local
മുസ്ലിംയൂത്ത്ലീഗിന് പോലീസ് മാധാവിയുടെ ഉറപ്പ്; തെന്നല പള്ളി കമ്മിറ്റിക്കെതിരെ എടുത്ത കേസ് മരവിപ്പിക്കും, ജുമുഅക്ക് 40 പേരെ പങ്കെടുപ്പിക്കാം, പോലീസ് നടപടിയുണ്ടാകില്ല
തിരൂരങ്ങാടി പോലീസ് സ്റ്റേഷനിലേക്ക് മണ്ഡലം മുസ്്ലിം യൂത്ത്ലീഗ് പ്രഖ്യാപിച്ച മാര്ച്ചുമായി ബന്ധപ്പെട്ട് ജില്ലാ പോലീസ് മേധാവി സുജിത്ത് ദാസ് ഐ.പി.എസ് മണ്ഡലം ഭാരവാഹികളുമായി നടത്തിയ ചര്ച്ചയിലാണ് ഇത് സംബന്ധിച്ച ഉറപ്പ് നല്കിയത്
മലപ്പുറം: പള്ളികളില് കോവിഡ് മാനദണ്ഡലങ്ങള് പാലിച്ച് ജുമുഅ നടത്തുന്നതിന് കേസെടുക്കില്ലെന്ന് ജില്ലാ പോലീസ് മേധാവി മുസ്്ലിം യൂത്ത്ലീഗിന് ഉറപ്പ് നല്കി. തിരൂരങ്ങാടി പോലീസ് സ്റ്റേഷനിലേക്ക് മണ്ഡലം മുസ്്ലിം യൂത്ത്ലീഗ് പ്രഖ്യാപിച്ച മാര്ച്ചുമായി ബന്ധപ്പെട്ട് ജില്ലാ പോലീസ് മേധാവി സുജിത്ത് ദാസ് ഐ.പി.എസ് മണ്ഡലം ഭാരവാഹികളുമായി നടത്തിയ ചര്ച്ചയിലാണ് ഇത് സംബന്ധിച്ച ഉറപ്പ് നല്കിയത്. വീടുകളില് നിന്നും അംഗശുദ്ധി വരുത്തി, മുസല്ലയും മാസ്കും ധരിച്ച് കൃത്യമായി കോവിഡ് പാലിച്ച് സര്ക്കാര് നിര്ദ്ധേശിച്ച പോലെ ജുമുഅ നടത്തുന്നതിന് ജില്ലയില് എവിടെയും പോലീസ് കേസ് രജിസ്റ്റര് ചെയ്യില്ല. പള്ളികളില് കോവിഡ് മാനദണ്ഡലം പാലിക്കുന്നുണ്ടെന്ന് മഹല്ല് ഭാരവാഹികള് ഉറപ്പ് വരുത്തണമെന്നും എസ്.പി പറഞ്ഞു.
തെന്നലയിലെ വിവിധ പള്ളികള്ക്കെതിരെ തിരൂരങ്ങാടി പോലീസ് എടുത്ത കേസ് മരവിപ്പിക്കും. അതിന് വേണ്ട നടപടികള് കൈക്കൊള്ളും. ഇത് സംബന്ധിച്ച അപേക്ഷ കോടതിക്ക് സമര്പ്പിക്കും. പോലീസിന്റെ ഭാഗത്ത് നിന്നും മോശമായ പെരുമാറ്റം പൊതു ജനത്തിനുണ്ടാവില്ലെന്നും അനാവശ്യ കാര്യങ്ങള് പറഞ്ഞ് പിഴ ഈടാക്കുന്നത് ഒഴിവാക്കുമെന്നും തെന്നലയില് ചില കടക്കാരെ അനാവശ്യമായി പിഴ അടപ്പിച്ചെന്ന പരാതി പരിശോധിക്കുമെന്നും എസ്.പി പറഞ്ഞു. ഇതെല്ലാം സംബന്ധിച്ച നിര്ദ്ധേശം പോലീസ് സ്റ്റേഷനുകളിലേക്ക് നല്കുമെന്നും എസ്.പി അറിയിച്ചു.
തെന്നലയിലെ മഹല്ല് കമ്മിറ്റികള്ക്കെതിരെ എടുത്ത കേസ് പിന്വലിക്കുക, പോലീസ് രാജ് അവസാനിപ്പിക്കുക, പ്രാര്ത്ഥനാ സ്വാതന്ത്ര്യം അനുവദിക്കുക, മാന്യമായി പെരുമാറുക എന്നീ ആവശ്യങ്ങളുന്നയിച്ചാണ് യൂത്ത്ലീഗ് മാര്ച്ച് പ്രഖ്യാപിച്ചിരുന്നത്. ഇത് ശ്രദ്ധയില്പ്പെട്ട എസ്.പി ഭാരവാഹികളെ ചര്ച്ചക്ക് വിളിക്കുകയും വിഷയം കെ.പി.എ മജീദ് എം.എല്.എയുമായി സംസാരിക്കുകയും ചെയ്തിരുന്നു. ഇതിന്റെ അടിസ്ഥാനത്തില് നടന്ന ചര്ച്ചയിലാണ് യൂത്ത്ലീഗിന്റെ എല്ലാ ആവശ്യങ്ങളും എസ്.പി അംഗീകരിച്ചത്. മുസ്്ലിം യൂത്ത്ലീഗ് ജില്ലാ സെക്രട്ടറി ഷരീഫ് വടക്കയില്, തിരൂരങ്ങാടി മണ്ഡലം ജനറല് സെക്രട്ടറി യു.എ റസാഖ്, പി.കെ സല്മാന് ചര്ച്ചയില് പങ്കെടുത്തു.
local
ലോകസമാധാനത്തിന്റെ വിസ്മയ ചിത്രം; ടുണീഷ്യയെ ഹൃദയത്തിലേറ്റി മാട്ടൂല് നാടൊന്നാകെ
മാട്ടൂലിന്റെ സന്തോഷ നിമിഷത്തെ ധന്യമാക്കിയ ഇന്ത്യയിലെ ടുണീഷ്യന് എംബസിക്ക് അഭിനന്ദനങ്ങളും അറിയിക്കുകയാണ് നാടിന്റെ ഒത്തുചേരലില്. മുസ്തഫയുടെ ചിത്രം ടുണീഷ്യ ലോകത്തിന് മുന്നില് പ്രദര്ശിപ്പിക്കുമ്പോള് ഇ-മെയിലായാണ് അഭിനന്ദനവുമായി ആഹ്ലാദത്തിന്റെ സന്ദേശമൊഴുകുന്നത്.
കണ്ണൂര്: ജയത്തിലും ആര്മാദിക്കാതെ വേദനകളൂറും വാക്കുകള്.. ഹൃദയംതൊട്ട ടെന്നീസിലെ ടുണീഷ്യന് വനിതാ താരം ഓണ്സ് ജാബറിന്റെ ചിത്രം ചരിത്രമാകുമ്പോള് അഭിമാന നിമിഷങ്ങള്ക്ക് കൈയടിക്കുകയാണ് മാട്ടൂല് ജനത. മാട്ടൂല് സ്വദേശി സി.എം.കെ മുസ്തഫ വരച്ച സമാധാന സന്ദേശ ചിത്രം ടൂണീഷ്യന് എംബസിയില് പ്രദര്ശിപ്പിക്കുന്ന വേളയിലാണ് ഗ്രാമ പഞ്ചായത്ത് നേതൃത്വത്തില് നാട് അഭിമാനപൂരിതമാകുന്നത്. മാട്ടൂലിന്റെ സന്തോഷ നിമിഷത്തെ ധന്യമാക്കിയ ഇന്ത്യയിലെ ടുണീഷ്യന് എംബസിക്ക് അഭിനന്ദനങ്ങളും അറിയിക്കുകയാണ് നാടിന്റെ ഒത്തുചേരലില്. മുസ്തഫയുടെ ചിത്രം ടുണീഷ്യ ലോകത്തിന് മുന്നില് പ്രദര്ശിപ്പിക്കുമ്പോള് ഇ-മെയിലായാണ് അഭിനന്ദനവുമായി ആഹ്ലാദത്തിന്റെ സന്ദേശമൊഴുകുന്നത്.
ഹൃദയസ്പര്ശിയായ ചിത്രം ലഭിച്ചതോടെ ടുണീഷ്യന് എംബസിയില് പ്രത്യേകയിടമൊരുക്കി പ്രദര്ശിപ്പിക്കുമെന്ന് നേരത്തെ അറിയിച്ചിരുന്നു. ലോകത്തിന്റെ ഐക്യവും സമാധാനവും പ്രോത്സാാഹിപ്പിക്കുന്നതാണ് മുസ്തഫയുടെ ചിത്രം.
തന്റെയൊരു പെയിന്റിംഗ് ലോക സമാധാനത്തിന്റെ പ്രതീകമാകുമാറ് അംഗീകരിക്കപ്പെടുമ്പോള് സന്തോഷനിറവിലാണ് ചിത്രകാരന് മുസ്തഫ. നാടിന്റെ പിന്തുണയും സ്നേഹവുമാണ് തന്നെ ഈ നേട്ടത്തിലേക്കെത്തിച്ചതെന്നും ഈ കലാകാരന് പറയുന്നു. ഒരു ചിത്രത്തിലൂടെ ലോകത്തിന് മുന്നില് നാടിനെ അറിയിച്ച ചരിത്ര മുഹൂര്ത്തം മാട്ടൂലിനെയും അഭിമാന നിറവിലാക്കിയെന്ന് പഞ്ചായത്ത് പ്രസിഡന്റ് കെ ഫാരിഷയും വൈസ് പ്രസിഡന്റ് ഗഫൂര് മാട്ടൂലും സാമൂഹ്യപ്രവര്ത്തകന് ടി.പി അബ്ബാസ് ഹാജിയും അഭിപ്രായപ്പെട്ടു. പൊതുപ്രവര്വര്ത്തകരായ പി.വി ഇബ്രാഹിം, പി.സി ഷാജഹാന്, ടി.ടി.വി ഹാഷിം, എം രാജു, പി.വി പ്രദീപ്, അജിത്ത് മാട്ടൂല് എന്നിവരും പൂര്ണ പിന്തുണയുമായി രംഗത്തുണ്ട്. രാജ്മോഹന് ഉണ്ണിത്താന് എംപിയുടെ സഹകരണവും സന്തോഷ നിമിഷങ്ങള്ക്ക് കരുത്താകുകയാണ്.
2023 നവംബര് ഒന്നിന് നടന്ന വനിതാ ടെന്നീസ് മത്സരത്തിലെ ജേതാവ് ഓണ്സ് ജാബര് സമ്മാനച്ചടങ്ങില് വിതുമ്പലോടെ പങ്കുവെച്ച ആ വാക്കുകളാണ് ഹൃദയസ്പര്ശിയായ സമാധാന ചിത്രത്തിന്റെ പിറവി. താരത്തിന്റെ വാക്കുകള്ക്ക് മൂന്നില് വികാരാധീതനായ മുസ്തഫ സമ്മാനദാന ചടങ്ങിലെ ആ ദൃശ്യത്തെ കാന്വാസിലാക്കിയതോടെ ലോകം ശ്രദ്ധിക്കുന്ന കാഴ്ചയായി മാറുകയായിരുന്നു ആ ചിത്രം. തന്റെ ആ ചിത്രങ്ങള് ടൂണീഷ്യയില് എത്തിക്കാനാകാത്ത സാഹചര്യത്തില് നിന്നും പിന്മാറാതെ ഡല്ഹിയിലെ ടൂണീഷ്യന് എംബസി വഴിയാണ് ആ ദൗത്യം വിജയിപ്പിച്ചെടുത്തത്. സാമൂഹ്യ-രാഷ്ട്രീയ പ്രവര്ത്തകരുടെ പിന്തുണയില് ലോകസമാധാന ചിത്രവുമായി ബന്ധപ്പെട്ട വിവരങ്ങള് അയച്ചും ആശയവിനിമയം നടത്തി കാത്തിരിപ്പുകള്ക്കൊടുവില് തന്റെ കാഴ്ചപാടുകള്ക്ക് സ്വപ്നനിറവേകുകയായിരുന്നു മുസ്തഫ.
-സി.എം.കെ മുസ്തഫയുടെ ലോകസമാധാന സന്ദേശ ചിത്രം ടുണീഷ്യന് എംബസിയില് പ്രദര്ശിപ്പിക്കുന്ന വേളയില് ഇ-മെയിലായി നാടിന്റെ സന്തോഷവും അഭിനന്ദനവും അറിയിക്കാന് നേതൃത്വം നല്കിയ ജനപ്രതിനിധികളും പൊതുപ്രവര്ത്തകരും ഒത്തുകൂടിയപ്പോള്
വര്ക്കല: സി.എച്ച് മുഹമ്മദ് കോയ ചാരിറ്റബിള് ട്രസ്റ്റ് ജനറല് സെക്രട്ടറിയും മുസ്ലിം ലീഗ് നേതാവുമായ എ. ഹാമിദ് വേദിയില് കുഴഞ്ഞുവീണ് മരിച്ചു. ഇടവ ജവഹര് പബ്ലിക് സ്കൂളില് ഇന്ന് രാവിലെ 11 മണിയോടെയായിരുന്നു സംഭവം. വര്ഷങ്ങളായി എല്ലാത്തവണയും നടത്തിവരുന്ന സി.എച്ച് അനുസ്മരണ പരിപാടിക്കും വിദ്യാഭ്യാസ അവാര്ഡ് സമ്മാനിക്കലിനുമായാണ് ജവഹര് സ്കൂളില് വേദിയൊരുക്കിയത്. സമ്മേളനം ആരംഭിക്കുന്നതുവരെ മുഖ്യസംഘാടകനായി സജീവമായി നിന്ന ഹാമിദ് പെട്ടെന്ന് കുഴഞ്ഞുവീണത് വേദിയും സദസ്സിലുമുണ്ടായിരുന്നവര്ക്ക് തീരാവേദനയായി. പരിപാടിയില് സ്വാഗത പ്രാസംഗികനായിരുന്നു ഹാമിദ്.
ഉദ്ഘാടകനായ മുസ്ലിം ലീഗ് സംസ്ഥാന സെക്രട്ടറി പ്രൊഫ. ആബിദ് ഹുസൈന് തങ്ങളും മറ്റ് വിശിഷ്ട വ്യക്തികളും 10.45ഓടെ സ്കൂളിലെത്തി, ഹാമിദിന്റെ നേതൃത്വത്തില് കുട്ടികള് ബാന്റ് മേളത്തിന്റെ അകമ്പടിയോടെ സ്വീകരിച്ച് വേദിയിലെത്തിച്ചു. സമ്മേളനത്തിന് മുന്നോടിയായി ഈശ്വര പ്രാര്ത്ഥന നടക്കുന്നതിനിടെയാണ് തൊട്ടടുത്ത് നിന്നിരുന്ന ആബിദ് ഹുസൈന് തങ്ങളുടെ കൈയ്യില് മുറുകെ പിടിച്ച് ഹാമിദ് കസേരയിലേക്ക് ചരിഞ്ഞത്. ഉടന് തന്നെ പാരിപ്പള്ളി മെഡിക്കല് കോളജില് എത്തിച്ചെങ്കിലും മരണം സംഭവിച്ചിരുന്നു. സി.എച്ചിന്റെ വിദ്യാഭ്യാസ കാഴ്ചപ്പാടുകള് പ്രയോഗത്തില് വരുത്താന് വര്ഷങ്ങളായി പ്രവര്ത്തിച്ചുവന്ന നേതാവായിരുന്നു ഹാമിദ്. എല്ലാ വര്ഷവും ഇത്തരം പരിപാടികള് സംഘടിപ്പിക്കാന് അദ്ദേഹം മുന്കൈയെടുത്തു.
ഇടവ പഞ്ചായത്തിലെ നാല് സ്കൂളുകളില് നിന്ന് എസ്.എസ്.എല്.സിക്കും പ്ലസ് ടുവിനും ഫുള് എ പ്ലസ് വാങ്ങിയ വിദ്യാര്ത്ഥികളെ ആദരിക്കാനാണ് ചടങ്ങ് സംഘടിപ്പിച്ചത്. സി.എച്ച് ചാരിറ്റബിള് ട്രസ്റ്റ് പ്രസിഡന്റ് അഡ്വ.എ ഇഖ്ബാല്, വര്ക്കല പോക്സോ കോടതിയിലെ സ്പെഷ്യല് പ്രോസിക്യൂട്ടര് അഡ്വ.പി ഹേമചന്ദ്രന്, കോണ്ഗ്രസ് നേതാവും മുന് എം.എല്.എയുമായ വര്ക്കല കഹാര്, മുസ്ലിം ലീഗ് സംസ്ഥാന പ്രവര്ത്തക സമിതിയംഗം അഡ്വ.കണിയാപുരം ഹലീം, ജില്ലാ പഞ്ചായത്ത് മെമ്പറും സി.പി.ഐ നേതാവുമായ ഗീതാ നസീര്, ജവഹര് സ്കൂള് പ്രിന്സിപ്പല് ഫാദര് ജോഷി മായംപറമ്പില്, മുസ്ലിം ലീഗ് വര്ക്കല മണ്ഡലം വൈസ് പ്രസിഡന്റ് മുഹമ്മദ് റസാഖ് തുടങ്ങിയവര് വേദിയിലുണ്ടായിരുന്നു. ഹാമിദ് കുഴഞ്ഞുവീണതോടെ സമ്മേളനം പെട്ടെന്ന് അവസാനിപ്പിച്ചു. ജനീവയാണ് ഭാര്യ, മക്കള്: വിനോധ്, സനോജ്.
ഖബറടക്കം നാളെ രാവിലെ 10 മണിക്ക് ഇടവ മുസ്ലിം ജമാഅത്ത് ഖബര്സ്ഥാനില്
local
ധനലക്ഷ്മി ഗ്രൂപ്പും ലയണ്സ് ക്ലബ്ബ് 318ഡിയും സംയുക്തമായി 100 പേര്ക്ക് കൃത്രിമക്കാലുകള് സൗജന്യമായി വിതരണം ചെയ്യുന്നു
ധനകാര്യ മേഖലയില് അതിവേഗവളര്ച്ച കൈവരിച്ച് ജനശ്രദ്ധ പിടിച്ചുപറ്റിയ ധനലക്ഷ്മി ഗ്രൂപ്പും ലയണ്സ് ക്ലബ്ബ് 318ഡി യും ചേര്ന്ന് 100 പേര്ക്ക് കൃത്രിമക്കാലുകള് സൗജന്യമായി വിതരണം ചെയ്യുന്നു. ഒക്ടോബര് 2ന് രാവിലെ 10.00 ന് തൃശൂര് ടൗണ്ഹാളില് ല് വച്ച് നടക്കുന്ന ചടങ്ങില് തൃശ്ശൂര് മേയര് ശ്രീ. എം. കെ വര്ഗീസ് ഉദ്ഘാടനം നിര്വ്വഹിക്കും. മുന് ഡിജിപി ശ്രീ ജേക്കബ് തോമസ് മുഖ്യാഥിതിയായിരിക്കും. ലയണ്സ് മള്ട്ടിപ്പിള് കൗണ്സില് സെക്രട്ടറി ജെയിംസ് വളപ്പില, ലയണ്സ് ഡിസ്ട്രിക്ട് ഗവര്ണര്മാരായ ജയകൃഷ്ണന്, സുരേഷ് കെ വാരിയര്, അഷറഫ് കെ എം എന്നിവരും ധനലക്ഷ്മി ഗ്രൂപ്പിന്റെ ഹോള്ടൈം ഡയറക്ടര് ശ്യാംദേവ്, ഡയറക്ടര്മാരായ സുരാജ് കെ ബി, ബൈജു എസ് ചുള്ളിയില്, സുനില് കുമാര് കെ തുടങ്ങിയവര് ചടങ്ങില് സംബന്ധിക്കും.
216 ആദിവാസി യുവതി-യുവാക്കള്ക്കളുടെ സമൂഹ വിവാഹം, തുടങ്ങി നിരവധി സാമൂഹിക സേവനങ്ങള് നടപ്പിലാക്കിയ ധനലക്ഷ്മി ഗ്രൂപ്പ് കൃത്രിമക്കാലുകള് നല്കുന്നതിലൂടെ സേവനത്തിന്റെ ഒരു പുതിയ ചുവടുകൂടി പൂര്ത്തിയാക്കുന്നു. ഇത്തരം പ്രവര്ത്തനങ്ങള് ധനലക്ഷ്മി ഗ്രൂപ്പിന് വളര്ച്ചയുടെ പാതയില് വലിയ പ്രചോദനമാണ് നല്കുന്നത്.’ ധനലക്ഷ്മി ഗ്രൂപ്പ് ചെയര്മാന് ഡോ. വിബിന്ദാസ് കടങ്ങോട്ട് പറഞ്ഞു.
ധനകാര്യ സേവനങ്ങളില് വിശ്വാസ്യതയും സാമൂഹിക പ്രതിബദ്ധതയും ഉറപ്പാക്കുന്നതോടൊപ്പം വയോജന ക്ഷേമ കേന്ദ്രങ്ങള്, ഗൃഹരഹിതര്ക്കുള്ള സഹായങ്ങള്, വിദ്യാര്ത്ഥികള്ക്കുള്ള പ്രോത്സാഹന പദ്ധതികള്, പരിസ്ഥിതി സംരക്ഷണ പ്രവര്ത്തനങ്ങള് തുടങ്ങി, നിരവധി മേഖലകളില് ധനലക്ഷ്മി ഗ്രൂപ്പ് നടത്തുന്ന പ്രവര്ത്തനങ്ങള് സാമൂഹിക ഉത്തരവാദിത്തത്തിന്റെ അതുല്യ മാതൃകയായി നിലകൊള്ളുന്നു. ദീര്ഘവീക്ഷണേത്താടെയുള്ള ആത്മാര്ത്ഥ പ്രവര്ത്തനങ്ങള്ക്കുള്ള അംഗീകാരമായി, ടാലന്റ് ബുക്ക് ഓഫ് റെക്കോര്ഡ്, അമേരിക്ക ബുക്ക് ഓഫ് വേള്ഡ് റെക്കോര്ഡ്, മഹാത്മാഗാന്ധി എക്സലന്സ് അവാര്ഡ്, സ്വിറ്റ്സര്ലാന്ഡ് ഗ്ലോബല് ബിസിനസ് അച്ചീവ്മെന്റ് അവാര്ഡ് തുടങ്ങി നിരവധി ബഹുമതികള്ക്ക് ധനലക്ഷ്മി ഗ്രൂപ്പ് കരസ്ഥമാക്കിയിട്ടുണ്ട്.
-
india1 day agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
GULF2 days agoമക്കമദീന ഹൈവേയില് ഭീകരാപകടം: ഉംറ ബസ് കത്തി, 40 പേര് മരിച്ചു
-
News1 day agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
india10 hours agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
india3 days agoബീഹാർ തിരഞ്ഞെടുപ്പ് പോസ്റ്റൽ ബാലറ്റ് ഫലം: MGB 142, NDA 98; എന്തുകൊണ്ടാണ് ഇത് ഇവിഎമ്മിന് എതിരായിരിക്കുന്നത്?
-
kerala1 day agoശബരിമല സ്വര്ണ്ണക്കൊള്ള; സന്നിധാനത്ത് പ്രത്യേക അന്വേഷണ സംഘം പരിശോധന നടത്തി
-
kerala2 days agoബിഎല്ഒയുടെ മരണം; അനീഷ് ജീവനൊടുക്കിയത് സിപിഎം ഭീഷണിയെ തുടര്ന്ന്; രജിത് നാറാത്ത്
-
india2 days agoഹരിയാനയില് ക്രിസ്ത്യാനികള്ക്കും മുസ്ലിംകള്ക്കും നേരെ ഹിന്ദുത്വവാദികളുടെ ആക്രമണം