kerala
കെണിയൊരുക്കി വീഴ്ത്തും;സമൂഹ മാധ്യമ ഉപയോഗത്തില് സൂക്ഷ്മത വേണമെന്ന് പൊലീസ്
മൊബൈല് ഫോണിലേക്ക് വരുന്ന വീഡിയോ കോള് അറ്റന്റ് ചെയ്താല് മറുവശത്ത് അശ്ലീല വീഡിയോ പ്രത്യക്ഷപ്പെടുന്നതില് തുടങ്ങുന്നു തട്ടിപ്പ്.
സമൂഹ മാധ്യമങ്ങളില് കെണിയൊരുക്കി വീഴ്ത്തുന്ന അപരിചിതരാല് വഞ്ചിതരാകുന്നവരുടെ എണ്ണം കൂടുന്നു. മാനഹാനി ഭയന്ന് പണം നല്കി തീര്പ്പാക്കാനാകാതെയും കുടുങ്ങി നിരവധി പേര്. സൈബര് കേസുകളും കൂടുന്നു മുന് വര്ഷത്തേക്കാള്. പ്രായ വ്യത്യാസമില്ലാതെ വിദ്യാസമ്പന്നര് പോലും കെണിയില്പെട്ടുപോകുന്ന സംഭവങ്ങളുടെ പശ്ചാത്തലത്തില് അബദ്ധങ്ങളില് ചെന്ന് ചാടരുതെന്ന് പൊലീസ് മുന്നറിയിപ്പ്.
ഫെയ്സ്ബുക്ക്, ഇന്സ്റ്റഗ്രാം, വാട്സ്ആപ്പ്, മെസഞ്ചര് തുടങ്ങി സമൂഹ മാധ്യമങ്ങളിലൂടെയാണ് അപരിചിത സുഹൃത് സംഘത്തിന്റെ തട്ടിപ്പ് സജീവമാകുന്നത്. ചാറ്റില് നിന്ന് തുടങ്ങി വീഡിയോകോളിലൂടെയും സൗഹൃദം സ്ഥാപിച്ച് തട്ടിപ്പ് നടക്കുന്നതായാണ് പുറത്ത് വരുന്ന വിവരങ്ങള്. മുന് വര്ഷങ്ങളേക്കാളും വര്ധിച്ച് വരുന്ന സൈബര് കേസുകളില് അശ്ലീല ചിത്രങ്ങളില് ആകൃഷ്ടരായി ഫോണ് കെണിയില് വഞ്ചിതരായവരുമുണ്ടെന്നാണ് പൊലീസ് കണക്കില് സൂചിപ്പിക്കുന്നത്. സമൂഹ മാധ്യമങ്ങള് മുഖേന നടന്ന വിവിധ തട്ടിപ്പുകളുമായി ബന്ധപ്പെട്ട് കഴിഞ്ഞ വര്ഷം രേഖപ്പെടുത്തിയ കേസുകളില് 426ഉം കടന്ന് ഈ വര്ഷം ഓഗസ്റ്റ് വരെ രേഖപ്പെടുത്തിയത് 565 കേസുകളാണ്. സൈബര് കേസുകളില് 2016ല് രേഖപ്പെടുത്തിയത് 283 കേസുകളാണ്. 2017ല് 320, 2018ല് 340, 2019ല് 307 എന്നിങ്ങനെയാണ് മുന് വര്ഷങ്ങളിലെ കണക്ക്. വാട്സ്ആപ്പ്, മെസഞ്ചര് എന്നിവയിലൂടെ വീഡിയോ കോള് കെണിയൊരുക്കി നടക്കുന്ന തട്ടിപ്പുകള് അടുത്തിടെയായി വര്ധിച്ചതായി പൊലീസ് രേഖകള് വ്യക്തമാക്കുന്നു.
മൊബൈല് ഫോണിലേക്ക് വരുന്ന വീഡിയോ കോള് അറ്റന്റ് ചെയ്താല് മറുവശത്ത് അശ്ലീല വീഡിയോ പ്രത്യക്ഷപ്പെടുന്നതില് തുടങ്ങുന്നു തട്ടിപ്പ്. വിന്ഡോ സ്ക്രീനില് ഫോണ് അറ്റന്റ് ചെയ്യുന്നയാളുടെ മുഖം ഉള്പ്പെടെ റെക്കോര്ഡ് ചെയ്തതിന് ശേഷമാണ് പണം ആവശ്യപ്പെടുക. സുഹൃത്തുക്കള്ക്കും ബന്ധുക്കള്ക്കും വീഡിയോ അയച്ചുകൊടുക്കുമെന്ന ഭീഷണിയും പണം കൈക്കലാക്കാന് അപരിചിത സംഘം പയറ്റുന്നു. വീഡിയോ സാമൂഹിക മാധ്യമങ്ങളിലും യുട്യൂബിലും ഇടുമെന്നും അല്ലെങ്കില് പണം വേണമെന്നുമാകും ഭീഷണി. പലരും മാനഹാനി ഭയന്ന് പണം അയച്ച് നല്കിയെങ്കിലും കൂടുതല് പണം ആവശ്യപ്പെട്ട് വിടാതെ പിന്തുടരുകയാണ് തട്ടിപ്പ് സംഘങ്ങള്. ഇത്തരം ഘട്ടങ്ങളിലെത്തുമ്പോഴാണ് തട്ടിപ്പിനിരയായവര് പരാതിയുമായി പൊലീസിനെ സമീപിക്കുന്നത്. വീഡിയോ കോള് ചെയ്തതിന്റെ ലിങ്ക് സാമൂഹിക മാധ്യമങ്ങളിലൂടെ സുഹൃത്തുക്കള്ക്ക് അയക്കുമെന്ന് ഭീഷണി മുഴക്കുന്നതോടെ ഭൂരിഭാഗം പേരും തട്ടിപ്പുകാര്ക്ക് വഴങ്ങുകയാണ്. ഫെയ്സ്ബുക് ഉള്പ്പെടെ സമൂഹ മാധ്യമങ്ങളിലൂടെ പൂര്ണ വിവരങ്ങള് നേരത്തെ ശേഖരിച്ചാണ് തട്ടിപ്പ് സംഘങ്ങള് കെണിയൊരുക്കുന്നത്. റിക്വസ്റ്റായും ലിങ്ക് അയച്ചുമാണ് അപരിചിത സംഘം പലരെയും വലയിലാക്കുന്നത്. ഇന്സ്റ്റാള് ചെയ്യുന്ന ചില ആപ്പുകളിലൂടെയും വ്യാജ പ്രൊഫയിലിലൂടെ സൗഹൃദം സ്ഥാപിക്കുന്ന സംഘവുമുണ്ട്.
ഫെയ്സ്ബുക്ക്, ഇന്സ്റ്റാഗ്രാം, മെസഞ്ചര് എന്നിവയിലൂടെ ഫോട്ടോയും വീഡിയോയും അയക്കാമെന്ന് വിശ്വസിപ്പിച്ച് പണം തട്ടുന്നതാണ് മറ്റൊരു രീതി. അക്കൗണ്ട് നമ്പറോ, ഗുഗ്ള് പേ ആപ്പുള്പ്പെടെ നല്കിയാണ് പണം ആവശ്യപ്പെടുക. ഒരു ഫോട്ടോയ്ക്ക് 500 രൂപയില് നിന്ന് തുടങ്ങി വന്തുക ആവശ്യപ്പെടുന്നതിലേക്കെത്തി നില്ക്കുന്നു തട്ടിപ്പ്. വീഡിയോയ്ക്ക് 500, 1000 രൂപയില് നിന്ന് തുടങ്ങി വശീകരണ തന്ത്രങ്ങളിലൂടെ വന്തുകയാണ് തട്ടിയെടുക്കുന്നത്. ഇന്ത്യയിലെ വിവിധ സംസ്ഥാനങ്ങള്ക്കൊപ്പം വിദേശ രാജ്യങ്ങള് കേന്ദ്രീകരിച്ച് പ്രവര്ത്തിക്കുന്ന സംഘങ്ങളും അശ്ലീല ചിത്രങ്ങളാല് വശീകരിച്ച് പണം തട്ടുന്ന സംഘത്തിലുണ്ട്. ഫിലിപ്പൈന് സ്, ഇന്തോനേഷ്യ തുടങ്ങിയ രാജ്യങ്ങള് കേന്ദ്രീകരിച്ചും തട്ടിപ്പ് നടത്തുന്ന സംഘങ്ങളുണ്ടെന്നാണ് പൊലീസ് കണ്ടെത്തല്. അപരിചിതരുടെ കെണിയില് നിന്നൊഴിവാകാന് ഇത്തരക്കാരെ ബ്ലോക്ക് ചെയ്തത് കൊണ്ടോ അക്കൗണ്ട് ഡി ആക്ടിവേറ്റ് ചെയ്തത് കൊണ്ടോ ഫലം ഇല്ലെന്നാണ് പൊലീസില് നിന്ന് ലഭിക്കുന്ന വിവരം. സമൂഹ മാധ്യമ ഉപയോഗത്തില് സൂക്ഷ്മത പാലിക്കണമെന്നും വാട്സ്ആപ്പില് അപരിചിതരുടെ വീഡിയോ കോള് സ്വീകരിക്കുമ്പോള് കെണിയെ കുറിച്ച് കരുതിയിരിക്കണമെന്നുമാണ് പൊലീസ് നിര്ദ്ദേശം.
kerala
ന്യൂസിലന്ഡ് ഡ്രൈവര് വിസ വാഗ്ദാനം; 24.44 ലക്ഷം രൂപ തട്ടിപ്പ്; കോയമ്പത്തൂര് സ്വദേശികളായ ദമ്പതികള്ക്കെതിരെ കേസ്
പനയാല് ഈലടുക്കം സ്വദേശി കെ. സത്യന് നല്കിയ പരാതിയിലാണ് നടപടിയെടുത്തത്.
ബേക്കല്: ന്യൂസിലന്ഡില് ഡ്രൈവര് വീസ ലഭ്യമാക്കാമെന്ന് വാഗ്ദാനം ചെയ്ത് 24.44 ലക്ഷം രൂപ തട്ടിയെടുത്തത് സംബന്ധിച്ച് കോയമ്പത്തൂര് സ്വദേശികളായ ദമ്പതികള്ക്കെതിരെ പൊലീസ് കേസ് എടുത്തു. പനയാല് ഈലടുക്കം സ്വദേശി കെ. സത്യന് നല്കിയ പരാതിയിലാണ് നടപടിയെടുത്തത്.
കേസില് പ്രതികളാക്കപ്പെട്ടത് കോയമ്പത്തൂര് ടിവിഎസ് നഗരത്തിലെ ശക്തി ഗാര്ഡന്, ഒന്നാം വാര്ഡ് – ഒന്നാം വീട്ടില് താമസിക്കുന്ന പോള് വര്ഗീസ് (53), ഭാര്യ മറിയ പോള് (50) എന്നിവരാണ്. ന്യൂസിലന്ഡില് തൊഴില് ലഭ്യമാകുമെന്ന് വിശ്വസിപ്പിച്ച് വലിയ തുക കൈപ്പറ്റി തട്ടിയതായാണ് പരാതിയുടെ ആരോപണം.
പരാതി ആദ്യം ഹൊസ്ദുര്ഗ് കോടതിയില് സമര്പ്പിച്ചിരുന്നതും പിന്നീട് അന്വേഷണത്തിനായി ബേക്കല് പൊലീസിന് കൈമാറിയതുമാണ്. അന്വേഷണം ബേക്കല് ഇന്സ്പെക്ടര് രഞ്ജിത് രവീന്ദ്രന്റെ നേതൃത്വത്തിലാണ് പുരോഗമിക്കുന്നത്.
kerala
പാഴ്സല് ഗതാഗതത്തിന് പുതിയ പാതയൊരുക്കി ഇന്ത്യന് റെയില്വേ: ‘ കോസ്റ്റ്-ടു-കോസ്റ്റ് ‘ പാഴ്സല് എക്സ്പ്രസ് കേരളത്തിലേക്ക്
രാജ്യത്ത് ആദ്യമായി അവതരിപ്പിക്കുന്ന ഇന്ട്രാസോണല് കോസ്റ്റ്-ടു-കോസ്റ്റ് പാഴ്സല് എക്സ്പ്രസ് എന്ന പുതിയ ട്രെയിന് സേവനം തമിഴ്നാടിനെയും കേരളത്തെയും ബന്ധിപ്പിച്ചു ഒരു പുതിയ വാണിജ്യപാത തുറക്കുകയാണ്.
തിരൂര്: ദക്ഷിണ റെയില്വേ ഇന്ത്യയിലെ പാഴ്സല് ഗതാഗത രംഗത്ത് ഒരു പുതുമയ്ക്കാണ് തുടക്കമിടുന്നത്. രാജ്യത്ത് ആദ്യമായി അവതരിപ്പിക്കുന്ന ഇന്ട്രാസോണല് കോസ്റ്റ്-ടു-കോസ്റ്റ് പാഴ്സല് എക്സ്പ്രസ് എന്ന പുതിയ ട്രെയിന് സേവനം തമിഴ്നാടിനെയും കേരളത്തെയും ബന്ധിപ്പിച്ചു ഒരു പുതിയ വാണിജ്യപാത തുറക്കുകയാണ്. വര്ഷങ്ങളായി റോഡ്മാര്ഗം ചെലവേറെയായി സാധനങ്ങള് അയയ്ക്കേണ്ടി വന്ന വ്യാപാരികള്ക്കും ചെറുകിട വ്യവസായങ്ങള്ക്കും ഈ പുതിയ സംരംഭം ആശ്വാസമാകുമെന്ന് റെയില്വേ വകുപ്പ് ഉറപ്പുനല്കുന്നു.
മംഗളൂരുവില് നിന്നാരംഭിച്ച് റോയാപുരം വരെ സര്വീസ് നടത്തുന്ന ഈ ട്രെയിന് കേരളത്തിലെ ഏഴ് പ്രധാന സ്റ്റേഷനുകളില് നിര്ത്തും. തിരൂര്, ഷോരണൂര്, പാലക്കാട്, കോയമ്പത്തൂര്, തിരുപ്പൂര്, ഈറോഡ്, സേലം തുടങ്ങിയ കേന്ദ്രങ്ങളെ ബന്ധിപ്പിക്കുന്ന ഈ ശൃംഖല പാഴ്സല് ഗതാഗതത്തിന് സ്ഥിരതയും വേഗതയും നല്കുന്നു. കേരളത്തിനുള്ളില് പ്രത്യേകിച്ച് തിരൂര് വെറ്റില കയറ്റുമതിയ്ക്ക് ഈ സര്വീസ് വലിയ മാറ്റമുണ്ടാക്കും. ഇതുവരെ വെറ്റിലയും മറ്റു പല സാധനങ്ങളും യാത്രാ ട്രെയിനുകളിലെ ഭാഗങ്ങളില് ആശ്രയിച്ചാണ് അയച്ചിരുന്നത്. പുതിയ പാഴ്സല് എക്സ്പ്രസ് ആരംഭിക്കുന്നത് സമയത്തും ചെലവിലും കാര്യമായ ലാഭം നല്കും. കൂടാതെ വ്യാവസായിക വസ്തുക്കള്, വൈറ്റ് ഗുഡ്സ്, ഉപഭോക്തൃ ഉല്പ്പന്നങ്ങള്, പെട്ടെന്ന് കേടാകുന്ന സാധനങ്ങള് തുടങ്ങി പലതും ഈ ട്രെയിനിലൂടെ സുരക്ഷിതമായി എത്തിക്കാനാകും. ഇതിനെ സഹായിക്കുന്ന വിധത്തില് 10 ഹൈ കപ്പാസിറ്റി വാനുകളും 2 ലഗേജ് കം ബ്രേക്ക് വാനുകളും ഉള്പ്പെടുത്തി റെയില്വേ പ്രത്യേക സംവിധാനങ്ങളും ഒരുക്കി.
സര്വീസ് സമയക്രമവും വ്യാപാരികള്ക്ക് അനുയോജ്യമായ രീതിയിലാണ് ക്രമീകരിച്ചിരിക്കുന്നത്. എല്ലാ വെള്ളിയാഴ്ചയും മംഗളൂരുവില് നിന്ന് പുറപ്പെട്ട് രാത്രി കോഴിക്കോട്, തിരൂര് തുടങ്ങിയ സ്റ്റേഷനുകളിലൂടെ യാത്ര തുടരുന്ന ട്രെയിന് അടുത്ത ദിവസം ഉച്ചയോടെ റോയാപുരത്തെത്തും. തിരിച്ചുള്ള സര്വീസ് ചൊവ്വാഴ്ചകളിലാണ്. ഇതിലൂടെ കേരളവും തമിഴ്നാടും തമ്മിലുള്ള ലജിസ്റ്റിക് ശൃംഖല കൂടുതല് ക്രമബദ്ധവും വിശ്വസനീയവുമായിരിക്കും. സ്റ്റേഷനുകളില് പാഴ്സല് കൈകാര്യം ചെയ്യാന് പ്രത്യേക സൗകര്യങ്ങളും റെയില്വേ ഒരുക്കിയിട്ടുണ്ട്.
പുതിയ പാഴ്സല് എക്സ്പ്രസ് ഇന്ത്യയിലെ ചരക്ക് ഗതാഗതരംഗത്ത് ഒരു നിലപാടുമാറ്റമാണ്. ചെലവു കുറഞ്ഞതും സമയം കൃത്യമായതുമായ സേവനം ലഭ്യമാകുന്നതോടെ വ്യാപാരികളും കയറ്റുമതി മേഖലയും കൂടുതല് കരുത്താര്ജിക്കും. ലജിസ്റ്റിക് രംഗത്തെ നിലവിലുള്ള തടസ്സങ്ങളും വൈകല്യങ്ങളും പരിഹരിക്കുന്നതില് ഈ സര്വീസിന് വലിയ പങ്ക് വഹിക്കാനാകും. കേരളത്തിന്റെ വാണിജ്യ രംഗത്ത് പുതിയ സാധ്യതകള് തുറന്നുകൊടുക്കുന്ന ഈ സംരംഭം, റെയില്വേയുടെ മുന്നേറ്റ ചിന്തകളുടെ തെളിവായും മാറുന്നു.
Education
മലയാളം മീഡിയത്തില് SSLC എഴുതുന്നവര് കുത്തനെ കുറഞ്ഞു; 7 വര്ഷത്തില് 20%ത്തിലധികം ഇടിവ്
2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്.
തിരുവനന്തപുരം: സംസ്ഥാനത്ത് മലയാളം മീഡിയത്തില് എസ്എസ്എല്സി പരീക്ഷ എഴുതുന്ന വിദ്യാര്ത്ഥികളുടെ എണ്ണം വേഗത്തില് കുറഞ്ഞുകൊണ്ടിരിക്കുകയാണ്. 2018-19 അധ്യയന വര്ഷത്തില് 55.93% വിദ്യാര്ത്ഥികളായിരുന്നു മലയാളത്തില് പരീക്ഷയെഴുതിയത്. എന്നാല് 2024-25ല് ഇത് 36.56% ആയി താഴ്ന്നതായി പുതിയ കണക്കുകള് വ്യക്തമാക്കുന്നു. ഈ വര്ഷം മാര്ച്ചില് SSLC പരീക്ഷയെഴുതിയ മൊത്തം 4,27,017 വിദ്യാര്ത്ഥികളില് 1,56,161 പേര് മാത്രമാണ് മലയാളം മീഡിയം തിരഞ്ഞെടുത്തത്.
2019ലെ 2,43,409 എന്ന എണ്ണവുമായി താരതമ്യം ചെയ്യുമ്പോള് 87,000 വിദ്യാര്ത്ഥികളുടെ കുറവാണ് രേഖപ്പെടുത്തിയത്. മലയാളം മീഡിയത്തില് പഠിക്കുന്നവരുടെ കുറവാണ് ഈ ഇടിവിന് കാരണമെന്ന് പരീക്ഷാഭവനിലെ ഉദ്യോഗസ്ഥര് പറയുന്നു. വിദ്യാഭ്യാസ വകുപ്പിലെ മുതിര്ന്ന ഉദ്യോഗസ്ഥരുടെ വിവരമനുസരിച്ച് പ്രാഥമിക ക്ലാസുകളില് തന്നെ ഇംഗ്ലീഷ്-മലയാളം മീഡിയം പ്രവേശന അനുപാതം 70:30 ആയി മാറിയിട്ടുണ്ട്. ഇംഗ്ലീഷ് കൂടുതല് ഗുണമേറിയ പഠനമാധ്യമമാണെന്ന പൊതുധാരണയാണ് ഈ മാറ്റത്തിന് പിന്നിലെന്ന് കേരള ഇന്ഫ്രാസ്ട്രക്ചര് ആന്ഡ് ടെക്നോളജി ഫോര് എഡ്യൂക്കേഷന് (കൈറ്റ്) സിഇഒ കെ. അന്വര് സാദത്ത് അഭിപ്രായപ്പെട്ടു. എന്നാല് മീഡിയമല്ല, സ്കൂള് നല്കുന്ന ഭാഷാ പരിശീലനമാണ് വിജയത്തിനുള്ള നിര്ണ്ണായക ഘടകമെന്നും അദ്ദേഹം കൂട്ടിച്ചേര്ത്തു.
മാതൃഭാഷാ വിദ്യാഭ്യാസത്തിന്റെ പ്രാധാന്യം അധികൃതര് ചര്ച്ച ചെയ്യുമ്പോഴും, സമൂഹത്തിന്റെ താല്പര്യം വിപരീതമാണെന്ന് സംസ്ഥാന വിദ്യാഭ്യാസ ഗവേഷണപരിശീലന കൗണ്സില് ഡയറക്ടര് ജയപ്രകാശ് ആര്. കെ. ചൂണ്ടിക്കാട്ടി. ഗ്രാമ-നഗര വ്യത്യാസം കുറഞ്ഞതും മധ്യവര്ഗ്ഗത്തിന്റെ വളര്ച്ചയും ഈ മാറ്റത്തിന്റെ സൂചനയായെന്നും അദ്ദേഹം പറഞ്ഞു. 2025ല് SSLC എഴുതിയവര് 2014-15ല് ഒന്നാം ക്ലാസില് ചേര്ന്നവരാണെന്നും വരാനിരിക്കുന്ന വര്ഷങ്ങളില് മലയാളം മീഡിയം വിദ്യാര്ത്ഥികളുടെ എണ്ണം കുറഞ്ഞേക്കുമെന്നും അദ്ദേഹത്തിന്റെ വിലയിരുത്തല്.
മലയാളം മീഡിയത്തിലെ ഇടിവ് സംസ്ഥാന വികസനത്തിനുതന്നെ ഭീഷണിയാകാമെന്ന് ഐക്യ മലയാള പ്രസ്ഥാനം സംസ്ഥാന കണ്വീനര് ആര്. നന്ദകുമാര് മുന്നറിയിപ്പ് നല്കി. മലയാളവുമായി വിദ്യാര്ത്ഥികള്ക്ക് അടുപ്പമില്ലാത്തത്, നാട്ടിന് പരിസരത്തെ ഭൂമിശാസ്ത്ര-പരിസ്ഥിതി ബോധത്തെ തന്നെ ബാധിക്കുമെന്നാണ് അദ്ദേഹത്തിന്റെ അഭിപ്രായം. ഇംഗ്ലീഷ് പഠിപ്പിക്കുന്നതിനെതിരെ താന് അല്ലെങ്കിലും, ആവശ്യമായ ഇടപെടലുകള് ഇല്ലെങ്കില് പുതിയ സാമൂഹിക-വിദ്യാഭ്യാസ പ്രശ്നങ്ങള് ഉയര്ന്നേക്കുമെന്നാണ് നന്ദകുമാര് മുന്നറിയിപ്പ് നല്കിയത്.
-
india3 days agoമദീനയിലെ ബസ് അപകടം; മരിച്ചവരുടെ കുടുംബങ്ങള്ക്ക് അഞ്ച് ലക്ഷം വീതം ധനസഹായം നല്കുമെന്ന് തെലങ്കാന സര്ക്കാര്
-
india2 days agoപഴയ വാഹനങ്ങള്ക്ക് ഫിറ്റ്നസ് ടെസ്റ്റ് ഫീസ് 10 ഇരട്ടി; കേന്ദ്ര സര്ക്കാരിന്റെ പുതിയ നിയമം പ്രാബല്യത്തില്
-
News3 days agoകമാൽ വരദൂരിൻ്റെ 50 ഫുട്ബോൾ കഥകൾ പ്രകാശിതമായി
-
kerala20 hours agoമലപ്പുറത്ത് എല്ഡിഎഫില് ഭിന്നത; സിപിഎമ്മിനെതിരെ സിപിഐ രംഗത്ത്
-
kerala19 hours agoതദ്ദേശ തെരഞ്ഞടുപ്പില് വൈഷ്ണയ്ക്ക് മത്സരിക്കാം; വോട്ടര് പട്ടികയില് നിന്ന് പേര് നീക്കിയ നടപടി റദ്ദാക്കി
-
kerala20 hours agoശബരിമലയില് സ്പോട്ട് ബുക്കിങ് കുറച്ച് ഹൈക്കോടതി; ദിവസേന 5000 പേര്ക്ക് മാത്രം അവസരം
-
kerala16 hours agoസഹകരണ ബാങ്ക് ക്രമക്കേടില് ബി.ജെ.പി സംസ്ഥാന ജനറല് സെക്രട്ടറി എസ്.സുരേഷ് 43 ലക്ഷം തിരിച്ചടയ്ക്കാന് ഉത്തരവ്
-
kerala22 hours agoബീമാപള്ളി ഉറൂസ്; ശനിയാഴ്ച പ്രാദേശിക അവധി പ്രഖ്യാപിച്ച് തിരുവനന്തപുരം ജില്ലാ കളക്ടര്