുക്കുന്ന ഡോ. നായികിന് മത പാണ്ഡിത്യം പരിഗണിച്ച് ലോകത്തെ ഈ രംഗത്തുള്ള ഏറ്റവും വലിയ പുരസ്കാരമായ കിങ് ഫൈസല് അവാര്ഡ്ലഭിച്ചിരുന്നു. ഇതെല്ലാം ഉള്ക്കൊണ്ടുകൊണ്ടാണ് ഡോ. സാക്കിര് നായിക്കിനെതിരായ കേന്ദ്ര സര്ക്കാര് നീക്കത്തെ മുസ്ലിം ലീഗടക്കമുള്ള പ്രമുഖ രാഷ്ട്രീയ കക്ഷികളും സംഘടനകളും എതിര്ത്തത്. സാക്കിര് നായിക്കിന്റെ എല്ലാ രീതികളെയും വാദങ്ങളെയും അംഗീകരിക്കുന്നു എന്ന് ഇതിനര്ഥമില്ല. എന്നാല് ജനാധിപത്യവും ഭരണഘടനയും നിലനില്ക്കുന്ന രാജ്യത്തെ ഒരു പൗരനെതിരെ സര്ക്കാര് നടപടിയെടുക്കണമെങ്കില് അതിന് ഉപോല്ബലകമായ തെളിവുകള് ഹാജരാക്കാന് അന്വേഷണ ഏജന്സികള്ക്ക് കഴിയണം. ന്യൂനപക്ഷ മത വിഭാഗത്തില്പെട്ടവര്ക്കും ദലിതര്ക്കുമെതിരെ രാജ്യത്ത് നടന്നുകൊണ്ടിരിക്കുന്ന കൊലപാതകങ്ങളെക്കുറിച്ചും അതിക്രമങ്ങളെക്കുറിച്ചുമുള്ള വാര്ത്തകള് വ്യാപകമായി പുറത്തുവരുന്ന സമയത്ത് സര്ക്കാരിന്റെ ഉദ്ദേശ്യ ശുദ്ധി സംശയത്തിലിരിക്കെ വിശേഷിച്ചും. കേന്ദ്രം കള്ളപ്പണക്കാര്ക്കെതിരെ നോട്ട് നിരോധനം നടപ്പാക്കിവരുന്ന ഘട്ടത്തിലാണ് ഈ നിരോധനമെന്നതും സര്ക്കാരിന്റെ കുബുദ്ധി വെളിവാക്കുന്നതാണ്. നാവിന്റെ നീളവും അധികാരത്തിന്റെ മുഷ്കും കൊണ്ട് ഇന്ത്യന് മതേതര ബോധത്തിനുനേരെ കുതിര കയറിക്കൊണ്ടിരിക്കുന്ന, ഡോ. നായിക്കിനെ കൊല്ലുന്നവര്ക്ക് 50 ലക്ഷം രൂപ ഇനാം പ്രഖ്യാപിച്ച സാധ്വി പ്രാഞ്ചിയും അവരുടെ വിശ്വഹിന്ദു പരിഷത്തുമൊന്നും നിരോധിത പട്ടികയിലില്ല. എന്നാല് നീതി ന്യായ കോടതിക്ക് ഇക്കാര്യത്തില് അനീതി നടന്നിട്ടുണ്ടെങ്കില് തീര്ച്ചയായും അത് ഭരണഘടനാപരമായി ഒഴിവാക്കിക്കൊടുക്കാന് കഴിയും. ചാരിറ്റബിള് ട്രസ്റ്റ് നിയമമനുസരിച്ച് പ്രവര്ത്തിക്കുന്ന സന്നദ്ധ സംഘടന എന്ന നിലയില് രാജ്യത്തേക്ക് വരുന്ന വിദേശ സംഭാവനകള് സ്വീകരിക്കാന് ഐ.ആര്.എഫിന് കഴിഞ്ഞിരിക്കും. ഇതിനെ തടയുകയായിരുന്നു ആദ്യ ഘട്ടത്തില് കേന്ദ്ര സര്ക്കാര് ചെയ്തത്. കേന്ദ്ര സര്ക്കാരിന്റെ വിദേശ കറന്സി റെഗുലേഷന് നിയമ പ്രകാരമാണ് ഇത് നിയന്ത്രിക്കപ്പെടുന്നതെന്നിരിക്കെ നിരോധനം എന്തിനായിരുന്നുവെന്നതും ചോദ്യം ചെയ്യപ്പെടുന്നുണ്ട്. എന്.ജി.ഒകള്ക്കുള്ള വിദേശ സംഭാവനകള് നിരോധിച്ചുകൊണ്ട് കേന്ദ്ര സര്ക്കാര് രണ്ടുവര്ഷം മുമ്പ് ഇറക്കിയ ഉത്തരവ് ചില സംഘടനകളുടെ കാര്യത്തില് പിന്വലിക്കുകയും ചിലവ നിലനിര്ത്തുകയും ചെയ്തിരുന്നു.
ന്യൂനപക്ഷം എന്നത് ലോകത്ത് ഏതു സമൂഹത്തിനിടയിലെയും യാഥാര്ഥ്യമാണ്. ഇവര്ക്കുവേണ്ടി ഇന്ത്യന് ഭരണഘടനയില് തന്നെ പ്രത്യേക പരിരക്ഷ ഏര്പെടുത്തിയിരിക്കുന്നത് ദീര്ഘ ദൃഷ്ടികളായ ദേശീയ നേതാക്കളുടെ ശ്രമഫലമായിരുന്നു. രാജ്യം ഹിന്ദുത്വ ദേശീയതയിലും ഹിന്ദു രാഷ്ട്രത്തിലും അധിഷ്ഠിതമായിരിക്കണമെന്ന് വാദിക്കുന്നവരെ സംബന്ധിച്ചിടത്തോളം ഇതൊന്നും പറഞ്ഞിട്ട് കാര്യമില്ല. എന്നാല് നൂറ്റാണ്ടുകളുടെ മതേതര പാരമ്പര്യമുള്ളൊരു രാജ്യത്തെ സംബന്ധിച്ച് ഇത്തരം ന്യൂനപക്ഷ വിരുദ്ധ നടപടികള് രാജ്യത്തിന്റെ ഭാവിക്ക് ഭൂഷണമാകില്ലെന്ന് മാത്രം ഓര്മിപ്പിക്കട്ടെ.
kerala
പൂജപ്പുര ജയിലില് നിന്ന് കഞ്ചാവ് കണ്ടെടുത്ത സംഭവം: പൊലീസ് കേസെടുത്തു
ജയില് സൂപ്രണ്ട് നല്കിയ പരാതിയുടെ അടിസ്ഥാനത്തിലാണ് പൂജപ്പുര പൊലീസ് കേസെടുത്തത്.

തിരുവനന്തപുരം: പൂജപ്പുര ജയിലില് നിന്ന് കഞ്ചാവ് കണ്ടെടുത്ത സംഭവത്തില് പോലീസ് കേസെടുത്തു. ജയില് സൂപ്രണ്ട് നല്കിയ പരാതിയുടെ അടിസ്ഥാനത്തിലാണ് പൂജപ്പുര പൊലീസ് കേസെടുത്തത്.
കഴിഞ്ഞ വെള്ളിയാഴ്ചയാണ് ജയിലില് നിന്ന് മൂന്നു പാക്കറ്റ് കഞ്ചാവ് കണ്ടെത്തിയത്. അതേസമയം കേസില് നിലവില് ആരെയും പ്രതി ചേര്ത്തിട്ടില്ല. പ്രാരംഭ അന്വേഷണം നടത്തിവരികയാണ്.
ആരെങ്കിലും പുറത്തുനിന്നും ജയിലിലേക്ക് കഞ്ചാവ് എറിഞ്ഞുകൊടുത്തതാണോയെന്ന സംശയവും പൊലീസിനുണ്ട്. സിസിടിവി ദൃശ്യങ്ങളടക്കം പരിശോധിച്ചാണ് അന്വേഷണം. ജയില് സൂപ്രണ്ട് നല്കിയ പരാതിയിലാണ് സംഭവത്തില് കേസെടുത്തത്. ജയില് അടുക്കളയ്ക്ക് സമീപത്ത് വെച്ചാണ് കഞ്ചാവ് കണ്ടെത്തിയത്.
News
ഗസ പൂര്ണമായി പിടിച്ചെടുക്കാന് ഉത്തരവിട്ട് നെതന്യാഹു
ബന്ദികളെ മോചിപ്പിക്കുന്നതിന് ഹമാസിനെ സമ്മര്ദത്തിലാക്കാനെന്ന് റിപ്പോര്ട്ട്

ഇസ്രാഈല് പ്രധാനമന്ത്രി ബെഞ്ചമിന് നെതന്യാഹു, ബാക്കിയുള്ള ബന്ദികളെ മോചിപ്പിക്കാന് ഹമാസിനെ സമ്മര്ദത്തിലാക്കുക എന്ന ലക്ഷ്യത്തോടെ ഗസ മുനമ്പ് പൂര്ണ്ണമായും കൈവശപ്പെടുത്താന് ഇസ്രാഈല് സൈന്യത്തോട് ഉത്തരവിട്ടതായി ഇസ്രാഈല് മാധ്യമങ്ങള് റിപ്പോര്ട്ട് ചെയ്യുന്നു.
ഏകദേശം 75% പ്രദേശത്തിന്റെ നിയന്ത്രണത്തിലുള്ള ഇസ്രാഈല് സൈന്യം — ബന്ദികളാക്കപ്പെട്ടതായി ഇന്റലിജന്സ് വിശ്വസിക്കുന്ന മേഖലകള് ഉള്പ്പെടെ, ശേഷിക്കുന്ന പ്രദേശങ്ങള് പിടിച്ചെടുക്കാന് തയ്യാറെടുക്കുന്നതിനാല്, ഏകദേശം പത്ത് മാസത്തെ യുദ്ധത്തില് ഈ തീരുമാനം ഒരു വഴിത്തിരിവാണ്.
അതേസമയം അടിയന്തര വെടിനിര്ത്തല് കരാര് ആവശ്യപ്പെട്ട് പതിനായിരക്കണക്കിന് ഇസ്രാഈലികള് ശനിയാഴ്ച രാത്രി തെരുവിലിറങ്ങി.
അതേസമയം, ഗസയ്ക്കുള്ളില് മനുഷ്യത്വപരമായ എണ്ണം വര്ദ്ധിച്ചുകൊണ്ടിരിക്കുകയാണ്. ഇസ്രാഈലിന്റെ പിന്തുണയോടെ പ്രവര്ത്തിക്കുന്ന അമേരിക്കന് നടത്തുന്ന വിതരണ സൈറ്റുകള്ക്ക് സമീപം, മെയ് മുതല് സഹായത്തിനായി ശ്രമിക്കുന്നതിനിടെ ഏകദേശം 1,400 ഫലസ്തീനികള് കൊല്ലപ്പെട്ടതായി ഐക്യരാഷ്ട്രസഭ കണക്കാക്കുന്നു. ഇസ്രാഈലി സൈന്യം സിവിലിയന്മാരെ നേരിട്ട് ലക്ഷ്യമിടുന്നത് നിഷേധിക്കുകയും ജനക്കൂട്ടത്തെ നിയന്ത്രിക്കാന് മുന്നറിയിപ്പ് വെടിയുതിര്ക്കുക മാത്രമാണ് ചെയ്തതെന്ന് അവകാശപ്പെടുകയും ചെയ്യുന്നു.
മാര്ച്ച് മുതല് മെയ് വരെ, എല്ലാ ഭക്ഷണവും മരുന്നും മാനുഷിക സാധനങ്ങളും ഒഴിവാക്കി ഇസ്രാഈല് എന്ക്ലേവില് സമ്പൂര്ണ ഉപരോധം ഏര്പ്പെടുത്തി. അന്താരാഷ്ട്ര പ്രതിഷേധത്തെത്തുടര്ന്ന് ആ നയം ഭാഗികമായി അയവുവരുത്തി, എന്നാല് യുദ്ധത്തില് തകര്ന്ന പ്രദേശത്തിനുള്ളില് ഇപ്പോഴും കുടുങ്ങിക്കിടക്കുന്ന ഏകദേശം 20 ലക്ഷം ഫലസ്തീനികളുടെ അവസ്ഥ വളരെ മോശമാണ്.
Video Stories
“മോഹന്ലാലിനെ അയക്കാതെ ജോഷി ചതിച്ച സ്ഥിതിക്ക് പച്ചക്കുളം വാസുവിനെ എങ്കിലും കൊണ്ടുവരുമോ കുഞ്ഞച്ച”; മന്ത്രി അബ്ദുറഹ്മാനെ പരിഹസിച്ച് സന്ദീപ് വാര്യര്
എന്തിനാണ് കായിക മന്ത്രി കേരളത്തിലെ ഫുട്ബോള് പ്രേമികളെ ഇത്തരത്തില് സ്വപ്നം കാണിച്ച് പറ്റിച്ചതെന്നും സന്ദീപ് വാര്യര് ചോദിച്ചു.

മെസ്സി കേരളത്തിലേക്ക് എത്തില്ലെന്ന് സ്ഥിരീകരിച്ച കായികവകുപ്പ് മന്ത്രി വി അബ്ദുറഹ്മാനെ പരിഹസിച്ച് സന്ദീപ് വാര്യര്. മോഹന്ലാലിനെ അയക്കാതെ ജോഷി ചതിച്ച സ്ഥിതിക്ക് പച്ചക്കുളം വാസുവിനെ എങ്കിലും കൊണ്ടുവരുമോ കോട്ടയം കുഞ്ഞച്ചായെന്ന് സന്ദീപ് വാര്യര് പരിഹസിച്ചു. എന്തിനാണ് കായിക മന്ത്രി കേരളത്തിലെ ഫുട്ബോള് പ്രേമികളെ ഇത്തരത്തില് സ്വപ്നം കാണിച്ച് പറ്റിച്ചതെന്നും സന്ദീപ് വാര്യര് ചോദിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം;
അങ്ങനെ നമുക്കെല്ലാവര്ക്കും അറിയാമായിരുന്ന ഒരു സത്യം ഇന്ന് സ്പോര്ട്സ് മന്ത്രി വി അബ്ദു റഹ്മാന് സമ്മതിച്ചിരിക്കുന്നു. മെസ്സി വരുന്നില്ല. എന്തിനാണ് കായിക മന്ത്രി കേരളത്തിലെ ഫുട്ബോള് പ്രേമികളെ ഇങ്ങനെ സ്വപ്നം കാണിച്ച് പറ്റിച്ചത് ? മോഹന്ലാലിനെ അയക്കാതെ ജോഷി ചതിച്ച സ്ഥിതിക്ക് പച്ചക്കുളം വാസുവിനെ എങ്കിലും കൊണ്ടുവരുമോ കോട്ടയം കുഞ്ഞച്ചാ ?
ഇത് സംബന്ധിച്ച് ഇടതു പ്രൊഫൈലുകള്ക്കുള്ള ക്യാപ്സ്യൂള് താഴെ കൊടുക്കുന്നു.
ക്യൂബയില് നിന്ന് വരുമെന്ന് പറഞ്ഞ അത്ഭുത മരുന്ന് വന്നിട്ടില്ല, പിന്നെയാ അര്ജന്റീനയില് നിന്ന് വരുമെന്ന് പറഞ്ഞ മെസ്സി.
-
india2 days ago
തെരഞ്ഞെടുപ്പ് കമ്മീഷന് ബിജെപിയുമായി ചേര്ന്ന് അട്ടിമറി നടത്തി രാഹുല് ഗാന്ധി
-
kerala3 days ago
ചേര്ത്തല തിരോധാനക്കേസ്; സെബാസ്റ്റ്യന്റെ വീട്ടില് നിന്ന് കത്തിക്കരിഞ്ഞ ലേഡീസ് വാച്ച് കണ്ടെത്തി
-
kerala3 days ago
കണ്ണൂര് സര്വകലാശാല യൂണിയന് തെരഞ്ഞെടുപ്പ്: കോട്ട പൊളിച്ച് എം.എസ്.എഫ്
-
Film3 days ago
‘ജയിക്കാന് സാധ്യതയുള്ളവര്ക്കെതിരെ വലിയ ആരോപണങ്ങളാണ് സൃഷ്ഠിക്കുന്നത്, ശ്വേതയും കുക്കുവും ഗൂഢാലോചനയ്ക്കെതിരെ കേസ് കൊടുക്കണം’: മാലാ പാര്വതി
-
india3 days ago
ഇന്ത്യക്കെതിരെ കടുത്ത നടപടിയുമായി ട്രംപ്; തീരുവ 50 ശതമാനമാക്കി ഉയര്ത്തി
-
india3 days ago
ട്രംപിന്റെ 50% താരിഫ് സാമ്പത്തിക ബ്ലാക്ക് മെയിലിംഗ്, അന്യായമായ വ്യാപാര ഇടപാടിലേക്ക് ഇന്ത്യയെ ഭീഷണിപ്പെടുത്താനുള്ള ശ്രമമാണ്: രാഹുല് ഗാന്ധി
-
main stories3 days ago
‘അന്യായവും ന്യായരഹിതവും യുക്തിരഹിതവും’, ട്രംപിന്റെ 50% താരിഫുകള്ക്കെതിരെ ഇന്ത്യ
-
india2 days ago
വോട്ടര്പട്ടിക ക്രമക്കേട്; രാഹുല്ഗാന്ധിയുടെ നേതൃത്വത്തില് ഇന്ഡ്യ സഖ്യത്തിന്റെ പ്രതിഷേധങ്ങള്ക്ക് ഇന്ന് തുടക്കം