ഡല്ഹി: 500 വര്ഷം പഴക്കമുള്ള മോസ്ക് പൊളിച്ചുമാറ്റി ഡല്ഹി വികസന അതോറിറ്റി. കയ്യേറിയ ഭൂമിയില് അനധികൃതമായി നിര്മിച്ചതാണെന്ന് ആരോപിച്ചാണ് പള്ളി പൊളിച്ചത്. പള്ളി പൊളിക്കുന്നതുമായി ബന്ധപ്പെട്ട് ഒരറിയിപ്പോ നോട്ടീസോ ലഭിച്ചിട്ടില്ലെന്നും പുലര്ച്ചെ അഞ്ചരയ്ക്ക് വന്ന് മസ്ജിദ് ഒഴിയണമെന്ന് ആവശ്യപ്പെടുകയായിരുന്നെന്നും പള്ളി ഇമാം സാക്കിര് ഹുസൈന് പറഞ്ഞു.
പള്ളിയോട് ചേര്ന്ന് തന്നെ ഒരു മദ്രസയും പ്രവര്ത്തിച്ചിരുന്നു. ഇരുപതോളം കുട്ടികള് ഇവിടെ പഠിക്കുന്നുമുണ്ട്. പള്ളി പൊളിക്കാനെത്തിയവര് ഫോണുകള് തട്ടിയെടുത്തു. സാധനങ്ങള് പോലും മസ്ജിദിനകത്ത് നിന്ന് മാറ്റാന് അനുവദിക്കാതെ പുറത്തിറങ്ങാന് ആവശ്യപ്പെടുകയായിരുന്നുവെന്നും അധികൃതര് പറഞ്ഞു. മദ്രസയില് പഠിക്കുന്ന 22 കുട്ടികളില് 15 പേര് അവിടെ താമസിച്ച് പഠിക്കുന്നവരാണ്. അവരുടെ പുസ്തകങ്ങളോ കുട്ടികള് ചെറുസമ്പാദ്യമായി സൂക്ഷിച്ചുവച്ച പണമോ എടുക്കാന് അനുവദിച്ചില്ല. നിലവില് അടുത്തുള്ള മറ്റൊരു മദ്രസയിലേക്ക് മാറ്റിയിരിക്കുകയാണ് കുട്ടികളെ.