കൊല്ലം: ശബരിമല സ്വര്ണക്കൊള്ള കേസില് ദേവസ്വം ബോര്ഡിന്റെ മുന് പ്രസിഡന്റ് എന്. വാസുവിന് ജാമ്യമില്ലെന്ന് കൊല്ലം വിജിലന്സ് കോടതി വിധിച്ചു. കഴിഞ്ഞയാഴ്ച വിശദമായി വാദം കേട്ട ശേഷം വിധി പറയാൻ ഇന്നത്തേക്ക് മാറ്റുകയായിരുന്നു.
വാസുവിന് ജാമ്യം നല്കുന്നത് പ്രത്യേക അന്വേഷണസംഘം (എസ്ഐടി) ശക്തമായി എതിര്ത്തിരുന്നു. കേസിലെ നിര്ണായക കണ്ടെത്തലുകള് പരിഗണിച്ചാണ് ജാമ്യാപേക്ഷ കോടതി തള്ളിയത്. സ്വര്ണക്കൊള്ള കേസില് വാസുവിന് പങ്കുണ്ടെന്നായിരുന്നു എസ്ഐടിയുടെ നിഗമനം.
സ്വര്ണപ്പാളികള് ഉണ്ണികൃഷ്ണന് പോറ്റിക്കു കൈമാറിയതില് തനിക്ക് പങ്കില്ലെന്നും അത് താന് വിരമിച്ച ശേഷമാണ് നടന്നതെന്നും വാസു കോടതിയില് വാദിച്ചിരുന്നു. ബോര്ഡിന്റെ ഉത്തരവ് പുറപ്പെടുവിച്ച സമയത്ത് താന് ചുമതലയില് ഉണ്ടായിരുന്നില്ലെന്നും അദ്ദേഹം വ്യക്തമാക്കി. എങ്കിലും ഈ വാദങ്ങള് കോടതി അംഗീകരിച്ചില്ല.