Connect with us

News

മൂന്നു കെട്ടിയ 20കാരന്‍ നാലാമത് യുവതിയെ തേടുന്നു; ഭാര്യമാര്‍ മൂന്നും കട്ട സപ്പോര്‍ട്ട്

നിലവില്‍ മൂന്ന് ഭാര്യമാരുള്ള ഇദ്ദേഹം നാലാമതായി ഒരു വിവാഹാലോചന കൂടി നടത്തുന്നുണ്ട്. അദ്‌നാന്റെ മൂന്നു ഭാര്യമാര്‍ തന്നെയാണ് സഹായവുമായി രംഗത്തുള്ളത്

Published

on

ലാഹോര്‍: പുരുഷന് രണ്ടാമതൊരു വിവാഹം കഴിക്കാന്‍ സമ്മതം മൂളുന്ന ഭാര്യമാരെ കണ്ടിട്ടുണ്ടോ? നന്നേ അപൂര്‍വമായിരിക്കും. എന്നാല്‍ മൂന്ന് ഭാര്യമാരുള്ള ഒരു പുരുഷന്‍ നാലാമത് ഒരു സ്ത്രീയെ കൂടി കല്യാണം കഴിക്കാന്‍ ആഗ്രഹിച്ചാലോ. അതും മൂന്നു ഭാര്യമാരുടെയും അകമഴിഞ്ഞ പിന്തുണ കൂടിയാവുമ്പോള്‍.

അങ്ങനെയൊരാളുണ്ട് പാകിസ്ഥാനില്‍. 20 വയസുള്ള അദ്‌നാന്‍ എന്നു പേരുള്ള യുവാവാണ് കക്ഷി. നിലവില്‍ മൂന്ന് ഭാര്യമാരുള്ള ഇദ്ദേഹം നാലാമതായി ഒരു വിവാഹാലോചന കൂടി നടത്തുന്നുണ്ട്. അദ്‌നാന്റെ മൂന്നു ഭാര്യമാര്‍ തന്നെയാണ് സഹായവുമായി രംഗത്തുള്ളത്.

16ാം വയസില്‍ വിദ്യാര്‍ഥിയായിരിക്കെയാണ് അദ്‌നാന്‍ ആദ്യമായി വിവാഹം കഴിച്ചത്. പിന്നീട് നാല് വര്‍ഷങ്ങള്‍ക്കു ശേഷം രണ്ടാം വിവാഹം കഴിച്ചു. മൂന്നാം വിവാഹം കഴിഞ്ഞ വര്‍ഷമാണ് നടന്നത്. മൂന്ന് ഭാര്യമാരുടെയും പേരിന്റെ ആദ്യാക്ഷരം എസ് എന്നാണ്. ഷുംബാല്‍, ഷബാന, ഷാഹിദ എന്നിങ്ങനെയാണ് പേര്. നാലാമത് കല്യാണം കഴിക്കുന്ന പെണ്‍കുട്ടിക്കും എസ് അക്ഷരത്തില്‍ തുടങ്ങുന്ന പേരു വേണമെന്നാണ് അദ്‌നാന്റെ ഡിമാന്റ്.

മൂന്നു ഭാര്യമാരോടൊത്തുള്ള ജീവിതത്തില്‍ ഒരു മാസത്തെ ആകെ ചെലവ് ഒന്നേകാല്‍ ലക്ഷമാണെന്ന് അദ്‌നാന്‍ പറയുന്നു.

main stories

ഗോള്‍വല തീര്‍ത്ത് നെതര്‍ലാന്‍ഡ് ; അമേരിക്കയെ തോല്‍പ്പിച്ച് ക്വാര്‍ട്ടര്‍ ഫൈനലില്‍

പത്താം മിനിറ്റില്‍ മെംഫിസ് ഡിപെയുടെ ഗോളിലൂടെ നെതര്‍ലന്‍ഡ്സാണ് ആദ്യം മുന്നിലെത്തിയത്.

Published

on

ഖത്തര്‍ ലോകകപ്പില്‍ ക്വാര്‍ട്ടര്‍ ഫൈനലില്‍ ഇടം നേടുന്ന ആദ്യ ടീമായി നെതര്‍ലന്‍സ്. ഇന്ന് നടന്ന ‘റൗണ്ട് 16’ പോരാട്ടത്തില്‍ യുഎസ്എയെ 3-1 നാണ് നെതര്‍ലന്‍ഡ്സ് തകര്‍ത്തത്.പത്താം മിനിറ്റില്‍ മെംഫിസ് ഡിപെയുടെ ഗോളിലൂടെ നെതര്‍ലന്‍ഡ്സാണ് ആദ്യം മുന്നിലെത്തിയത്.

ആദ്യ പകുതിയുടെ ഇഞ്ചുറി ടൈമില്‍ ഡാലി ബ്ലിന്‍ഡ് ലീഡ് രണ്ടാക്കി. എന്നാല്‍ 76-ാം മിനിറ്റില്‍ ഹജി റൈറ്റ് നേടിയ ഗോളിലൂടെ യുഎസ്എ തിരിച്ചുവരവിന് ശ്രമിച്ചെങ്കിലും, 81-ാം മിനിറ്റില്‍ ഡെന്‍സില്‍ ഡംഫ്രൈസ് നേടിയ ഗോളിലൂടെ നെതര്‍ലന്‍ഡ്സ് മത്സരത്തിലെ ആധിപത്യം ഉറപ്പിക്കുകയായിരുന്നു.

മത്സരത്തിലുടനീളം നിരവധി ഗോളവസരങ്ങള്‍ സൃഷ്ടിച്ച് അക്രമണ ഫുട്ബോള്‍ കളിച്ചെങ്കിലും, ഫിനിഷിംഗിലെ പോരായ്മയാണ് യുഎസ്എയ്ക്ക് തിരിച്ചടിയായത്. പുലര്‍ച്ചെ 12.30 ന് നടക്കുന്ന അര്‍ജന്റീന-ഓസ്ട്രേലിയ മത്സരത്തിലെ വിജയികളാകും ക്വാര്‍ട്ടര്‍ ഫൈനലില്‍ നെതര്‍ലന്‍ഡ്സിന്റെ എതിരാളികള്‍.

 

Continue Reading

india

തായ്‌ലന്‍ഡ് വിദ്യാര്‍ഥിയെ പീഡിപ്പിച്ച ഹൈദരാബാദ് യൂണിവേഴ്സ്റ്റിയിലെ സീനിയര്‍ പ്രൊഫസര്‍ അറസ്റ്റില്‍

23കാരിയായ തായ്ലന്‍ഡ് വിദ്യാര്‍ഥിയെ വീട്ടിലേക്ക് ക്ഷണിച്ച്‌ ബലാത്സംഗത്തിനിരയാക്കാന്‍ ശ്രമിക്കുകയായിരുന്നു. തുടര്‍ന്ന് വിദ്യാര്‍ഥി പൊലീസില്‍ പരാതി നല്‍കി.

Published

on

ഹൈദരാബാദ് സര്‍വകലാശാലയില്‍ തായ്‌ലന്‍ഡ് സ്വദേശിയായ വിദ്യാര്‍ഥിനിയെ സീനിയര്‍ പ്രൊഫസര്‍ വീട്ടില്‍വെച്ച്‌ ബലാത്സംഗം ചെയ്യാന്‍ ശ്രമിച്ചതായി പരാതി.

പരാതിയെ തുടര്‍ന്ന് ഗച്ചിബൗളി പൊലീസ് ഇയാളെ അറസ്റ്റ് ചെയ്തു. സ്‌കൂള്‍ ഓഫ് ഹ്യുമാനിറ്റീസിലെ ഹിന്ദി വിഭാഗം ഫാക്കല്‍റ്റി അംഗമായ രവി രഞ്ജന്‍ (62) എന്ന സീനിയര്‍ പ്രൊഫസര്‍ക്കെതിരെയാണ് ആരോപണമുയര്‍ന്നത്.23കാരിയായ തായ്ലന്‍ഡ് വിദ്യാര്‍ഥിയെ വീട്ടിലേക്ക് ക്ഷണിച്ച്‌ ബലാത്സംഗത്തിനിരയാക്കാന്‍ ശ്രമിക്കുകയായിരുന്നു. തുടര്‍ന്ന് വിദ്യാര്‍ഥി പൊലീസില്‍ പരാതി നല്‍കി.

പഠിപ്പിക്കാനെന്ന വ്യാജേനയാണ് ഇയാള്‍ വിദ്യാര്‍ഥിയെ വീട്ടിലേക്ക് ക്ഷണിച്ചത്. വിദ്യാര്‍ഥി വീട്ടിലെത്തിയപ്പോള്‍ ബലാത്സംഗം ചെയ്യാന്‍ ശ്രമിച്ചു. ഇയാളെ തടഞ്ഞപ്പോള്‍ വിദ്യാര്‍ഥിയെ തല്ലിയതായും റിപ്പോര്‍ട്ടുകളുണ്ട്. എന്നാല്‍ ഇക്കാര്യം പൊലീസ് സ്ഥിരീകരിച്ചിട്ടില്ല.

Continue Reading

kerala

റേഷന്‍ കടകളുടെ പ്രവര്‍ത്തന സമയം ക്രമീകരിച്ചു; മാറ്റം തിങ്കളാഴ്ച മുതല്‍

ഡിസംബര്‍ അഞ്ചു മുതല്‍ 10 വരെയും 19 മുതല്‍ 24 വരെയും ഉച്ചയ്ക്കു ശേഷമാകും റേഷന്‍ കടകള്‍ പ്രവര്‍ത്തിക്കുക.

Published

on

ഡിസംബര്‍ അഞ്ചു മുതല്‍ 31 വരെ സംസ്ഥാനത്തെ വിവിധ ജില്ലകളിലെ റേഷന്‍ കടകളുടെ പ്രവര്‍ത്തന സമയം ക്രമീകരിച്ചു.രാവിലെയുള്ള പ്രവര്‍ത്തന സമയം എട്ടു മുതല്‍ ഉച്ചയ്ക്ക് ഒരു മണി വരെയും ഉച്ചകഴിഞ്ഞുള്ള പ്രവര്‍ത്തന സമയം രണ്ടു മുതല്‍ ഏഴു വരെയുമായിരിക്കും.

എറണാകുളം, കോഴിക്കോട്, തിരുവനന്തപുരം, കണ്ണൂര്‍, കോട്ടയം, കാസര്‍കോട്, ഇടുക്കി ജില്ലകളില്‍ ഡിസംബര്‍ 12 മുതല്‍ 17 വരെയും 26 മുതവല്‍ 31 വരെയുമുള്ള ദിവസങ്ങളില്‍ രാവിലെ റേഷന്‍ കടകള്‍ പ്രവര്‍ത്തിക്കും. ഡിസംബര്‍ അഞ്ചു മുതല്‍ 10 വരെയും 19 മുതല്‍ 24 വരെയും ഉച്ചയ്ക്കു ശേഷമാകും റേഷന്‍ കടകള്‍ പ്രവര്‍ത്തിക്കുക.

Continue Reading

Trending